Dr Ahmed Elakhres - د احمد الاخرس

Dr Ahmed Elakhres - د احمد الاخرس Contact information, map and directions, contact form, opening hours, services, ratings, photos, videos and announcements from Dr Ahmed Elakhres - د احمد الاخرس, Medical and health, Awlad Saqr.

Pharmacist / Nutritionist
معلومات طبيه عن
التغذيه العلاجيه للكلى و الأمراض المزمنه و السمنه و الصحه العامه للجسم
للتواصل مع دكتور احمد الاخرس
https://wa.me/+201558550410

جميع المعلومات فى هذه الصفحه للتوعيه الصحيه ولا تغنى عن زياره الطبيب

🟧 اليوريك اسيد ( النقرس )🟡 كنت تعرف ان اليوريك اسيد في معدله الطبيعي مفيد جدا للجسم1️⃣ مضاد للأكسدة بيحمي الخلايا والأن...
20/08/2026

🟧 اليوريك اسيد ( النقرس )
🟡 كنت تعرف ان اليوريك اسيد في معدله الطبيعي مفيد جدا للجسم

1️⃣ مضاد للأكسدة بيحمي الخلايا والأنسجة من التلف الناتج عن الجذور الحرة
2️⃣ بيدعم صحة الأعصاب بيساعد في حماية الخلايا العصبية في الدماغ
3️⃣ مؤشر حيوي بيعكس كفاءة الجسم في التعامل مع تكسير الأغذية و الفضلات و كمان مؤشر لصحة الكلي

🟡 المشكله مش في اليوريك اسيد

🟢 المشكله الحقيقيه في زيادته عن معدله الطبيعي لانه عندها بيزود تدهور صحة الكلي و بيزود مشاكل المفاصل و حصوات الكلي

🟢 علشان كده بنحاول دايما نخليه في معدله الطبيعي مش نمنعه

🟧 ازاي تحمي نفسك من زياده اليوريك اسيد

1️⃣ شرب كميه كافيه من المايه يوميا الا ان كان في احتباس في البول ساعتها بيتم ظبط كمية المايه

2️⃣ ممارسة الرياضه بانتظام

3️⃣ الحفاظ على وزن مثالي و تجنب زيادة الوزن و السمنه

4️⃣ تقليل الاطعمه الغنيه بالبيورينات زي الكبده و الاحشاء الداخليه و اللحوم الحمرا بكميات كبيره و بعض الماكولات البحريه زي السردين و الانشوجه

5️⃣ تجنب السكريات و المشروبات اللي فيها سكر الفركتوز

6️⃣ تناول الخضروات و الفواكه المناسبه لحالتك الصحيه

7️⃣ اذا كنت تعاني بالفعل من زياده اليوريك اسيد ( النقرس ) ساعتها يجب التدخل الدوائي مع الاحتياطات السابقه

✅ الحمايه من ارتفاع اليوريك اسيد يعتمد على نمط حياه صحي مع برنامج تغذيه مناسب لحالة المريض

#صحة

20/08/2026

فنجان القهوه على الصبح بعد الإفطار
ممتاز جدا للقلب و الكبد و الكلي
قهوه عاديه بدون اي اضافات
صباحكم اسعد

19/08/2026

مريض الكلي و الكبد
لو قدر يستغني عن أي اكل او شرب طالع من مصنع
هيقدر يعالج 50٪ من مشكلته الصحيه و يعيش طبيعي

✅ ازاي تتخلص من الالتهابات في جسمك ❓❓❓🟧 السؤال ممكن يبان بسيط لكن الاجابه ممكن تكون معقده جدا🟡 لان الالتهاب هو ظاهريا مت...
19/08/2026

✅ ازاي تتخلص من الالتهابات في جسمك ❓❓❓

🟧 السؤال ممكن يبان بسيط لكن الاجابه ممكن تكون معقده جدا

🟡 لان الالتهاب هو ظاهريا متشابه في كل الأحوال لانه في النهايه استجابه او رد فعل لمناعة الجسم
🟢 لكن المعقد هو أسبابه و المشاكل اللي بتتسبب عنه

