د/ دعاء مختار - استشاري أمراض المخ والأعصاب والطب النفسي

  • Home
  • Egypt
  • Asyut
  • د/ دعاء مختار - استشاري أمراض المخ والأعصاب والطب النفسي

د/ دعاء مختار - استشاري أمراض المخ والأعصاب والطب النفسي مدرس و استشاري أمراض المخ و الأعصاب و الطب النفسي
دكتوراة الأمراض العصبية المناعية و التصلب المتعدد
كلية الطب - جامعة أسيوط

أول ما أوطي راسي بحس بكهربا بتجري في ضهري ⚡️لو بتحس بصعقة كهربائية مفاجئة تبدأ من الرقبة وتمشي لتحت في الظهر، وأحيانًا ت...
11/08/2026

أول ما أوطي راسي بحس بكهربا بتجري في ضهري ⚡️

لو بتحس بصعقة كهربائية مفاجئة تبدأ من الرقبة وتمشي لتحت في الظهر، وأحيانًا تمتد للذراعين أو الرجلين مع ثني الرقبة لقدام، فده ممكن يكون علامة ليرميت – Lhermitte’s sign 🧠

طيب بتحصل ليه ⁉️
عند ثني الرقبة، بيحصل شد بسيط على الحبل الشوكي.
ولو فيه تأثر أو التهاب أو تلف في المسارات الحسية، خصوصًا الـdorsal columns بالحبل الشوكي العنقي، ممكن يظهر الإحساس ده بسبب زيادة قابلية الألياف العصبية للاستثارة⚡️

أشهر الأسباب ⬇️
🔹 التصلب المتعدد MS.
🔹 اعتلال أو ضغط الحبل الشوكي العنقي.
🔹 التهاب الحبل الشوكي.
🔹 نقص فيتامين B12.
🔹 إصابات الحبل الشوكي.

لكن مهم علامة ليرميت مش تشخيص لمرض معين، ومش معناها تلقائيًا إن عندك MS ⚠️

ولو الإحساس جديد أو متكرر، خصوصًا لو مصحوب بتنميل، ضعف، عدم اتزان أو مشاكل في المشي، فالأفضل تقييمه عند طبيب مخ وأعصاب 🥼

💡 الخلاصة
الكهربا مع ثني الرقبة علامة لها تفسير عصبي … والمهم نعرف سببها⚡️🧠

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

😔 أنا عارف إن الفكرة غير منطقية & لكن مش قادر أمنعها😔 لازم أتأكد مرة كمان يمكن أكون نسيت😔 غسلت إيدي أكتر من مرة ولسه حاس...
06/08/2026

😔 أنا عارف إن الفكرة غير منطقية & لكن مش قادر أمنعها
😔 لازم أتأكد مرة كمان يمكن أكون نسيت
😔 غسلت إيدي أكتر من مرة ولسه حاسس إنها مش نظيفة

⬅️ كتير من الناس بيختصروا الوسواس القهري في فكرة النظافة أو الترتيب، لكن علميًا الموضوع أكبر وأعمق من كده بكتير.

🔎 الوسواس القهري (OCD) هو اضطراب نفسي - عصبي بيسبب الرغبة المستمرة في الدخول في دايرة مغلقة من القلق والأفكار الغير المرغوب فيها، ومش مجرد مبالغة في النظافة أو الحرص أو ضعف في الإيمان أو الشخصية زي ما بعض الناس بتعتقد.

🧠 الوسواس القهري عبارة عن حلقة مفرغة من طرفين:
1️⃣ الوساوس أو الهواجس ( Obsessions ):
الأفكار المتطفلة اللي بتسيطر على العقل (زي الخوف من التلوث، أو إيذاء النفس، أو ارتكاب خطأ ما، أو أفكار دينية أو جنسية متطرفة)
>> الأفكار دي بتولد قلق وضيق نفسي شديد.

