https://www.facebook.com/108177207767365/

Esma3ny, Miami, Bab Sharki And Wabour El Meiah (2026)

13/01/2024

🚩 لو زعلانه ومكتئبه ف قلبتي يومك ونومك
(ليلك نهار ونهارك ليل)... إسمعي الكلمتين دول بعنايه !

🔹تخيل بقي أن التوتر والزعل يسبب فعلا بيكسر القلب ويتلفه بمتلازمة تسمي(Broken heart syndrome) مع الزعل الشديد ... جسمك قرر يعاقبك بسبب حالتك النفسيه!!

🔸طيب هل الزعل والسهر بيتخن ويسبب مشاكل للجسم ؟!

🔹اه طبعااااا .. لانك هتلاقي نفسك مرة واحدة تخنت جدا لانك بتطلع عصبيتك وزعلك في الأكل
أو خسيت كتير لانك بطلت تاكل من الاكتئاب والتوتر والتفكير..ممكن ياحلو تتصاب بالضغط والسكر والقلب !!!!

▫️تتفاجئ ان جسمك بقي شكله غريب ومش عاجبك..
كأن جسمك عايز يفوقك بس بطريقة مؤلمة شوية ؛
عايز يقولك إن مفيش حاجة مهما كانت غاليه تستاهل إنك تقصر في حق صحتك علشانها ..

▪️تيجي تعمل دايت بس لسه المشاكل والزعل من كل ناحيه فتلاقي وزنك ثابت مش عاوز تخس!!

🔹ليه لان كل ما هتوتر اكتر وهتكتئب اكثر الكورتيزول عندك هيزيد وده هيعلى مقاومه الانسولين وهيخلي وزنك يزيد اكتر

🤔هتيجي تقولي طب ما كل الناس كده وما حدش بيقول نحلها ازاى

📝 الاجابة على السؤال بنصيحه سحريه

💎 ظبطي نومك وسيبيي كل حاجه علي ربنا ..
صلي وادعي ربنا وهو هيحلها من عنده وفوض امرك لله
اصل السهر والزعل هيحل اي؟؟؟ واي حاجه ..دامت لمين !!

✅ هتظبطي نومك والله هتخسي اتوماتيك

✅ انتى سبب التوتر عشان عاوزه تخسي بسرعه وخايفه انك ما تخسيش

✅ كفايه بقى وقوف على الميزان ..الاهم عندنا المقاسات تنزل وتتغير للاحسن (والميزان هينزل بس اصبري )

✅الاهم تتابعي دايت مع دكتور فاهم و يخططلك يومك كله

دمتم بصحة وسعادة☺

24/03/2023

كيف يؤثِّر الصوم على الدماغ ⁉️

- دوبامين ديتوكس - صومِ الدوبامين -

🔷 أدمغتنا بتستخدم الدوبامين كمُكافئه لسلوكيّات النجاة لدينا؛ أقولك على الحقيقه؟ إحنا بنصوم عن الدوبامين والاوبياتس. مش عن الاكل والشرب والجماع. إزاي؟ تعالى هقولك ..

- في الحُقبه الزمنيه الاخيره ومع تطوّر المُعدات ووسائل الترفيه وتنوّع الاكلات والمشروبات وظهور العاب الڤيديو وسُرعة النت الرهيبه الحاجه الوحيده الي كانت بتقل هي حساسية أدمغتنا للدوباميّن. ودا أمر لو تعلمون عظيْم.

احنا عارفين ان الدوبامين هرمون السعاده والتحفيّز ف دماغنا؛ لكن إيه الآليه الي من خلالها الدوبامين بيشتغل؟ ببساطه انه يروح يمسك في مستقبلات مخصصه ليه هوا بس في الخلايا العصبيه عشان يبدأ ينقل الاثاره للخلايا دي. تخيّل الدوبامين هو المفتاح فالمستقبلات هي القفل الخاص بالمفتاح دا بس 🔐.

الدوبامين مُصمَّم ع إنه يدفعك دفعاً للحاجات المسئوله عن بقائك في الحياه كفرد؛ من أكل وشُرب وبقائك في الحياه ك نوع؛ الجماع.
أي مُثير العين بتشوفه او الودن بتسمعه عن قرب الاكل او الشرب او الجماع بيفرز كميات دوبامين تولّد الشهوه جواك إنك تحصل على الحاجه دي عشان ينتهي الأمر بيوفوريا او النشوه.

