Walaa Abdul Ghany - ولاء عبد الغني

Contact the practice

Walaa Abdul Ghany - ولاء عبد الغني ◇ Life coach - ICF
◇ Certified PEAT practitioner
◇ Positive Psychology coach
◇ Cretified Enneagram coach
DM for one to one session 📩🧚‍♀️✨️

متخصصة في العلاج الجدلي السلوكي (DBT) | العلاج الشعوري بتقنيات PEAT
🌿 أساعدك تفهم نفسك ومشاعرك بعمق، وتتعافى من جروح الماضي، وتبني علاقات أكثر أمانًا.
🌿 فهم اضطرابات الشخصية، أخطاء التربية،
جروح الطفولة، والإنياجرام (علم أنماط الشخصيات).

قبل ما تركز علي رد فعل اللي قدامك ركز علي فعلك أنت الأول ..قبل ما تسأل:«هو ليه اتغير؟»«ليه زعل؟»«ليه بقى بارد؟»«ليه مبقا...
23/09/2026

قبل ما تركز علي رد فعل اللي قدامك
ركز علي فعلك أنت الأول ..

قبل ما تسأل:
«هو ليه اتغير؟»
«ليه زعل؟»
«ليه بقى بارد؟»
«ليه مبقاش يكلمني زي الأول؟»

وقبل ما تحكم:
هو ظالم
هي حساسه زياده عن اللزوم
هو أناني ما بيفكرش غير في نفسه
هي اتغيرت مابقتش زي الأول

اسأل نفسك:
أنا قلت إيه؟
عملت إيه؟
اتصرفت إزاي؟
وهل طريقتي ممكن تكون هي السبب في رد فعله؟

مش كل رد فعل ظلم ليك
أحيانا المشكلة كان في فعلك انت في الأول.

- ولاء عبد الغني

رغبتك الشديدة في السيطرة على الآخرينبتكون أحيانًا محاولة للهروب من إحساسك إنك مش مسيطر على نفسك.محاولاتك المستمرة في إنق...
22/09/2026

رغبتك الشديدة في السيطرة على الآخرين
بتكون أحيانًا محاولة للهروب من إحساسك
إنك مش مسيطر على نفسك.

محاولاتك المستمرة في إنقاذ غيرك،
قد تكون نداء استغاثة صامت…
إنك أنت نفسك محتاج حد ينقذك.

حرصك المبالغ فيه على إرضاء الناس علي حساب نفسك،
هو محاولة دائمة للهروب من خوفك
إنهم يرفضوك ويسيبوك.

وعصبيتك المستمرة، أحيانًا بتخفي إحساس بالعجز تجاه نفسك مش عارف تتعامل معاه.

كتير من السلوكيات بيتغير شكلها تماماً
لما تفهم دوافعها الحقيقة
هي مش سلوك مجرد .. هي طريقة بتحاول بيها
تهرب من وجع جواك بطريقة مش مباشرة.

ـ ولاء عبد الغني

لم يولد الصبار قاسيًا…وُلد فقط في مكان لم يكن يعرف الرحمة.كانت الشمس تلسعه كل صباح،والأرض تحته جافة، والسماء قليله المطر...
21/09/2026

لم يولد الصبار قاسيًا…

وُلد فقط في مكان لم يكن يعرف الرحمة.

كانت الشمس تلسعه كل صباح،
والأرض تحته جافة، والسماء قليله المطر.

في البداية، كان ينتظر…

ينتظر أن يأتي يوم تتوقف فيه الحياة عن اختباره،
أن تمتد إليه يد ولا تتركه يعاني من العطش.

لكن ذلك اليوم تأخر… والعطش طال.
فبدأ يتعلم النجاة وحده.

خبأ الماء بداخله، وقلل احتياجه،
وتعلم ألا يمد جذوره كثيرًا نحو شيء قد لا يأتي.

ثم ظهرت الأشواك.
شوكة وراء شوكة…

حتى صار كل من يقترب منه ... يخرج بجرح.

ولم يسأل أحد:
" ماذا حدث له؟ "

كانوا فقط يقولون:
"الصبار مؤذٍ."

ولم يعرفوا
أن كل شوكة كانت في الأصل
جزءًا من قلب خائف.