2️⃣ السلوك القهري أو الأفعال القهرية ( compulsions):
هي الأفعال اللي بيحاول بيها المريض تقليل القلق الناتج عن الوساوس (زي غسل اليدين بشكل متكرر - التفتيش المستمر - تكرار الكلمات - العد)
المشكلة إن الأفعال دي بتوفر راحة مؤقتة، ولكن بتعزز الدايرة المرضية في المخ وتقويها مع الوقت.

هل هو مرض نفسي ولا مجرد عادة ⁉️
نعم، هو اضطراب له أساس بيولوجي وعصبي كيميائي (خلل في السيروتونين والدوبامين) وبيحتاج لعلاج مش بس إرادة.

طيب له علاج ⁉️
أكيد، والنتايج مرضية جدًا، الوسواس القهري من أكثر الأمراض النفسية استجابة للعلاج، خاصة الجمع بين العلاج السلوكي المعرفي (CBT) والدعم الدوائي المناسب تحت إشراف طبي، لإعادة ضبط النواقل العصبية في الدماغ والتقليل من حدة القلق والوسواس.

✔️ احجز استشارتك دلوقتي؛ لإن خطوات بسيطة كفيلة ترجعلك الهدوء والسيطرة على حياتك من تاني.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

أنا بشوف الحاجة اتنين 👀ازدواجية الرؤية (Double Vision) مش عرض طبيعي، خاصة لو ظهرت فجأة أو بدأت تتكرر ❌ ⚠️ المفاجأة إن كت...
04/08/2026

أنا بشوف الحاجة اتنين 👀

ازدواجية الرؤية (Double Vision) مش عرض طبيعي، خاصة لو ظهرت فجأة أو بدأت تتكرر ❌

⚠️ المفاجأة إن كتير من الناس أول ما يشوفوا الحاجة اتنين ... يفتكروا إن المشكلة في العين، ويؤجلوا زيارة طبيب المخ والأعصاب.

لكن الحقيقة إن ازدواجية الرؤية الحقيقية قد تكون أول علامة على مشكلة في المخ أو الأعصاب.

📌 إزاي نعرف إنها ازدواجية رؤية حقيقية؟
أول سؤال أي طبيب مخ وأعصاب بيسأله هو:
"لما تقفل عين واحدة... الازدواجية بتختفي؟"

✅ إذا اختفت عند تغطية إحدى العينين، فده غالبًا يعني ازدواجية رؤية حقيقية ناتجة عن عدم اتزان حركة العينين، وكثيرًا ما يكون السبب مشكلة في المخ أو الأعصاب، مثل:
🔹شلل أحد الأعصاب المحركة للعين (الثالث أو الرابع أو السادس).
🔹الوهن العضلي الوبيل (Myasthenia Gravis).
🔹التصلب المتعدد (Multiple Sclerosis)، خاصة في صغار السن.
🔹السكتات الدماغية.
🔹بعض أورام المخ.
🔹ارتفاع ضغط المخ.
🔹إصابات الرأس.

إمتى تتوجه للطوارئ فورًا ⁉️
إذا ظهرت ازدواجية الرؤية فجأة، خصوصًا إذا صاحبها:
⛔️ صداع شديد.
⛔️ ضعف في الذراع أو الساق.
⛔️ صعوبة في الكلام.
⛔️ ارتخاء في الجفن.
⛔️ اختلاف في حجم حدقتي العين.
⛔️ دوخة شديدة أو فقدان الاتزان.

فهنا لا تنتظر ... توجّه للطوارئ فورًا ⚠️

💊 طب إيه العلاج؟
في كثير من الحالات، علاج السبب الأساسي يؤدي إلى اختفاء ازدواجية الرؤية بالكامل أو تحسنها بشكل كبير، لذلك الوصول للتشخيص الصحيح هو أهم خطوة في العلاج.

💬 الرسالة الأهم
إذا بدأت تشوف الحاجة اتنين ... ما تعتبرهاش إرهاقًا و ما تستناش تختفي لوحدها.

