الدكتور حسام الدين فرحات للباطنة العامة والجهاز الهضمي والسكر

  • Home
  • Egypt
  • Benha
  • الدكتور حسام الدين فرحات للباطنة العامة والجهاز الهضمي والسكر

الدكتور حسام الدين فرحات للباطنة العامة والجهاز الهضمي والسكر Contact information, map and directions, contact form, opening hours, services, ratings, photos, videos and announcements from الدكتور حسام الدين فرحات للباطنة العامة والجهاز الهضمي والسكر, Doctor, مرصفا/الشموت/بنها القليوبية, Benha.
(1)

د. حسام الدين فرحات
د. الزمالة المصرية لأمراض الباطنة والجهاز الهضمي والسكر
☑️مرصفا : عيادات الزهراء التخصصية 01109632982
☑️ الشموت : عيادات الدلتا التخصصية 01031423562 - 0133354121

28/08/2026

إيه الفرق بين الدواء المثيل والبديل ؟ 🤔

27/08/2026

في اختيار أدوية السكر :
- فيه أدوية بتزود الوزن » حلوة دى للمريض اللي وزنه قليل.
- فيه أدوية بتساعد في نزول الوزن و دي حلوة للمريض اللي وزنه زايد شوية 😉

26/08/2026

ارتفاع ضغط الدم بسبب البالطو الأبيض 😁
White coat hypertension
مشهور و موجود لذلك متابعة قياسات الضغط مرتين يوميا عدة أيام في الأسبوع مهم.

24/08/2026

دايما نقول لمريض السكر رجلك أهم من عنيك.
نظرك لو ضعف غالبا هتلاحظ
لكن لو رجلك اتعورت غالبا مش هتحس .. والجرح البسيط يكبر ويعمل خراج و قدم سكري

لمريض السكر ... بص كل يوم علي رجلك قبل ماتنام 🙏🏻♥️

كان أول جملة اتقالت في المؤتمر إن الكوليستيرول الضار مش بس عامل خطورة لأمراض القلب وتصلب الشرايين .إنما هو السبب الرئيسي...
21/08/2026

كان أول جملة اتقالت في المؤتمر إن الكوليستيرول الضار مش بس عامل خطورة لأمراض القلب وتصلب الشرايين .
إنما هو السبب الرئيسي لجلطات القلب والمخ وتصلب الشرايين
الكوليستيرول الضار هو LDL
بنحب نخليه تحت ١٠٠ ولو مريض عالي الخطورة زي مريض للسكر يستحسن يبقي تحت ٧٠

كوليستيرولك كام ؟ ☑️

دمتم بصحة ♥️♥️

19/08/2026

استخدام الأكسجين النشط في علاج السكر هو جهل
مفيش أي جمعية طبية سواء أوروبية أو أمريكية نصحت بيه.
مش عارفين فوائده
وممكن يبقي له أضرار بعد استخدامه سواء بالاستنشاق أو الحقن بالوريد

16/08/2026

🎈 عملت تحليل سكر تراكمى وطلع الرقم بين 5.7 إلي 6.4 ؟
🎈 أو ظهرت عليك علامات مقاومة الإنسولين زي زيادة حجم البطن، دهون الكبد، مناطق غامقة بالجسم زي خلف الرقبة وتحت الإبطين، زوائد جلدية خاصة في منطقة البطن ؟
🎈 أو عملت سكر صايم و كان بين ١٠٠-١٢٥ ؟
🎈 أو عملت سكر فاكر وكان بين ١٤٠-٢٠٠ ؟

مبروك حضرتك مش مريض سكر لكن دي علامات مقاومة إنسولين أو مرحلة ما قبل السكر و دي المرحلة الذهبية اللي أي شخص يكتشف نفسه فيها.
يعني وارد يبقي فيه سكر بعدين.
هتاخد علاج ؟ آه، لكن مش هو أهم حاجة.

