What are the opening hours?

Monday 8am - 2pm Tuesday 8am - 2pm Wednesday 8am - 2pm Thursday 8am - 2pm Friday 8am - 2pm Saturday 8am - 2pm Sunday 8am - 2pm

https://www.facebook.com/107422914903170/

مركز وحضانة إرادة, محافظة بني سويف, Beni Suef (2026)

09/09/2026

💫💫تم بحمد الله افتتاح مركز اراده

💥وطبعا منقدرش نحتفل من غير اولادنا يشركونا 🥳فرحتنا 🤩🩷

🔥غدا ان شاء الله الخميس المواقف
2026/9/10

🎉يشرفنا حضوركم والدعوه عامه لكل أهالي بني سويف

يتم استقبال الاطفال زي الهمم والاعاقه
💢وعشان كده عندنا 🎊🧡 فصول خاصه للاطفال normal و up normal
هنفرح كل💙💜 الاطفال اغاني والالعاب ومسابقات

هستناكم غدا 👍ومحتاجة دعمكم ليا
D.Rasha Bakry Abdou

مكانا في ش عبد السلام عارف اخر سور جنينه الشرطه العسكريه . داخل الجنينه

📲 01068331848 - 01114335425

08/09/2026

إزاي تعرفي إن طفلك محتاج تنمية مهارات؟ 🤔❤️

مش كل تأخر بسيط معناه وجود مشكلة، لكن أحيانًا بيكون فيه علامات بتقول إن الطفل محتاج دعم وتدريب مناسب لمرحلة نموه.

لو لاحظتي إن طفلك:

🔹 عنده تأخر في الكلام أو صعوبة في التعبير عن احتياجاته.
🔹 مش بيعرف يتواصل أو يتفاعل بسهولة مع اللي حواليه.
🔹 بيواجه صعوبة في التركيز واتباع التعليمات.
🔹 عنده ضعف في المهارات الحركية الدقيقة، زي مسك القلم أو استخدام الأدوات.
🔹 بيواجه صعوبة في الاعتماد على نفسه في بعض المهارات اليومية.
🔹 بيحتاج وقت أطول من أقرانه في اكتساب مهارات جديدة.
🔹 عنده صعوبة في اللعب التفاعلي أو تقليد الحركات والتصرفات.

هنا تنمية المهارات ممكن تساعده بشكل كبير من خلال أنشطة وتمارين متخصصة تناسب عمره وقدراته، وهدفها تطوير مهاراته تدريجيًا وتعزيز ثقته بنفسه واستقلاليته. 🌱

والأهم: التدخل المبكر مش معناه إن طفلك عنده مشكلة كبيرة، لكنه وسيلة ذكية لمساعدته على الوصول لأفضل مستوى ممكن من قدراته.

📍 في مركز إرادة لتأهيل ذوي الإعاقة بنبدأ بتقييم حالة الطفل وتحديد المهارات اللي محتاجة دعم، وبعدها بنحط برنامج مناسب لاحتياجاته.

كل مهارة جديدة بيتعلمها طفلك… هي خطوة أكبر نحو استقلاليته ❤️

تواصل معنا الآن للحجز ومعرفة مواعيد جلسات التقييم وتعديل السلوك وتنمية المهارات:
📲 01068331848 - 01114335425

📍 بني سويف – داخل حديقة الشرطة العسكرية – شارع عبد السلام عارف

07/09/2026

جملة "بكرة لما يكبر هيتكلم لوحده" هي أكبر غلطة ممكن تأخر مستقبل طفلك وتظلمه! 🛑👶

كتير من الأمهات بتفضل مستنية على أمل إن الكلام ييجي فجأة، وفي نفس الوقت الطفل جواه حيرة وخنقة وسؤال حقيقي: "ليه مش عارف اتكلم وألعب زي صحابي؟"

تأخر النطق مش معناه أبداً إن ابنك ذكاؤه قليل.. هو بس محتاج إيد خبيرة تمدله الدعم والتوجيه الصح في الوقت المناسب.

⚠️ امتى لازم تتحرك وماتستناش أكتر من كده؟
🔹 لما تلاقي كلماته قليلة جداً مقارنة باللي في نفس سنه.
🔹 مش عارف يكوّن جملة بسيطة من كلمتين عشان يفهمك.
🔹 بتنادي عليه باسمه كأنه مش سامع ومش مستجيب لتعليماتك.
🔹 بيتحول للزن والعصبية عشان مش قادر يعبّر عن طلباته واحتياجاته.