🚨قد تكون مجرد مشكلة بسيطة، لكنها أيضًا قد تكون أول إنذار لمرض عصبي يحتاج إلى تشخيص وعلاج مبكر.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

⚡ ألم شديد في الوجه أو الأسنان... ومفيش سبب واضح؟من الأعراض اللي ناس كتير متعرفهاش إن بعض مرضى التصلب المتعدد ممكن يجيله...
27/07/2026

⚡ ألم شديد في الوجه أو الأسنان... ومفيش سبب واضح؟

من الأعراض اللي ناس كتير متعرفهاش إن بعض مرضى التصلب المتعدد ممكن يجيلهم ألم العصب الخامس، وده واحد من أشد أنواع آلام الأعصاب.

إزاي بيكون؟
⚡ كأنه صدمة كهربا في الوش.
⚡ بيستمر ثواني أو دقائق، لكن شدته بتكون كبيرة جدًا.
⚡ ممكن يتكرر أكتر من مرة في اليوم.
⚡ أحيانًا ييجي مع المضغ، أو الكلام، أو غسل الوش، أو حتى تنظيف الأسنان.

📍 وبيكون فين؟
غالبًا في ناحية واحدة من الوجه، وممكن تحس إنه في:
🦷 الأسنان أو الفك العلوي أو السفلي.
😊 الخد.
👄 اللثة أو الشفايف.
👁️ حوالين العين أو الأنف.

وعشان كده، ناس كتير تفتكر إن المشكلة في الأسنان، وتروح لطبيب الأسنان أكتر من مرة، وفي الآخر يطلع الضرس سليم!

📌 ليه بيحصل؟
لأن التصلب المتعدد ممكن يسبب التهابًا في المنطقة اللي بيدخل منها العصب الخامس إلى جذع المخ، فيبدأ العصب يبعث إشارات ألم غير طبيعية.

❗ معلومة مهمة جدًا:
رغم إن ألم العصب الخامس ليه أسباب كتير، إلا إنه في نسبة صغيرة من المرضى (حوالي 2–5%) ممكن يكون أول عرض أو أول هجمة للتصلب المتعدد، قبل ما تظهر أي أعراض تانية.

ولو الألم ده صاحبه زغللة في العين، أو تنميل، أو ضعف في الأطراف، أو عدم اتزان... يبقى لازم تراجع طبيب مخ وأعصاب.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

🩺 مش كل انزلاق غضروفي ،،، نهايته عملية !أول ما حد يعرف إن عنده انزلاق غضروفي، أول سؤال بيجي في باله: (يعني هعمل عملية؟)↩...
23/07/2026

🩺 مش كل انزلاق غضروفي ،،، نهايته عملية !

أول ما حد يعرف إن عنده انزلاق غضروفي، أول سؤال بيجي في باله: (يعني هعمل عملية؟)

↩️ الحقيقة إن أغلب حالات انزلاق غضروف الرقبة أو أسفل الظهر بتتحسن من غير جراحة، مع العلاج المناسب والالتزام بتعليمات الطبيب.

العلاج ممكن يشمل:
✅ أدوية لتخفيف الألم حسب الحالة.
✅ علاج طبيعي وتمارين مناسبة.
✅ تعديل بعض العادات اليومية وتجنب الحركات اللي بتزود الألم.

💡 وفي الحقيقة، معظم المرضى بيبدأوا يحسوا بتحسن خلال أسابيع مع العلاج المناسب، من غير أي تدخل جراحي.

>> لكن في حالات بيكون التدخل الجراحي هو الحل الأفضل، زي:
🔴 ضعف واضح أو بيزيد في قوة الذراع أو الرجل.
🔴 فقدان التحكم في البول أو البراز، أو فقدان الإحساس بمنطقة ما بين الفخذين، ودي حالة طارئة لازم تتقيم فورًا.
🔴 ألم شديد مستمر ومؤثر على الحياة اليومية، ومبيتحسنش رغم العلاج المناسب.

