د/ عبدالرحمن شون - Dr. Abdelrahman Shone

د/ عبدالرحمن شون - Dr. Abdelrahman Shone دكتور عبد الرحمن عادل شـون - أخصائي أمراض القلب والقسطرة القلبية- بركة السبع- المنوفية.
دكتور الزمالة المصرية للقلب والأوعية الدموية.

06/09/2026

مافيش انسان طبيعي يحس بضربات قلبه!!
لو حسيت بضربات قلبك يبقا فيه سبب غالبا زيادة وتسارع في معدل نبض القلب ودة بيكون مفاجيء واحنا بنحس بضربات القلب مع تغيير المعدل المفاجئ دة وطبعا ما نقدرش نحدد السبب من غير رسم قلب
في اسباب كتير جدا ممكن تزود ضربات قلبك ومعدل النبض ممكن ليها علاقة بالقلب وممكن لا عشان كدة استشارة طبيبك مهمة جدا ❤️

31/08/2026

للأسف اخر اسبوعين بس شوفت 3 حالات جلطات بالشريان الرئوي
التشخيص دايما بيحصل متاخر لان الاعراض بتختلف في شدتها وقوتها وممكن تكون اعراض بسيطة او نهجان خفيف جدا (ودة بيخلي المريض يكشف متاخر) ولكن وراه سبب خطير اوي.. وللأسف كمان سنهم من 30 ل 55 سنة.. سن صغير جدا
النهجان عرض اساسي من اعراض القلب و مهما كان بسيط لازم نستبعد مشاكل القلب
وكل ما كان التشخيص اسرع كل ما كان العلاج اسهل
لو عندك اي استفسار سيبه في التعليقات وهنرد عليك
لايك وشير

07/07/2026

دوا الضغط يا جماعة 😔😔

07/07/2026

ندعي لمصر تكسب.. وبلاش عصبية عشان الضغط 🤣🤣

05/07/2026

للاسف اكتر حاجة بتزعل الدكتور لما المريض يوقف العلاج من نفسه بدون ما يرجع للطبيب المعالج ودي اكتر حاجة ممكن تضيع تحسن الحالة 😢😢😢 وتعمل انتكاسة للمريض
النصيحة الاولي والاخيرة لمريض القلب هي الالتزام بالعلاج والنصايح الطبية والنظام الغذائي
ودمتم بصحة وخير يارب 💐 💐

14/06/2026

من اهم ادوية مرضي القلب هي الادوية اللي نعرفها بادوية السيولة.. ودي نوعين.. اول واشهر نوع الادوية المثبطة للصفائح الدموية واشهر حاجة فيها الاسبرين والبلافكس. هي ادوية مهمة جدا لمريض قصور الشريان التاجي ولا غني عنها أبدا للمريض بعد تركيب دعامات الشرايين التاجية.. الدعامة بتكون جسم غريب مزروع جوة الشريان عشان يحافظ عليه مفتوح واي جسم غريب جوة الشرايين بيحفز تراكم الصفائح الدموية وتكوين جلطة... عشان كدة اهم حاجة بعد تركيب الدعامات هي الادوية المثبطة للصفائح الدموية اللي من غيرها الدعامات هتتسد تاني


15/05/2026

للأسف السبب الاول للوفاة علي مستوي العالم هو جلطات القلب🥲💔
عشان كدة ما ينفعش تهمل اي عرض او الم بالصدر مهما كان بسيط من وجهة نظرك
و ما تفرطش في صحتك ❤️‍🩹❤️‍🩹

من حقك تفهم- الحلقة (3) | "دكتور جوجل /دكتور شات جي بي تي" ولا "دكتور القلب"؟ 🩺من حقك كمريض إنك تدور، تقرأ، وتفهم أكتر ع...
19/04/2026

من حقك تفهم- الحلقة (3) | "دكتور جوجل /دكتور شات جي بي تي" ولا "دكتور القلب"؟ 🩺

من حقك كمريض إنك تدور، تقرأ، وتفهم أكتر عن حالتك الصحية.. سواء عن طريق محركات البحث، أدوات الذكاء الاصطناعي، أو استشارة حد من معارفك في الوسط الطبي.

