دكتور إسلام ناجي إستشاري المخ والأعصاب - طب نفسي وإدمان

11/07/2026

رسالة جميلة جاتني النهاردة

16/06/2026

،💔 حد عزيز عليك بدأ ينسى… قولت ده كبر سن
لحد ما نزل ومبقاش عارف يرجع

كتير من الناس فاكرة إن الخرف (Dementia) مجرد نسيان…

🧠 الحقيقة إن الخرف مش مرض واحد، لكنه متلازمة ناتجة عن تدهور تدريجي في خلايا المخ بسبب أسباب مختلفة وبتأثر على الذاكرة + التفكير + الحكم على الأمور + اللغة + السلوك.

📊 أهم أنواعه:
1️⃣ ألزهايمر (الأكثر شيوعًا)
2️⃣ الخرف الوعائي (بعد جلطات صغيرة/ضعف الدورة الدموية)
3️⃣ خرف أجسام ليوي (Lewy bodies) وغالبًا بيكون مصحوب بالشلل الرعاش
4️⃣ الخرف الجبهي الصدغي (Frontotemporal dementia)

⚠️ العلامات اللي لازم ناخد بالنا منها:
👈 نسيان أحداث قريبة بشكل متكرر
👈 تكرار نفس الأسئلة أو القصص
👈 فقدان الاتجاه في أماكن مألوفة
👈 ضعف الحكم على الأمور
👈 صعوبة في التخطيط أو إدارة المهام اليومية
👈 مشاكل في اللغة أو إيجاد الكلمات
👈 تغيّر واضح في الشخصية (عصبية/انسحاب/لامبالاة)

📌 مهم تعرف إن الخرف غالبًا:
🧠 بيبدأ تدريجي جدًا
📉 بيزيد مع الوقت
🏠 وبيأثر في النهاية على الاستقلالية والقدرة على إدارة الحياة اليومية

📌في أسباب كتير قابلة للعلاج ممكن تعمل نفس الاعراض :
🔹 الاكتئاب
🔹 نقص الفيتامينات
🔹 اضطرابات الغدة الدرقية
🔹 اضطرابات النوم
🔹 تأثير بعض الأدوية

🚨 لو لاحظت الأعراض دي بتتكرر وبتزيد مع الوقت عند حد قريب منك، التقييم المبكر مهم جدًا لأنه بيفرق في التشخيص والعلاج

👇اعمل شير للبوست أو منشن لحد عنده أب أو أم أو جد أو جدة كبار في السن👇
للتواصل عيادة المخ و الاعصاب
دكتور اسلام على ناجى
01154757110

08/05/2026

15/04/2026

للتواصل عيادة المخ والاعصاب والطب النفسي دكتور اسلام ناجى
011 54757110

13/04/2026

المخ عبارة عن شبكة خلايا عصبية كل خلية فيها محتاجة 3 حاجات أساسية عشان تعيش وتشتغل كويس:
غشاء سليم يحافظ على تركيبها… طاقة كفاية تشغلها… وإشارات عصبية ماشية بدقة

أي خلل في التلاتة دول خصوصا في حالات زي الجلطات أو نقص التروية بيبدأ سلسلة من المشاكل تنتهي بتلف الخلايا

👈وهنا بيظهر دور الـ Citicoline أو CDP-Choline
ودي مادة الجسم نفسه بيستخدمها في تصنيع الـ Phosphatidylcholine
وده نوع من الدهون الفسفورية phospholipids اللي بتكوّن جزء أساسي من غشاء الخلايا العصبية

بس الفكرة فيه مش إنه يرمم الغشاء وخلاص
هو في الحقيقة بيساعد يقلل تكسير الغشاء اللي بيحصل بعد نقص الأكسجين وبيحافظ على استقرار الخلية العصبية وده أهم من فكرة إعادة البناء نفسها

