Dr Marian Melad عياده دكتوره ماريان ميلاد - إستشاري الأطفال و حديثي الولاده

23/08/2026

اعتقد بعد ١٥ سنه مش هنلاقي دكاتره 😂😂مش هيكون فيه غير chat gpt و أولاده 😂😂
مبروك التخرج من الحضانه يا أحلي ايرينا و يارب دايما اشوفك مبسوطه حبيبتي ♥️

20/08/2026

بفرح أوي لما الموضوع مايبقاش مجرد إني أكون «دكتورة العيلة»… ❤️
لما الحكاية تكبر لعشر سنين من الذكريات والمواقف واللحظات الجميلة.

الجميل مش بس إنك تكون دكتور بيعالج الأطفال، لكن الأجمل إنك تكون جزء من الأسرة، وتكون موجود معاهم في كل مرحلة وكل فرحة. 🥰

بدأت الحكاية من ٧ سنين، مع أول طفل اتولد ودخل الحضانة… ومن وقتها كبرت الحكاية، وبقيت مع كل طفل جديد في العيلة. ❤️

حقيقي مبسوطة جدًا إني عرفت العيلة الجميلة دي، والأجمل إن علاقتنا بقت أكبر بكتير من مجرد دكتورة ومرضى.
بقيتوا جزء غالي من حكايتي. ♥️

19/08/2026

الخميس القادم فقط 📣📣📣📣

14/08/2026

الفتره إللي فاتت قابلت أطفال عندهم عيوب خلقية و للاسف بدون تشخيص واضح أو معرفه التفاصيل عن طريقه العلاج
و دي من أهم و اكتر العيوب الخلقية إللي قابلتني خلال الفترات السابقة

عند الأطفال Hypospadias (الإحليل السفلي)

هل لاحظتِ أن فتحة البول عند طفلك ليست في مكانها الطبيعي؟
قد يكون ذلك بسبب Hypospadias (الإحليل السفلي.)

🔹 ما هو الإحليل السفلي؟
هو عيب خلقي يكون فيه مكان فتحة مجرى البول أسفل رأس القضيب بدلًا من وجودها في طرفه.

🔹 ما العلامات التي قد تظهر؟

فتحة البول في مكان غير طبيعي

انحناء في شكل القطيب في الاتجاه السفلي

أحيانًا يكون الجلد الذي يغطي رأس القضيب غير مكتمل التكوين.

🔹 هل يحتاج كل طفل إلى عملية؟
في الأغلب يحتاج الطفل إلي تدخل جراحي ، لذلك يجب تقييم الطفل بواسطة طبيب جراحة أطفال أو مسالك بولية أطفال لتحديد درجة الحالة وهل تحتاج إلى إصلاح جراحي.

🔹 متى يتم العلاج؟
عندما تكون الجراحة مطلوبة، غالبًا يُفضّل إصلاح الإحليل التحتي في مرحلة الطفولة المبكرة بعد اتمام العام الأول، ويحدد الجراح التوقيت المناسب حسب درجة الحالة وحالة الطفل.

⚠️ معلومة مهمة جدًا للأمهات:
إذا كان طفلك لديه Hypospadias، لا يُنصح بإجراء الختان قبل تقييمه بواسطة جراح أطفال/مسالك أطفال؛ لأن جلد القلفة قد يكون مهمًا في بعض أنواع الإصلاح الجراحي.

❤️ التشخيص المبكر والتقييم المناسب يساعدان على اختيار أفضل طريقة للعلاج.

د. ماريان ميلاد
استشاري الأطفال وحديثي الولادة
تغذية علاجية أطفال

11/08/2026

لكل إللي سألنا علي تطعيم الالتهاب السحائي الجديد (النمطي B)
التطعيم متوفر حاليا في العياده

إتسألنا كتير الفتره إللي فاتت عن تطعيم الالتهاب السحائي أو الحمه الشوكيه...
ايه أنواعه و مفروض ناخد إيه ؟؟؟!!!
عشان كده......
جمعنا اهم و أبسط المعلومات بخصوص التطعيم 📣📣📣📣
# # # #بس لازم نأكد.... لحمايه أفضل لأطفالنا يجب الجمع بين النوعين (الرباعي المقترن و نوع B)
لو عايز تسأل عن التطعيم إحنا موجودين نرد علي كل الأسئلة..
د ماريان ميلاد
إستشاري الأطفال و حديثي الولاده

