Mona Ezzeldeen

07/06/2026

04/06/2026

خدعوك فقالو ان اعلى هدف للانسان ..
هو الوصول للسعادة
الحقيقة ان حتى الانسان المتزن نفسيا ..
مش هو اللى معندوش مشاكل ولا اللى مبيزعلش ولا اللي مبيحزنش ...
الانسان المتزن نفسيا هو اللى قادر يتعامل مع الضغوط والمشاكل والصعوبات اللى بيواجهها في حياته
ويقدر يتعامل مع كم المشاعر المتناقضة اللي بيمر بيها مع كل موقف بيعدي بيه ..
فيقوم ويقع ويقع ويقوم
فيرضا ويشكر في الفرح
ويصبر ويحتسب الاجر في الالم
وفي كل الاحوال يكون راضي بما قدره الله. .
الحقيقة اننا مش عايشين في الدنيا
عشان نجري ورا سراب الشعور بالسعادة
احنا هنا عشان بنعمل للجنة اللي هي بقى السعادة الحقيقة الخالدة .. .
الدنيا بطبيعتها كدا مش هتخلى من الابتلاءات
مافيش اي انسان في الدنيا هيقدر يوصل لوهم السعادة
الفكرة دي مش واقعية، نشروها عشان تفضل تسعى لامتلاك اي حاجة يوهموك بيها انك هتحقق بيها الشعور بالسعادة
فكرة بتصعب على الانسان حياته اكتر وبتوصله في النهاية للاحباط والاكتئاب ..
لانه مش فاهم الدنيا صح ..
ومش عارف هدفه الحقيقي فيها ايه. .
و انت لو معندكش ابتلاء واحد على الاقل في الدنيا تقلق على نفسك
الابتلاءات اوقات بتكون بالعطايا ..
هترضا وتشكر؟ ولا هتعمل ايه؟
واوقات بتكون بالسلب ..
هترضا وتصبر؟ ولا هتعمل ايه؟ .
يقول - صلى الله عليه وسلم -
في الحديث الذي يرويه عنه أنس بن مالك - رضي الله عنه -
: (إِنَّ عِظَمَ الْجَزَاءِ مَعَ عِظَمِ الْبَلاءِ، وإِنَّ اللَّهَ عَزَّ وَجَلَّ إِذَا أَحَبَّ قَوْمًا ابْتَلاهُمْ، فمَنْ رَضِيَ فَلَهُ الرِّضَا، وَمَنْ سَخِطَ فَلَهُ السَّخَطُ)

✍️ منى عزالدين

01/06/2026

بعد يوم شغل مجهد طويل مليان بالتفاصيل
رجعتي بيتك
دخلتي لاقيتي اوضتك ريحتها حلوة والملايات نضيفة
ونمتي مرتاحة ومبسوطة من نفسك انك كنتي مرتبة الدنيا قبل ماتنزلي من البيت
صحيتي تاني يوم قررتي انك هتحافظي دايما على نضافة وترتيب البيت
عشان جوزك لما يرجع من شغله يتبسط ويحس قد ايه انتي بتحبيه وبتراعيه 🥰
واستنتيه يشكرك على اللي بتعمليه .. بس ولا الهوا
ولا تعليق .. ولا شكر ..
ولا حتى حسيتي انه مبسوط
فين التقدير؟ فين رد الاهتمام؟ مافيش 🙄

هو دا بالظبط اللي حصل مع الشخصية اللي اتكلم عنها
ستيفن كوفي في كتابه "العادة الثامنة .. من الفعالية الى العظمة"
في جزء من الكتاب ..
بيتكلم ستيفن كوفي عن ضرورة بناء ثقة متبادلة في اي علاقة .. سواء علاقة اسرية او بين الاصدقاء او في الشغل
ومن ضمن متطلبات تحقيق الثقة دي
هي ان يكون بينا رصيد كافي يخلينا نقدر نكمل في العلاقة دي رغم اي صعوبات هتواجهنا
ففي كل علاقة بنبنيها،
في حساب ، محتاج تملاه رصيد كل شوية عشان تحافظ على العلاقة

💎 من اهم ما في الحساب او الرصيد دا انه يكون مهم ومتشاف من الطرف التاني
ان الطرف التاني يكون محتاج الرصيد دا
انه يقدر يلمسه وياخد باله منه ويكون حاجة هو يبقى سعيد بيها عشان يقدرها ويشكرك عليها.