كمان الـ Citicoline بيدخل في تكوين الـ Acetylcholine
وده ناقل عصبي مسؤول عن الذاكرة والتركيز
وبيعمل modulation بسيط في الـ Dopamine وده له علاقة بالانتباه لكن مش تأثير قوي مباشر

في حالات زي الجلطات بيحصل حاجة اسمها Excitotoxicity
وده معناه إن فيه زيادة ضارة في مادة اسمها Glutamate بتؤدي لموت الخلايا
الـ Citicoline هنا مش بيقلل الجلوتاميت بشكل مباشر
لكنه بيثبّت الغشاء العصبي وده يقلل السلسلة اللي بتوصل للضرر ده

وكمان بيدعم سلامة الميتوكوندريا (مصنع الطاقة جوه الخلية) فيساعد الخلايا تقاوم الإجهاد وتتعافى بشكل أفضل

📌 طيب نيجي بقى للأهم… هل كل ده ليه ترجمة حقيقية على أرض الواقع؟

▪️في الجلطات الدماغية Acute ischemic stroke
الدراسات الكبيرة وعلى رأسها ICTUS trial وضحت إن الـ Citicoline ماقدرش يثبت فاعلية قوية تخليه علاج أساسي
يعني مش هيغير مسار الجلطة لوحده
لكن تحليلات مجمعة بعد كده أشارت لاحتمال وجود فايدة بسيطة في بعض المرضى خصوصا لو اتاخد بدري ومع العلاج القياسي
لكن الصورة العامة لسه بتقول إن التأثير محدود

👈وعشان كده توصيات
AHA/ASA (جمعية القلب والسكتة الأمريكية)
مش حاطاه ضمن العلاج الروتيني للجلطات
يعني مش standard of care

لكن في نفس الوقت مش ملغي تماما وبيُستخدم كعلاج مساعد adjunct في بعض الحالات المختارة

▪️في مشاكل الذاكرة المرتبطة بالأوعية الدموية
vascular cognitive impairment
ممكن يحسن الانتباه والتركيز بشكل بسيط
لكن تأثيره على أمراض زي الزهايمر محدود ومش بيغير مسار المرض

▪️وفي مجال العيون بدأ يظهر كلام عن دوره في حماية الخلايا العصبية في الشبكية في حالات زي الـ glaucoma
لكن الأدلة لسه محدودة ومش ضمن التوصيات القياسية

✨الخلاصة بقى ومن غير مبالغة ان الـ Citicoline هو مادة بتساعد الخلايا تحافظ على نفسها وتتعافى بشكل أفضل شوية لو اتحط في الوقت الصح ومع المريض الصح
يعني لو هنوصفه
نوصفه كدعم … مش كحل جذري للمشكله
وده الفرق الحقيقي بين استخدام مبني على فهم
واستخدام مبني على أمل زيادة عن اللازم.

للتواصل عيادة المخ والاعصاب دكتور اسلام ناجى استشارى اول المخ و الاعصاب والطب النفسي ت
011 54757110

11/04/2026

اخييييييرا الميروجابلين نزل مصر 🔥🔥🔥
ـ لكل مرضي السكر اللي عندهم التهاب في الأعصاب ومرضي الروماتويد ومرضي الانزلاق الغضروفي وعرق النسا ,
مرضي التهاب الأعصاب اللي كانوا بيعانوا من الألم ومش لاقيين حاجه تسكن الألم ده ,
الناس اللي كانت
بيتسخدموا حاجات شبه الجابتن اللي بيعانوا من أعراضه الجانبيه اكتر ما بيستفيدوا من تسكينه
الميرجابلين هو التطور الأحدث للبريجابلين تاثيره مضاعف واقوي بكتييييييير عن تاثير البريجابلين
وأكثر اماناً وأقل بكتييييير في التعود

22/03/2026

استئناف العمل بالعيادة غدا الاثنين ان شاءالله ووكل عام وانتم بخير

14/02/2026

التهاب عرق النسا
للحجز و الاستفسار 011 54757110