🟡 لانه في احيان بيكون نتيجة تشابكات معقده من أسباب خارجيه و داخليه للجسم

🟧 لانه في الطبيعي المفروض نتيجة رد فعل المناعه على اي أجسام غريبه تدخل الجسم زي الفيروسات و البكتيريا و الفطريات و الطفيليات او حتى نتيجة دخول أجسام غريبه حيه او غير حيه لداخل الجسم

🟡 لكن نتيجة الحياه العصريه و دخول أشياء مصنعه و غريبه داخل الاكل او الأدوات اللي بيستعملها الانسان

🟡 فالالتهابات زادت و تنوعت اسبابها بطريقه ضخمه جدا

🟡 علشان كده أصبح علاج اي التهابات مكون من جزئين
جزء دوائي و جزء غذائي

🟡 حتى الجزء الغذائي بردو بقي فيه جزئين
جزء تغذيه صحيه و جزء منع التغذيه المصنعه اللي بتسبب الالتهاب

🟢 علشان كده بقي الجزء الأساسي لعلاج الالتهاب هو تطبيق نظام حياه صحي و هو اساسي حتى مع العلاج الدوائي

1️⃣ ممارسة الرياضة بانتظام
2️⃣ شرب الماء بانتظام
3️⃣ البعد عن الاطعمه المصنعه و الزيوت المهدرجه و الجبن المطبوخه و الدهون النباتيه زي زيت النخيل
4️⃣ تجنب العصاير المصنعه
5️⃣ تجنب المشروبات الغازيه و مشروبات الطاقه
6️⃣ تجنب المحليات الصناعيه و الإفراط في السكريات حتى لو طبيعيه
7️⃣ تجنب السجاير و اى مواد كيميائيه تدخل في الطعام
8️⃣ ممنوع تحمير الاكل في الزيوت النباتيه

#صحة

✅ هل معدل ترشيح الكلي eGFR ممكن يتحسن ❓❓❓ 🟧 علشان نجاوب على السؤال ده لازم نعرف حاجتين1️⃣ المده الزمنيه يعني تعب الكلي ح...
18/08/2026

✅ هل معدل ترشيح الكلي eGFR ممكن يتحسن ❓❓❓

🟧 علشان نجاوب على السؤال ده لازم نعرف حاجتين

1️⃣ المده الزمنيه يعني تعب الكلي حصل من امتي
2️⃣ السبب اللي ادي لتدهور الكلي

🟢 هنبحث الأول عن السبب و نشوف اذا كان
سكر او ضغط او امراض مناعيه او التهابات في الكلى و الجهاز البولي او ارتجاع للبول او اي سبب تاني

🟧 لان لو عرفنا السبب و قدرنا نوقف تدهور حالة الكلي ساعتها هيكون عندنا احتمالين

1️⃣ لو كان ال تدهور من فتره بسيطه و ماثرش على كل خلايا الكلي فممكن الحاله تتحسن و معدل الترشيح يرجع يرتفع

🟢 طب نعرف تحسن الحاله ازاي

🟡 عن طريق تحسن التحاليل و خصوصا الكرياتينين و اليوريا و البوتاسيوم و الفوسفور و الصوديوم و استقرارهم لفتره طويله
🟡 او عن طريق المسح الذري او العينه او الخزعه

2️⃣ اما لو كان ال تدهور من فتره كبيره و أصبح في تلف دائم فهيكون صعب تحسن معدل الترشيخ

🟢 بس حتى في الحاله دي لو قدرنا نعمل استقرار للحاله و نظبط تحاليلها فهيكون أمامها فرصه قويه جدا للحياه بصوره طبيعيه

🟢 نعمل ده ازاي
🟡 عن طريق متابعه الضغط او السكر او اي سبب كان هو المؤثر على الحاله
🟢🟡 و عمل نظام غذائي مناسب لحالة المريض و الأمراض اللي عنده و مرحله قصور الكلي

🟡 لان عن طريق النظام الغذائي بنحاول نتحكم في العمليات الحيويه و الناتج بتاعها زي اليوريا و الكرياتينين