📌 بالتالي👇
قرار العملية بيتاخد بعد تقييم الأعراض، والكشف العصبي، ونتيجة الأشعة مع بعض، مش بناءً على الرنين المغناطيسي بس.

السؤال التاني المهم ( ليه بقينا بنشوف الانزلاق الغضروفي كتير في السن الصغير؟)

من أهم العوامل اللي بتزود ظهور الأعراض وآلام الظهر:
📱 استخدام الموبايل لساعات طويلة.
💻 الجلوس لفترات طويلة في الشغل أو المذاكرة.
🏋️ حمل أوزان أو ممارسة الرياضة بطريقة غلط.
⚖️ زيادة الوزن.
🚭 التدخين.
💪 ضعف عضلات الظهر والبطن وقلة الحركة.
🧬 وأحيانًا بيكون فيه استعداد وراثي.

📌 النصيحة الأهم :
✔️ حافظ على وزنك، اتحرك بانتظام، ومتأجلش الكشف لو عندك أعراض.

✔️ العلاج المناسب في الوقت المناسب هو أفضل وسيلة لتجنب المضاعفات، ومش كل انزلاق غضروفي محتاج عملية.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

🏃‍♀️ ممكن مريض التصلب المتعدد يمارس الرياضة؟❌ زمان كان فيه اعتقاد إن مريض التصلب المتعدد لازم يرتاح ويتجنب أي مجهود.✔️ ل...
20/07/2026

🏃‍♀️ ممكن مريض التصلب المتعدد يمارس الرياضة؟

❌ زمان كان فيه اعتقاد إن مريض التصلب المتعدد لازم يرتاح ويتجنب أي مجهود.

✔️ لكن الحقيقة إن الرياضة بقت جزءًا مهمًا من الرعاية الشاملة لمريض التصلب المتعدد، طالما بتتعمل بالطريقة المناسبة.

✅ ممارسة الرياضة بانتظام ممكن تساعد على:
💪 تحسين قوة العضلات.
⚖️ تحسين التوازن وتقليل خطر السقوط.
🚶 تحسين القدرة على المشي والحركة.
😴 قد تساعد في تقليل الإرهاق المرتبط بالمرض.
😊 تحسين الحالة النفسية وتقليل التوتر.
❤️ تحسين اللياقة البدنية والحفاظ على صحة القلب والعظام.

طيب، إيه أفضل رياضة؟

✔️ المشي.
✔️ السباحة أو التمارين المائية.
✔️ ركوب الدراجة الثابتة.
✔️ تمارين المقاومة باستخدام أوزان خفيفة أو أشرطة مطاطية.
✔️ تمارين الإطالة والمرونة.
✔️ تمارين التوازن.
✔️ اليوجا أو التاي تشي حسب قدرة كل مريض.

🏋️ علاج طبيعي ولا جيم؟

الاثنين ممكن، لكن حسب حالة كل مريض.

🔹 لو عندك ضعف في الحركة، أو مشاكل في التوازن، أو لسه خارج من هجمة، فالأفضل تبدأ مع أخصائي العلاج الطبيعي، لأنه هيقيّم حالتك ويحدد التمارين المناسبة ليك.

🔹 أما لو حالتك مستقرة، فممكن تمارس التمارين في الجيم أو في البيت.

⚠️ لكن خد بالك من شوية نصائح مهمة:

🔹 ابدأ بالتدريج، ومتقارنش نفسك بحد، وزود شدة التمرين حسب قدرتك.
🔹 لو بتلاحظ إن أعراضك بتزيد مؤقتًا مع ارتفاع حرارة الجسم، مارس الرياضة في مكان بارد أو مكيف، أو في الصباح الباكر أو بعد غروب الشمس.
🔹 اشرب كمية كافية من المياه قبل وبعد التمرين.
🔹 لو حسيت بإجهاد شديد أو دوخة، ارتاح واستكمل التمرين لما تتحسن.