في المثال اللي ضربه ستيفن كوفي في كتابه
الزوجة قررت انها تعمل حاجة مميزة لزوجها عشان تشحن رصيدها عنده وتحسن علاقتهم ببعض
فقعدت اسبوعين تحافظ على نضافة البيت ونضافة وهندام ولادها وتغسل اي حاجة مش نضيفة وترتب المكان
واستنت رد فعل جوزها وتعبيره عن امتنانه وشكره لها
ولكن زوجها مدهاش اي رد فعل .. لا كلمة ولا حتى اشارة
وقبل ما تفقد اعصابها وتتخانق معاه 😖
فكرت لشوية وقت واكتشفت انها كانت بتعمل كل دا عشان هي بتبقى مبسوطة ومرتاحة لما تلاقي كل حاجة جميلة ومترتبة ونضيفة
لكن دي مكنتش اولويات او احتياجات جوزها في المقام الاول 💁🏻‍♀️
وانه كان هيبقى سعيد ومبسوط لو كانت رتبت لخروجة معاه لوحدهم يوم اجازته
او كانت وفرتله جلسة مساج في نهاية يوم شغل شاق.

🌷 والخلاصة بتقول
ان عشان يبقالك رصيد عند الطرف التاني
لازم تكون فاهم هو محتاج ايه
وتقدمله الحاجات/ الافعال اللي تهمه فعلا وليها قيمه فعلية بالنسباله.

فلما مراتك تقولك عايزة ورد يا ابراهيم...
متقولهاش كيلو الكباب احسن وانفع.
ولما جوزك يقولك عايز محشي يا يسرية...
متقوليلوش هنضف اوضة الانتريه واغسل الستاير اهم.

#اقرا 📚
📖

31/05/2026

💎

31/05/2026

📖☕️

19/05/2026

لو بتحبي القراية او نفسك تكوني قارئة وتزيدي اطلاعك
وبتحبي تتعلمي وتزيدي من وعيك وثقافتك
تعالي معانا في نادي القراءة 📚
بدأنا استقبال طلبات الاشتراك في النادي لشهر 6 🌟

📖 نادي القراءة 🌷 ازدهري من جديد
ده مش مجرد جروب.. ده نادي .. لمحبي القراءة.. 📚
يعني أصحاب جدد لهم نفس اهتمامك..
أفكار جديدة ..
وطاقة إيجابية تغير حياتك! 💪

بنات وسيدات ازدهري الغاليات! 💖
النادي للبنات والستات بس! من 18 لـ 55 سنة،
نقرأ، نناقش، ونتغير للأحسن يوم بعد يوم. 😍

🥰 ايه اللي مستنيكي معانا في النادي؟

✨ لقاء لايف شهري على تليجرام
هنتناقش سوا، صوت وصورة في اللي قريناه طول الشهر

✨ مناقشات أسبوعية على جروب الواتساب
عشان نتابع القراءة مع بعض خطوة بخطوة

✨ ترشيحات كتب مميزة
وتبادل للكتب مع عضوات النادي

✨اقتباسات يومية ملهمة على الجروب
تخليكي تتشجعي لاستمرار القراءة طول اليوم.

غير كمان اللقاءات الدورية ، اللي هنتقابل فيها عشان نتبادل الكتب ونتعرف على بعض اكتر. 🤗

📅 البداية : 06/06/2026

🦋 الاشتراك بسعر رمزي
اشتراك شهري، عشان الجدية والالتزام..
وهيرجعلك في الاستفادة من الكتب المستعارة واللقاءات.

🌟اكتبي "نادي القراءة" في كومنت
وهبعتلك التفاصيل كلها في رسالة.


