Dr Amany fathy-د.أماني فتحي

Dr Amany fathy-د.أماني فتحي استشاري العناية المركزة و أمراض الباطنة الحرجة

علشان أصدقائنا اللى تعبوا علشان يوصلوا لينا النهارده 🥰 نورتوا بنى سويف وشرفتونا ❤️ 🏨 عنوان العياد...
13/08/2026

علشان أصدقائنا اللى تعبوا علشان يوصلوا لينا النهارده 🥰

نورتوا بنى سويف وشرفتونا ❤️

🏨 عنوان العياده بنى سويف ميدان حارث بجوار النساجون الشرقيون
ارقام العياده ☎️ 01144260899 .... 01031711058

وياريت كل متابعين العياده يقولولنا فى التعليقات ؟! 😍

إيه التحاليل اللى لازم مريض السكر يتابعها ويعملها كل قد ايه ؟!الاجابه : لو انت مريض سكر يبقي لازم تعمل التحاليل دى كل ...
10/08/2026


إيه التحاليل اللى لازم مريض السكر يتابعها ويعملها كل قد ايه ؟!

الاجابه : لو انت مريض سكر يبقي لازم تعمل التحاليل دى كل 3 أو 4 شهور علشان تطمن وتتابع حالتك كويس

أولا : CBC أو صوره الدم كامله

ثانيا : Creatinine وظائف الكلى

ثالثاً : HbA1C (التراكمى) وتتاكد أنه بيتحسن وأنه مش بيعلى وده مؤشر مهم جدااا لكفائه علاجك والجرعات بتاعتها

رابعاً : Lipid profile (الدهون الثلاثية والكوليسترول)

دول اهم حاجه ولازم طبعا تراجع الطبيب بتاعتك وتتاكد أنه التحاليل مظبوطه وإنه جرعات العلاج بتاعتك مظبوطه

دمتم دائما بعافية وخير 🌹


🏨 بنى سويف ميدان حارث بجوار النساجون الشرقيون
ارقام العياده ☎️ 01144260899 ... 01031711058

#الكالسيوم ❤️👌🏻
09/08/2026

#الكالسيوم ❤️👌🏻

الهيموجلوبين كويس بس برضه فى #دوار و #دوخه #وهمدان على طول و ❓ يعنى كل أعراض الأنيميا موجوده ليه بقي ؟!! 😥☑️ دا...
07/08/2026

الهيموجلوبين كويس بس برضه فى #دوار و #دوخه #وهمدان على طول و

❓ يعنى كل أعراض الأنيميا موجوده ليه بقي ؟!! 😥

☑️ دا لأنه الهيموجلوبين لوحده مش تقييم للأنيميا أنها اتصلحت أو إنه مفيش انيميا من الأساس

❓ امال ايه بقي ؟!! 🤔

☑️ لازم تتأكد إنه مخزون الحديد عندك (Serum Ferritin) مظبوط وفى المعدل الطبيعى لأنه نشاط جسمك مش معتمد بس على الهيموجلوبين دا معتمد اعتماد كلى على مخزون الحديد كمان

❓طيب هى النسبه بتاعته الطبيعية كام ؟!

☑️ من 15 ل 300 نانوجرام .. والنانو هى وحده قياسه فى الدم

❓طيب ما هو احيانا النسبه بتكون كده يعنى 15 أو 20 طبيعية وبرضه بيكون لسه عندى الأعراض هى هى اعمل ايه ؟!

☑️ أنت مش واخد بالك دى النسبه الطبيعيه للناس اللى معندهاش مشاكل او أعراض زى اللى بتشتكى منها فوق دى 👆🏻

إنما النسبه المثاليه للى زيك واللى عندهم الأعراض لازم تبقي من 70 ل 100 علشان نقدر نقول انك كده فى النسبه الطبيعيه الصح ليك واللى تختفى عندها الأعراض وتحس بعدها بتحسن 🤔

وخلى بالك النسبه دى علشان توصل لها لازم استمراريه على العلاج والمتابعة مش اقل من 3 شهور وقبل اى حاجه تعالج اسباب نقص ال Ferritin اصلا

❓ ها وصلتك المعلومه .. ☑️ تمام فهمتك 🙄😒

دمتم دائما بعافية وخير 🌹



🏨 بنى سويف ميدان حارث بجوار النساجون الشرقيون
ارقام العياده ☎️ 01144260899 .. 01031711058

05/08/2026

صديقه من صديقات العياده جاتلى النهارده فى المتابعه بتاعت #الجرثومه

هى طبعا كان عندها دوار ودوخه وعدم اتزان وهمدان بإستمرار

وأثناء الفحص تبين أنه عندها الكلام ده من شهرين وهى مش مريضه ضغط قبل كده إتفاجأت بيه فى العياده

ولما عملنا الفحوصات تبين أنه فى انيميا ال Hb 10 وفى جرثومة معده وطبعا كان عندها حموضه وتجشؤ بإستمرار

طبعا بدأنا متابعه الضغط وبدأنا كورس الجرثومة واللى بيتابع معانا عارف إننا مش بندى أى علاج للأنيميا إلا لما نقضى على الجرثومة نهائيا