💙 افتكر👇
الرياضة مش سباق، ومش الهدف منها إنها ترهقك،

الهدف إنك تفضل متحرك، وتحافظ على قوتك واستقلاليتك، وتستمتع بجودة حياة أفضل.

🌿 كل خطوة بتاخدها النهارده، هي استثمار في صحتك بكرة.

✍️ قولنا في التعليقات، إيه أكتر رياضة بتحبها أو نفسك تبدأ تمارسها؟

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – عيادات العربي التخصصية - شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

❓ آخر مرة قست فيها ضغطك كانت إمتى؟ولو كان عالي... هل تابعت مع طبيب، ولا قلت: "أكيد من التوتر وهيعدي"؟🧠 جلطة المخ مش بتبد...
16/07/2026

❓ آخر مرة قست فيها ضغطك كانت إمتى؟
ولو كان عالي... هل تابعت مع طبيب، ولا قلت: "أكيد من التوتر وهيعدي"؟

🧠 جلطة المخ مش بتبدأ في لحظة... أحيانًا بتبدأ بضغط دم مرتفع مهمل لسنين.

⛔️ كتير من الناس فاكرين إن الجلطة بتحصل فجأة، لكن الحقيقة إن ارتفاع ضغط الدم غير المسيطر عليه هو أهم عامل خطر للإصابة بالسكتات الدماغية.

مع الوقت، ضغط الدم المرتفع بيأذي الأوعية الدموية بالمخ، وده ممكن يؤدي إلى جلطة بالمخ بسبب انسداد أحد الشرايين، أو نزيف بالمخ بسبب انفجار أحد الأوعية الدموية.

⚠️ والأخطر من كده إن فيه جلطات صامتة (Silent Strokes) ممكن تحصل من غير أعراض واضحة وقت حدوثها، لكن مع مرور الوقت قد تظهر في صورة:
🟣 ضعف في الذاكرة أو النسيان.
🟣 بطء في التفكير أو صعوبة في التركيز.
🟣 اضطراب في الاتزان أو المشي.
🟣 زيادة خطر الإصابة بجلطة أكبر أو بالخرف الوعائي مستقبلًا.

❓ إزاي تحمي نفسك؟
✅ قِس ضغط الدم بانتظام، حتى لو مفيش أي أعراض.
✅ التزم بأدوية الضغط يوميًا حتى لو الضغط بقى طبيعي.
✅ قلل الملح في الطعام.
✅ سيطر على السكر والكوليسترول، وامتنع عن التدخين.
✅ حافظ على وزن صحي، ومارس الرياضة بانتظام.
✅ راجع طبيب المخ والأعصاب لو بدأت تلاحظ ضعفًا في الذاكرة أو التركيز، أو عندك تاريخ عائلي للإصابة بالجلطات.

🚨 افتكر... ارتفاع ضغط الدم غالبًا لا يسبب أعراضًا، وأحيانًا بتكون أول مضاعفاته هي الجلطة. ف ما تستناش الأعراض، لأن الوقاية خير من العلاج.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراه الأمراض العصبية المناعية والتصلب المتعدد – كلية الطب – جامعة أسيوط.

🌎 العنوان:
📍 أسيوط: برج أسيوط الطبي – ميدان شيكوريل – الدور السادس (يوجد أسانسير)
📞 01035446835 – 01500801030

📍 ملوي: عيادات العربي التخصصية - شارع الجمهورية – متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان
📞 01222694027 – 0862572513 – 01027091179

🎉 أقرب إليكم دائماً .. بمناسبة افتتاح الفرع الثاني للعيادة بمدينة ملوي 🎉يسعدنا أن نكون أقرب إلى أهلنا في محافظة المنيا، ...
13/07/2026

🎉 أقرب إليكم دائماً .. بمناسبة افتتاح الفرع الثاني للعيادة بمدينة ملوي 🎉

يسعدنا أن نكون أقرب إلى أهلنا في محافظة المنيا، لنقدم رعاية طبية متخصصة في أمراض المخ والأعصاب والطب النفسي، وفق أحدث المعايير والإرشادات الطبية العالمية.

