Life Nursing

22/10/2026

شفا بقت في العالمين 💚

📢 فرصتك لتكون جزءًا من التميز الطبي في العلمين الجديدة!
تعلن مجموعة مستشفيات شفا عن فتح باب التوظيف للانضمام إلى فريقها بمدينة العلمين الجديدة.

✨ انضم إلى فريقنا، وابدأ رحلة مهنية مميزة في بيئة عمل احترافية.

📌 المتطلبات:
🔹 مؤهل دراسي مناسب للتخصص المطلوب.
🔹 ترخيص مزاولة المهنة، وفقًا لمتطلبات الوظيفة.
🔹 خبرة عملية لا تقل عن سنتين في المجال.
🔹 الالتزام بمعايير الجودة وسلامة المرضى.
🔹 مهارات التواصل والقدرة على العمل ضمن فريق.
🔹 الجدية والالتزام والاستعداد للعمل بنظام الشفتات المتغيرة.

📲 للتقديم والاستفسار:
يرجى التواصل عبر واتساب على الرقم:
📞 01111251155

⚠️ ملحوظة: برجاء كتابة اسم الوظيفة المطلوبة عند التواصل.

13/10/2026

ال Burnout أو الاحتراق الوظيفي.

غالبا لو عندك burnout هتكسل تقراه بس حاول يمكن يفرق معاك 😄

الـ Burnout ببساطة هو إنك توصل لمرحلة من الإرهاق النفسي والجسدي بسبب ضغط الشغل المستمر وتحس إن طاقتك خلصت، وإنك بقيت بتعمل حاجات كتير بمجهود أكبر من الطبيعي، وممكن كمان تفقد شغفك بالشغل أو تحس إنك مش قادر تدي زي الأول.

وده ممكن يحصل لأي حد، مهما كان شاطر أو ملتزم أو بيحب شغله.
ممكن يكون السبب ضغط الشغل، أو ضغط المدير، أو التعامل مع زمايلك ، أو نقص الإمكانيات او قلة الأعداد ، أو إنك شايل مسؤوليات أكبر من طاقتك. وممكن كمان يكون عندك ضغوط شخصية، أو إنك بتحاول تواكب كل حاجة ومش عارف توازن بين شغلك وحياتك.

بس وسط كل ده، فيه نقطة مهمة جدًا لازم نقف عندها.

مش كل مرة تتعب فيها يبقى الشغل هو المشكلة
ومش كل مرة تتعب فيها يبقى إنت المشكلة.

خلينا متفقين ان ده كله وااااارد جدا بس
محتاج تهدى وتقعد مع نفسك وتسأل: إيه اللي بيتعبني فعلًا؟ هل طبيعة الشغل وضغطه؟
هل طريقة التعامل في المكان؟
هل فيه مشكلة في تنظيم وقتي او حياتي عموما ؟
هل أنا بحمل نفسي فوق طاقتي؟
هل محتاج أطور من نفسي في حاجة معينة؟
ولا فيه أكتر من سبب متداخل مع بعض؟

الأسئلة دي مش علشان تلوم نفسك، ولا علشان تبرر للبيئة اللي حواليك أي ضغط. لكن علشان تفهم المشكلة صح، وتعرف تتعامل معاها من مكانها الصحيح. والموضوع يبقي كله فترة مؤقتة

لأن لو المشكلة في بيئة الشغل، محتاج تفكر إزاي تحسّن وضعك أو تطلب الدعم او المساعدة أو حتى تقيّم مستقبلك في المكان ده. تقعد ولا تمشي

ولو فيه حاجة عندك محتاجة تتغير، سواء في طريقة تنظيمك او أسلوبك أو تعاملك مع الضغط أو ترتيب أولوياتك، يبقى عندك فرصة تشتغل عليها.

ولو المشكلة من الناحيتين، يبقى محتاج تعالج كل ناحية على قد ما تقدر.
المهم إنك ما تفضلش مستنزف نفسك كل يوم، ومستني إن الأمور تتغير لوحدها. ( واقف محلك سر)

طيب،
لما تكتشف إنك فعلًا بتعاني من الـ Burnout، تعمل إيه؟
(الخلااااااصة)
أول حاجة
لازم تفهم إنك محتاج ترتاح وتستعيد طاقتك ، ومش معنى إنك ترتاح إنك شخص ضعيف، أو إنك مش قد المسؤولية.

