15/04/2026
بعد الحوادث دي اتعودنا احنا الدكاتره النفسين ان بعض المرضي بيخافوا علي نفسهم - او بيخافوا من نفسهم -بيبعتوا يسألوا( يادكتوره أنا قلقان اعمل ذي فلان -فلانه ؟!)
برد اقوله لو في نسبه ولو ١٪انك ممكن تعمل كده مفهاش هزار لازم تتحجز -لانه بيكون في مكان آمن ومعاه ممرضه قاعدة معاه ملاحظة لصيقه - لحد مايتعافي وترجع له بصيرته بالحياه والقرارت ويخرج مفيش خلاص رغبه في الموت والوضع افضل
— الشخص في التوقيت ده بيبقي فاقد الاستبصار ومش في حالته الطبيعيه
وبالتالي ماينفعش نسيب اي نسبه شك ولو قليله جداا
لو سمحتم اي حد عنده قريب او صديق نفسيته تعبانه -بغض النظر عن اسم مرضه -يسأله من فتره للتانيه عن أحواله ويساله انت بتفكر في الموت او الانتحار ؟!
إذا قاله ايوه - او قاله مش متاكد
يبقي لازم ياخده فورا ويروح اقرب مستشفي نفسي في محافظته
- المستشفات النفسيه شغاله ٢٤ ساعه طواريء (العباسيه -المعموره -الخانكه-إلخ…)
دي مفهاش هزاز-ويصر عليه انه يروح وياخده فورا -
السؤال عن الانتحار مش بيزود نسبه حدوثه
لكن بيطمنا علي حبايبنا وعن أحوالهم
ويسرع التدخل إذا هما محتاجينه
مش بس كده لو عرفنا ان حد عايز ينتحر ورافض يروح ساعتها بنخرق الخصوصيه (ودي احدي الحالات الواجب فيها الابلاغ) -بنبلغ الأهل ونصر عليهم يروحوا بيه اقرب مستشفي نفسي
#الانتحار
#الصحةالنفسية