🟡 علشان نقدر نقللهم و في نفس الوقت ننظم خروجهم من الجسم و نقلل تراكمهم في الدم
🟡 و بكده نقدر نخلي المريض يعيش حياه طبيعيه و نحافظ على الجزء الباقي من الكلي و نمنع تدهورها و مايوصلش لمرحلة الغسيل

🟡 و هو ده اهم هدف ان المريض يعيش بصوره طبيعيه

البوست للتوعيه الصحيه ولا يغني عن استشارة الطبيب او أخصائي التغذية الخاص بك

#صحة

✅ اكتر فواكه امنه لمرضى قصور الكلي كل المراحل🟧 مع الفوايد الكبيره للفواكه لاحتوائها على فيتامينات و مضادات اكسده و عناصر...
18/08/2026

✅ اكتر فواكه امنه لمرضى قصور الكلي كل المراحل

🟧 مع الفوايد الكبيره للفواكه لاحتوائها على فيتامينات و مضادات اكسده و عناصر غذائيه مهمه جدا للجسم

🟡 الا ان في بعض الحالات اللي بتنخفض قدرة الكليه فيها على ظبط النسب الطبيعيه لعناصر الدم

🟢 بنضطر لمساعده الجسم و الكليه على ظبط بعض العناصر خصوصا البوتاسيوم لانه و مع أهميته الشديده للجسم الا ان زيادته عن الطبيعي ممكن تسبب مشاكل كبيره للجسم و خصوصا للقلب و الاعصاب

✅ في مراحل قصور الكلي و خصوصا المتأخره بيكون إعطاء المريض فواكه قليلة البوتاسيوم مهم جدا لتقليل الضرر الناتج عن انخفاض كفائة الكلي

✅ الفواكه قليله البوتاسيوم

1️⃣ التفاح
2️⃣ الكمثري
3️⃣ الفراوله
4️⃣ التوت الازرق
5️⃣ العنب
6️⃣ الاناناس
7️⃣ الجريب فروت

🟡 لكن بردو و مع ارتفاع درجة الأمان للفواكه دي لازم تتاخد بحساب و بكميات حسب كل مرحله قصور كلي

البوست للتوعيه الصحيه ولا يغني عن استشارة الطبيب او أخصائي التغذية الخاص بك

#صحة

17/08/2026

متابعيني الكرام المحترمين
هل في فعلا نقص حاد في حقن Erythropoietin 4000 (بكل بدايلها) للانيميا في الصيدليات
ياريت تطمنونا كل واحد في منطقته

✅ ازاي تحمي كليتك و تعالج زلال البول ❓❓❓❓⬅️ علشان تعالج زلال البول لازم تعرف الأول هو ايه و سببه ايه و هل هو مرض اصلا و ...
17/08/2026

✅ ازاي تحمي كليتك و تعالج زلال البول ❓❓❓❓

⬅️ علشان تعالج زلال البول لازم تعرف الأول هو ايه و سببه ايه و هل هو مرض اصلا و الا لا

⬅️ زلال البول ده الاسم اللي بيتقال على الالبيومين الموجود في الدم لما بينزل في البول

⬅️ الالبيومين ده نوع من البروتين و هو من المكونات الاساسيه للدم

⬅️ بيحصل مشكلتين لو نزل في البول او نسبته قلت في الدم
و المشكلتين أخطر من بعض

✅ لان نزوله في البول معناه ان الكليه بدأت تفقد وظايفها

⬅️ لان في الحاله الطبيعيه للكلي بتفلتر الدم و مابتعديش الزلال
⬅️ لكن لما بيحصل مشكله في الكلى بتبدأ تعدي الزلال

⬅️ يعني بكده نعرف ان الالبيومين او الزلال مش هو المرض الأساسي

✅ الحل الصح علشان نمنع نزول الزلال في البول هو نشوف ايه المشكله اللي أثرت على الكلي و افقدتها جزء من وظايفها فنزل الزلال في البول

✅ النصايح الاساسيه لحماية الكلي و منع او تقليل نزول الزلال في البول :