💜 واحتفالًا بافتتاح فرع ملوي، يسعدنا تقديم خصم 50% على الكشف في فرعي أسيوط وملوي لجميع محاربي التصلب المتعدد (MS)، تقديرًا لهم، ودعمًا لاستمرار المتابعة الطبية المتخصصة، لأن الرعاية المستمرة تصنع الفرق.

🩺 خدمات العيادة

🟣 التشخيص والمتابعة المتخصصة للأمراض العصبية المناعية

وفق أحدث الإرشادات والبروتوكولات العلاجية العالمية، وتشمل:
✅ التصلب المتعدد (MS)
✅ التهاب العصب البصري والنخاع الشوكي (NMOSD)
✅ مرض MOGAD
✅ التهابات الدماغ والحبل الشوكي المناعية
✅ الوهن العضلي
✅ اعتلالات الأعصاب والعضلات المناعية

🟣 تشخيص وعلاج أمراض المخ والأعصاب والطب النفسي

✅ الجلطات ونزيف المخ
✅ الصداع بأنواعه
✅ الصرع واضطرابات كهربية المخ
✅ اضطرابات الحركة والشلل الرعاش
✅ اعتلالات الأعصاب الطرفية
✅ آلام الرقبة والظهر وأمراض العمود الفقري
✅ اضطرابات الذاكرة والخرف
✅ أمراض المخ والأعصاب لدى الأطفال
✅ الاكتئاب، والقلق، والوسواس القهري، واضطرابات النوم، وغيرها من الاضطرابات النفسية

✨ ليه تختار عيادتنا؟

💻 ملف طبي إلكتروني متكامل لحفظ التاريخ المرضي، والروشتات، والتحاليل، والأشعات، بما يضمن سهولة ودقة المتابعة في كل زيارة.

📋 خطة علاج ومتابعة فردية يتم إعدادها لكل مريض وفق أحدث الأدلة العلمية والبروتوكولات العلاجية.

🤝 متابعة مستمرة لضمان أفضل استجابة للعلاج والإجابة عن استفسارات المرضى خلال رحلة العلاج.

🌷 يسعدنا استقبالكم، ونتطلع إلى تقديم رعاية طبية متخصصة تليق بثقتكم.

👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

😔 بتصحى بالليل على حرقان في رجليك؟😔 أو بتحس بتنميل... أو كأنك ماشي على إسفنج ومش حاسس بالأرض؟❌ متعتبرش دي أعراض عادية وت...
09/07/2026

😔 بتصحى بالليل على حرقان في رجليك؟

😔 أو بتحس بتنميل... أو كأنك ماشي على إسفنج ومش حاسس بالأرض؟

❌ متعتبرش دي أعراض عادية وتهملها.

لو عندك سكر، فدي ممكن تكون من أول علامات تأثر الأعصاب بسبب السكر.

💡 ومعلومة يمكن متعرفهاش...

أحيانًا اعتلال الأعصاب بيكون أول علامة تكشف وجود مرض السكر، فيشتكي المريض من التنميل أو الحرقان قبل ما يعرف أصلًا إنه مصاب بالسكر.

💡 وفي سبب تاني مهم لازم ناخد بالنا منه...

بعض مرضى السكر، خصوصًا اللي بيستخدموا الميتفورمين لفترات طويلة، ممكن يحصل عندهم نقص في فيتامين B12، وده برضه ممكن يسبب تنميل أو حرقان وضعف في الإحساس بالأطراف.

عشان كده متفترضش إن كل تنميل سببه السكر، لأن العلاج الصح بيبدأ بمعرفة السبب الحقيقي.