كل يوم تأخير بيصعّب المهمة.. والاكتشاف المبكر والتدخل السليم هما اللي بيصنعوا الفرق الحقيقي في شخصيته ودراسته وثقته بنفسه. 💡

💬 متسيبش طفلك محتار ومحبوس جوه صمته:

اكتبلنا سن ابنك في كومنت وأهم صعوبة بيواجهها، وهيتابع معاك أخصائي التخاطب فوراً بالنصيحة الصح، أو اضغط على Send Message لحجز جلسة تقييم نطق شاملة لطفلك! 📩👇

06/09/2026

الطفل اللي بيخاف من رد فعلك على درجاته أو غلطه.. بيتحول بمرور الوقت لإنسان بيداري مشاكله ومش حاسس بالأمان! ⚠️

عشان كده السلوكيات اللي بتشتكي منها زي العند، الانطواء، أو قلة التركيز مبتبقاش "قلة أدب".. دي صرخة لطلب المساعدة.

في مركز وحضانة إرادة، بنساعدك تفك شفرة طفلك وتعدل سلوكه بأساليب تربوية وعلمية مدروسة بدون قسوة أو ضغط عصبي، تحت إدارة:

أ.د / رشا بكري عبده (استشاري التخاطب وتنمية المهارات).

🎯 متسيبش التراكمات تأثر على مستقبل طفلك النفسي والدراسي:

تواصل معنا الآن للحجز ومعرفة مواعيد جلسات التقييم وتعديل السلوك وتنمية المهارات:

📲 01068331848 - 01114335425

📍 بني سويف – داخل حديقة الشرطة العسكرية – شارع عبد السلام عارف.

04/09/2026

كل طفل يستحق فرصة… ونحن هنا لنساعده أن يُظهر قدراته ويصنع خطواته الأولى نحو الأفضل ❤️

في مركز وحضانة إرادة لتأهيل ذوي الاحتياجات الخاصة – بني سويف نقدم برامج متخصصة ومتكاملة تناسب احتياجات كل طفل، في بيئة آمنة وداعمة تساعده على التطور والتواصل والاستقلال.

نقدم خدمات:
🗣️ تخاطب وتنمية اللغة
🧠 تعديل السلوك
🌱 تنمية المهارات
📚 علاج صعوبات التعلم
👨‍💼 تقييمات نفسية
📝 تدريب وتأهيل
💙 إرشاد نفسي وأسري
👶 استضافة نهارية ورعاية متخصصة

ونستقبل حالات التأخر اللغوي والتوحد ومتلازمة داون وذوي الإعاقة العقلية وضعاف السمع.

هدفنا مش بس التأهيل… هدفنا نكتشف إمكانيات طفلك ونساعده يوصل لأفضل نسخة من نفسه. ❤️

ابدأ الخطوة الأولى الآن، واحجز لطفلك موعد التقييم.

العنوان
📍 داخل حديقة الشرطة العسكرية – عبد السلام عارف – بني سويف

للتواصل
01068331848-01114335425📞

مركز إرادة… لأن كل طفل لديه قدرة تستحق أن تُكتشف.

07/05/2025

ليه بحس إن ولادي مش بيحبوا بعض لما بيتخانقوا؟

في لحظات كتير ببص على أولادي وهما بيتخانقوا وأسأل نفسي:
“فين الحب؟ فين الأخوة اللي كنت بحلم بيها؟ ليه كل يوم صوت عالي، زعل، وغيرة؟!”
طيب، هل الخناق ده طبيعي؟ ولا علامة خطر لازم أخاف منها؟
تعالي نعرف مع بعض الحقيقة ونتعلم ندير الخناق صح قبل ما يكبر ويبوظ علاقتهم ببعض.

الحقيقة اللي لازم كل أم تعرفها

الخناق بين الإخوة طبيعي جدًا.
مش معناه إنهم مش بيحبوا بعض، ولا إنك فشلتي كأم.
بالعكس، الخناق ساعات بيكون تمرين بسيط على مهارات الحياة: الاختلاف، التفاوض، السيطرة على المشاعر، وتحمل الآخر.