🌿🌿🌿🌿🌿🌿🌿🌿🌿🌿🌿🌿🌿🌿🌿

الأول لازم تعرف إيه الحاجات اللي ممكن تزود مقاومة الإنسولين ؟
- زيادة الوزن.
- قلة النشاط البدني.
- وجود مرض السكر في أحد أفراد العائلة.
- وجود سكر في الحمل.
- متلازمة تكيس المبايض.
- السن فوق ٤٥ سنة.
- ارتفاع ضغط الدم.
- ارتفاع الدهون الثلاثية والكوليستيرول.

🌿🌿🌿🌿🌿🌿🌿🌿🌿🌿🌿🌿🌿🌿🌿

أهم ٣ حاجات يعملهم الشخص اللي عنده مقاومة إنسولين أو سكر صريح هم:

- نزل وزنك علي الأقل ١٠% في خلال ٣-٦ شهور 🤦🏻‍♂️
- إلعب رياضة زى المشي السريع يوميا ٣٠ دقيقة علي الأقل ٥ أيام في الأسبوع أو چيم أو تمارين في البيت. 💪🏻
- ظبط أكلك، قلل السكريات والحلويات والنشويات، كتر فاكهة وخضروات وأكل صحي. 🍩

🌿🌿🌿🌿🌿🌿🌿🌿🌿🌿🌿🌿🌿🌿
العلاج اللي ممكن ناخده بيتظبط جرعته علي حسب حالة المريض وحاجات كتير لا يصح وصفها هنا. ☑️

ليه بنتكلم كتير عن مقاومة الإنسولين والسكر الفترة دي ؟🤔
لأن نمط الحياة بشكل عام بيزود من فرص حدوث السكر ومقاومة الإنسولين و دا ملحوظ كتير في الشباب وحتى الأطفال للأسف بسبب قلة الحركة والرياضة والوجبات السريعة والأكل الملئ بالدهون والسكريات والنشويات وزيادة الضغط العصبي والتوتر ونمط الحياة .

دمتم بصحة ♥️

14/08/2026

لو سألت جوجل عن أسباب الصداع هيقول أورام المخ و نزيف المخ والجلطات ودا صحيح لكن مش الشائع، كذلك لو سألته علي أسباب الإمساك هيقول أورام القولون.
أدوات البحث زي الإنترنت مهمة لكن بحدود و لا أنصح عامة بالبحث غير علي بعض المواضيع المعينة بعد معرفة تشخيص المريض أو تعليمات عامة لتحسين جودة الحياة والمرض بشكل عام.
لو بحثت كتير هتقرأ كلام كتير مش صحيح ومش مناسب.

- البيبسي فيه كمية سكر أد إيه ؟ العبوة لو متوسط حجمها ٣٥٠ ملل فيها من ٣٥-٤٠ جرام سكر ( حوالي ٩ معلقة صغيرة ) ☑️- الكمية ...
12/08/2026

- البيبسي فيه كمية سكر أد إيه ؟
العبوة لو متوسط حجمها ٣٥٠ ملل فيها من ٣٥-٤٠ جرام سكر ( حوالي ٩ معلقة صغيرة ) ☑️

- الكمية المسموحة في اليوم كام ؟
للرجالة مش أكتر من ٩ معالق صغيرة وللسيدات مش أكتر من ٦ معالق صغيرة . ☑️

- أضرار السكر الكتير إيه ؟ زيادة الوزن والسمنة و الإصابة بالسكر و أمراض القلب وتصلب الشرايين ☑️

يبقي بلاش أحسن 🙏🏻🙏🏻

لازم دايماً نغير مكان حقن الإنسولين باستمرار دى أفضل أماكن الحقن 👇🏻كل مرة إحقن في مكان بعيد عن المرة اللي قبلها مسافة صب...
10/08/2026

لازم دايماً نغير مكان حقن الإنسولين باستمرار
دى أفضل أماكن الحقن 👇🏻
كل مرة إحقن في مكان بعيد عن المرة اللي قبلها مسافة صباعين🖖🏻
تمنياتنا بالشفاء لكل مرضي السكر في كل مكان ♥️🙏🏻

Address

مرصفا/الشموت/بنها القليوبية
Benha

Website

Alerts

Be the first to know and let us send you an email when الدكتور حسام الدين فرحات للباطنة العامة والجهاز الهضمي والسكر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category