Dr. Adel Atawia

Website

Dr. Adel Atawia أخصائي العلاج الطبيعي
لأمراض الأعصاب والعمود الفقري
للإستشارات الأونلاين والحجز 📩
https://wa.me/201151311011
(1)

النهاردة في المستشفى مريضة بتقولي: يا دكتور إنت شكلك صغيرقولتلها: ده اكيد مجاملة و مدحقالت:“لا، أنا مستغربة إزاي سايبينك...
25/08/2026

النهاردة في المستشفى مريضة بتقولي: يا دكتور إنت شكلك صغير
قولتلها: ده اكيد مجاملة و مدح

قالت:
“لا، أنا مستغربة إزاي سايبينك تكشف لوحدك.”

26/07/2026

مشروبات طبيعية بتحافظ علي اعضائنا الداخليه

مشكله الأبهر أو ما يطلق عليها بالمصطلح الطبي (T4 Syndrome)في الحقيقة، "الأبهر" مش تشخيص طبيً بحد ذاته، لكنه اسم شائع يطل...
30/06/2026

مشكله الأبهر أو ما يطلق عليها بالمصطلح الطبي (T4 Syndrome)

في الحقيقة، "الأبهر" مش تشخيص طبيً بحد ذاته، لكنه اسم شائع يطلقه الناس على مجموعة من الآلام، وأحد أسبابها قد يكون ما يُعرف بـ T4 Syndrome.
🔹 ما هو T4 Syndrome؟
هو اضطراب يحدث في الفقرات الصدرية العلوية، خاصة حول الفقرة الرابعة (T4)، نتيجة وجود خلل في حركة المفاصل أو تهيج الأعصاب المحيطة بها، مما يسبب أعراضًا قد تمتد إلى أماكن مختلفة من الجسم.

🔹 الأعراض:
• ألم بين لوحي الكتف أو أعلى الظهر.
• تيبس وصعوبة في الحركة، خاصة بعد الجلوس لفترات طويلة.
• ألم قد يمتد إلى الرقبة أو الكتف أو الذراع.
• أحيانًا شعور بتنميل أو وخز في اليدين دون وجود مشكلة مباشرة في الأعصاب الطرفية.

🔹 أسباب المشكلة:
✔️ الجلوس الخاطئ لفترات طويلة.
✔️ الانحناء المستمر أثناء استخدام الهاتف أو الكمبيوتر.
✔️ ضعف عضلات الظهر والكتفين.
✔️ قلة الحركة.
✔️ الإجهاد العضلي أو الحركات المفاجئة.

🔹 هل العلاج الطبيعي ممكن يحل المشكله دي ؟
العلاج الطبيعي هوا الوحيد اللي هيحصل المشكله دي من جذورها ومستحيل اي ادويه تجيب نتيجه ودا عن تجربه مع مئات الحالات.

⚠️ مهم جدًا: ليس كل ألم بين الكتفين أو في الصدر يسمى "الأبهر". في بعض الحالات قد يكون الألم ناتجًا عن مشاكل في القلب أو الرئة أو أسباب أخرى، لذلك لا بد من التقييم الطبي إذا كان الألم شديدًا، أو مصحوبًا بضيق في التنفس، أو تعرق، أو يمتد إلى الفك أو الذراع الأيسر.
علشان كدا التقييم مهم جدا في الحالات دي علشان نعرف هل المشكله ليها علاقه بالابهر ولا مشكله تانيه خالص.

⚡️ مشاكل الغضروف القطني… مش دايمًا معناها جراحة!الصورة بتوضح حالة شائعة:انزلاق أو بروز الغضروف القطني، واللي ممكن يضغط ع...
28/04/2026

⚡️ مشاكل الغضروف القطني… مش دايمًا معناها جراحة!

الصورة بتوضح حالة شائعة:
انزلاق أو بروز الغضروف القطني، واللي ممكن يضغط على العصب ويسبب ألم أسفل الظهر، تنميل، أو ألم ممتد للرجل 👇👇

❗ الحقيقة المهمة:
مش كل مشاكل الغضروف القطني
مشاكل تحتاج تدخل جراحي…العلاج الطبيعي عنصر أساسي ومهم جدًا في العلاج وبيمنع المشكله تماماً.