سؤال ليكي:
فكرتي قبل كده إن الخناق ممكن يكون فرصة لتعليمهم مهارات عمرهم ما هيتعلموها لو كل حاجة كانت هادية وسهلة؟

طيب إمتى أقول إن الخناق “صحي” ومش مقلق؟
• لما الخلاف بينتهي بسرعة بدون تدخل كبير منكِ.
• لما الغضب يبقى بالكلام مش بالضرب أو الإهانة.
• لما بعد الخناق يرجعوا يضحكوا ويلعبوا تاني.
• لما الخلاف يعلمهم يتفاوضوا أو يتكلموا عن احتياجاتهم.

مثال عملي:
ابنك الكبير شد اللعبة من أخوه الأصغر، اتخانقوا، وبعد عشر دقايق كانوا بيبنوا برج مع بعض — ده خناق طبيعي وجزء من علاقتهم.

وإمتى أقلق وأتدخل فورًا؟
• لو الخناق فيه عنف جسدي مؤذي أو شتيمة جارحة جدًا.
• لو واحد دايمًا مسيطر، والتاني دايمًا بيتعرض للظلم.
• لو الخلافات بتزيد يوم عن يوم، ومابتحلش إلا بتدخلك الدائم.
• لو العلاقة فيها تباعد واضح ومفيش تصالح حتى بعد الهدوء.

فرق السن يفرق: تحت ١٢ سنة غير بعد ١٢ سنة!

لو الإخوة تحت سن ١٢:
• الأطفال لسه بيتعلموا إزاي يعبروا بالكلام مش بالأذى.
• خناقهم بيكون غريزي وطبيعي أكتر.
• دورك كأم هنا هو تدريبهم مش معاقبتهم.

مثال عملي:
لو ابنك ٨ سنين اتخانق مع أخوه ٥ سنين عشان لعبته:
• متجيش عالكبير وتحسسيه إنه لازم يسكت عشان “إنت كبير”.
• ولا تحملي الصغير البراءة علطول عشان “ده لسه صغير”.

التصرف الصح:
• مع الكبير:
“أنا شايفة إنك تعبت في بناء لعبتك، ومن حقك تحافظ عليها، بس في حلول أحسن من الزعيق أو الضرب.”
• مع الصغير:
“فاهمين إنك كنت عايز تلعب، بس مش من حقك تاخد حاجة مش بتاعتك من غير ما تستأذن.”

النتيجة:
الكبير يحس بالعدل، والصغير يتعلم يحترم الحدود… بدون ظلم أو تمييز.

ولو الخناقات بعد سن ١٢:
• الطفل هنا واعي أكتر بتصرفاته وعواقبها.
• الخناق مش بس غيرة، ساعات بيبقى تحدي لسلطة البيت أو إثبات شخصية.
• لازم boundaries تكون واضحة وصريحة.

التصرف الصح:
• ما تسمحيش بالإهانة أو العنف إطلاقًا.
• خليكي قائدة مش قاضية: اسمعي كل طرف كويس، وساعديهم يحلوا مشاكلهم بالنقاش مش بالتحكم.

طيب أتصرف إزاي وقت الخناق؟

١. خدي نفس، واثبتي. أهم حاجة أعصابك تبقى هادية.
٢. اتكلمي بجملة محايدة زي:
“واضح إن في مشكلة، كل واحد هيحكي من غير مقاطعة.”
٣. اسمعي لكل طرف بنفس الدرجة، بدون ميل لحد.
٤. علقي على السلوك الغلط مش على شخصية الطفل.
٥. ساعديهم يلاقوا حلول بنفسهم مش تفرضي عليهم حل جاهز.
٦. لو الخناق متكرر، احطي عواقب واضحة ومحترمة (زي وقت مستقطع لكل واحد في مكان مختلف).

خلاصة الكلام:

الخناق بين الإخوة مش نهاية العالم…
ولا دليل على قلة الحب…
ولا فشل في التربية…

الخناق جزء من علاقتهم اللي بتكبر معاهم.
مهمتنا مش إننا نمنعه، مهمتنا نوجهه.
نعلمهم يحترموا بعض وسط الزعل، ويعبروا عن غضبهم بطريقة محترمة، ويحسوا إن البيت مكان آمن حتى وسط الخلافات.

لو المقال لمس قلبك، متنسيش تعملي لايك وشير،
واكتبيلي في الكومنتات:

“أكتر خناقة بين أولادك خلتك تحسي إن الدنيا خربت… ورجعت تضحكي عليها بعدها

04/05/2025

ابنك بيعلي صوته عليكي اقري ده
ام بعتتلي ابني بيعلي صوته عليا ولما بكلمه براحه بيذيد فيها
اجابتي
انا مش عايزة تربية ناعمة، ولا طبطبة، عايزة حل واقعي، حازم، يحط حدود، ويمنع قلة الأدب بدون ما يفقدك مكانتك كأم أو يحسسك بالذنب.

