عيادة د/ ريهام محمد عبداللطيف لأمراض النساء والتوليد وعلاج العقم

  • Home
  • Egypt
  • Badr
  • عيادة د/ ريهام محمد عبداللطيف لأمراض النساء والتوليد وعلاج العقم

عيادة د/ ريهام محمد عبداللطيف لأمراض النساء والتوليد وعلاج العقم Contact information, map and directions, contact form, opening hours, services, ratings, photos, videos and announcements from عيادة د/ ريهام محمد عبداللطيف لأمراض النساء والتوليد وعلاج العقم, Women's Health Clinic, مركز بدر-بجوار معمل الشمس/أمام مستشفي بدر المركزى-محافظه البحيره, Badr.

رعاية، وبداية حياة 💫
نرافقك في رحلة أمومتك منذ اللحظة الأولى
ونقدم رعاية شاملة في النساء والولادة.
✨ متابعة الحمل والولادة
✨ جراحات نسائية متطورة
هنا تبدأ أجمل القصص..
نحن شريكك في رحلة الحمل والولادة، نقدم لك الدعم والرعاية التي تستحقيها 💖

05/08/2026

لو لسه عندك سؤال صغير… قلق… استفسار… أو حتى محتاجة بس تطمني على نفسك أو البيبي،
ابعتيلنا في رسايل الصفحة 💌 أو سيبي سؤالك في الكومنتات،
وهنرد عليكي باهتمام حقيقي وبقلب رايق 🥰

👩‍⚕️ د. ريهام محمد عبداللطيف
أخصائية أمراض النساء والتوليد وتأخر الحمل والإنجاب

🏥 مستشفى بدر المركزي
🎓 د. الزمالة المصرية للنساء والتوليد – مستشفى دمنهور التعليمي

📍 العيادة: مركز بدر – أمام المستشفى العام – بجوار معمل الشمس
🕐 المواعيد: من 12 ظهرًا لـ 6 مساءً
❌ الجمعة للطوارئ فقط

📞 للحجز والاستعلام: 01002744759

🤰🏻✨ رحلة الأمومة محتاجة اهتمام وطمأنينة…
وإحنا معاكي من أول خطوة لحد ما توصلي لمشهد النهاية اللي بتحلمي بيه 💫
مستنياكي تنورينا وتعيشي متابعة مريحة وآمنة معانا 🥰❤️

07/07/2026

🤰 مقارنة بين كيس الحمل الطبيعي والحمل على ندبة القيصرية (CSP)

🟢 كيس الحمل الطبيعي
✅ ينغرس داخل تجويف الرحم في المكان الطبيعي.
✅ ينمو الجنين والمشيمة بصورة طبيعية.
✅ يكون جدار الرحم قويًا وقادرًا على تحمل الحمل.
✅ غالبًا يستمر الحمل بشكل طبيعي حتى موعد الولادة.
✅ يحتاج إلى المتابعة الدورية المعتادة للحمل.

🔴 الحمل على ندبة القيصرية (CSP)
⚠️ ينغرس كيس الحمل داخل ندبة القيصرية السابقة.
⚠️ قد تنمو المشيمة داخل الندبة وتسبب مضاعفات خطيرة.
⚠️ يكون جدار الرحم أضعف، مما يزيد خطر النزيف أو تمزق الرحم.
⚠️ يحتاج إلى تشخيص مبكر بالسونار لتحديد الحالة بدقة.
⚠️ يتطلب متابعة دقيقة ووضع خطة علاج مناسبة للحفاظ على صحة الأم.

📌 الخلاصة:
الحمل بعد القيصرية غالبًا يكون طبيعيًا وآمنًا، لكن لأن الحمل على ندبة القيصرية قد يحدث في حالات نادرة، فإن إجراء السونار المبكر في بداية الحمل هو أفضل وسيلة للاطمئنان على مكان كيس الحمل والتدخل في الوقت المناسب إذا لزم الأمر.

- “دكتورة أنا جايه أعرف نوع الأجنة".. قالتها بحماس وهي لسه داخلة من باب الأوضة..= "لسه بدري يا سمسمة.. تعالي بس نتطمن عل...
01/07/2026

- “دكتورة أنا جايه أعرف نوع الأجنة".. قالتها بحماس وهي لسه داخلة من باب الأوضة..

= "لسه بدري يا سمسمة.. تعالي بس نتطمن عليهم الأول أنا ماشوفتكيش من زمان.. من ساعة ما سمعنا النبض وقولنا إنهم كيسين حمل"..

- "أيوه يا دكتورة.. أنا قلت أخليني مرة واحدة عالنوع علطول"..

* لسه بحط البروب علي بطنها.. لحظات صمت طويلة.. تفحيص وتمحيص وتقليب يمين وشمال.. وكل شويه أمرط في عيني وأقول يمكن من سهري للصبح مستنية الماتش..

- "هاه يا دكتورة طمنيني.. ولاد ولا بنات ؟!"..

= "ولاد ولا بنات إيه بس !!"..