الأمر اشبه بالميزان . كل مازودت المثيرات الي من شأنها تفرز الدوبامين كل ماقللت المستقبلات الي من شأنه تستقبل الدوبامين عشان نفضل في إتزان ع طول.

لكن هيحصل إيه لو انا مربي دماغي على الاكلات السريعه والاكل الغير صحي وعلى الجنس الغير عادي سواء من الاباحيه او الممارسات الغير شرعيه؟ دي كلها مثيراتفوق العاديه مخي مش متعود عليها من قديم الأزل. دوبامين كتير هيتفرز فهيقلل المستقبلات. فهينتج الآتي ~

- سمنه مفرطه وامراض نفسيه.
- حزن وقلق واكتئاب.
- فساد اخلاقي شديد.
- بالاضافه لانعدام الرغبه تماماً في إنجاز الامور.

اصل هنجز الامور ليه؟ هوا ايه الي هيدفعني لانجاز الامور؟ الدوبامين. وحالياً الدوبامين الي بحصل عليه من الممارسات الغير صحيه كبير جدا فبالتالي الدوبامين القليل الي كان بيأثر معايا زمان ويدفعني اني اشتغل واجتهد حاليا بقا بيشتغل على مستقبلات اقل وبالتالي تأثيره اقل. فانعدمت الرغبه في العمل. أصبحت عايش لكن ميت
الخلاصة في المنع والصيام بيرجع اتزان المخ تاني وبالتالي هيحس بطعم كل حاجة

27/12/2022

التربية محتاجة بال طويل
لو معندكش بال طويل
يبقي متخلفش

28/11/2022

⛔ أمهد لبنتي موضوع الدوره الشهريه ⁉ و لا أسيبها علي عماها ؟! 🤔🧐

💚مَهِدي .. و إتكلمي .. و إشرحي .. 💚
لأن ده أصلاً دورك ؛ و لو ما قومتيش بيه .. هيجي حد يخطفه منك و يخطف معاه بنتك كمان .. الحد ده بقا ممكن يكون واحده صاحبتها ، قريبيتها ، او حتي عمك جوجل📱

عشان كده مهم إن ماما تكون أقرب حد لبنتها .. و هي مصدر المعلومات ليها .. و كأنها جوجل بالنسبه ليها .. و ده طبعاً عمره ما هيحصل لو علاقتك بيها زيي الزفت ؛ و علي طول بتقارنيها و تشتميها أو تضربيها 🤬🤬

⛔ أمهد إزاي ⁉

1⃣ تأكدي إنك كده مش بتفتحي عنيها و لا حاجه .. إنتي بتوعيها ؛ عشان ما يجيش حد من بره يخوفها و يرعبها من الدوره .. أو حتي تتصدم في يوم بوجود الدم فجأه 🩸

2⃣ مافيش حد يقدر يحدد بالظبط الدوره هتيجي إمته ؛ فخلينا نكون مُستعدين ليهل لو جت بدري ... في عيد ميلادها التاسع ؛ بعد ما تعيدي عليها و تديها هديتها .. قوليلها فكريني بكره أتكلم معاكي في موضوع مهم 🤝🏼

3⃣ في قعده مافيش فيها غيرك و غيرها .. ممكن تشغلي أغنيه صباح " أنا لما حبيبتي هتكبر " عشان تكسري رهبه الموضوع عندها 🎶

4⃣ و تبدأي تكلميها بصوت واطي و هادي من غير تخويف و لا ترهيب 👈🏼 البنوته لما بتكبر ؛ بتتحول من بنت ل آنسه
و ده بيحصل لما بتجيلها حاجه إسمها
و هي عباره عن شويه دم بينزلوا منها في منطقه البكيني و بيستمروا لكام يوم كل شهر 👧🏻

5⃣ مهم قوي الأم تعطي لبنتها فوطه صحيه ؛ تحطها في شنطتها طول الوقت .. عشان لو حصل و جاتلها الدوره و هي في مكان تاني غير البيت .. زيي المدرسه أو الدرس أو النادي
كمان عَلميها إزاي تستخدمها