خليني أشرحلك بالتفصيل:
---

أولًا: ليه بيتزيد لما تسكتي أو تردي بهدوء؟

1. فاكر إنك ضعيفة:
لما تهدّي وتنتظري يروق، هو فاهم إنك مش قادرة عليه، مش إنك حكيمة.
في السن ده، خاصة لو في مرحلة المراهقة أو ما قبلها، بيختبر حدودك، وبيشوف:
هل أقدر أفرض صوتي؟ أفرض كلمتي؟
ولما ما يلاقي رد قوي، يظن إنه كسب الجولة.

2. رد الفعل الهادئ دايمًا بدون نتيجة:
لو الهدوء ما بيجي بعده موقف حازم أو عاقبة واضحة، هو بيربطه بالتنازل، مش بالحكمة.
---

ثانيًا: إيه الحل؟ (أسلوب حازم وواعي، لا هو ضرب ولا هو استسلام)

1. اكسري النمط

يعني: لو كل مرة بتقولي "لما تهدأ نكلم"، غيري الأسلوب فورًا.
الجديد: أول ما يرفع صوته، قولي بثبات:

> "أنا أمّك، واحترامك ليا ما عليه تفاوض، الكلام يتقال بهدوء أو ما يتقالش، مفهوم؟"
ثم انسحبي من المكان فورًا بدون شرح ولا استئذان.
الانسحاب ده مش ضعف، ده إعلان إنك مش هتشاركي في "معركة وهمية".
---

2. قرري قانون البيت بصوت مسموع

اقعدي في وقت هادئ، واحكي له بصراحة:

> "أنا كنت ساكتة كتير علشان أعدي الأمور، بس السكوت ده انتهى. من النهارده، مفيش أي تجاوز في الكلام أو رفع صوت. اللي يتكلم بأسلوب محترم يتسمع، غير كده مفيش نقاش، وفيه عواقب."
---

3. طب إيه العواقب؟

لازم تكون واضحة وثابتة، مثلاً:

حرمان من امتياز (موبايل، خروجة، جهاز، لعبة... إلخ) لمدة معينة.

خصم من مصروفه.

تقليل وقت الترفيه أو الراحة.

إجباره على تعويض الخطأ بسلوك (مثل الاعتذار، أو تنفيذ مهمة منزلية...).

لكن خدي بالك: ما تهددي بحاجة مش هتنفذيها.
---

4. نبرة صوتك

هنا السر:
مش تعصبي، لكن اتكلمي بصوت منخفض وثابت، ما يهزش. النبرة دي اسمها "نبرة السلطة"،
يعني: أنا مش هزعق، لكن أنا مش هسكت.
وده أكتر حاجة بتأثر في الطفل العنيد أو اللي فاكر نفسه "اللي ماسك زمام البيت".
---

5. رد الفعل المتأخر

لو خلص الحوار وفيه تجاوز حصل، خديه بعدين وقولي:

> "اللي حصل مش هيتكرر. وأنا قررت يكون فيه عواقب لأنك تخطيت الحد. أنا ما بخافش منك، أنا بس كنت سايبة الفرصة تتعلم. إنما من النهارده... لأ."
---

أخيرًا: ما تعتذريش عن الحزم

كونك صارمة مش معناه إنك قاسية.
ولو لقيتي نفسك بتفكري "هل أنا زودتها؟"
اسألي نفسك: هل أنا فرضت احترامي كأم؟
لو آه... يبقى تمام.

دي مجموعة جُمل جاهزة وحازمة تقدري تقوليها في المواقف اللي بيتطاول فيها بالكلام أو الصوت، بدون عصبية منك، لكن بنبرة قوية وواثقة. استخدمي منها اللي يناسب كل موقف، وكرريها بثبات:-
--
وقت الانفعال أو رفع الصوت:

"اخفض صوتك، أنا أمّك، وكلامك بأسلوب ده مرفوض تمامًا."

"مش هكمل الكلام وانت بتزعق. لما تحترم نفسك نكمل."

"اللي بيرفع صوته على أمه بيخصم من نفسه، مش منها."

"أنا مش صاحبتك، أنا أمّك، ومفيش تفاهم بالطريقة دي."