ومش معناها برضوا إنك تسيب مسؤولياتك ، أو تغيب من غير إذن مثلا بحجة انك burnout ، أو تقصر في حق المريض، أو ترمي ضغطك على زمايلك.

إنت محتاج تتعلم إزاي تفصل بشكل صحي.
وخلي بالك من كلمة صحي دي 😄

يعني تخلص شغلك وتروح ترتاح فعلًا،
بدل ما تفضل شايل مشاكل الشغل في دماغك طول اليوم. تنظم نومك، وتهتم بأكلك وصحتك، وتدي لنفسك وقت بعيد عن ضغط الشغل، وتتعلم تقول لأ لما تكون المسؤوليات فعلًا أكبر من قدرتك، وتطلب المساعدة لما تحتاجها.

ولو محتاج اجازة فعلا أو راحة استخدم الطرق المتاحة بشكل رسمي، واتكلم مع المسؤولين عن حجم الضغط اللي بتتعرض له. ( ده حقك)

ولو الضغط مستمر ومأثر على نومك أو نفسيتك أو قدرتك على أداء شغلك، ما تتجاهلش الموضوع، وممكن تحتاج تستعين بمتخصص.
أو حد قريب ليك

وفي نفس الوقت، لازم نفهم إن الالتزام مش معناه إنك تفضل تضغط على نفسك لحد ما تنهار، وإن الاهتمام بنفسك مش معناه إنك تهمل مسؤولياتك.

الاتنين لازم يمشوا مع بعض.
إنت مسؤول عن شغلك، لكنك كمان مسؤول عن نفسك.

وفي الآخر، عايزك تفتكر إن الهدف مش إنك تستحمل أي بيئة مهما كانت مؤذية، ولا إنك تسيب كل حاجة أول ما تتعب.

الهدف إنك تفهم نفسك، وتحدد المشكلة، وتاخد خطوات حقيقية علشان تتحسن، وتعرف إذا كان المكان ده بيساعدك تكبر وتتطور، ولا بيستنزفك من غير ما يديك فرصة حقيقية للتقدم.

ما تخليش فترة صعبة في شغلك تكسرك، وفي نفس الوقت ما تقنعش نفسك إن الطبيعي إنك تفضل تعبان طول الوقت.

خد بالك من نفسك، راجع حساباتك، وطوّر من نفسك، وافتكر دايمًا إنك مش مطالب تكون بأفضل أداء ليك كل يوم، لكنك مطالب تكون واعي بنفسك، وصادق معاها، ومسؤول عن قراراتك.

لأن النجاح مش إنك تفضل واقف مهما كنت مستنزف، النجاح إنك تعرف تحافظ على نفسك، وتكمل بشكل صحي، وتبقى قادر تدي من غير ما تخسر نفسك في الطريق.

تحياتي.. ❤️
Mena Raafat

29/09/2026

علامات صغيرة ممكن تنقذ حياة! 🛑❤️
#توعية #تمريض
#جلطة #القلب

29/09/2026

🎉 ألف مبروك التكليف لكل التمريض ❤️
بس خد بالك من نقطة مهمة 👇
لو مكان التكليف بعيد عنك وتقول: "هستلم وبعدين أنقل".
النقل بعد الاستلام مش بيكون مضمون
،وممكن يحتاج موافقة الجهتين أو ندب حسب الحالة.

📌 لو مكان التكليف غير مناسب ليك
،قدم تظلم في المواعيد المحددة، وأرفق كل ما يثبت ظروفك.
⚠️ التظلمات بتفتح بعد ظهور النتيجة، فخليك متابع وما تضيعش الفرصة.
ربنا يوفقكم جميعًا ويكتب ليكم الخير في المكان الأنسب ليكم ❤️🩺

19/09/2026

📢 فرصة عمل لفريق التمريض – مجموعة مستشفيات شفا

تعلن مجموعة مستشفيات شفا – فرع الإسماعيلية عن فتح باب التوظيف للانضمام إلى فريق التمريض، للوظائف التالية:

🔹 أخصائي تمريض
🔹 رئيس وحدة تمريض – Head Nurse
🔹 مشرف تمريض
🔹 مساعد تمريض

📍 مكان المقابلات : مستشفى الكهرباء – الإسماعيلية
📅 موعد المقابلات: الثلاثاء
⏰ من الساعة 11 صباحًا حتى 2 ظهرًا

