16/05/2026
شعور الغضب 😡
من المشاعر القوية والواضحة…
بس المشكلة الحقيقية مش في وجوده،
المشكلة إننا ساعات ما بنفهموش صح.
فنقول:أنا متعصبة لكن في الحقيقة ممكن نكون:
موجوعين، مخذولين،خايفين ، متجاهَلين
أو متراكم جوانا ضغط كبير.
الغضب أوقات كتير بيكون الواجهة لمشاعر أعمق مستخبية تحتها.
فـامتى أحس بالغضب؟
لما أحس إن:
حقي اتهدد
حد تعدى حدودي
احتياجاتي مش متشافة
اتظلمت
اتضغطت فوق احتمالي
أو في حاجة جوايا محتاجة تتقال وكاتماها.
طيب لما أقول أنا غضبانة… أسأل نفسي:
غضبانة من إيه بالظبط؟
هل من موقف؟
او من شخص؟
او من نفسي؟
ولا من تراكمات قديمة؟
لأن فهم السبب… هو أول خطوة للتعامل الصح. الغضب نفسه مش غلط ، هو مجرد جرس إنذار بيقولك:في حاجة محتاجة انتباه
لكن المهم:
هل هطلعه بشكل يوجعني ويأذي اللي حواليا؟
ولا هفهم رسالته وأتصرف بوعي؟
دور الاسعافات النفسية هنا بتقولك اتعاملي مع غضبك بـ:
بأنك تهدي جسمك الأول.
ماتاخديش قرارات وقت الانفعال
حاولي تعبري بالكلام بدل الانفجار أو الكتمان.
اكتبي اللي جواكي وحاسة بيه
حطي حدود واضحة.
واسالي نفسك: أنا محتاجة إيه دلوقتي فعلا
أوقات كتير…
الغضب مش محتاج حرب،
هو محتاج بس يتفهم عشان نهدية ويعدي بسلام بدون خساير .
#الغضب
#المشاعر