👩‍⚕️ ليه دايمًا بننصح كل مريض سكر بمتابعة دورية مع دكتور الأعصاب؟

لأن ارتفاع السكر لفترات طويلة ممكن يؤدي إلى تلف تدريجي في الأعصاب والأوعية الدموية الدقيقة اللي بتغذيها، وممكن يبدأ التلف في مراحله الأولى من غير أعراض واضحة.

وكل ما اكتشفناه بدري، كانت فرصة السيطرة عليه وتقليل مضاعفاته أفضل.

💡 أشهر أنواع اعتلال الأعصاب السكري:

📌 اعتلال الأعصاب الطرفية (الأكثر شيوعًا)
وبيبدأ غالبًا في القدمين ثم اليدين، ومن أعراضه:
✔️ تنميل أو وخز.
✔️ حرقان، خاصة بالليل.
✔️ ضعف أو فقدان الإحساس بالقدمين، وده أخطر عرض لأنه ممكن يسبب جروح أو قرح بالقدم من غير ما المريض يحس بيها.

📌 اعتلال الأعصاب اللاإرادية
وبيأثر على الأعصاب اللي بتتحكم في أعضاء الجسم، وممكن يسبب:
🔹 دوخة أو هبوط في الضغط عند الوقوف.
🔹 بطء في حركة المعدة مع غثيان أو قيء أو انتفاخ.
🔹 اضطرابات في المثانة.
🔹 ضعف الانتصاب عند الرجال.

📌 الاعتلال العصبي البؤري
وده أقل شيوعًا، وبيحصل نتيجة تأثر مفاجئ بعصب واحد، زي بعض أعصاب العين فيسبب ازدواج الرؤية، وأحيانًا ممكن يؤثر على العصب السابع.

✅ إزاي تحمي أعصابك؟

✔️ حافظ على السكر التراكمي في المعدل اللي يحدده طبيبك، لأنه أهم خطوة لحماية الأعصاب.

✔️ لو بتستخدم الميتفورمين لفترة طويلة، اسأل طبيبك إذا كنت محتاج تعمل تحليل فيتامين B12.

✔️ متتجاهلش أي تنميل أو حرقان أو فقدان للإحساس، حتى لو كان بسيط.

✔️ اعمل متابعة دورية مع دكتور الأعصاب، لأن التشخيص المبكر بيساعد في تقليل المضاعفات والحفاظ على الأعصاب.

✔️ متعتمدش على المسكنات العادية لعلاج ألم الأعصاب، لأن ليه أدوية مخصصة تختلف عن المسكنات التقليدية، والطبيب هو اللي بيحدد الأنسب لكل حالة.

🧠 لو عندك تنميل أو حرقان مستمر في القدمين، سواء كنت مريض سكر أو لسه متشخصتش، متستناش لحد ما المشكلة تكبر.

الكشف المبكر ممكن يساعد في اكتشاف السبب الحقيقي، وعلاجه في الوقت المناسب، ويحافظ على أعصابك وجودة حياتك.
👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

🧠 NMO ولا MS ⁉️فيه مرضى بيبدأوا رحلة التشخيص على إنهم مصابين بـ التصلب المتعدد (MS)...لكن مع الوقت، وبعد فحوصات أكتر، يك...
06/07/2026

🧠 NMO ولا MS ⁉️
فيه مرضى بيبدأوا رحلة التشخيص على إنهم مصابين بـ التصلب المتعدد (MS)...

لكن مع الوقت، وبعد فحوصات أكتر، يكتشفوا إن التشخيص الحقيقي هو التهاب العصب البصري والحبل الشوكي (NMO).

وده لأن المرضى ممكن يتشابهوا جدًا في بداية الأعراض، والفرق بينهم أحيانًا ما بيبانش إلا مع تطور الحالة أو بعد ظهور نتائج فحوصات متخصصة.

🔴 بعض المرضى بيبدأوا بـ:
👁️ فقدان أو تشوش شديد في النظر.
🦵 ضعف أو تنميل في الذراعين أو الرجلين.
🚶صعوبة في المشي بسبب التهاب الحبل الشوكي.