📲 للتواصل عبر WhatsApp:
01111263120

نتمنى التوفيق لجميع المتقدمين 🌷

15/08/2026

😢😢

10/08/2026

تحياتي 👏

تنبيه هام

حرصًا من إدارة المستشفى على حماية خصوصية المرضى والحفاظ على سلامتهم وحقوقهم، يُمنع منعًا باتًا التصوير الفوتوغرافي أو تصوير الفيديو داخل المستشفى، سواء للمرضى أو العاملين أو مرافق المستشفى، إلا بعد الحصول على تصريح رسمي مسبق من إدارة المستشفى.

ويُعد مخالفة هذا التنبيه إخلالًا باللوائح المنظمة لخصوصية المرضى، ويُعرّض مرتكب المخالفة للمساءلة القانونية واتخاذ الإجراءات اللازمة بحقه وفقًا للقوانين واللوائح المعمول بها في جمهورية مصر العربية.

نرجو من الجميع الالتزام الكامل بالتعليمات، تقديرًا لخصوصية المرضى وحرصًا على توفير بيئة آمنة وملائمة للرعاية الطبية.

08/08/2026

نصيحة لكل أصدقاء مهنتنا
رجاءا ناخد بالنا
لإن وسط التريندات اللي بنشوفها كل يوم، والتصوير والموبايلات اللي بقت موجودة في كل موقف وكل مكان ،وهوس التريندات خلينا ناخد بالنا شوية.
خصوصا في شغلنا كتمريض في الرعاية او الأدوار ،لإن ممكن موقف بسيط مع مريض أو حد من أهله يتحول في لحظة لفيديو، وإنت أصلا متعرفش اللي بيصورك هدفه إيه، ولا هو بيصور ليه، ولا إيه اللي حصل قبل اللحظة دي. وانت اصلا مش المقصود
وعشان كده خليك دايما ماشي صح.

شغلك صح ✅
تعاملاتك صح ✅
تسجيلك وكتابتك صح ✅
التزامك بسياسة مكانك ✅

ولو حصلت مشكلة أو حد اتخانق معاك أو حب يعمل مشاحانات بدون داعي او دافع او سبب متدخلش في شد وجذب ولا تخلي العصبية تسحبك لموقف تندم عليه بعد كده.

خد حقك بالطريقة الصح،
كلم المسؤول، وثق اللي حصل، وخلي كل حاجة رسمية.

لأن في الآخر، الفيديو ممكن يبين ثواني من موقف، لكن اللي هيتحاسب على الثواني دي ممكن يبقى إنت ف علي ايه واحنا في الاخر اللي بنبقي ضحية اي حاجة

ف اعمل اللي عليك، وامشي صح… عشان لو في يوم حد صورك، يبقى إنت مطمن إن مفيش حاجة عليك.
وربنا يحفظنا جميعا

03/08/2026

قبل شوية كلنا حسينا قد إيه الإنسان ضعيف، وقد إيه العمر ممكن يتغير في لحظة.

اللي بينك وبين ربنا صلحه، واللي بينك وبين الناس صفيه. سامح، واطلب السماح، ومتأجلش خير كنت ناوي تعمله.

الدنيا مش مضمونة، واللحظة اللي فاتت علمتنا إن كل يوم هو نعمة.

ربنا يحفظ الجميع، ويكتب لينا وليكم السلام والطمأنينة، ويبعد عنا كل سوء. 🤍

06/07/2026

نفسك تبقي اتشارج نيرس ...!!
ده حق مشروع لأي حد بيشتغل في مكانه
بس ياترى انا مش متشاف
ولا انا شغال غلط
ولا هي الكوسة والصحوبية اللي ماشية اليومين دول
ولا ايه الدنيا مع اني شاطر و جامد جدا
بص ياريس
هي معضلة شويتين تلاته
بس فيه شوية أساسيات كدة لازم تتأكد من وجودهم
او حتى تحاول يبقوا موجدين

إيه اللي يخلي الإدارة تختار غيرك وانت لا ؟

ناس كتير فاكرة إن الترقية بتكون بالمجاملات أو بالمظاهر أو إنك تبقى معروف وسط الناس. وده مش دايما عشان بس ما تعتمدش على كدة ك حجة ولا مبرر وتقول اهو يا باشا انا بجتهد وبعمل ومحدش مقدر وكوسة و. و.... الخ