🎯 إزاي العلاج الطبيعي بيساعد؟
✔️ تقليل الألم والالتهاب
✔️ تقليل الضغط على العصب
✔️ تحسين الحركة والمرونة
✔️ تقوية عضلات الظهر والبطن (Core)
✔️ تصحيح وضعيات الجسم الخاطئة
✔️ تقليل فرص رجوع المشكلة مرة تانية

📊 في كتير من الحالات، الالتزام بجلسات العلاج الطبيعي + التمارين الصح بيكون كافي جدًا لتحسين الحالة والرجوع للحياة الطبيعية بدون جراحة.

🚨 إمتى تقلق؟
لو عندك ضعف شديد في الرجل، فقدان إحساس،
أو مشاكل في التحكم في البول أو البراز → لازم تقييم طبي فوري.

الجلطاتالموت مالوش ميعاد ولا زمان ولا مكان (وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أ...
25/04/2026

الجلطات

الموت مالوش ميعاد ولا زمان ولا مكان
(وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ)

ازاي شباب في العشرينيات أو الثلاثينيات أو شخص في مرحلة عمرية متقدمة يتوقف قلبه فجأة

وتجي له جلطة
في شرايين القلب التاجية
ويموت بالسكتة القلبية
أو جلطة كبيرة شرايين المخ
ويموت فجأة بالسكتة الدماغية

ويعني ايه جلطة المخ
والسكتة الدماغية
ويعني ايه السكتة القلبية

الجلطة يعني كتلة من خلايا الدم
بتتجمع وتلزق في بعضها
وتلزق في جدار الشريان وتقفله
فالدم اللي وظيفته يجري في الشريان
ويروح يغذي الخلايا يتوقف
والخلايا اللي مش واصل لها الدم
تتوقف عن العمل
وقد تتلف وتموت

نوعين من الخلايا لما بيموتوا
مفيش خلايا تانية تعوضهم
وتنمو مكانهم
هما
خلايا المخ
وخلايا القلب

لما شريان القلب الكبير تتكون جواه جلطة كبيرة
وينسد انسدادا كليا تاما
يتوقف القلب
وقد تحدث السكتة القلبية والوفاة
لو لم يتم انعاش القلب
واذابة الجلطة
وتركيب دعامات

الكلام نفسه ينطبق علي المخ

لو الجلطة كبيرة
وفي شريان كبير بيغذي مساحة كبيرة من المخ أو يغذي جذع المخ مراكز التنفس والحياة
ممكن تحصل سكتة دماغية
يتوقف المخ عن العمل
وربما تحدث الوفاة
وهل ممكن وجع البطن
يكون من مقدمات الجلطة
هل وجع البطن ممكن يكون سببه جلطة ؟!
ايوه
جلطة الشريان التاجي الخلفي
تسبب وجع وحموضة
وحرقان في المعدة
كذلك جلطة شرايين الأمعاء
وكمان تسلخ وتمدد الأورطي
ممكن تحصل جواه جلطة

ايه اللي يخلي شاب صغير تجي له جلطة ؟!

التدخين
المسكنات
مشروبات الطاقة والمنشطات
المخدرات
تاريخ وراثي بارتفاع الكولسترول والدهون وقابلية التجلط
وطبعا الضغط المرتفع ومرض السكر
وحديثا وأخيرا الإصابة بڤيروس كورونا تسبب جلطات
فيروس الكورونا نفسه مش التطعيمات هي السبب الأخطر والأكثر انتشارا للجلطات القلبية والموت المفاجيء والتطعيمات قللت بنسبة كبيرة حدوث الوفيات

ايه أهم علامة تحذيرية لجلطة المخ
صداع تنميل في جانب من الجسم اختلال درجة الوعي

علامات تحذيرية لجلطة القلب
وجع أو عدم ارتياح في منطقة الصدر
نهجان خفيف
عرق
ثقل في الذراع الأيسر

هل الوقت يفرق في جلطات المخ والقلب؟!
الدقايق والساعات الأولي الوقت الذهبي Golden time لإذابة الجلطة بالأدوية أو بالقسطرة والدعامات

هل الزعل والتوتر والصدمات العاطفية ممكن تعمل جلطة ؟!
طبعا ممكن تكسر القلب وتؤدي الي اعتلال عضلة القلب ويمكن تتسبب في جلطة في المخ او القلب

هل كوڤ يد ١٩ بسبب جلطات ؟!