6⃣ أكدي عليها إن كل البنات بتجيلها الدوره دي ؛ و إن لما تجيلها .. تيجي تقولك و تتكلم معاكي و تعرفك 👩‍👧

7⃣ أي سؤال البنت تسأله ليكي كأم .. جاوبيها عليه ؛ ممكن بكلام بسيط مش تفصيلي ؛ المهم إنها تاخد إجابه منك🧠

8⃣ ممنوع منعاً باتاً لما الدوره تيجي لبنتك ؛ تكونوا قاعدين علي السفره بتتغدوا .. فتقومي قايله لأبوها و إخواتها
بنتك هتحس بالفضيحه وقتها ..
دي حاجه خاصه جداً .. ما ينفعش تتعرض علي الملأ كده ✋🏿

9⃣ أكدي ليها تاني و تالت علي خصوصيه جسمها و إن ما ينفعش أي حد يشوفه أو يلمسه ( و ده طبعاً مهم إنها تكون عرفاه من و هي طفله

1⃣0⃣ السيناريو إللي فوق ده مش مُنزل ولا لازم يتطبق بالمل

10/09/2022

انا اسف ليك . انا بعتذرلك . انا غلطان . حقك عليا . كل الكلمات دي تدل علي الادب والاخلاق ولكن لو زادت عن حدها تبقي مشكلة كبيرة . طيب ليه ؟

لان المبالغة في الاعتذار تعني ان معدل الاخطاء عالي بتتعامل في يومك انك ماشي توزع اسف وحقك عليا .

وفين المشكلة ان واحد يغلط يعتذر ؟ مفيش مشكلة دي حاجة تحفة بس متكونش بشكل كبير ومتكرر . تقصد الانسان يكون مثالي في كل تصرفاته ! اكيد لا مفيش حد مثالي الاعتذار لغة حوار العقلاء والمهذبين . بس المثقف المحترم مش بيكون ماشي يوزع حقك عليا . بشكل اوضح المشكلة بتكون في تقدير الذات عند الشخص بيقل يعني الي بيعتذر بشكل متكرر بيكون شايف نفسه قليل طول الوقت وبيشكك في كل شئ بيعلمه لان معدل الاخطاء عالي .
ولانه بسبب عدم ثقته في قراراته او أداءه هو دايما محتاج حد يقوله انت صح انت كويس . ميعرفش يحسها بنفسه ودي مشكلة عدد كبير من الناس . ليها اسباب تعود للتربية في الاصل وجزء كبير متعلق بالديرة المحيطة بيئه العمل او الدراسة او الشغل . او بكون الشخص بيكدب .

طيب هو الكذب هيقلل تقليل الذات ازاي ؟
لان انت لما بتكذب انت بتكتر عدد اخطاءك فبالتالي علشان تصلح جزء منها للي هيكشفك هتعتذر علشان متخسرش . طيب لو انت عملت تكرار للكذب وبدات تتعرف ان شخص كذاب هتقل دايره معارفك او ثقة الي حواليك حتي لو بدات تكون صادق في بعض الامور. وده هيساعد انك تشوف نفسك صغير ومعندكش حب ولا رضا عن نفسك .

اما عن كل الي اتكلمنا عليه فكله جواك متخافش محدش شايفك من برا . ابدأ غير وساعد نفسك ان يكون عندك رضا. ومتكذبش علشان الخسارة جاية جاية . اما عن الاعتذار خليه معاك فالخزنة للحاجات الي تستاهل فعلا. عزز قيمتك . قلل اخطاءك .

24/08/2022

‏اكتر من تلت تربع الأمراض النفسية ناتجة من صدمة حصلت في الطفولة ، فأرجوكم وانتم بتعاملوا الأطفال حطوا في اعتباركم ان كل فعل بتعملوه معاهم حيفرق في شخصيتهم لما يكبروا سواء كان دعم او مسامحة او مصاحبة ، او كان نقد او عنف او مقارنات او تقليل .. لذا عاملوا الاطفال بحرص من فضلكم

15/08/2022

⚠ مين هو الطفل الأكثر عرضه للتحرش ⁉

في علم الإجرام و سيكولوجيه الجريمه .. فيه جزء جواه بيدرس نفسيه المُجرم و دوافعه
و جزء بيدرس توقيت الجريمه و مكانها