شوكة لأن أحدهم اقترب ولم يرحم.
وشوكة لأن أحدهم وعد بالماء ثم رحل.
وشوكة لأن الصبار، في وقتٍ ما،
تعلم أن الاحتياج وجع…
وأن الثقة مخاطرة…
وأن الانكشاف قد يكلفك كثيرًا.

فصار يحمي نفسه
بطريقة تؤذي من يحاول الاقتراب.

ومرت السنوات…
حتى جاء المطر.

لم يصدق في البداية.

ظل واقفًا .... مشدودًا ..... حذرًا…

كأنه ينتظر أن يتوقف المطر
قبل أن يسمح لنفسه بالفرح.

لكن المطر استمر.

شرب…
وشرب…
ولأول مرة منذ زمن طويل لم يكن عليه أن يقاوم.

وفي صباح هادئ،
حدث شيء لم يكن يتوقعه أحد…

أزهر 🌾

خرجت من بين كل هذه الأشواك زهرة.
رقيقة .... ناعمة .... وحقيقية…

كأن كل هذا الجفاف
لم يكن دليلًا على أنه بلا قلب،
بل دليلًا على أنه
ظل يحمل قلبه حيًّا رغم كل شيء.

ومن يومها فهم الصبار:

أن الأشواك أنقذته يومًا… لكنها ليست بيته.

وأن الحماية التي أنقذتنا في الماضي
قد تصبح سجنًا
إذا ظللنا نستخدمها حتى بعد أن ينتهي الخطر.

ربما نحن أيضًا
لسنا قساة كما يظن البعض…

ربما نحن فقط
أشخاص عطشى .. تعلموا أن يختبئوا خلف أشواكهم.

لكن الحياة لا تطلب منك
أن تصبح بلا أشواك…

فقط أن تعرف
متى كان الخطر حقيقيًا،
ومتى أصبح المطر آمنًا.

لأنك لا تُشفى حين تفقد أشواكك…
تُشفى حين لم تعود بحاجة
لأن تؤذي بها كل يدٍ تمتد نحوك.

- ولاء عبد الغني

ليه الشخص اللي وجعك بيكمل حياته…وإنت بتفضل تعاقب نفسك على اللي هو عمله فيك ؟!ده بأختصار أسمه " شعور الأستياء " !الاستياء...
20/09/2026

ليه الشخص اللي وجعك بيكمل حياته…
وإنت بتفضل تعاقب نفسك على اللي هو عمله فيك ؟!

ده بأختصار أسمه " شعور الأستياء " !

الاستياء هو أن تتجرع أنت السم
وتتوقع أن يموت الشخص الآخر".

⁉️ وليه شعور الاستياء بيشبه تجرع السم؟
علشان بيسببلك التلات حاجات دول :

1️⃣ تدمير ذاتي:
الاستياء يستهلك طاقتك النفسية
والجسدية ويزيد من توترك.

2️⃣ غياب التأثير علي الأخر :
الشخص اللي حاسس بالإستياء تجاهه غالباً
مش حاسس بمعاناتك اصلا وعايش حياته طبيعي.

3️⃣ سجن اختياري:
الإستياء تجاه ما حدث بيديك شعورا مزيف بالعدالة
وإنه لم ينفد بما فعله فيك ولكن هو في الحقيقة
بيحبسك في الماضي.

⁉️ أزاي تتخلص من السم دا ؟

• الاعتراف بالمشاعر:
واجه غضبك واعرف سببه الحقيقي وأعترف به بدون إنكار.

• التقبل:
تقبل أن الماضي لا يمكن تغييره وأن الخطأ قد حدث بالفعل.
لن يفيد البكاء علي اللبن المسكوب.

• الغفران الذاتي:
التسامح مش تنازلاً للآخر وإسقاط لمسئوليته عما فعل،
بل هو قرار واعي بتحرير نفسك من قيود الألم.

• فصل المشاعر:
ركز كل طاقتك على النهاردة وعلى تطوير حياتك
بدلاً من التفكير فاللي حصل واللي كان وبذل مجهود في رد المظالم القديمة.

