Aya Ezzat -آية عزت

  • Home
  • Aya Ezzat -آية عزت

Aya Ezzat -آية عزت Therapist ✨ for Book a session. Please call or what's app 01090133949 ,
or Dm 🙏🏼🥰

07/06/2026

"The curious paradox is that when I accept myself just as I am, then I can change."
Carl Rogers

المفارقة الغريبة إن لما أقبل نفسي كما أنا، ساعتها أقدر أتغير.✨

فيه فكرة بتبان غريبة في الأول…
إنك لما تبطل تحارب نفسك وتقبلها زي ما هي، ساعتها بس التغيير بيبدأ يحصل بجد.

مش لأنك استسلمت
لكن لأنك بطلت تستهلك طاقتك في جلد ذاتك، وبدأت تشوف نفسك بوضوح.

التغيير مش بييجي من الكره أو الضغط…
بييجي من مساحة أهدى فيها فهم، واعتراف، وقبول.

يمكن عشان كده قال روجرز إن المفارقة هي إنك لما تقبل نفسك كما أنت… تقدر تتغير فعلاً.

منكرش انها حاجة مش سهلة تنفيذ ولكن بخطوات بسيطة مهما طالت مدتها اثرها عظيم 💙


Send a message to learn more

17/03/2026

✨العلم نور والجهل ظلام ✨

جملة أغلبنا سمعها قبل كده أو شافها مكتوبة على سور مدرسة أو اتقالت في حصة …
بس من فترة بقيت أفكر فيها شوية

اكتشفت إن علاقتي بالعلم بسيطة جدًا
أنا بحب العلم وبحب الناس اللي بتحب تفهم وتتعلم

اللي يسأل
اللي يناقش
اللي يقول طب ليه
واللي ما يتكسفش يقول مش عارف

وأحب جدا لما أتسأل في شيء معنديش معلومة
اقول بمنتهى البساطة مش عارفة 🤷🏽‍♀️
لأن ببساطة مش لازم نعرف كل حاجة ومفيش مشكلة إنك تقول إن ده مش مجالك

الجهل في نظري مش إن شخص ما بيعرفش يقرأ ويكتب
الجهل الحقيقي هو إن الشخص يرفض يفهم
يرفض يناقش
يعتبر إن الحقيقة انتهت عنده وكده خلاص

كده هو كده
وده اللي اتربينا عليه
وهذا ما وجدنا عليه آباؤنا

او هتناقش بس هتمسك بكل ما اتيت من بقوة برأي دون النظر لاي دليل علمي ديني أنساني
ان رأي مش منطقي

النوع ده من التفكير بيقفّل كل باب للفهم
الجمود الفكري … ضلمة

لأن ببساطة
الإنسان ممكن يكون اتولد بقدرات معينة لكن طريقة تفكيره حاجة بيشتغل عليها بنفسه

فتلاقي شخص
جاهل بدينه
جاهل بنفسه
جاهل بعلاقاته
مش لأنه ماعندوش فرصة يفهم
لكن لأنه قرر مايحاولش يفهم أصلاً

في رأيي العلم في حد ذاته شيء جميل جدًا أي علم
لكن اللي بيخليه فعلاً نور هو إن يكون معاه مرونة في التفكير

مرونة إنك تتعلم
وتواضع انك طول الوقت لسه قدامك كتير
ومرونة إنك تغيّر رأيك لو ظهر فهم جديد

لأن الحقيقة إن أخطر حاجة مش إنك ما تعرفش!
أخطر حاجة إنك ترفض تتعلم وتعرف وتفهم 🩵

23/01/2026

23/1/2026

النهارده حابة أعبّر عن امتناني لكل المنتفعين والعملاء اللي في رحلتنا سوا.
ممتنة لوجودكم، ولأبسط محاولة، وللثقة، وللمشوار اللي بنمشيه خطوة خطوة سوا
شكرًا بجد…
والحمد لله أولًا وأخيرًا 🩵

21/01/2026

«إلى أن نجعل اللاوعي واعيًا، سيستمر في توجيه حياتنا… وسنسمّي ذلك قدرًا.»
— كارل يونج

‎حاجات كتير بتحصل في حياتنا
‎مش لأننا “نحسّها حظ”
‎لكن لأن في أنماط جوانا
‎مش واخدين بالنا منها

‎لما نفهم نفسنا أكتر
‎اختياراتنا بتتغيّر
‎وردود أفعالنا بتهدى
‎والحياة تبطل تبان كأنها ضدّنا

‎الوعي مش رفاهية
‎الوعي مسؤولية… وراحة.
‎
‎

19/01/2026

«أغلب سلوكياتنا اللي بنلوم نفسنا عليها، كانت في وقت ما محاولات للبقاء.»
— غابور ماتيه
كتير من اللي بنسميه دلوقتي
ضعف
أو عيب
أو مشكلة في شخصيتنا
كان زمان رد فعل طبيعي
لضغط
أو خوف
أو احتياج ما اتلبّاش
إحنا ما اخترناش السلوك ده حبًّا فيه
إحنا اخترناه علشان نعرف نكمّل
الفهم مش تبرير
والرحمة مش استسلام
هي بس نقطة بداية أهدى
نغيّر منها… من غير ما نكسر نفسنا. 💙


Send a message to learn more

Address


02

Website

Alerts

Be the first to know and let us send you an email when Aya Ezzat -آية عزت posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Aya Ezzat -آية عزت:

Shortcuts

  • Want your practice to be the top-listed Clinic?

Share