09/09/2026
ازاي فجأة عميلتي بقت السيئة في رواية أحدهم وهي مبسوطة باللقب؟😃
عارفة اللحظة اللي بطلة الفيلم بتبطل تعيط فيها وتبدأ تاخد حقها وتحمي نفسها؟ اللحظة دي هي بالضبط اللي الشرير في الفيلم بيبدأ يخاف منها
يعني هي مبقتش سيئة.. هي بس بطلت تلعب دور "الضحية" اللي هما اتعودوا عليه
لما قررت تتحمل مسئولية تعافيها النفسي، وتحرر مشاعرها وتغير نظرتها لنفسها وتحط حدود صحية، فالمنظومة القديمة اتهزت...
والشخص اللي كان مستفيد من تنازلاتها وسكوتها على حساب راحتها طبيعي جدا يشوفها "سيئة" أول ما تقول "لاأ"
بس الحقيقة اللي اعتمدتها وانتي كمان محتاجة تعتمديها بجد:
* لقب "سيئة" عندهم = سلام نفسي عندك: اللي بيسميكي قاسية، هو بس زعلان انك بطلتي تبقي مُتاحة طول الوقت
* الحدود مش شر، الحدود حماية: حمايتك لقلبك وعقلك مش أنانية، دي أعظم صور التعافي وحب الذات
* روايتك هي اللي بتبني مستقبلك: مش مهم كاتبين عنك ايه في كتابهم، المهم انك بتكتبي فصل جديد في حياتك عنوانه "الراحة والسلام"
لو حسيتي ان الوقت جه عشان تتخلصي من مشاعر الذنب الخفية وتتحرري من صدمات الماضي وتعيشي بحدود صحية متزنة وراحة بال تواصلي معايا 💞
#علاقات