ـ ولاء عبد الغني

مكانش صدفه إن أغلب مؤسسي مدارس علم النفس والفلاسفة كان عندهم تاريخ طويل مع المعاناة والألم النفسيبشكل أو بآخر.💥 تخيل تعي...
19/09/2026

مكانش صدفه إن أغلب مؤسسي مدارس علم النفس والفلاسفة كان عندهم تاريخ طويل مع المعاناة والألم النفسي
بشكل أو بآخر.

💥 تخيل تعيش سنين مع أسئله مش عارف إجابتها.

• ليه بفكر بالطريقة دي؟
• أنا ليه قلقان ؟
• ليه بكرر نفس النمط من العلاقات اللي بيأذيني؟
• ليه بكرر نفس العادات اللي بتعطلني ؟
• ليه بأذي نفسي ؟
• ليه في ناس بتخرج من نفس التجربة أقوى،
وناس تانية بتنهار؟
• أعمل ايه علشان ابقي أحسن ؟

بعض الناس الأسئلة دي فضلت جواهم،
بدل ما يكتفوا إنهم يعيشوها، بدأوا يدرسوها.

يقرأوا، يلاحظوا، يجربوا، ويتناقشوا مع غيرهم.

ومع الوقت
الحاجة اللي بدأت كـ تجربة شخصية أو معاناه فرديه
بقت موضوع دراسة وأبحاث، وبعدها أفكار ونظريات
حاولت تفهم النفس البشرية بشكل أوسع وأعمق.

وده يمكن أكتر شيء إنساني في تاريخ علم النفس:

إن جزء من الأسئلة اللي بنحاول نفهم بيها
نفسنا النهارده،
بدأ أصلًا من ناس كانوا بيحاولوا يفهموا نفسهم وألمهم.
وقدروا يساعدوا غيرهم من خلال تجربتهم.

- ولاء عبد الغني

18/09/2026

كيف تطلب ودا وقربا
ممن علمته أن النجاة تكون في الا يحتاج إليك؟

كيف تنتظر منه أن يقترب،
وأنت من دربته على الاكتفاء بدونك

ثم تغضب من بُعده،
وتتساءل متعجبا لماذا كل هذا الجمود…

وكأنك نسيت
أن الإنسان حين يتعلم كيف ينجو وحده ،
لن يعود قادرًا على العودة إليك
بنفس بالقلب الذي كان يحتاجك.

تسمع عن المواجده ؟المواجدة في معناها النفسي/الإنساني هي إنك تكون حاضر مع مشاعر شخص تاني، وتحس بيه وتفهم حالته من غير ما ...
18/09/2026

تسمع عن المواجده ؟

المواجدة في معناها النفسي/الإنساني
هي إنك تكون حاضر مع مشاعر شخص تاني،
وتحس بيه وتفهم حالته
من غير ما تحاول فورًا تصلحه أو تنصحه.

يعني مش بس: "أنا فاهمك."
لكن:
"أنا حاسس إن اللي إنت بتمر بيه تقيل عليك…
وأنا موجود معاك فيه."

المواجدة تختلف تماماً عن الشفقة؛
الشفقة بتحطك أحيانًا في مكان أعلى من الشخص،
لكن المواجدة بتخليك جنبه.

هي إنك تشوف ألمه…
من غير ما تقلل منه،
وتسمع حكايته…
من غير ما تأفف،
وتسمح له يكون ضعيف…
من غير ما تحسسه إن مشاعره عبء عليك.

- ولاء عبد الغني

18/09/2026

أعمال مستحبة يوم الجمعة

الصلاة على النبي ﷺ:
الإكثار منها طوال اليوم وليلة الجمعة.

قراءة سورة الكهف: تنور ما بين الجمعتين.

تحري ساعة الإجابة:
وهي غالباً آخر ساعة بعد صلاة العصر وقبل غروب الشمس.

#جمعةمباركة

قالتلي:«أنا بخاف أقعد مع نفسي… دماغي بتسوحني.»سألتها ..... بتهربي ؟ من الأسئلة اللي مأجلة إجابتها،من المشاعر اللي مدياله...
17/09/2026

قالتلي:
«أنا بخاف أقعد مع نفسي… دماغي بتسوحني.»

سألتها ..... بتهربي ؟
من الأسئلة اللي مأجلة إجابتها،
من المشاعر اللي مديالهاش حقها،
من الحاجات اللي وجعتك وكابرتي تعترفي إنك اتوجعتي،
بتهربي من الخوف اللي بتغطيه بالانشغال والناس
والشغل والموبايل.