🟣🟣 و جزء أهم بيدرس نفسيه الضحيه 🙂

يعني ليه الطفل ده بالذات دوناً عن باقي الأطفال ؛ إتعرض للتحرش ؟!! 🤔🤔

🛑 خد بالك إن غالباً المتحرش بيخطط قبل ما يتحرش
بمعني إنه بينتقي فريسته بشكل مدروس .. بيدور علي صيده سهله و مش هتقاوحه كتير أو تفضحه 🤫

🛑 و خد بالك برضو إن المتحرش بطفلك .. مش هيروح يقوله ؛ يالا عشان أتحرش بيك يا حبيبي و لا أغتصبك 🤣

إطلاقاً .. الموضوع ممكن يبتدي بشوكولاتايه .. هديه .. لعبه ؛ عشان يستدرجه و ينتهكه بسهوله 😉

كمان ممكن يبتدي بيلا نلعب لعبه هننبسط فيها قوي مع بعض .. او يالا نلعب عريس و عروسه 👰🏼🤵

و عشان كده دي شويه مواصفات للطفل إللي بيستسلم لخديعه المتحرش ⏬⏬

🟢 الطفل إللي مش مرتاح عاطفياً .. الطفل المضطرب 🥵 و إللي أغلب الوقت بيتصدر له في عيلته ، أسرته ، مدرسته .. إنه وحش - شقي - مُقرف - منبوذ - جاي غلطه - غير مرغوب فيه 🤦‍♀️

🟢 الطفل المحروم من الحنان .. إللي ما بيتحضنش .. إللي ما بيتقالش له أنا بحبك - إنت نعمه - أنا فخور إنك طفلي👼🏼

🟢 الطفل الساذج 🤥 إللي ما عندوش خبره أو معرفه أصلاً بإن فيه حاجه إسمها تحرش .. و ده ناتج عن إن الأهل ماثقفوش طفلهم و لا زودا وعيه ؛ مُعتقدين خطأً إن الدنيا وردي و مافيهاش أي إنتهاك 🤬

🟢 الطفل المُحتاج لجذب الإنتباه .. إللي مالقاش إهتمام وسط ناسه .. فغصب عنه دور عليه بره .. ما حدش شافه جوا بيته .. فبقي بيتلكك عشان يكون ظاهر و الناس تشاور عليه بره 👀

🟢 الطفل إللي سبق و إتعرض لضغط جنسي و تحرش أو انتهاك .. و الأهل خافوا من الفضيحه زيي ما بيتقال ؛ و ما أخدوش أي رد فعل ناحيه الجريمه و لا المجرم .. فالطفل إترسخ في ذهنه إن ده العادي .. فتقبله و خرس حتي لو مُتألم ( او الطفل إللي أهله إتعاملوا معاه بعتاب و لوم و كأنه هو السبب ) 👎🏽

🟢 الطفل المُهدد .. إللي طول الوقت أهله راهبينه و راعبينه .. فلما يجي المتحرش يقوله لو قولت لحد ؛ هقول لأبوك يضربك .. فيستسلم الطفل و يخرس 👌🏼

🟢 الطفل إللي ما بيعرفش يقول #لأ .. و إللي إتربي إن الرفض ده ضرب من ضروب الفجور و الفسق ⛔ و إن كلمه " لأ " دي معناها إنه قليل الأدب .. و قول حاضر و من غير ليه .. ما تناقش

18/07/2022

الضحية الطفلة ال ٤ سنين .

دي قضية موجودة دايما ومش هتنتهي غير لما كل اب وام يكونوا
عارفين ان كل مراحل في حياه طفله هو مطلوب منه ايه !

يكون الاب والام عارفين ان سلوكياتهم بتتقلد !

يكون عارف ان بيتسقبل كل شئ خام ولو متعدلش هيبقي سلوك !
الموبيل رأي شخصي المفروض مفيش موبيل لحد ١٨ سنه (استثناء موبيل عادي بزراير )

الطفل يتعلم دين علمه دين علمه دين . لان لو اتعلم دين هيعاملك كويس ويعامل اهله كويس ويعاملك ف كبرك كويس ويعامل المجتمع كويس

اختار معاه اصحابه . خليه يحكيلك كل شئ غلط وصح وانت تقدر تعدل سلكوياته الغلط

متقفلش عليه الباب مع صاحبه لو ذكر متقفلش عليه مع ذكر زيه ولو بنت متقفلش عليها مع بنت زيها وهما اطفال !

