Dr Mayar Osman

Dr Mayar Osman Speech therapist, Braille and behavior modification

29/07/2026

‏كلهم يستاهلوا "مبروك"
كلهم يستاهلوا الطبطبة و الحضن بعد سنة معاناة
كلهم يستاهلوا الزغاريط و الفرح، مش بالمجموع، لكن بيهم هما
هما الأبطال اللي عدوا الوقت الصعب (اللي إحنا بنخليه صعب بسبب أفكارنا عن التميز و كليات القمة)
كلهم يستاهلوا يحسوا إن هما مهمين مميزين، مش المجموع أهم منهم
مبروك يا أبطال♥️♥️♥️♥️♥️♥️♥️

🌸 طرق التواصل مع الطفل الحساس 🌸الطفل الحساس مش “دلع”، لكنه بيشعر بكل كلمة ونبرة صوت بشكل أعمق من غيره، وعلشان كده طريقة ...
25/07/2026

🌸 طرق التواصل مع الطفل الحساس 🌸

الطفل الحساس مش “دلع”، لكنه بيشعر بكل كلمة ونبرة صوت بشكل أعمق من غيره، وعلشان كده طريقة التعامل معاه بتفرق جدًا.

💛 اتكلمي معاه بهدوء، وابتعدي عن الصوت العالي.
💛 اسمعي مشاعره قبل ما تطلبي منه يغير سلوكه.
💛 استخدمي كلمات تشجيع بدل اللوم أو المقارنة.
💛 احترمي خوفه أو قلقه، ومتقلليش من إحساسه.
💛 اديله وقت يعبر عن نفسه من غير استعجال.
💛 امدحي مجهوده حتى لو النتيجة مش كاملة.
💛 وفري له بيئة آمنة مليانة حب واحتواء.

🌱 تذكري دائمًا…
الطفل الحساس لما يلاقي احتواء وفهم، بيكبر واثق في نفسه، قادر يعبر عن مشاعره، ويتعامل مع الحياة بشكل صحي.

كل طفل له طريقته الخاصة في التعبير، ودورنا إننا نفهمه قبل ما نحكم عليه.🤍

#التخاطب

❌ لا تُعلِّم طفلك أن يرد الإساءة بالإساءة.حين نقول له:"من يشتمك اشتمه.""ومن يضربك اضربه.""ومن يسرقك اسرقه."فنحن لا نُعلّ...
25/07/2026

❌ لا تُعلِّم طفلك أن يرد الإساءة بالإساءة.
حين نقول له:
"من يشتمك اشتمه."
"ومن يضربك اضربه."
"ومن يسرقك اسرقه."

فنحن لا نُعلِّمه الدفاع عن نفسه، بل نغرس في داخله أن الانتقام هو الحل، وأن الخطأ يُواجه بخطأ أكبر.

التربية السليمة لا تُخرِّج طفلًا ينتقم، بل تُخرِّج إنسانًا يعرف كيف يدافع عن حقه بالحكمة، ويلجأ إلى القانون، ويضبط غضبه، ويفرق بين رد الظلم وبين تقليد الظالم.

فالطفل الذي يتربى على أن الإساءة تُقابل بالإساءة، قد يعتاد مع الوقت على تبرير العدوان، ويصبح أكثر استعدادًا للعنف أو الاعتداء على حقوق الآخرين.

ازرعوا في أبنائكم العدل... لا الانتقام.
وعلِّموهم أن القوة الحقيقية ليست في رد الأذى بمثله، بل في التصرف الصحيح الذي يحفظ الكرامة والحقوق.

🌿 فالتربية التي نبنيها اليوم... هي الشخصية التي سيعيش بها أبناؤنا غدًا.

(من الولادة حتى 6 سنوات): سلوكيات بنفتكرها "قلة أدب" وهي في الحقيقة "نمو طبيعي"كتير مننا بيفتكر إن تصرفات معينة بيعملها ...
09/07/2026

(من الولادة حتى 6 سنوات): سلوكيات بنفتكرها "قلة أدب" وهي في الحقيقة "نمو طبيعي"
كتير مننا بيفتكر إن تصرفات معينة بيعملها الطفل في الطفولة المبكرة هي "سوء سلوك" ومحتاجة تقويم، بس الحقيقة إنها مجرد سمات عمرية طبيعية جداً. مش الطفل اللي محتاج يتربى من جديد، إحنا اللي محتاجين نفهم المرحلة دي أكتر عشان نهدي أعصابنا ونربي بوعي.
1. سلوك الرمي
الطفل لما بيرمي أي حاجة مش بيختبر أعصابك، هو بيدرس فيزياء! بيجرب الجاذبية، المسافة، والحركة.
الحل: صبر، توجيه هادي، وأنشطة بديلة.