- "دكتورة إنتي قولتيلي كيسين يعني مختلفين.. مش لازم نفس النوع.. مليش دعوة"..

= "سمسمة إنتي قولتيلي عندك كام بيبي ؟!"..

- "عندي ولد و ٣ بنات، منهم بنتين توأم"..

= "قولتيلي إنك مش واخدة أي منشطات صح ؟!"..

- "لا والله يا دكتورة.. خاااالص.. آخد منشطات ليه ؟!.. دأنا جوزي أصلاً شايل الهم من ساعة ما قولتي إنهم ٢.. هو كان عاوز ولد كمان بس يبقي أخ ل علي.. بس ربنا المعين بقي"..

* جوزها دخل عالسيرة من الباب شايل واحدة من البنات الصغيرين بيشربها الببرونة وساحب التانية في ديله هي وعلي والبنت الكبيرة..

~ "هاه يا دكتورة طمنيني.. فيه منهم ولد ؟!"..

= "بصوا يا جماعة والله ما عارفة أجيبهالكم إزاي"..

~ "الاتنين بنات !!.. أنا قلت لها بلاش وكفاية علينا الاربع عيال.. ماسمعتش الكلام"..

= "بنات إيه بس !!..أصلاً لسه صغيرين مش هيبان لهم نوع دلوقتي"..

~ "أومال فيه إيه ؟!"..

= "أ.. أ… أ….. أصلهم ٤ أجنة بمشيمتين مش جنينين"..

~ "هو إيه اللي ٤ !!.. هو بيض بيفقس !!.. إنتي مش قايلة ٢ المرة اللي فاتت ؟!"..

= "المرة اللي فاتت كان عمرهم ٦ أسابيع يدوب باديء يبان الكتلة الجنينية والنبض.. وإنتوا روحتوا وقولتوا عدولي"..

- "يعني كان فيه ٢ ظاهرين و ٢ لأ ؟!"..

= "أيوه وفيه فرق بينهم في المقاسات دلوقتي كمان.. ٢ اكبر ٤ أيام من الاتنين التانيين"..

- "خلاص بقي يا محمود دول رزق ربنا باعتهولنا وإن شاء الله يبقوا ولاد كلهم وربنا هيوسع علينا ويرزقنا برزقهم"..

~ محمود فايض بيه ومش مستوعب الرقم.. "هصرف علي ٨ عيال منين ؟!.. الله يخرب بيت شِورك الهباب لبيت اللي يسمع كلامك يا شيخة"..

= أنا محاولة تهدئة الموقف.. "معلش يا أستاذ محمود اللي حصل حصل.. وبعدين (إن الله إذا كلّف أعان).. وأنا من عندي لكم هعملها سوناراتها كلها من هنا وجاي هدية مني لكم"..

~ "ليه هو أنا أهبل أجيبهالك تاني !!.. كل مرة تزوديلي عيلين !!.. روحي يا شيخة.. منك لله"..

24/06/2026

وأنا بصفتي دكتورة نسا اتفق مع تاجر المخدرات جدا 😂😂

🔴حالة طوارئ نساء وولادة 🔴السكرتيرة داخلة عليا جري:“يا دكتورة الحقّي.. المريضة منهارة ومش حاسة بحركة البيبي من امبارح، وج...
20/06/2026

🔴حالة طوارئ نساء وولادة 🔴

السكرتيرة داخلة عليا جري:

“يا دكتورة الحقّي.. المريضة منهارة ومش حاسة بحركة البيبي من امبارح، وجوزها برة عامل حالة طوارئ وكأنه داخل غرفة عمليات قلب مفتوح!”

سيبت الحالة اللي معايا ودخلت بسرعة…

لقيتها مريضة كنت عاملالها سونار من يومين بالظبط وكل حاجة كانت ممتازة.

قلت لها:

* مالك يا صفا؟ إيه اللي حصل؟

قالت وهي شبه بتعيط:

* مش حاسة بحركة البيبي خالص يا دكتورة!

حطيت السونار على بطنها…

أول ما ظهر النبض:
❤️ تك تك تك تك ❤️

قلت:

* الحمد لله.. النبض ممتاز أهو.

جوزها تقريبًا كان هيعمل سجدة شكر فوق السيراميك!

قال:

* بجد يا دكتورة؟!

قلت:

* أيوه بجد.. ده كمان البيبي نشيط جدًا.

وفي نفس اللحظة البيبي رفس البروب رفستين ورا بعض!

سألتها:

* حسيتي؟

قالت بمنتهى البرود:

* لأ.

استغربت…

بعد دقيقة البيبي عمل أكروبات جوة البطن تصلح لمسابقة جمباز أولمبي!

* طيب كده حسيتي؟

= لأ.

البيبي لف لفة كاملة، وخبط، وزق، وعمل موجة على البطن!

* حسيتي دلوقتي؟

= برضه لأ.

بصيت للشاشة…
بصيت للمريضة…
بصيت للشاشة تاني…

وقلت لجوزها:

* البيبي زي الفل.. النبض ممتاز.. الحركة ممتازة.. المشيمة ممتازة.. كل حاجة ممتازة.

