10/08/2026
انتشر في الفترة الأخيرة فيديوهات و بوستات عن حاملي اعتمادات
ABAT
عن دورات تدريب ABA
أنا بكتب علشان اوضح ان ده مخالفة للميثاق الأخلاقي لاي بورد ABA
و لو بورد BACB كان سحب الاعتمادات و لما كان الموجودين في مصر معتمدين ّRBT فقط كان لا يمكن حد منهم يخترق القواعد ديه
و و لكن ده للاسف ضعف بورد QABA لانه مش بياخد ردود افعال قوية و بيسمح بالفوضي و المخالفات ديه و غيرها و الردود بتاعته بالإيميلات عامة و فيها لف و دوران كثير ( و طبعا كثير هيبقوا فاكرين الردود الغامضة من البورد QABA في ازمة حاملين QASP-S و صلاحياتهم في الاشراف )
فيه ناس ردت علي المعترضين بصورة من ايميل QABA الرد اللي منشور منه سكرين شوت من البورد ده بيقول تبقي معلومات عامة و توعية ( رد مبهم جدا )
المعلومات العامة و التوعية لا تضمن اي تفاصيل فنية تتشرح كما هو مذكور في إعلانات الكورسات و المحاضرات ديه.
ABAT
لس من حقه يشرح و لا حتي prompt لاخصائي ثاني ، مسموح فقط لو فيه مشرف واقف جنبه بيحضر لايف و بيدير التدريب و يذكر بشكل رسمي ان التدريب ده هو المسؤول عنه و عن كل حرف في المحتوي
فما بالك نتكلم في حاجة خارج نطاق ال ABAT زي التقيم و الخطط
ال ABAT مفيش في ال ٤٠ ساعة بتاعته اي اداة تقيمية ، ازاي يقيم و يحط خطط و يحلل abc داتا
المعلومات العامة يعني تعريف ABA ، مين يستفيد منه و بندرب بيه علي ايه ، ايه الاعتمادات ، ايه البوردات ، الاهالي تعرف ازاي المعتمدين و تشتكي لمين في المشاكل و تدرس ايه و حقوقك ايه و الميثاق الأخلاقي و الأشراف يعني ايه و هكذا
BACB
قرر إيقاف الاعتمادات حول العالم إلا من ٥ دول لانه وجد نفسه في معضلة اخلاقية بضرورة الاشراف علي إعداد بدات تزيد و خارج قدرته علي المراقبة اللي تضمن الجودة
و هنا ظهرت البوردات الثانية ، في البداية كنت مع انتشار البوردات الثانية و انتشار العلم
لكن لما شفت ممارسات البوردات الثانية فيما يخص مراقبة الجودة و عدم سحب الاعتمادات للمخالفين فقدت كل الثقة فيها
مرة زمان ، ّRBT سابت طفل في المدرسة اول يوم و روحت بيتها و قالت لامه مش عايزة اكمل ابنك صعب
الام كلمتني منهارة
أنا ساعدت الام و بلغنا البورد
الاخصائية انسحب منها الاعتماد و اتمنعت من التقديم مرة اخري لاي اعتماد من نفس البورد
قصة تقريبا نفسها مع ABAT البورد رد عليا بما معناه ( حصل خير و المسامح كريم ) و لا حتي هنوجه لها لوم
ده اختراق لبند من الميثاق الأخلاقي ( التخلي عن العميل )
ادعو الاهالي الي التحقق من اعتمادات و صلاحيات الاشخاص اللي هيشتغلوا مع ولادكم
للأسف الضرر اللي بيحصل في الولاد من المدعين ، فوق قدرة قلوبنا علي التحمل
و اخيرا اشكر جدا كل متخصص في المجال اي كان شهادته حاول يحمي المجال من المدعين و الفهلوية ولو بكلمة اعتراض ان ده مخالف للميثاق الأخلاقي
ممكن يبقي تعليق ناقد من مليون تعليق بيمدح لكن طفل له نصيب انه ميتاذيش اهله يشوفوه و يتحققوا و يكتشفوا الحقائق
تحياتي
راوية بدر
( احد محتكرين العلم الاشرار 😉)