نعم كورونا المستجد مرض أوعية دموية قد يتسبب في جلطات في القلب والرئة والكيد والكلي والمخ
نؤكد مرة تانية كورونا نفسه مش التطعيمات هي السبب الرئيسي

ازاي نحمي أنفسنا من ضيق الشرايين التاجية ومن الجلطات ؟


بدايةً ..
الحماية من الجلطات تبدأ من الطفولة
مش من بعد سن الـ ٤٠

عشان نحمي نفسنا من الجلطات

لازم نلتزم قدر الإمكان
والله المستعان
بتنفيذ الوصايا العشر التالية

‏‎١- الطعام الصحي الغني بالخضراوات و الفواكه والأسماك
و عدم الإفراط في تناول النشويات و السكريات والعصائر المحفوظة
و السمن الصناعي والزيوت المهدرجة
و تعويد الأطفال منذ الصغر
على الأطعمة المشوية و المسلوقة
و تجنب المقليات والوجبات السريعة قدر الإمكان
والاهتمام بوجبة الإفطار
و الإكثار من شرب الماء وتجنب العطش والجفاف
( كلوا واشربوا ولا تسرفوا)

‏‎٢- تجنب زيادة الوزن و السمنة

‏‎٣- الرياضة المنتظمة
المشي ٤٥ دقيقة يوميا

‏‎٤- تنظيم الغذاء :- إفطار مبكر
غداء لا يتعدى الساعة ٣ م
عشاء خفيف " زبادي و ثمرة فاكهة" الساعة ٨ م
أو بدون

٥- النوم بكمية وكيفية كافية

‏‎٦- لا تدخن ولا تجالس المدخنين
تجنب التدخين تماما ً و جميع أنواع المخدرات والمكملات والهورمونات والافراط في المسكنات

‏‎٧- في حالة وجود عوامل الخطورة
مثل الضغط و السكر و ارتفاع الكوليسترول
يتم التعامل مع هذه الأمراض بكل حزم وحسم
من خلال المتابعة الطبية المنتظمة
و العلاج الدوائي المكثف

‏‎٨-- حتى الشخص السليم تماماً
لا بد أن يتعرض مرة كل سنة على الطبيب للفحص الدوري
و عمل بعض التحاليل الروتينية
مثل السكر التراكمي
الكولسترول
وظائف الكلي وظائف الكبد
صورة الدم الكاملة
نسبة ڤيتامين دال
اليوريك أسيد
وذلك من أجل الاكتشاف المبكر لعوامل الخطورة علي القلب

فكلما كان اكتشاف الأمراض مبكرا كلما كان العلاج أكثر فاعلية و كانت المضاعفات أقل

٩- الحرص على تغيير الحالة المزاجية
بالخروج أسبوعيا
لكسر روتين الحياة
و تخفيف ضغوط العمل
فهذا يساهم إلى حد كبير في تفريغ الطاقة السلبية و إعادة شحن الطاقة الإيجابية
و الإقبال علي العمل بعد ذلك بشكل أفضل
و أكثر صفاءً.

١٠- تجنب الضغوط النفسية و العصبية قدر الإمكان

واستعينوا بالصبر والصلاة

حفظكم الله من الجلطات


#منقول

كل عام وانتم بخير عيد فطر مبارك 🤍بنتمنالكم دوام الصحه والعافية
19/03/2026

كل عام وانتم بخير عيد فطر مبارك 🤍

بنتمنالكم دوام الصحه والعافية

الدايت في رمضان 🌙اعمل إيه ❓ و أبطل إيه ❓🌙 اعمل كده في رمضان :✔️ ابدأ إفطارك بـ تمر + مياه + شوربة✔️ كل بهدوء واستنى شوي...
19/02/2026

الدايت في رمضان 🌙
اعمل إيه ❓ و أبطل إيه ❓

🌙 اعمل كده في رمضان :
✔️ ابدأ إفطارك بـ تمر + مياه + شوربة
✔️ كل بهدوء واستنى شوية قبل الطبق الرئيسي
✔️ خلي نص طبقك خضار
✔️ اهتم بالبروتين في كل وجبة
✔️ اشرب 2–3 لتر مياه بين الإفطار والسحور
✔️ امشي 20–30 دقيقة بعد التراويح
✔️ خلى الحلويات مرة أو مرتين في الأسبوع بس