#اقرأ

18/05/2026

احلى حاجة في نعيم الوعي
انك بتبقى واعي ومدرك لدورك في اللي بيحصل معاك
وعندك قدرة تواجهه بشجاعة
فبتختصر على نفسك دراما كتير. .
بتبقى "في الغالب"
بحسب مدى معرفتك باللي حواليك،
عارف الكلمة اللى هتقولها هتبقى ايه رد الفعل عليها،
التصرف اللى هتعمله هيتفسر ازاي بدماغ اللي قدامك،
ورد فعله معناه ايه،
حتى لو هو نفسه مش فاهم هو قال ولا عمل كدا ليه..
ما عليك بس بعد الوعي والادراك
انك تسيب كل واحد يختار مكانته عندك
بناء على مكانتك عنده واحساسه ناحيتك
تقف تتفرج ازاي الدواير بتدور
وتشوف الافعال وهي بتكشفلك حقيقة الكلام. .
ومتنساش تدعي ربنا ينور بصيرتك ..
لانه الاعلم بالنفوس والنوايا
ولانها مش بشطارتك.

- منى عزالدين

12/05/2026

بتشربي قهوة وشاي ونسكافيه وكولا .. يعني منبهات للمخ صبح وليل
و
بتاكلي اندومي وشيبس و لبان، يعني مواد حافظة والوان صناعية كتير
و
الموبايل في ايدك طول اليوم وعينك عليه لحد ما عينك تقفل لوحدها بالليل
ومستغربة انك 👇
بتشتكي من النوم الملخبط، والكوابيس، وعدم التركيز ، الارهاق المفاجيء ، وضربات القلب مش منتظمة
و مافيش اي حاجة ظاهرة في التحاليل ، الضغط والسكر والهيموجلوبين كويس ، والغدة الدرقية وكله سليم ..
ومافيش ضغوط ولا مشاكل في البيت ولا الدراسة ولا الشغل .. .. طب ايه الحل؟
الحل 🌷
هنوقف كل اللى بيتاكل وبيتشرب فوق دا لمدة 3 اسابيع على الاقل☝️
ونقلل كمان استخدام الموبايل والتابلت بالنهار
وقبل النوم بساعة يتقفل الموبايل ، لان الموبايل والبص في الشاشات الالكترونية ، والالعاب على الموبايل بتنشط المخ جدا ، ومبيعرفش يفصل ولا تنامي مرتاحة .
وبعدها نشوف .. لسه الاعراض موجوده ولا قلت ولا اختفت خالص؟ .
ممكن اوقات بعد سن 20 سنة ، يكون نقص فيتامين د ،
فالافضل نروح للدكتور يكتبلنا على تحليل فيتامين د ،نتاكد انه مش قليل. .
🌷ملحوظة صغيرة
انا مش طبيبة ، ولا بكتب ادوية ولا بوصف حتى اسماء فيتامينات.

- منى عزالدين




#صراحة

10/05/2026

قالتلي
"انا عارفة ان لو مت النهاردة مش هغير حاجة في حياة حد
وجودي زي غيابي مش فارق
ولا حاجة في حياة اي حد "

حسيتي نفس الاحساس دا في اي وقت؟
قلتي الكلام دا لنفسك قبل كدا؟

احساس الرفض او عدم الاهمية ..
من اهم اسباب الحزن والاحباط والاكتئاب
تغيير الفكرة دي من دماغك
وتغيير العدسة اللي بتبصي بيها على حياتك
وتغيير الموازين اللي بتوزني بيها نفسك
هي اللي هتخليكي تعرفي اهميتك
وتحسي انك مقبولة
وتشوفي قيمتك الحقيقية.

💎 لو محتاجة تحكي وتتكلمي واساعدك في تحسين احساسك ناحية نفسك وتعرفي اهميتك وتأثيرك في حياتك وحياة اللي حواليكي
راسليني واتساب لحجز جلسة استشارة اونلاين.


📲 01124124712

04/05/2026

ساعات من كتر ما بنعيش الوجع، بنتعود عليه
بندمن الشعور بالحزن والأسى ويبقى جزء مننا
ولو غاب عننا شوية بنحس ان في حاجة غلط.
المواقف تعدي والابتلاءات تخلص
والازمات تتحل والشدة تزول
واحنا نفضل نعيد ونزيد ونعيشها تاني كل يوم
بالتفكير فيها والغرق في مشاعرها.
متغرقوش في امبارح
وتنسو تعيشو النهاردة.

- منى عزالدين