2. الضرب ونوبات الغضب (حتى 3 سنين)
الضرب، الصريخ، أو العض؛ هي وسيلة الطفل الوحيدة للتعبير عن مشاعره لأنه لسه معندوش لغة ولا مهارات تواصل كافية.
الحل: تشتيت وتوجيه هادي. الرد بعنف أو ضحك بيجيب نتيجة عكسية.

3. الحركة الزيادة (من الولادة حتى 6 سنين)
الحركة دي طاقة استكشاف وتعلم.
الحل: بدل ما نقول "اقعد"، نوجه الطاقة دي لأنشطة حركية مفيدة.

4. عدم حب المشاركة (حتى 4 سنين)
الطفل في السن ده مبيفهمش يعني إيه مشاركة لأن كل تركيزه على ذاته. "ده ليا" مش أنانية، ده نمو طبيعي.
الحل: المشاركة بتيجي بالقدوة، مش بالإجبار.

5. عدم الاستجابة للنداء
الطفل لما بيركز في حاجة، بيكون في حالة "تركيز عميق" فعلاً مش بيسمع اللي حواليه.
الحل: متندهيش من بعيد، قربي منه وكلميه مباشرة.

6. كلمة "لأ"
مش تحدي، دي محاولة لإثبات الشخصية وبناء الهوية.
الحل: وفري بدائل، واديله فرصة يختار، وبلاش قمع عشان ميخافش ياخد قرار.
فهم السمات العمرية هو "المفتاح الذهبي" لتربية هادية، واقعية، وأقل توتراً.


ساعات بنفتكر إننا عارفين كل حاجة عن أولادنا بس الحقيقة إن جواهم عالم كامل وتفاصيل مش بيقولوها غير لما يحسوا بالأمان وبإن...
15/06/2026

ساعات بنفتكر إننا عارفين كل حاجة عن أولادنا بس الحقيقة إن جواهم عالم كامل وتفاصيل مش بيقولوها غير لما يحسوا بالأمان وبإننا فعلا عايزين نسمعهم
​جربي انهارده بالليل في وقت هادي تاخدي ابنك أو بنتك في حضنك واقعدوا مع بعض واسأليهم الأسئلة دي وسيبيهم يعبروا براحتهم من غير مقاطعة أو لوم:

​1️⃣ إيه أكتر حاجة نفسك تطلبها مني ومن غير ما أتعصب عليك؟
2️⃣ إيه الحاجه اللي حاسس إن مفيش حد فاهمك فيها؟
3️⃣ إيه الحاجه اللي نفسك كل الناس تعرفها عنك؟
4️⃣ إيه الحاجه اللي نفسك نرجع نعملها سوا زي زمان؟
5️⃣ إيه أكتر حاجة بتخليك مبسوط من قلبك؟

الاسئلة دى مناسبة للأطفال من سن 6 أو 7 سنوات فما فوق

اسمعي إجاباتهم بقلبك من غير توجيه او لوم
الإجابات ممكن تفاجئك بس هتكون أول خطوة لتقريب المسافات بينكم

​👇 شاركينا في التعليقات إيه أكتر سؤال حاسة إن إجابته هتفاجئك من ابنك؟

#بيض السمان وحليب الماعز وبخار الأرز والعلاج الشعبي وعلاقتة بالتوحد وتأخر الكلام 🙆🏻‍♀️
24/04/2026

#بيض السمان وحليب الماعز وبخار الأرز والعلاج الشعبي وعلاقتة بالتوحد وتأخر الكلام 🙆🏻‍♀️

� إعلان هامتم فتح باب الحجز لبدء جلسات التخاطب واستقبال حالات جديدة ✨🔹 تقييم شامل ودقيق للحالة🔹 جلسات فردية متخصصة🔹 برام...
23/04/2026

� إعلان هام

تم فتح باب الحجز لبدء جلسات التخاطب واستقبال حالات جديدة ✨

🔹 تقييم شامل ودقيق للحالة
🔹 جلسات فردية متخصصة
🔹 برامج علاجية مصممة لكل طفل
🔹 متابعة مستمرة مع الأسرة لضمان أفضل نتائج

نستقبل حالات:
✔️ تأخر الكلام
✔️ اضطرابات النطق
✔️ ضعف التواصل والفهم
✔️ مشاكل الانتباه المرتبطة بالكلام

💙 لأن كل طفل له طريقته الخاصة… إحنا بنساعده يوصل لصوته بثقة

📩 للاستفسار والحجز: يُرجى إرسال رسالة خاص

15/02/2026

من ٢ لـ ٦ سنوات…أصعب مرحلة على الأم 💔
وأهم مرحلة في عمر الطفل كله

لو فاكرة إن أصعب حاجة في التربية هي المراهقة
أحب أقولك إن اللي بيحصل من ٢ لـ ٦ سنين
هو اللي بيصنع مراهقة ابنك بعد كده
وبيصنع شخصيته وهو كبير وطول حياته

المرحلة دي مش بس مرحلة شقاوة ولا عناد ولا دلع
دي مرحلة تكوين إنسان.

