Balance Diet بالعربي

04/08/2026

لما تجوعي وانتي بره وانتي عامله دايت متبوظيش يومك 😌

لو لقيتي نفسك جعانه اختاري حاجه من دول

- علبه زبادي يوناني او عاديه لايت
- ٢ بيض مسلوق
- تونه من غير مايونيز او كاتشب
- شيش طاووق من غير عيش أو مع نص رغيف بلدي
- قطعه جبنه قريش
- حفنه صغيره مكسرات غير مملحه حوالي 30 جرام
- ذره مشويه من غير زبده
- سلطه مع دجاج مشوي
- قهوه أو نسكافيه من غير سكر لو الجوع بسيط
- فشار غير مملح
- نصف كوب ترمس او حمص عليه ليمون
- كوب فاكهه( كانتلوب/ بطيخ / أناناس/ فراوله /كيوي /برقوق/ كمثري / برتقال )

وابعدي عن

- الكرواسون
- الدونات
- الشيبسي
- العصاير المحلاه
- المشروبات الغازيه
- الساندويتشات المليانه صوصات
- المشروبات اللي عليها كريمر

مش لازم تاكلي أكل مثالي المهم تختاري أحسن اختيار متاح قدامك و قرار واحد صح ممكن ينقذ يوم كامل من غير ما تلغبطي 🫶

29/07/2026

الكوليسترول العالي غالبا مبيكونش ليه أعراض لكن مع الوقت ممكن يزود خطر أمراض القلب والجلطات

عشان تحافظ على مستواه طبيعي

- قلل المقليات والوجبات السريعة
- استبدل السمن والزبدة بزيوت صحية بكميات معتدلة
- كل خضار وفاكهة بشكل يومي
- زود الألياف زي الشوفان والبقوليات
- اختار بروتين صحي زي السمك والفراخ والبقول
- مارس أي نشاط بدني 30 دقيقة معظم أيام الأسبوع
- حافظ على وزنك الصحي
- بطل التدخين لو بتدخن
- اعمل تحليل دوري لو عندك تاريخ عائلي أو زيادة وزن

افتكر إن الوقاية أسهل بكتير من العلاج وخطوات بسيطة كل يوم تفرق معاك على المدى البعيد ❤️


#تغذية #دايت #تخسيس #كوليسترول

29/07/2026

#كوليسترول

19/07/2026

رساله النهارده فكرتني بموقف قديم ❤️

كانت بتقولي أنا خايفه أشترك عشان بضعف قدام الحلويات

وقلتلها وقتها طول ما انتي خايفه ومقتنعه إن الحلويات أقوى منك عمرك ما هتخسي

الإرادة مش إنك تمنعي نفسك من كل حاجه الإرادة إنك تاخدي قرار وتكملي حتى لو وقعتي مرة

النهارده بعتتلي بتقولي إنها بدأت بنفسها وخست من 80 لـ 66 كيلو

وده أكبر دليل إن المشكلة عمرها ما كانت في الحلويات المشكلة كانت في القرار

لو انتي مستنيه الدافع ييجي الأول ابدئي الأول والدافع هييجي مع أول نتيجة

الوزن بينزل بالإصرار قبل أي نظام غذائي وأول خطوة في التغيير إنك تبطلي تقولي "أنا مقدرش"

❤️👏


#دايت #تخسيس #تغذية

18/07/2026

12/07/2026

12/07/2026

🥤 مش كل مشروب شكله صحي يبقى فعلاً صحي!

لو عايز تحافظ على صحتك ووزنك خلي اختياراتك ذكية:
✅ الماء هو أفضل مشروب لجسمك.
✅ الشاي الأخضر بدون سكر غني بمضادات الأكسدة.
✅ العصائر الطبيعية باعتدال والأفضل تاكل الفاكهة نفسها.
✅ القهوة بدون سكر أو كريمة بكميات معتدلة.