فجات النهارده فى المتابعه قالتلى قلت اعمل من نفسي CBC تانيه يا دكتوره وأشوف

وبفضل الله الجرثومة بقت سلبي وال Hb رفع من 10 ل 11.5 من غير علاج للأنيميا لسه

طبعا كانت مبسوطه جداااااا وانا كمان فرحت جدااا بالنتيجه دى 😍🥰

لا دوخه بقي ولا دوار ولا نهجان زى الاول بس شويه أعراض خفيفه كده اثر الجرثومة وقدرنا نظبطها الحمد لله

عندها واللى بعلاجها بدأت الأنيميا تتحسن تباعا

لو بتاعتى من انيميا مزمنه مش بتتحسن لازم تعمل تحليل الجرثومة وتطمن انها مش السبب ولو موجوده لازم تعالجها الاول قبل ما تعالج الأنيميا

دمتم دائما بعافية وخير 🌹



🏨 بنى سويف ميدان حارث بجوار النساجون الشرقيون
ارقام العياده ☎️ 01144260899 ... 01031711058

هو إيه ممكن يكون بينقص نسبه عندك ؟! 🤔 أسباب كتييييير جداااااا ومنها : 🔸 لو انت ماشي على نظام نباتى ي...
03/08/2026

هو إيه ممكن يكون بينقص نسبه عندك ؟! 🤔

أسباب كتييييير جداااااا ومنها :

🔸 لو انت ماشي على نظام نباتى يعنى مش بتاكل اللحوم والالبان والبيض والأسماك

🔸 احتياج الجسم عالى جداااا ومش بتاخد نسبه فيتامين B12 فى الغذاء بشكل كافى

🔸 إلتهاب جدار المعده بشكل مستمر بيسبب عدم امتصاص فيتامين B12 حتى لو خدته فى الأكل

🔸 فى نوع من أنواع الأنيميا بيكون مصحوب بنقص فيتامين B12 ودى نتيجه ضعف امتصاصه من المعده واسمها الأنيميا الخبيثة Pernicious Anemia

🔸 لو انت عامل تكميم معده أو تحويل مسار فأنت اكتر واحد عرضه لنقص فيتامين B12 ومحتاج طبعا تتابعه وتاخد جرعات تكمليليه لجسمك منه

🔸 لو ماشي على ادويه للحموضه لفترات طويله فأنت معرض لنقص فيتامين B12 لأنه ادويه الحموضة بتقلل امتصاصه

🔸 مرضي السكر اللى بياخدوا Metformin زى الجلوكوفاج والسيدوفاج بيكونوا معرضين لنقص فيتامين B12

🔸 كبار السن وبسبب ضعف التغذية بيكون عندهم نقص فى معادن وفيتامينات كتيير فى الجسم منها فيتامين B12

هاااا لسه عاوز تاخد العلاج بدون ما تعرف السبب وتعالجه ؟! 🤔🙄

علاج نقص فيتامين B12 علاج سبب النقص مع المتابعه بانتظام

دمتم دائما بعافية وخير 🌹



🏨 بنى سويف ميدان حارث بجوار النساجون الشرقيون
أرقام العياده ☎️ 01144260899 ... 01031711058

❤️👌🏻
01/08/2026

❤️👌🏻

جمعه مباركه 🌸
31/07/2026

جمعه مباركه 🌸

30/07/2026

صاحب الحكايه النهاردة شاب عنده 35 سنه مش بيشتكى من حاجه قبل كده

مشكلته إنه بدأ يحس بالالام فى الجسم وهمدان وصداع باستمرار وطبعا حاسس إنه مش قادر يبذل أى مجهود زى الأول حتى لو بسيط

بدأنا الفحص كالعاده قيسنا ضربات القلب ونسبه الأكسجين في الدم وضغط الدم والحرارة كله تمام

بنقيس السكر لقيناه عالى جدااااااا 520 وهو مش مريض سكر قبل كده 😥

طبعا بدأنا خطه العلاج والمتابعة وطلبنا فحوصات علشان نستكمل العلاج

الآلام الجسم والهمدان والصداع كانت كلها أعراض ارتفاع السكر ... لو بتحس بأى عرض من الأعراض دى يبقي لازم تقيس السكر وتطمن إنه مش السبب

دمتم دائما بعافية وخير 🌹



🏨 بنى سويف ميدان حارث بجوار النساجون الشرقيون
أرقام العياده ☎️ 01144260899 ... 01031711058

ألف مليوووون مبروووووك لأبطال الثانوية العامة 🌸ألف مليوووون مبروووووك لكل أم وأب تعبوا وسهروا واجتهدوا مع أولادهم 🎉🎊❤️عل...
28/07/2026

ألف مليوووون مبروووووك لأبطال الثانوية العامة 🌸
ألف مليوووون مبروووووك لكل أم وأب تعبوا وسهروا واجتهدوا مع أولادهم 🎉🎊❤️

على فكره انتوا ابطال حقيقيين 💪🏻💪🏻💪🏻 بصرف النظر عن النتيجه ... اجتهدتوا وتعبتوا وبذلتوا أقصى جهدكم وإن شاء الله ربنا هيكرمكم فى اللى جاى ...

لسه فى حاجات حلوه مستنياكم شدوا حيلكم ويارب دايما بالنجاح والتوفيق ❤️❤️

Address

بني سويف . . , ميدان حارث بجوار النساجون الشرقيون أعلي صيدلية التوحيد
Beni Suef

Website

Alerts

Be the first to know and let us send you an email when Dr Amany fathy-د.أماني فتحي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category