🌙 ابعد عن الحاجات دي :
❌ تفطر على كميات كبيرة مرة واحدة
❌ حلويات يوميًا
❌ عصاير وسوائل بسعرات عالية
❌ أكل مقلي كل يوم
❌ سحور كله نشويات من غير بروتين
❌ السهر مع أكل لحد الفجر

رمضان شهر لو استغليناه صح ممكن نحافظ علي جسمنا
ولو استغليناه غلط..ممكن نعاني بعد رمضان

هل كل وجع في أسفل الظهر سببه غضروف؟ 🤔الإجابة: لأ… ممكن يكون السبب شد في العضلة الكمثرية (𝗣𝗶𝗿𝗶𝗳𝗼𝗿𝗺𝗶𝘀 𝗺𝘂𝘀𝗰𝗹𝗲)كتير من الناس...
16/02/2026

هل كل وجع في أسفل الظهر سببه غضروف؟ 🤔

الإجابة: لأ… ممكن يكون السبب شد في العضلة الكمثرية (𝗣𝗶𝗿𝗶𝗳𝗼𝗿𝗺𝗶𝘀 𝗺𝘂𝘀𝗰𝗹𝗲)
كتير من الناس أول ما يحسوا بألم في أسفل الظهر أو ألم ممتد للرجل، بيعتقدوا فورًا إن عندهم انزلاق غضروفي…
لكن الحقيقة إن في حالات كتير بيكون السبب هو شد أو التهاب في عضلة اسمها 𝗣𝗶𝗿𝗶𝗳𝗼𝗿𝗺𝗶𝘀 𝗺𝘂𝘀𝗰𝗹𝗲

فين العضلة الكمثرية دي؟
العضلة الكمثرية موجودة عميقًا في منطقة الأرداف، ووظيفتها إنها تساعد في:
🔹تثبيت مفصل الحوض
🔹تدوير مفصل الفخذ
🔹المساعدة في الحركة والمشي
المشكلة بتحصل لما العضلة دي يحصلها شد أو التهاب، لأنها بتكون قريبة جدًا من العصب الوركي (𝗦𝗰𝗶𝗮𝘁𝗶𝗰 𝗻𝗲𝗿𝘃𝗲)، وبالتالي ممكن تضغط عليه.

الأعراض اللي بتشبه الغضروف:
🔹ألم في أسفل الظهر
🔹ألم في الأرداف
🔹ألم ممتد للخلف في الرجل
🔹تنميل أو إحساس بالحرقان أحيانًا
🔹زيادة الألم مع الجلوس لفترة طويلة
علشان كده كتير من الحالات بتتُشخَّص غلط على إنها غضروف، وهي في الحقيقة 𝗣𝗶𝗿𝗶𝗳𝗼𝗿𝗺𝗶𝘀 𝗦𝘆𝗻𝗱𝗿𝗼𝗺𝗲

العلاج عن طريق العلاج الطبيعي ✅
العلاج الطبيعي يعتبر من أفضل وأسرع الطرق للعلاج، وبيشمل:
1. تقليل الألم والالتهاب :
🔹استخدام تقنيات العلاج اليدوي (manual therapy)
🔹أجهزة العلاج الطبيعي لتقليل الألم
2. تمارين الإطالة (stretching exercises)
تمارين مخصصة لإطالة العضلة الكمثرية لتقليل الشد والضغط على العصب
3. تمارين التقوية (strengthening exercises)
4. تصحيح وضعية الجسم (posture correction)

🔴 علاج الانزلاق الغضروفي القطني.ولكن قبل علاجه تعالي اقولك اي هوا الانزلاق الغضروفي القطني :هو خروج جزء من الغضروف بين ا...
01/02/2026

🔴 علاج الانزلاق الغضروفي القطني.
ولكن قبل علاجه تعالي اقولك اي هوا الانزلاق الغضروفي القطني :

هو خروج جزء من الغضروف بين الفقرات القطنية مما يضغط على الأعصاب، ويسبب:
(ألم أسفل الظهر – عرق النسا – تنميل – ضعف في الساق – صعوبة في الوقوف أو المشي).