1️⃣ شرب المايه بانتظام و بكميه كافيه لمنع جفاف الكليه
2️⃣ ظبط السكر و ضغط الدم و متابعتهم بانتظام
3️⃣ تظبيط الوزن و منع السكريات و خصوصا العصاير
4️⃣ ظبط كمية البروتين حسب مرحله قصور الكلي
5️⃣ لو في اي أمراض مناعيه او التهابيه لازم تعالجها و تتابعها باستمرار
6️⃣ تجنب السجاير و المسكنات و الإفراط في الادويه بدون وصفه طبيه
7️⃣ تجنب الملح و المخللات
8️⃣ تجنب المشروبات الغازيه و مشروبات الطاقه و السمن الصناعي و الجبن نباتي الدهن
9️⃣ تجنب اللحوم المصنعه و تحمير الاكل في الزيت و تجنب المحليات الصناعيه و العصاير حتى لو فريش

البوست للتوعيه الصحيه ولا يغني عن استشارة الطبيب او أخصائي التغذية الخاص بك

#صحة

16/08/2026

ليه مرض السكر مدمر لكل اعضاء الجسم
#صحة

هل ممكن علاج مرض السكر النوع التاني ببرنامج تغذيهالأول لازم نعرف ايه هو السكر النوع التانيهو ارتفاع الجلوكوز بسبب اما نق...
16/08/2026

هل ممكن علاج مرض السكر النوع التاني ببرنامج تغذيه

الأول لازم نعرف ايه هو السكر النوع التاني

هو ارتفاع الجلوكوز بسبب اما نقص الانسولين يعني البنكرياس شغال و في انسولين بس كميته اقل من اللي الجسم محتاجها
او في انسولين كتير بس موجود مقاومة انسولين في الخلايا فمش عارف يدخل الجلوكوز جوا الخلايا فبيرتفع
نسبة الجلوكوز في الدم

يعني هل نقدر نتحكم فيه بنظام غذائي

ده بيعتمد على أسبابه لان في أسباب كتير ممكن حلها غير الاستعداد الوراثي للانسان

✅يعني من ضمن الاسباب

⬅️ زيادة الوزن و دهون البطن
⬅️ مقاومة الانسولين
⬅️ تراكم الدهون في الكبد
⬅️ قلة الحركه
⬅️ تغذيه غير صحيه
⬅️ قلة النوم و اضطراب مواعيده
⬅️ التوتر و القلق
⬅️ بعض الحالات المرضيه
⬅️ ممكن أثناء الحمل
⬅️ الاستخدام المفرط للكورتيزون

🟧 من الأسباب دي نقدر نقول ان معظم اسباب السكر يمكن السيطره عليها ببرنامج تغذيه خصوصا الوزن و الدهون و مقاومة الانسولين

🟡 حتى الاسباب الوراثيه ممكن مع نظام تغذيه صحي تقليل جرعات الادويه

🟡 و ده اللي اكدته دراسة DIRECT
و اللي اتنشرت على PubMed

⬅️ و دي كانت من اقوى الدراسات اللي اتعملت و كانت نتيجتها 46% من المشاركين نزل السكر التراكمي لاقل من 6.5 بدون أدويه بعد ما مشي على النظام لمدة سنه

⬅️ و اتعملت كمان دراسه سنه 2026 بس استخدمو سعرات حراريه اقل كتير في الاكل بس دي نتيجتها 72٪

✅ الخلاصه :
🟡 في نسبة قويه هتستجيب للنظام الغذائي

🟡 في فئة في أول سنه او اتنين من ارتفاع السكر هتكون أكبر فئه مستفيده

🟡 في كل الأحوال استخدام نظام غذائي حتى لو مقدرناش نخلي المريض يستغني عن الدوا فهنقدر نخليه يقلل كمية الادويه اللي بياخدها في كل الأحوال و مش بس كده لا دا هنقدر نخليه يحافظ على كل اعضاء الجسم و خصوصا الكلي و الكبد

🟢 النظام الغذائي مش انك تاكل أكل غالي
🟢 النظام الغذائي انك تاكل أكل مناسب لصحتك و لحالتك المرضيه

البوست للتوعيه الصحيه ولا يغني عن استشارة الطبيب او أخصائي التغذية الخاص بك

#صحة

Address

Awlad Saqr
44689

Website

Alerts

Be the first to know and let us send you an email when Dr Ahmed Elakhres - د احمد الاخرس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category