عشان كده السكوت بيخوفك…
لأن الهدوء ساعات بيكشفلك نفسك قدامك.

لو أنتي كمان حاسه زيها ....
صدقيني ....
مش كل فكرة بتيجي في دماغك حقيقية،
ومش كل إحساس لازم تصدقيه ،

مش كل اللي ييجي في دماغك يستاهل تمشي وراه،
ومش كل خوف جالك معناه إن في خطر.
ساعات بيكون إنذار كاذب ...

أحيانًا دماغنا، لما تتعود على الزحمة،
بتعتبر الهدوء تهديد.. و بتتصرف علي إن التهديد ده حقيقي!

والحل مش إنك تهربي من نفسك أكتر…
الحل إنك تتعلمي تقعدي معاها
من غير ما تحاكميها،
من غير ما تخافي منها،
ومن غير ما تصدقي كل اللي بتقوله.

لحد ما وجودك مع نفسك
يبقى مكان أمان… مش ساحة حرب.

- ولاء عبد الغني

" اختفى فجأة… من غير خناقة، من غير سبب، ومن غير حتى كلمة أخيرة! "كنتوا بتتكلموا عادي…بيسأل عليكي ، بيرد، موجود في حياتك…...
16/09/2026

" اختفى فجأة… من غير خناقة، من غير سبب،
ومن غير حتى كلمة أخيرة! "

كنتوا بتتكلموا عادي…
بيسأل عليكي ، بيرد، موجود في حياتك…
وفجأة: ولا رسالة، ولا مكالمة، ولا أي تفسير.

تبعتي… مفيش رد.
تسألي: " في حاجة؟ "… مفيش رد.
وتفضلي كل يوم مستنية تفهمي: إيه اللي حصل؟

وتبدأ بقي الأسئلة تشتغل جواكي:

"أنا عملت إيه؟"
"هو ليه مابيردش عليا؟"
"عايز نسيب بعض ؟"
" مقالش ليه ؟ "
"يمكن عنده ظروف؟"
"طب هو مش هيرجع؟"

💥 ده معناه أنك أتعرضتي لنوع من أنواع التلاعب النفسي
في علم النفس اسمه...


الـ Ghosting مش مجرد اختفاء عادي…
ده انسحاب مفأجي من العلاقة بدون أي مقدمات
من غير ما يديكي تفسير أو فرصة للفهم
أو إنهاء العلاقة بوضوح.

وعشان عقلك بيكره المساحات الفاضية،
بيبدأ يملأها بافتراضات والأسئلة اللأنهائيه..

وللاسف ساعتها أسوء تفسير عندك
هو التفسير اللي هتصدقيه ..
وفي الغالب هيكون إنك تشكي وتفقدي الثقه في نفسك
وفي مشاعرك ،
هتحسي أنك كنتي عايشه في وهم كبير..

بس مهم أوي تعرفي:
اختفاء شخص بدون تفسير مش دليل تلقائي
إن فيكي عيب.

ممكن يكون شخص بيهرب من المواجهة،
مش قادر يتحمل مسؤولية التعبير عن مشاعره،
أو ببساطة معندوش النضج الكافي إنه يقول:
"أنا مش عايز أكمل."

الرفض الصريح ممكن يوجعك…
لكن الأختفاء المفأجي بيخليكي متعلقة بين الأمل
والتفسير والأنتظار.

عشان كده، لما حد يختفي:
ما تحاوليش تفكي شفره إختفائه على حساب سلامك النفسي.

👈🏻 غيابه المفاجئ والغير مبرر في حد ذاته معلومة.

مش كل سؤال عندك لازم تلاقي له إجابة
من الشخص اللي سابهولك.

ممكن نهاية القصه تكون:
"هو اختار ما يوضحش…
وأنتي أختارتي ما تتعبيش نفسك في محاولة الفهم."

- ولاء عبد الغني

Address

Cairo

Website

Alerts

Be the first to know and let us send you an email when Walaa Abdul Ghany - ولاء عبد الغني posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Walaa Abdul Ghany - ولاء عبد الغني:

Shortcuts

Share

Category