"لو حسيت إنك أقوى مني بالصوت، يبقى أنت مش فاهم يعني إيه رجولة ولا تربية."
---

بعد الموقف: لما يهدأ وتحبي ترسي قاعدة:

"احترام الأم مش اختياري، ده خط أحمر، واللي يتعداه يدفع تمنه."

"أنا كنت ساكتة قبل كده، بس من النهارده مفيش ولا تجاوز هيعدي من غير رد."

"أنا بحبك، بس مش هقبل منك كلمة تهز كرامتي، حتى لو على سبيل العصبية."

"الصوت العالي مش قوة... اللي بيحترم أمه هو اللي فعلاً يستحق التقدير."
---

لو كرر الغلط بعد ما نبهتيه:

"واضح إنك ما فهمتش الرسالة. من دلوقتي هتتعامل مع العواقب، مش الكلام."

"مش كل مرة هقولك. احترامي مش هينداس كل ما تتعصب."

"أنا مش مغلوبة على أمري، أنا ساكتة علشان أعقلك، بس شكلك محتاج درس عملي."
(ثم تطبقي العقوبة: خصم امتياز، منع خروجة،... إلخ)
---

لو حسيتِ منه ندم بسيط وعايزة تكملي التربية بأسلوب ذكي:

"رجعلي احترامي الأول، وبعدين نكمل كلام."

"كونك رجعت وهدّيت كويس، بس الاحترام ما يرجعش بكلام حلو، يرجع بتصرف ثابت."

"أنا قبل ما أكون أمّك، أنا إنسانة، ليا كرامة وحق، وأنت مش فوق ده."

04/05/2025

رسالة للبنات من عمر ١٢ ل ٢٠

أنتِ غالية جدًا، أثمن مما تتخيلي. وتمتلكين أمانات عندك هي أغلى ما أعطاكي الله
قلبك، جسمك، ضحكتك، كرامتك، كلهم أمانة غالية بين إيديك، وربنا أمركِ تحافظي عليهم..
متكونش مستباحة لأي شاب أو علاقة مؤقتة، تستهلك قلبك ومشاعرك ووقتك وتستهلك أجمل سنوات عمرك اللي تبني بها شخصيتك القوية ..

مش كل شاب يقولك كلام حلو يبقى صادق. الشباب بيكون هدفه يضحك على مشاعرك، ويكسر حياءك، وياخد منك حاجات أنتِ غالية عليها، ولما ياخد اللي عايزه، يرميكي ويروح يدور على غيرك، وغيرك وغيرك عااادي جدا

🤷ليه البنات بتقع في الفخ ده❓

🛑 لأنها بتحتاج كلمة حلوة وحد يحسسها إنها مميزة ومحبوبة، فتصدق الوعود الكاذبة زي: "بحبك ومش هسيبك" وانتي اول واحدة بحياتي بجد أو "نتجوز لما نكبر"،

🛑 أو تحس بوحدة فتتعلق بأي اهتمام يوصلها، وده فخ خطير

طب تعملي ايه مع المشاعر دي ،،

كونيها مع الناس الصح مبدأيا ، أبوكي ، اخوكي ، امك ، قربي من أسرتك وكوني معاهم علاقة جميلة .

حاوطي نفسك بصديقات حنونات تعيشوا مع بعض مشاعر الاهتمام والصداقة والأخوة .

اوعي تسيبي نفسك فاضية ،، اتطوري ، اتعلمي ، قوي نفسك بالمهارات ، اقرأي، ،، الفراغ قاتل للقلب والنفس ، الفراغ سبب كل الشرور ، الفراغ بيفتح لك الباب لكل شيئ سئ .

اهتمي بدينك بدراستك ومهاراتك لأن هما المحدد الاول لمستقبلك وقيمتك الحقيقية بالمجتمع ، وقيمتك يوم ما تكوني مع الشخص الصح ، بالوقت الصح

🛑واعرفي أخطر خطوة بتاخدها البنت هي إرسال صورها. لما تبعتي صورتك لشاب حتى لو كنتِ واثقة فيه مليون مرة، أنتي سلمتيه حياتك ومستقبلك في لحظة ضعف.

الصور دي ممكن بل اكيد هتتسرب، تتسجل، تتخزن بدون علمك، تتنشر في لحظة غضب أو فراق حتمي هيحصل وبعدها الندم ما بيرجعش حاجة ولا بيرجع سمعتك، ولا كرامتك ولا احترام الناس ليكي ، لأن المجتمع أقسى مما تتخيلي

مجتمعنا للأسف قاسي جدًا على البنات، حتى لو الغلطان هو الشاب، اللي بتدفع التمن الأكبر هي البنت.

