10/09/2026
#أنافاكرة زمان ألم معدتي، وضربات قلبي السريعة، ونوبات الـPanic لما كنت بقرر أخرج من أوضتي. 🙄
#دلوقتي؟👌🌺
بسافر، وأروح، وأستكشف، وأرجع لوحدي.
وبقيت أكتشف إن العالم أوسع بكتير من الأماكن اللي اتعودنا عليها، وإن أحيانًا أجمل حاجة ممكن نعملها لنفسنا… إننا ناخد خطوة واحدة بس خارج المألوف. 💪
#التحرر من سجن أفكارنا مش سهل، ومش سهل نعلّم جهازنا العصبي من جديد إن العالم مش بالضرورة مكانًا للخطر، خصوصًا بعد Psychological traumas. 💔
بس التعافي يستحق المجهود. 🩵🤍
«طب ما نجرب؟🤔
طب ما نروح؟🙄
طب ما نشوف المكان ده عامل إزاي؟»🫣
جُمل بسيطة جدًا في ظاهرها، لكنها بالنسبة لبعض الناس ممكن تكون معركة كاملة جواهم؛ بين جزء عايز يعيش ويكتشف، وجزء تاني لسه بيحاول يحميهم من كل حاجة جديدة. 😔😔
ومع كل مكان جديد بروحه، باكتشف مكان جديد جوايا أنا كمان. 🤍🩵
يمكن أنا مش بس بقيت أعرف أروح أماكن أكتر…
أنا بقيت أعرف أروح لنفسي أكتر. ♥️
المخاوف ما اختفتش، 👀👀
بس الفرق إني مبقتش أديها حق إنها تقرر مكاني، ولا تحدد لحد فين أقدر أروح.💪🌸
يمكن لسه بخاف….. بس مبقتش أرجع.💪🩵
ودي، في حد ذاتها، واحدة من أجمل صور التعافي. 💃🤍