قال بفرحة:

* أومال ليه مش حاسة بالحركة؟

قلت له وأنا بضحك:

* واضح إن الإحساس عندها واقف مؤقتًا… إنت مزعلها في حاجة؟

رد بسرعة:

* أصل هي زعلانة عشان عايزة غوايش دهب… والفردة 30 جرام!

قمت من على الكرسي وقلت له:

“خلاص يا أستاذ… سيبك من إحساسها بحركة البيبي…
دلوقتي ركّز إنت في حركة حسابك البنكي!” 😂😂😂

📌 الخلاصة:
مش كل مرة الحامل تقلق من قلة الإحساس بالحركة يبقى في مشكلة، لكن أي تغير واضح أو توقف للحركة يستدعي مراجعة الطبيب في اقرب وقت للإطمئنان
دمتم سالمين 💚

06/06/2026

🩸 رحلة الهرمونات.. كيف تتحكم في الدورة الشهرية؟
الدورة الشهرية ليست مجرد حدث عابر، بل هي منظومة متكاملة ومعقدة تشترك فيها عدة غدد في الجسم لإفراز هرمونات تعمل بدقة متناهية:
• منظمو الإشارة (المهاد والغدة النخامية): يبدأ الأمر بهرمون GnRH الذي يحفز العملية، يليه FSH المسؤول عن نضج البويضات، ثم LH المحفز لعملية التبويض.
• محور التوازن (المبايض والغدة الكظرية): يفرز المبيض هرمون الاستروجين لبناء بطانة الرحم، ثم يأتي دور البروجسترون لتثبيت هذه البطانة بعد التبويض.
• المؤثرون الخفيّون: أي خلل في هرمونات الغدة الدرقية (T3 & T4)، أو ارتفاع البرولاكتين (هرمون الحليب)، أو زيادة التستوستيرون ومقاومة الأنسولين (المرتبطة بتكيس المبايض)، وحتى هرمون الإجهاد الكورتيزول.. كل هذا قد يؤدي إلى اضطراب الدورة وتأخرها.
فهم طبيعة جسمك وجدول هرموناتك هو الخطوة الأولى نحو صحة أفضل وعافية مستدامة. 💡
توعية_طبية صحة_النساء هرمونات تثقيف_صحي

12/05/2026

� رحلة مدهشة داخل الرحم… 9 أشهر من الإعجاز العلمي

من خلية واحدة لا تُرى بالعين المجردة… تبدأ أعقد عملية بناء في الكون 👶

🔬 خلال الأسبوع الأول: انقسام سريع وتثبيت داخل الرحم
❤️ في الشهر الأول: يبدأ القلب بالنبض قبل أن تدرك الأم وجود الحمل
🧠 في الشهر الثاني والثالث: يتشكل الدماغ والجهاز العصبي وتظهر الملامح الأولى
🦴 في منتصف الرحلة: تتكون العظام، تبدأ الحركة، ويصبح للجنين ردود أفعال
👂 في الشهر السادس: يبدأ السمع… نعم، يمكنه تمييز الأصوات
👀 في الشهر السابع: تفتح العينان ويكتمل نمو الكثير من الأعضاء
⚖️ في الشهر الثامن والتاسع: زيادة الوزن، نضج الرئتين، واستعداد للحياة خارج الرحم

💡 علميًا: كل مرحلة محسوبة بدقة مذهلة، حيث تعمل الإشارات الجينية والهرمونية بتناغم لضمان نمو سليم—أي خلل بسيط قد يؤثر على المسار بالكامل.

✨ الرسالة الأهم:
الحمل ليس مجرد “9 شهور”… بل سلسلة من العمليات الحيوية المعقدة التي تستحق وعي ورعاية حقيقية.

⚠️ التغذية، المتابعة الطبية، وتجنب المخاطر مش رفاهية… دي عوامل حاسمة في تكوين إنسان كامل.

👈 لو كنت فاكرة إن الموضوع بسيط… راجعي حساباتك.
دي واحدة من أعقد العمليات البيولوجية اللي ممكن تشوفيها في حياتك كل مرحلة في الحمل تُدار بنظام دقيق جدًا من الهرمونات والإشارات الجينية—أي إهمال بسيط قد يؤثر على نمو طفلكِ.

✨ الأهم لكِ:
صحتكِ = صحة طفلكِ
تغذية متوازنة، متابعة طبية

14/04/2026

هوبا رجعنا ليكم 😂😂😂هنرازي تاني فيكم 🤭🤭

Address

مركز بدر-بجوار معمل الشمس/أمام مستشفي بدر المركزى-محافظه البحيره
Badr
22832

Opening Hours

Monday 3pm - 6pm
Tuesday 12pm - 6pm
Wednesday 12pm - 6pm
Thursday 12pm - 6pm
Saturday 12pm - 6pm
Sunday 12pm - 6pm

Website

Alerts

Be the first to know and let us send you an email when عيادة د/ ريهام محمد عبداللطيف لأمراض النساء والتوليد وعلاج العقم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category