❌ ابعد عن المشروبات الغازية ومشروبات الطاقة والعصائر المليانة سكر لأنها بتزود السعرات من غير ما تشبعك.

افتكر دايماً: صحتك بتبدأ من اللي بتشربه قبل اللي بتاكله.

#صحة

10/07/2026

فقدان الشغف بعد فترة من الدايت طبيعي جدا
ومش معناه إنك فشلتي

في البداية بيكون عندك حماس كبير وكل حاجة سهلة

بعد كام أسبوع الحماس بيقل وده طبيعي

ساعتها اللي بيكمل مش الحماس لكن الالتزام

لو حسيتي إنك زهقتي جربي

غيري وصفات أكلك

جربي رياضة جديدة

ركزي على المقاسات والصحة مش الميزان بس

افتكري بدأتي ليه من الأساس

ادي لنفسك يوم مرن من غير إفراط لو نظامك يسمح

افتكري إن النجاح مش إنك تكوني متحمسة كل يوم
النجاح إنك تكملي حتى في الأيام اللي مالكيش نفس فيها

كل خطوة صغيرة بتعمليها النهارده
هتقربك من الهدف أكتر من إنك تستني الشغف يرجع ❤️

📲whatsApp
010 67686059


#دايت #تخسيس #تغذية

08/07/2026

📌 ليه الوزن بيقف؟ وهل فعلاً الحرق وقف؟

ناس كتير أول ما الميزان يثبت يقولوا الحرق عندي وقف

لكن فيه عوامل كتير ممكن تبطأ نزول الوزن منها:

✅ خسارة جزء من الوزن - جسمك بقى محتاج سعرات أقل من الأول.

✅ قلة الحركة خلال اليوم - حتى لو ملتزم بالأكل.

✅ عدم تناول بروتين كفاية.

✅ إهمال تمارين المقاومة - وده بيأثر على الكتلة العضلية.

✅ السهر وقلة النوم.

✅ التوتر والضغط النفسي.

✅ عدم شرب كمية كافية من المياه.

✅ ًالإمساك - ممكن يخلي الميزان ثابت مؤقتا.

✅ عدم الالتزام بالكميات - أو كثرة "اللقيمات" بين الوجبات.

✅ بعض المشكلات الصحية أو الأدوية - زي قصور الغدة الدرقية أو بعض الأدوية - ممكن تأثر على نزول الوزن.

لو وزنك ثابت أسبوع أو اتنين - متستعجلش وتقول الحرق وقف.

راجع أكلك - وحركتك - ونومك - واستمر لأن الثبات أوقات كتير بيكون مرحلة طبيعية قبل ما النزول يرجع تاني.

⚖️ ركز على الاستمرار مش على رقم الميزان بس.


#تغذية #دايت #تخسيس

📲 010 67686059

27/06/2026

الجوع بليل نعمل فيه إيه؟ 🌙🍽️

أول حاجة اسأل نفسك ده جوع حقيقي ولا مجرد زهق أو عادة؟ 🤔

لو جوع حقيقي: ✅ اشرب كباية مية الأول واستنى 10 دقائق. ✅ لو لسه جعان اختار سناك خفيف فيه بروتين يشبعك زي:

علبة زبادي عادي / يوناني.

2 بيضة مسلوقة.

قطعة جبنة قريش.

حفنة صغيرة (20-30 جم) لوز أو مكسرات غير مملحة.

ولو الجوع بيتكرر كل يوم: 📌 راجع أكلك خلال اليوم ممكن تكون:

بتاكل بروتين قليل.

سعراتك قليلة زيادة.

بتسيب وقت طويل بين الوجبات.

❌ متحرمش نفسك طول اليوم وبعدين تهاجم التلاجة بالليل.

💚 افتكر: الجوع بليل مش معناه إن الدايت فشل المهم تختار صح وتكمل مش تستسلم.


#دايت #تخسيس #تغذية