24/12/2023
السلام عليكم بعد غياب 🖐️
حابه اتكلم عن حاجة ضرورية قابلتني امبارح وهي إن عيان الSTROKE او الجلطات الدماغية مش بيتعالج في البيت وإنه لازم يتواجد في المستشفى علي الأقل 48 ساعة حتي لو الأشعة مش ظاهر فيها حاجة طالما العيان عليه signs للجلطة
حاجة تانية وهي إنه مفيش حاجه اسمها مريض في غيبوبة والأهل يسيبوه في البيت بمبرر ان معاهم ممرضة بتعلقله محاليل ومضاد حيوي وسايبين المريض في coma بقاله 5 ايام وحتي الرايل اللي ركبوها خرجت واكسچين المريض 75 والاقي المريض معاه
bilateral pin point pupil
و positive babinski sign
غير الcoma
ببساطة مريض زي ده متوقع انه يكون دخل في نزيف في جذع المخ او ان الجلطة كبرت ووصلت لجذع المخ فلو معاه كونسلتو دكاتره مينفعش يكون في البيت لإنه محتاج اشعات وتحاليل يوميا وممكن يarrest والتنفس يقف في أي لحظة ولأن علاج الجلطة ممكن يدخله في نزيف والعكس وغير حموضة الدم ومشاكل تانية كتير.
وبعد وجوده في المستشفى انه يعدي من المخاطر دي أو لأ بتكون بنسب وتحكمات إلاهية ولكن بعد ما نكون عملنا اللي علينا علشان لا نُسأل عليه أمام ربنا يوم القيامة.
المريض ده بسبب جهل الأهل لإنهم ناس بسيطة كانوا عاوزين اكتبله علاج في البيت بردو لكن كان الرد حاسم انه مينفعش وفهمتهم خطورة الموقف وخلتهم طلبوا الإسعاف فورا.
نستفاد من الموضوع ده إن في حالات مينفعش تتعالج في البيت غير لما الطبيب المعالج يأكد للأهل علي إمكانية علاجه في البيت وكمان يعرفهم الred flags اللي لو حصلت يبقي المريض مش في تحسن ويتوجهوا بيه للمستشفي.
دمتم بخير ✋💚