مفيش بنت بتنام جمب بنت ولا ولد جمب ولد

مفيش تلفزيون غير قنوات معينه مختارة بعناية

محدش يلعب مع طفل اكبر منه او قده بعيدا عن عين الاهل .

لو هياخد درس وهيكون لوحده مع المدرس ميتقفلش عليهم باب

انتبه وركز مع طفلك جامد

معلومة كده بحكم اني شوفت مرضي كتير واقسم بالله مرضي عيادات او مستشفي . كتير جدا اتعرضوا لتحرش في الطفوله انا مش معايا نسب اقولها لك ولكن نسبه كبيره

البنت الي بتكلم عنها دي لو مكنتش تعرضت لانتهاك كامل والموضوع متعرفش كانت هتعاني من صدمه وتكبر تكره نفسها وجسمها وهتصاب ب اكتئاب

مش هذكر قرابه معينة زي ابن العم ولا مكانه معينه زي المدرس ولا جار مثلا ولا اقرب ناس بتجيب منهم طلباتك . كل الي اتعرضوا للتحرش كانت من الناس الي انت مش بتشك فيهم .

اخيرا ربنا يكون مع اهل الطفله وقلبي مع الطفله البريئه وانا كل كلامي ده لغرض عدم التكرار والام معلهاش اي ذنب هي مش هتربي اولادها واولاد الي هيقابلوا اولادها . ولكن دي مشكلة مجتمع وأهالي بتجيب عيال يرموها ف الشارع .

ربنا يكون مع الطفلة ويرزقها السكينة وتقدر تكمل حياتها في سعاده وامان باذن الله 🖤 cpd

15/07/2022

جربت مرة تقابل مشكلة كبيرة في الشغل ومتقدرش تثبت فيها حقك أو خرجت منها محبط وغضبان ؟؟ .😠.

يا ترى لما رجعت البيت بالمشاعر دي اللي كانت خلاصة يوم متعب وطويل لقيت نفسك بتطلع المشاعر دي على أهل بيتك ؟؟ .. بتتعصب على أقل موقف .. أو حتى بتفتعل مواقف تفرغ فيها غضبك واحباطك ؟؟ 😟

أو لو انت أم وحصل مشكلة بينك وبين الأب .. هل لاحظت انك ممكن تطلعي غضبك واحباطك ومشاعرك السلبية كلها في أولادك ؟؟ 🥺

هل لاحظنا الطفل الأكبر وهو بيتعامل مع أخوه الأصغر بعنف شديد وغريب وبيزعق فيه أو بيتنرفز على لعبته و يضربها ؟؟ 🤔

كل المواقف دي بتعبر عن واحد من أشهر الحيل الدفاعية اللي ممكن نستخدمها بشكل لاواعي واللي بنسميها ( displacement) أو الازاحة ..

ومعناه تفريغ مشاعر الإحباط أو الغضب تجاه شخص أقل خطورة .. ومن أشهر أمثلتها (displacement aggression) ..
فبدل ما نعبر عن غضبنا بطرق يمكن أن تؤدي إلى عواقب سلبية (زي المجادله مع رئيسنا في العمل )، فاحنا بنعبر عن غضبنا تجاه شخص أو شيء مش بيمثل لينا أي تهديد (زي الزوجة أو الأطفال أو الحيوانات الأليفة).😟

وطبعا ده فعل غير واعي وأثاره سلبية على جميع الأطراف ... ووعينا بيه هيخلينا أول ما نكون على وشك استخدامه .. نقدر نوقف نفسنا بوعي ونختار طريقة أكثر نضجا وأفضل في تفريغ المشاعر السلبية واستخدام المهارات الاجتماعية الناضجة في الخروج من المشكلة وتوكيد الحقوق من غير ما نظلم الأضعف مننا 👌

#منقول

14/07/2022

لما تربي ابنك علي الحنيه والعطاء دي بتكون النتيجه ❤❤

Esma3ny

13/01/2024

24/03/2023

27/12/2022

28/11/2022

10/09/2022

24/08/2022

15/08/2022

18/07/2022

15/07/2022

14/07/2022

Address

Website

Alerts

Shortcuts

Share

Category

Listing takedown request