فيه مئات القصص الحقيقية لبنات وثقوا في شباب، بعتوا صور، ولما الأمور فشلت اتفضحوا وضاع مستقبلهم ومقدروش يرجعوا حياتهم الطبيعية تاني.

مفيش حاجة اسمها "هو أمين ومش هيعمل كده"، لأن القلوب تتغير والنفوس مش دايمًا سليمة.

لو بتحبي نفسك بجد ما تسمحيش لحد يستغلك. لا تثقي في أي شاب يطلب صورة أو كلمة مش محترمة. خلي دايمًا بينك وبينه حدود واضحة ومقدسة. واعرفي إن الحب الحقيقي مش بيطلب منك تتنازلي عن كرامتك أو دينك أو حياءك، الحب الحقيقي بيحميكي ويخاف عليكي. ولو حسيتِ بوحدة أو فراغ، الجئي لله، صلي له، وقولي له: "يارب ارزقني بالحب الحلال اللي يصونني مش يكسّرني."

ولو لا قدر الله ضعفتِ مرة، قفي فورًا، واحذفي الصور من عندك وعنده، وقطعي علاقتك بيه مهما وعدك، ولو قدرتي تتخلي بالشجاعة وتلجأي لحد كبير يساعدك لا تترددي ابدا لأنك هتتعرضي لابتزاز وضغط اكبر منك بكتير ..

وارجعي لربك بتوبة صادقة، ربنا غفور رحيم، ومافيش ذنب أكبر من رحمة الله. احكي لشخص حكيم تثقين فيه لو محتاجة مساعدة أو خايفة تواجهي لوحدك. المهم ما تكمليش طريق الغلط.

رسالة من القلب لكل مراهقة: أنتِ جوهرة مش أي حد يستحق لمستك ولا حتى صورتك. لا تبيعي نفسك مقابل كلمة حب كاذبة. اللي يحبك بجد هيجيلك من باب بيتك ويحترم أهلك ودينك، مش يستغلك باسم الحب. حافظي على نفسك عشان لما يجي الشخص الصح، تكوني فخورة بنفسك وقلبك أبيض ومرفوعة الرأس قدامه وقدام ربنا.

وخلي بالك، الشيطان بيزين الغلط في البداية بس، وبعدها يرميكي للندم والذل والخوف مدى الحياة. صورتك، كرامتك، سُمعتك أغلى من لحظة إعجاب أو كلام غشاش. واللي يفرحك بكلمة هيكسرك بلحظة، واللي بيحبك بجد مش هيخليك تحتاجي تختاري بين حبك وكرامتك.

أنتي أجمل لما تحمي نفسك وتصوني قلبك وتكوني عزيزة بدينك وحياءك. خليكي جوهرة مصونة مش لعبة في إيد أي حد.

03/05/2025

لو بنتك فوق ال 9 سنين (يعني دخلت في مرحلة المراهقة)... ضروري جدًا تعلميها تتصرف إزاي في المواقف دي علشان تحافظ على نفسها ✋👧

1. في المواصلات العامة 🚇

مثلاً الموقف: شاب واقف أو قاعد في المترو بيقرب منك متعمد رغم الزحمة، أو بيحاول يلمسك.

تتصرفي إزاي؟
– ابعدي فورًا عن المكان، ولو في فرصة تروحي حتة تانية ابعدي. 🚶‍♀
– لو فضل، قولي بصوت عالي: "ابعد عني!" أو "متلمسنيش!" (خلي الناس تسمعك). 📣
– تقدري تطلبي المساعدة من أي حد حواليك. 🙋‍♀
– وقبل ما تركبي أي مواصلة، بصي على رقم العربية علشان لو حصل حاجة تعرفي تبلغي. 👮🏻‍♀

2. لو حد من قرايبك أو الجيران بيتعدى حدوده معاكي 🏠

الموقف: عمك أو خالك أو احد الأقارب أو جاركم بيبص على جسمك بطريقة مش مريحة، أو حضنك بشكل غريب ومخيف.