1️⃣ العلاج التحفّظي (𝗖𝗼𝗻𝘀𝗲𝗿𝘃𝗮𝘁𝗶𝘃𝗲 𝗧𝗿𝗲𝗮𝘁𝗺𝗲𝗻𝘁)
هو الخط الدفاعي الأول قبل التفكير في الجراحة، ونسبة نجاحه تتجاوز 85%.
يشمل:
✔ الراحة النسبية (وليس النوم الكامل)
✔ أدوية تقليل الالتهاب
✔ مرخيات العضلات
✔ جلسات علاج طبيعي
✔ تعديل وضعيات الجلوس والنوم
✔ إنقاص الوزن إن وُجد
✔ تجنب الانحناء والحمل
💡 معلومة مهمة:
الجراحة لا تُفكر فيها إلا في حالة:
- ضعف شديد في الساق
- فقدان التحكم في البول
- فشل العلاج التحفظي بعد 6–8 أسابيع

2️⃣ العلاج الطبيعي للانزلاق الغضروفي القطني (𝗣𝗵𝘆𝘀𝗶𝗼𝘁𝗵𝗲𝗿𝗮𝗽𝘆 𝗧𝗿𝗲𝗮𝘁𝗺𝗲𝗻𝘁)
العلاج الطبيعي هو حجر الأساس الحقيقي للشفاء.
أهدافه:

🔹تقليل ضغط الغضروف على العصب
🔹إزالة الالتهاب
🔹استعادة الحركة الطبيعية
🔹تقوية العضلات الداعمة
🔹منع تكرار الإصابة

أدوات العلاج الطبيعي:

🔹شد الفقرات (Lumbar Traction)
🔹تيارات كهربائية (تقليل الألم والالتهاب)
🔹موجات فوق صوتية (تحسين الالتئام)
🔹علاج يدوي (فك التشنج وتحسين الحركة)
🔹تمارين علاجية (إعادة تأهيل العمود الفقري)

والتمارين العلاجيه هيا اهم نقطه في تأهيل إصابات العمود الفقري عموما لأنها تخصص دقيق ومحتاج خبره كافيه لعلاج أمراض العمود الفقري ، ولازم تتابع مع دكتور علاج طبيعي متخصص عارف حالتك كويس لان كل حاله مختلفه تماما عن التانيه لان كل حاله ليها اعراض مختلفه وتشخيص مختلف.

🧠 وجع الرقبة مش من الرقبة!معظم الناس فاكرة إن ألم الرقبة سببه "برد" أو "نوم غلط"لكن الحقيقة الطبية بتقول إن الرقبة حصل ف...
29/01/2026

🧠 وجع الرقبة مش من الرقبة!

معظم الناس فاكرة إن ألم الرقبة سببه "برد" أو "نوم غلط"
لكن الحقيقة الطبية بتقول إن الرقبة حصل فيها خلل في الحركة أو الميكانيكا مش في العضلة - 𝗻𝗲𝗰𝗸 𝗺𝗲𝗰𝗵𝗮𝗻𝗶𝗰𝘀 -
ونسبه صغيره لما يكون المشكله عضلية - 𝗺𝘂𝘀𝗰𝗹𝗲 𝘀𝗽𝗮𝘀𝗺𝘀 -

علشان كدا السبب الحقيقي غالبًا بيكون:
🔸 ضعف عضلات لوح الكتف
🔸 خشونة الفقرات الصدرية والعنقية
🔸 وضعية جلوس غلط لفترات طويلة
فالرقبة بتدخل تعوّض… فتتعب.

🔍 ليه العلاج الطبيعي هو الحل الحقيقي؟
لان المسكنات بتكسن الألم في وقتها بس واول ما مفعوله يروح الوجع هيرجع تاني
لكن العلاج الطبيعي بيصلح السبب نفسه.

العلاج الصحيح بيشتغل على 3 مستويات:
1️⃣ تقليل الخشونه الموجوده بين الفقرات (neck arthritis)
2️⃣ إعادة برمجة حركة الرقبة والكتف (mechanics of neck motion)
3️⃣ تقوية عضلات الرقبه اللي بتحمي الفقرات (superficial & deep muscles)

وده يمنع رجوع الألم، مش بس يقلله.
علشان كدا لازم نتوجه لاقرب دكتور علاج طبيعي علشان يشخصنا صح ونبدأ رحلة العلاج الطبيعي بتاعتنا كويس.

Address

Cairo

Website

Alerts

Be the first to know and let us send you an email when Dr. Adel Atawia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category