في سلسلة ، بنقولك إن ده "حقك"، لكن خلي بالك من الفخ!⚠️

البحث مش دايماً صح.. ليه؟

1. الذكاء الاصطناعي مش "طبيب": مهما كانت دقة أدوات البحث، هي بتعتمد على بيانات عامة. الطبيب "بيسمع" قلبك،وصدرك و بيفحص حالتك "إكلينيكياً" يعني هل فيه ورم في الجسم في أماكن معينه، لون البشرة مظبوط ولا متغير،لون عنيك سليم ولا فيه تغيير، حركتك مظبوطة ولا فيها مشكلة ، وغيره كتيييير.
ويربط كل دا بتاريخك المرضي الشخصي والتحاليل والأشعة وكل الفحوصات السابقة .. وده مستحيل يحصل من وراء الشاشة.

2. فخ التجربة المشابهة: قاعدة ذهبية احفظها كويس "مفيش مريض زي التاني" فامتقولش "فلان جاله نفس اللي جالي وأخد الدواء ده وارتاح".. دي أخطر جملة ممكن تضر قلبك
في الطب، مفيش "قص ولزق". ممكن مريضين يكون عندهم نفس الأعراض بالظبط، لكن واحد علاجه بسيط والتاني يحتاج تدخل مختلف تماماً بناءً على كفاءة العضلة، الضغط، أو وظائف الكلى أو حتي امراض تانية بيعاني منها مالهاش علاقة بالقلب بس هتأثر علي القرار العلاجي ..

3. حق الطبيب يرفض المتابعة/ الكشف "واتساب" أو "تليفون"؟:
كل الي فات دا أحد أقوي الأسباب اللي بيخلي كتير من الدكاترة يرفض متابعة مريض من خلال التليفون او الواتس اب لان بجد أهم جزء في التشخيص هو الفحص الاكلينيكي للمريض بذاته.

الخلاصة: ابحث، اقرأ، وافهم.. بس في الآخر "سلم قلبك للمتخصص"، لأن كل نبضة في قلبك ليها حكاية مختلفة عن غيرك. ❤️🩺

وهاقولك في الكومنتات تبحث عن ايه عشان تبقي مرتاح وتقدر تطمن وتستفيد..

،

"من حقك تفهم" الحلقة (2) | ليه كل الفحوصات دي؟ 🔬🩺لما تخرج من عند طبيب القلب ومعاك طلب لعمل إيكو، رسم قلب مجهود، أو تحال...
17/04/2026

"من حقك تفهم" الحلقة (2) | ليه كل الفحوصات دي؟ 🔬🩺

لما تخرج من عند طبيب القلب ومعاك طلب لعمل إيكو، رسم قلب مجهود، أو تحاليل دم معينة.. طبيعي تسأل نفسك: "هو كل ده ضروري؟".

في سلسلة ، بنقولك إن الفحص أو التحليل مش مجرد إجراء روتيني أو عشوائي، ده "خريطة طريق" بنرسمها عشان نوصل لأدق قرار علاجي يناسب حالتك.

ليه لازم تسأل عن سبب الفحص؟
1- عشان تكون مطمن: لما تفهم إن تحليل وظائف الكلى كمثال مهم جدا عشان نتأكد إن الدواء آمن تماماً ليك، وان التحليل دا هيساعد الطبيب ياخد القرار بالجرعة المناسبة ليك عشان القلب يفضل في صورة كويسة وفي نفس الوقت مايحصلش اي تاثير سلبي علي باقي اعضاء الجسم ، اكيد هتعمله وأنت مرتاح.

2- توفير الوقت والمجهود: معرفتك بالهدف من الفحص بتخليك تلتزم بتعليماته بدقة (زي الصيام قبل التحليل أو التوقف عن دواء معين قبل رسم القلب بالمجهود)، وده بيضمن دقة النتائج من أول مرة.

قاعدة ذهبية في عيادتنا:
مفيش فحص بنطلبه إلا وله دور في حماية قلبك. لو محتاج تعرف الفحص ده هيفيدنا في إيه أو إيه اللي بندور عليه بالظبط.. اسألنا، ومن حقك تعرف.

افتكر دايماً:
التشخيص المظبوط هو نص المشوار.. والفحوصات هي عيون الطبيب اللي بيشوف بيها كل حاجة مش ظاهرة في الأعراض. ❤️

ماتنساش تقولنا في الكومنتات عايز تعرف ايه الحلقة الجاية..
د. عبد الرحمن شون
أخصائي أمراض القلب والقسطرة

Address

بركة السبع شرق/الشارع الرئيسي/برج علام/الدور الثالث/بجوار ياقوت للحلويات
Birket El-Sab`
32651

Telephone

+201035884016

Website

Alerts

Be the first to know and let us send you an email when د/ عبدالرحمن شون - Dr. Abdelrahman Shone posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د/ عبدالرحمن شون - Dr. Abdelrahman Shone:

Shortcuts

Share

Category