09/08/2026

09/08/2026

كوكو ❤️ شقاوته مش عاديه 🥰
بحاول اخد منه السماعه مش موافق أبدا 😂
شرحنا كل الخطوات عشان اخدها منه وبرضه مفيش فايده 🤔
و في الآخر الحمدلله استغني عنها عشان بالونه 🎈🎈🎈

07/08/2026

✨ يوم مميز في فرع مصر الجديده ✨
يسعدنا نعلن أن يوم الأحد القادم ٩ اغسطس هيكون معانا يوم مختلف ومميز في فرع مصر الجديده ❤️
🕐 من الساعة ٦ مساءا حتي ٩ مساءا
🎉 هيكون معانا شركة جلوب بكل منتجات Chicks للإجابة على استفساراتكم والتعريف بالمنتجات.
🎁 وكمان خصم 10% خلال فترة الفعالية.
📞 ونفكركم بضرورة الالتزام بتعليمات الحجز المسبق للمساعدة في تقليل التزاحم .
د. ماريان ميلاد
استشاري الأطفال وحديثي الولادة
تغذية علاجية للأطفال

04/08/2026

طفلك اتولد بدري ودخل الحضّانة… البوست ده مهم جدًا ليكي ❤️

الطفل اللي بيتولد بدري قبل إتمام الشهر التاسع (الطفل المبتسر)، وبيحتاج دخول الحضّانة لدعم الجهاز التنفسي أو بسبب نقص الوزن، بيكون محتاج فحوصات مهمة جدًا بعد التعافي والخروج من الحضّانة.

ولازم كل أم تكون عارفة الفحوصات دي ومواعيدها 👇🏻

🔴 أول حاجة: فحص قاع العين والشبكية

من أهم الفحوصات للطفل المبتسر هو فحص قاع العين والتأكد من اكتمال نمو الشبكية بشكل طبيعي.

👁️ الفحص بيتم عند طبيب رمد متخصص، و بيكون ميعاده عند إتمام الطفل ٢٨ يوم بعد الولادة

الفحص مهم جدًا لاستبعاد اعتلال الشبكية عند الأطفال المبتسرين، خاصة مع احتياج الطفل للأكسجين لفترات طويلة أثناء وجوده في الحضّانة.

💡 اكتشاف أي مشكلة في الشبكية في الوقت المناسب بيسمح بالتدخل والعلاج في الوقت المناسب، بينما التأخير عن الفحص أو عدم الالتزام بالمتابعة ممكن يؤدي إلى مضاعفات خطيرة قد تؤدي إلي فقد حاسه البصر

🔴 ثاني حاجة: فحص السمع

فحص السمع مهم لكل طفل، وبيكون أكثر أهمية للأطفال المبتسرين أو الأطفال اللي احتاجوا رعاية خاصة داخل الحضّانة.

👂🏻 ويفضل إجراء فحص السمع بعد الخروج من الحضّانة أو في أقرب وقت ممكن حسب حاله الطفل.

اكتشاف أي مشكلة في السمع بدري بيساعد على التدخل المبكر، وده مهم جدًا لتطور اللغة والكلام والتواصل عند الطفل.

🔴 ثالث حاجة: متابعة التطور الذهني والحركي

الطفل المولود بدري ممكن يحتاج متابعة دقيقة لمتابعه تطور مهاراته الحركية والذهنية، مع تقييم التطور باستخدام العمر المصحح عند الأطفال المبتسرين.

اكتشاف أي تأخر في التطور بدري بيساعد على بدء التدخل المناسب في الوقت المناسب، وبيحسن فرص الوصول لأفضل نتائج ممكنة ❤️

🔴 وأخيرًا: متابعة حالة الطفل حسب احتياجاته

كل طفل مبتسر حالته بتختلف عن الطفل التاني، وده بيحتاج متابعة دقيقة حسب المشاكل اللي كانت موجودة أثناء الحمل أو الولادة أو فترة الحضّانة، زي بعض العيوب الخلقية في القلب أو الكلى أو الجهاز العصبي، أو أي مشكلة أخرى تحتاج متابعة مع الطبيب المختص.

❤️ خروج الطفل من الحضّانة مش معناه إن المتابعة انتهت… بالعكس، المتابعة بعد الخروج مهمة جدًا لضمان نموه وتطوره بشكل سليم.

دكتورة ماريان ميلاد
استشاري الأطفال وحديثي الولادة
تغذية علاجية أطفال

03/08/2026

كلام بيخلي القلب يدق ♥️♥️
حضن الأم هو المكان الأمن لكل طفل ❤️
ربنا يخرج كل طفل بالسلامه لحضن مامته و يحافظ على ولادنا ♥️♥️🥰🙏