عايز بس ااقولك قبل ما تقول كدة وتضحك ع نفسك
اتأكد بس الاول انك بتعمل ايه وصح ولا لا

الدراسات في إدارة الموارد البشرية والقيادة عموما بتقول إن المدير بيدور على شخص يحقق شوية حاجات أساسية مهمة جدا
اولا ودي من وجهة نظري الشخصية الأساسية ال KAP
Knowledge
Attitude
Practice
ودول اكيد كلنا عارفينهم ومش هنشرحهم

بالإضافة ل شوية مواصفات مهمة
ركز معايا لو انت عندك النية اصلا

1️⃣ شخص يمكن الاعتماد عليه.
لما تحصل أزمة... أول اسم ييجي في دماغ المشرف هو اسمك.
( مش مستهتر يعني او عديم المسئولية)

2️⃣ بيحل المشاكل بدل ما ينقلها او يعقدها.
يعني في واحد يقدر يقول في مشكلة و يكبرها لكن الشخص القيادي بيقترح ويبتكر حلول ويساعد بدل ما يعقد و أحيانا بدل ما يخرب

3️⃣ ثابت في أدائه.
مش يوم شاطر ويوم لأ. يوم يتابع ويوم لا يوم يتعامل حلو ويوم لا الاستمرارية أهم من الأداء المؤقت.

4️⃣ يتعلم بسرعة. و قابل للتعليم
يعني البوست ده مثلا ياخده على محمل الجد ويتعلم ويبقي عنده القدرة او القابليه انه يغيير من نفسه بدل الدماغ القفل اللي مش عندها اي معلومة و في الاخر يقولك محدش شايفني

5️⃣ شخص مؤثر
الاتشارجية او القيادة مش لقب... القيادة إن الناس تشتغل أحسن لما تكون موجود. يحبوك و يشاركوك ونفس الوقت يخافوا منك ب احترام لما تقولهم على غلط ولما هو يلاقي الغلط الناس تحب تسمعه وهو بيعلم

6️⃣ قدوة
وانت استاف ومسئول عن حالات هنا ااقصد القدوة في الضمير والاحترام و الحزم والتعليم و التواصل مع الناس و الأسلوب و لبسك و هدوئك و صبرك و ابتاسمتك وعدلك بين الناس ف انت صورة لنفسك وده مهم جدا جدا

7️⃣ الضمير
آخرهم هي اهمهم في استاف بيتعب ويشتغل بس قدام مشرفه ويبقي دايما محتاج حد يراجع وراه كل حاجة الضمير انك تبقي امين مع نفسك في كل خطوة ولو انت مش امين وانت مع الحالة اللي معاك ازاي تبقي امين مع 20 حالة مثلا

ف الخطأ اللي بيقع فيه ناس كتير إنهم بيشتغلوا على الصورة من برا
يركز في انه يلبس أحسن بس ... يتكلم بصوت أعلى ... يحاول يبان مهم...يحاول يبين انه شاطر و هوب ياخد مقلب في نفسه يعني ... يحاول يظهر ب شخصية قوية من الاخر كدة يحس انه فاهم بس العكس اللي موجود

عشان كدة الترقية مش مكافأة على عدد السنين...
ولا على الصوت العالي... ولا على العلاقات...
الترقية استثمار. والإدارة بتستثمر في الشخص اللي وجوده هيضيف قيمة للمكان. مش العكس

اسأل نفسك كل يوم...
لو احتاجوا اتشارج بكرة... هل الإدارة هتشوفني أول اختيار؟
لو الإجابة "لا"... يبقى اشتغل على نفسك قبل ما تطلب المنصب.
لأن المناصب لا ترفع الأشخاص... لكن الأشخاص المؤهلون هم من يرفعون قيمة المناصب.

طب لو انت عملت كل ده ومحدش برضوا اختارك
في اللحظة دي خليك مبسوط وفرحان بنفسك
لان لكل شيء ليه وقته وميعاد وترتيب من ربنا

معلومة بسيطة
البوست مش عشان لو عايز تبقي اتشارج بس
ده ع اي حاجة حابب توصلها يا صديقي 😊 ❤️

بالمناسبة
الصورة دي مع احسن تيم اتشارجات ممكن تشتغل معاهم