فيها الطفل:
* بيبني شخصيته
* وبيتعلم يحس بإيه؟
* ويفهم نفسه إزاي؟
* ويشوف الدنيا مكان آمن ولا مخيف؟

👶 من سنتين لـ ٣ سنين
مرحلة: أنا لوحدي

الطفل فيها
* عايز يعمل كل حاجة بنفسه
* يقول لأ كتير
* يرفض الأوامر
* يعيط فجأة
* يغضب من أقل حاجة

كتير بيشوف إن ده عناد عند الطفل
لكن ده مش عناد خالص
هو هنا عقله بيقول ليه:
"أنا كبرت… أنا أقدر أعمل وحدي واقدر اقول اه ولاء ،انا بقيت كيان وحدي"

لما نكسر المرحلة دي:
* بالضرب
* أو الصريخ
* أو الإهانة
إحنا بنزرع جواه:
* خوف
* أو ضعف شخصية
* أو عناد حقيقي وأشد

الصح في المرحلة دي
* اختيارات بسيطة (تحب تلبس ده ولا ده؟)
* صبر
* احتواء
* حدود ثابتة بهدوء

🧠 من ٣ لـ ٤ سنين
مرحلة الأسئلة والخيال

الطفل هنا:
* بيسأل ليه وازاي وفين؟ 100 مرة
* يتخيل قصص وحكاوي كتير
* يكذب كذب تخيلي
* يخاف من حاجات مش موجودة

ده مش كذب خالص
دي مهارة مهمة جدا إسمها( التفكير التخيلي)
بيجرب الخيال وبيوسع تفكيره

السخرية أو التخويف هنا:
* بتكسر ثقته
* وتعلمه يخبي بدل ما يواجه
* وتخوفه من الكلام والتعبير عن مشاعرة

الصح هنا
نسمعه ،نجاوب ببساطة ،نطمن ،نفصل بين الخيال والواقع بهدوء

من ٤ لـ ٥ سنين
مرحلة المشاعر الكبيرة

الطفل هنا:
* بيغضب بسرعة
* بيغير
* بيصرخ
* حب امتلاك للأشياء

وده لأنه في المرحلة دي بيحس بمشاعر أكبر من سنه
ومش عارف يعبر عنها لفظياً

وهنا لما نقوله على كل حاجة
عيب، إسكت متتكلمش ،انت مش فاهم...

إحنا بنعلمه:
يكبت أو يعبر بسلوكيات غلط (سلوكيات تعويضيه) عن مشاعرة المكبوته.

الصح هنا
* نسمي له الشعور (إنت زعلان ، انت مضايق..)
* نعلمه التعبير بالكلام عن اللي بيحسه
* نكون نموذج هادي قدامه

من ٥ لـ ٦ سنين
مرحلة القيم وتكوين الضمير والقدوة:

الطفل هنا:
* بيقلد كل حاجة
* بيلاحظ كل تصرف
* بيخزن كلامنا ونبرتنا
* بيتعلم الصح والغلط من غير ما نحس

هو هنا مش محتاج محاضرات
محتاج قدوة
لأن اللي هيشوفه هيبقى هو نفسه

الصح هنا
نراجع نفسنا ،نعتذر لو غلطنا، نحترمه ،نحترم بعض قدامه❤️

الخلاصة..
من ٢ لـ ٦ سنين
ابنك مش بيستفزك
هو بيكبر وبيتكون

مش بيضايقك
هو بيتعلم

مش ضدك
هو محتاجك

وكل سلوك بيعمله
وراه احتياج غير مُلبى

الطفل اللي بيتحضن وهو صغير
ما يكبرش مكسور ولا عدواني ولا تايه

كبروا أولادكم صح
عشان الدنيا أصلا قاسية كفاية 💔

Address

Fakous
Ash Sharqayah

Website

Alerts

Be the first to know and let us send you an email when Dr Mayar Osman posts news and promotions. Your email address will not be used for any other purpose, and you can unsubscribe at any time.

Shortcuts

Share

Category