تتصرفي إزاي؟
– ردي بنبرة حازمة: "مبحبش البصة دي"، أو قولي: "معلش بحب أسلم بإيدي بس" وارجعي خطوتين لورا. ✋
– الخطوة اللي بعد كده: احكي لمامتك أو باباك فورًا، حتى لو الشخص دا قالك إنه "بيهزر". 🗣👨‍👩‍👧
– خليكى فاكرة دايمًا: هو مش من حقه يقرب منك! ❌

3. التحرش الإلكتروني 📱💬

الموقف: حد غريب بعتلك رسايل مزعجة على إنستجرام أو طلب صور شخصية.

تتصرفي إزاي؟
– مترديش، وما تحذفيش الرسالة… احتفظي بيها كدليل. 🗂
– بلّغي عن الأكاونت على طول من زر "الإبلاغ". 🚫
– احكي لبابا أو ماما، حتى لو شايفة الموضوع بسيط. 🧕🏻
- فورا اعملى بلوك ( حظر ) .

> نصيحة: خلي حسابك "خاص" وما تقبليش أي طلب من ناس متعرفيهمش 🔒

4. التحرش في المدرسة 🏫

الموقف: زميل بيقول تعليقات جنسية ، أو بيلمسك من غير إذن.
و مفيش حاجه اسمها هزار ابدا بمد الايد بين البنت و الولد حتى لو من الأقارب.
تتصرفي إزاي؟
– قولي له قدام الناس: "وقف اللي بتعمله فورًا!، احترم نفسك " 🗯
– روحي على طول للمديرة أو الاخصائي الاجتماعى وقولي التفاصيل. 👩‍🏫

> افتكري: التحرش ساعات بيبدأ بكلمة، متستهونيش أبدًا! ⚠

5. التحرش في الشارع 🌃

الموقف: راجل ماشي وراكي وبيقول كلام مش كويس.

تتصرفي إزاي؟
– ادخلي أقرب محل أو مكان عام واطلبي مساعدة. 🏪
– اتصلي بأهلك أو أي حد قريب يوصلك. 📞
– ولو الوضع خطر، اصرخي (نار نار) (بتلفت الانتباه أكتر من "الحقوني"). 🔥

6. التحرش في المناسبات العائلية 🎉

الموقف: ضيف في فرح أو تجمع بيحاصرك وبيحاول يقرب منكِ.

تتصرفي إزاي؟
– روحي على طول لمامتك أو أي ست قريبة منك. 👩‍🦳👩‍👧
– ولو الموقف اتكرر، قولي بصوت عالي: "إنت ليه ماشى ورايا؟!" 🙎‍♀❗

7. الابتزاز العاطفي 💔💻
بلاش تردى على أرقام غريبه ، لو ليكي أخ أو بابا يردوا و يعرفوا مين الأول، علشان رقمك مش يكون مع حد غريب و يعاكس لمجرد إنك بنت .

الموقف: زميل أو شاب بيهددك ينشر صورك لو موافقتيش على طلباته.

تتصرفي إزاي؟
– متخافيش وما تستسلميش للتهديد، واحكي لأهلك أو حتى الشرطة فورًا. 🚔
– خزني كل حاجة كدليل (سكرينشوت – ريكوردات). 🧾

> اعرفي ان الابتزاز جريمة يعاقب عليها القانون! ⚖

نصايح مهمة تقوليها لبنتك بهدوء ☕

– العبي معاها أدوار تمثيلية (Role play) عشان تتدرب على الرد.
– احكي لها قصص واقعية لبنات واجهوا المواقف دي بقوة (بس من غير تخويف). 📖
و أكد عليها إن زمان كانت البنات بتخاف تحكى لمامتها علشان معتقد خاطئ إن الكلام دا عيب ، إنما دلوقتى لازم نتكلم و نحمى حدودنا علشان الانفتاح اللى عايشنه و فيه مخاطر كتير .
– كرري دايمًا:

"الإحراج أهون من الأذى… ماتتردديش تطلبي المساعدة!" 🧠

كلمة أخيرة ليها ❤

اللي بنقولهولك مش عشان نخوفك…
إحنا عايزينك تكوني واعية، وتقفي وقفة قوية ادام أي حد بيحاول يضايقك.
إنتي تقدرّي تحمي نفسك بعقلك وشجاعتك
وإحنا دايمًا جنبك! 🫶🏻

03/05/2025

في بيتك شاب فوق ال 15 سنة تعالوا أقولكوا قناعات رجولة مهمة اشتغلوا معاه عليها

9 ركائز أساسية

شوف يابني الرجولة لا تُورّث فقط، بل تُكتسب. إنها ليست مسألة حظ وراثي فقط، بل مسار واعٍ من العادات والانضباط والقرارات اليومية.