وفي مرضى تانيين، البداية بتكون بأعراض محدش يتوقع إنها مرض عصبي، زي:
🤢 قيء متكرر بدون سبب واضح.
😣 زغطة (حازوقة) مستمرة لأيام أو أسابيع.
🤮 غثيان شديد لا يستجيب لأدوية المعدة.

وممكن كمان تظهر أعراض تانية، زي:
⚡ آلام شديدة أو إحساس يشبه الكهرباء.
🚽 صعوبة أو فقدان التحكم في البول أو التبرز.
😵 دوخة أو ازدواج في الرؤية.
🖐️ حكة شديدة أو مؤلمة من غير سبب جلدي واضح.
😴 نعاس شديد أو اضطراب في النوم في بعض الحالات.

ولأن الأعراض متنوعة جدًا، ممكن المريض يلف على أكتر من تخصص...
👁️ طبيب عيون...
🤢 طبيب باطنة أو جهاز هضمي...
🦴 طبيب عظام...
قبل ما يوصل في النهاية لطبيب الأعصاب، ويتم تشخيصه بشكل صحيح.

ومع مراجعة الحالة، ممكن الطبيب يلاحظ إن في حاجات مش بتتماشى مع تشخيص MS...

🔹 الرنين المغناطيسي مش بالشكل المعتاد.
🔹 بذل النخاع يطلع سلبي في حالات كتير.
🔹 التهاب العصب البصري أو الحبل الشوكي يكون أشد من المتوقع.

وساعتها بيطلب تحاليل متخصصة، أهمها AQP4-IgG، وأحيانًا MOG-IgG، علشان يفرق بين MS وNMO.

⚠️ طيب... ليه مهم نفرق بينهم؟
لأن العلاج مختلف تمامًا.
بعض الأدوية المستخدمة لعلاج MS ممكن تزود هجمات NMO بدل ما تمنعها.

وفي الهجمات الشديدة، ممكن نحتاج بالإضافة إلى الكورتيزون جلسات فصل البلازما بسرعة، للحفاظ على النظر أو الحركة.

والخبر المطمئن إن بقى فيه علاجات حديثة وفعالة جدًا مخصصة لمرض NMO، وبتقلل بشكل كبير من تكرار الهجمات وتحافظ على جودة الحياة... لكن أول خطوة للاستفادة منها هي التشخيص الصحيح.

💙 رسالتنا لكل مريض:
حتى لو رحلة التشخيص كانت طويلة أو معقدة، متفقدش الأمل.

النهارده بقى عندنا وسائل تشخيص أدق، وعلاجات أحدث وأكثر فاعلية، وكل ما اتشخص المرض بدري وبدأ العلاج المناسب، زادت فرص الحفاظ على النظر، والحركة، وجودة الحياة.

التشخيص الصح مش نهاية الرحلة... ده بداية حياة أفضل. 🌿

-------------------------------
👩‍⚕️ د. دعاء مختار
🩺 مدرس واستشاري أمراض المخ والأعصاب والطب النفسي
🎓 دكتوراة الأمراض العصبية المناعية والتصلب المتعدد – كلية الطب، جامعة أسيوط.

🌎 العنوان:
📍 أسيوط – برج أسيوط الطبي – ميدان شيكوريل – الدور السادس (يوجد أسانسير)

📞 للحجز والاستفسار:
01035446835 – 01500801030

📍 ملوي – شارع الجمهورية متفرع من ميدان الثانوية بنات – بجوار مركز ابن سينا للحضانات – أعلى هايبر ماركت خير زمان

📞 للحجز والاستفسار:
01222694027 – 0862572513 – 01027091179

Address

أسيوط_برج أسيوط الطبي/ميدان شيكوريل/الدور الساس
Asyut

Website

Alerts

Be the first to know and let us send you an email when د/ دعاء مختار - استشاري أمراض المخ والأعصاب والطب النفسي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category