دكتور اطفال المنصورة

11/05/2026

طفله 40 يوم
الجده أكلتها محشي وقلقاس وجايه تقنعني يجيبوا لها معزه 🐐 يشربوها لبنها بدل اللبن الصناعي و لبن امها علشان خفيف 🤦🤦🤦

10/05/2026

09/05/2026

📩 💌 رسالة لكل أم
لو أشتريتى ألف لعبة لطفلك برضو هيسيبهم ويلعب بأعصابك 😌😂

07/05/2026

شاركونا بصور لوجبات الافطار و الغذاء اللي بتقدموها لأطفالكم وعمرهم قد إيه 😍
او علي الأقل مقترحات للوجبة
وبالله عليكم ممنوع الطفل يخرج من البيت بدون إفطار علشان صحته و مناعته و نموه لأني اكتشفت ان معظم الأمهات بتستسهل الكيك و العصير و المولتو تحطهم في شنطه اطفالهم وخلاص وده سبب رئيسي لتكرار التعب 😢😢
وهنشارك معاكم في الكومنتات باقتراح وجبات غذائية مناسبه ليهم

26/04/2026

ده تلخيص لمعظم أمراض الصيف و طرق الوقايه منها 😍😍😍
مع بداية الصيف في شوية مشاكل بتظهر أكتر عند الأطفال ☀️👶

1) فقدان الشهية 🍽️ 😢
في الحر الطفل شهيته بتقل، لأن الجو السخن بيخليه أقل رغبة في الأكل، وأحيانًا يكتفي بالسوائل أو الحلويات الباردة.
الحل:
نقدم أكل خفيف وصغير الكمية، ونقلل الحلويات والعصاير قبل الأكل. ✅

2) قلة شرب المياه 💧
في الشتاء الطفل بيتعود على شرب كميات قليلة، ومع بداية الصيف لو ما زودناش السوائل ممكن يحصل:
جفاف، خمول، صداع، إمساك، وقلة التبول. 😓
الحل:
نعرض المياه على الطفل باستمرار، ونزود الفواكه الغنية بالمياه. 🍉🍊

3) الإمساك 🚽
بيزيد في الصيف غالبًا بسبب قلة شرب المياه، وتغيير الروتين، وقلة الألياف.
الحل:
مياه أكتر + خضار وفاكهة + تعويد الطفل يدخل الحمام بانتظام. 🥦🍎

4) النزلات المعوية 🤢
بتزيد في الصيف بسبب فساد الأكل بسرعة، أو تناول أكل ومياه ملوثة، أو ضعف الاهتمام بغسل اليدين.
الوقاية:
غسل اليدين، شرب مياه نظيفة، وحفظ الأكل كويس. 🧼💦

5) التهابات مجرى البول 🚻
من الحاجات اللي ممكن تزيد في الصيف، وده بيحصل بسبب قلة شرب المياه واحتباس البول لفترات طويلة، فالبكتيريا تلاقي فرصة تتكاثر أكتر.
وكمان العرق والحر أحيانًا بيزودوا التهيج عند بعض الأطفال.
الوقاية:
نشجع الطفل يشرب مياه، ومايأجلش الحمام، ونهتم بالنظافة وتغيير الملابس الداخلية بانتظام. 👌

يعني باختصار بداية الصيف معناها لازم نهتم بـ المياه 💧 + الأكل الخفيف 🍽️ + النظافة 🧼 + دخول الحمام بانتظام 🚽

13/04/2026

للعلم للأهمية ☠️ ☠️☠️
متاح مصل التسمم بالفسيخ في كل منافذ الوزارة ومراكز السموم مجانا (اصلا الـ 6 فيال بـ 35000 جنيه)

اعراض التسمم لتتحرك فورا:
* زغللة الرؤية او درجة من الحول يلاحظها الآخرون.
* رؤية مزدوجة في كل عين.
* نهجان وضيق تنفس.
* شلل متدرج باحد الاطراف يبدأ بخدر، تنميل، صعوبة الحركة، شلل تام غير مرتجع.
* الم بالصدر.
* قفشة بالبطن وكركبة غازات واسهال.
* فقد التركيز.
* رعشة باحد الاطراف.
* طنين بالاذن.
* وهن وثقل ووخم.
* قئ او رغبة فيه (غثيان).
* هذيان.
* صعوبة التبول.

* والافضل الا تتجاهل اية اعراض غريبة او جديدة.
* تحرك فورا، لان الدقيقة بتفرق.
* لا عبرة للوقت المنقضي بعد الاكل.
* اذا التحم السم بنسيج الجهاز العصبي المركزي، فلا مضاد له، ولكن المصل يمنع المزيد.

رقم الطوارئ 16474

12/04/2026

الفسيخ و الرنجه للاطفال و المرضعات و الحوامل

01/04/2026

الغالية اللي بسببها مكنش فيه غياب في المدارس زمان 😍🤣🤣

31/03/2026

أي تطعيم إضافي مفيد قولا واحد .. لو تقدر تديه لاطفالك متتأخرش .. التطعيمات غير ضارة اطلاقا

روتا .. بيحمي من اكثر من ٧٠٪ من النزلات المعوية اللي تؤدي للجفاف.

انفلونزا.. بيحمي من أخطر سلالاات الانفلونزا اللي بتعنل دور برد رخم وممكن في الاطفال يقلب بالتهاب رئوي حاد.

مكورات .. بتاخد حماية ضد اكتر بكتريا بتعنل التهاب رئوي حاد و التهاب اذن وسطى وجيوب انفية والتهاب سحائي.

التهاب سحائي .. بتاخد حماية لطفلك مع المكورات ضد اخطر بكتيريا تصيب المخ والاغشية السحائية وقد تسبب اعاقة مزمنة.

دول أهم ٤ تطعيمات إضافية أنصح بهم كل أم.

الكبدي و الجديري .. ما زلت أرى انهم اختياري لانه الخطورة لا تزيد عن ٠.٥٪

د محمود عبدالغني ليله
أخصائي طب الأطفال وحديثى الولادة
مستشفي المنصورة التخصصي

30/03/2026

انواع تطعيمات الالتهاب السحائي 👌👌👌

✅لقاح سحائي نيمنركس Nimenrix

شركة فايزر بلجيكا

لقاح الحمي الشوكية الوحيد الذي يبدأ من عمر 6 اسابيع
جرعات لقاح نيمنركس كالتالي :
-من عمر 6 اسابيع الي عمر 6 شهور : جرعتين بينهم شهرين علي الاقل وجرعة منشطة عند عمر 12 شهر.
- من عمر 6شهور الي 12شهر : جرعة واحدة وجرعة اخري منشطة عند عمر 12 شهر علي أن يكون الفارق بين الجرعتين شهرين علي الاقل .
- من عمر سنة والأطفال والبالغين والكبار : جرعة واحدة فقط .
يوفر تطعيم نيمنركس حماية مدي الحياة من مرض الحمي الشوكية ( السحائي) .
لا يحتاج الي إعادة التطعيم كل ثلاث سنوات .

✅لقاح منكترا Menctra

انتاج شركة باستير الفرنسية
جرعاته كالتالي :
- الاطفال من سن 9 شهور الي 23 شهر : جرعتين بينهم 3 شهور .
- الاشخاص من عمر سنتين الي 55 سنة : جرعة واحدة فقط

19/03/2026

تقبل الله منا ومنكم صالح الأعمال 💚
كل سنه وانتم طيبين وبخير وسعادة انتم وحبايبكم ❤️
عيد مبارك