و أن تكون رجلًا حقيقيًا ليس رفاهية، بل ضرورة في زمن يحاول نزع جوهرك في كل لحظة. وإن أردت استعادة قوتك، فابدأ من هنا:

1. التحكم في الرغبات (No-Fap)
كل مرة تستسلم فيها للإشباع اللحظي، تخسر جزءًا من تركيزك وحيويتك. التحدي هو أن تسيطر على طاقتك، وتوجهها نحو الإبداع، والتدريب، والبناء. ضبط النفس ليس ضعفًا، بل قوة من الطراز الرفيع.، بلاش الانسياق لرغبات تضييع الوقت والتفاهة والاكل المدمر والأصحاب الفاشلة ، دي رغبات جامحة شكلها حلو بس مدمرة صدقني

2. تمارين القوة
تمارين القوة لا تصقل جسدك فقط، بل يشكل شخصيتك. يعلمك الانضباط، والتحمل، والالتزام. كل تمرين هو حجر في صرح رجولتك. والأفضل؟ أنه يرفع هرمون التستوستيرون بشكل طبيعي، ويفرغ بنفس الوقت طاقته ويحولها لهرمون النمو العضلي اللي جسمك محتاجه بالعمر ده

3. غذاء هادف واعٍ
جسدك ليس سلة مهملات. تناول طعامًا حقيقيًا: لحوم، بيض، أغذية غنية بالقيمة. وابتعد عن السكر والمصنّعات التي تضعفك وتستنزف طاقتك. واحفظ العبارة دي (أنت ما تأكل، ومن تصاحب).

4. عِش بهدف واضح
الرجل بلا هدف يتوه. حدّد وجهتك، اسعَ نحوها بكل ما تملك، وحقق إنجازاتك خطوة بخطوة. لا تتوقف، لا تلتفت، فقط تقدّم, شوف أهداف دراستك وحدد تخصصك ، شوف علاقتك الأسرية القريبة ابوك تمك اخواتك اجعلهم اهداف ناجحة بحياتك لأن أغلب اللي بعمرك ضيعوا علاقاتهم بأهلهم عشان صحاب غالبا هتكتشف أنهم عيال أوي وقت الجد

5. اتثقف ، اسمع بودكاستات ناس محترمة تفيدك وتنعش أفكارك، وتساعدك بالخطط والأهداف ، وسيبك من الريلز التافه والقنوات إياها اللي بتدمر الصحة والوقت والدين ،

6. تعلم فن القيادة
الرجولة قيادة. ابدأ بنفسك: كن حازمًا، واضحًا، وذا رؤية. لا تنتظر الإذن لتتحرك. كن قدوة، كن مرجعًا، في بيتك، في عملك، في حياتك.

7. طوّر صلابتك الذهنية
العضلات وحدها لا تصنع رجلًا. الرجولة هي الثبات النفسي، وتحمل الضغوط، والتحكم في الانفعالات. قاوم، واجه، وابقَ واقفًا مهما كانت العواصف، اتعلم فن ادارة المشاعر ، وإدارة العقل، وإدارة الوقت ، دير نفسك عشان متبقاش لعبة الكل بيديرها .

8. أحط نفسك برجال أقوياء
أنت انعكاس لبيئتك. لا تساكن الضعف، بل انضم لدائرة رجال يسعون للنمو، لا يختبئون خلف الأعذار. تواجد حيث يُتحدَّث عن التقدم، لا التبرير،

9. لو نجحت بكل علاقاتك وفشلت بعلاقتك بربنا فأنت خسرت نفسك وكسبت الناس . لو نجحت بعلاقتك بربنا هتكسب نفسك وتكسب أحسن العلاقات من الناس . فمن وجد الله فماذا فقد ❓ ومن فقد الله فماذا وجد ❓

مركز وحضانة إرادة

09/09/2026

08/09/2026

07/09/2026

06/09/2026

04/09/2026

07/05/2025

04/05/2025

04/05/2025

03/05/2025

03/05/2025

Address

Opening Hours

Website

Alerts

Shortcuts

Share

Category

Listing takedown request

Monday	8am - 2pm
Tuesday	8am - 2pm
Wednesday	8am - 2pm
Thursday	8am - 2pm
Friday	8am - 2pm
Saturday	8am - 2pm
Sunday	8am - 2pm