طبيب ازهري - Alazhar doctor

18/07/2026

Sickle cell disease and anemia

12/07/2026

70-year old patient presenting with chest pain, dyspnoea and dizziness. BP 90/50. SaO2 83% RA
🩺 الحالة السادسة | ECG Challenge

👴 70-year-old يعاني من:

💥 Chest pain

😮‍💨 Dyspnoea

😵 Dizziness

Vital Signs:

BP: 90/50 mmHg

SpO₂: 83% (Room Air)

📈 ما هو تشخيص الـ ECG؟ وما هي خطوتك الأولى في العلاج؟

💬 شارك إجابتك في التعليقات، وسيتم نشر الحل في التعليقات@

12/07/2026

12/07/2026

باسم الله
رعونة_البنكرياس # .....
لما يجيلك حد بيشتكي من هبوط بعد الأكل ..وبيقيس السكر يلاقيه فعلا نازل وهوه مش مريض سكر ولا ضغط ولا اي حاجه ...وتلاقي وزنه زايد شوية وعنده علامات مقاومة أنسولين ..وممكن تاريخ عائلي قوي للسكر النوع التاني ...خد بالك قبل ما تدخل العيان في متاهات الانسولينوما والمقطعيات والرنين وال EUS .ده غالبا مش insulnioma ...ده رعونة البنكرياس !......
الاسم ده أستاذنا هو اللي قاله ..اسمه في الكتب reactive hypoglycemia
طبعا reactive ده اسم ضعيف جدا ...ده بيخلي الناس متاخدتش بالها منه ...وياما شوفنا حالات وصلت لل EUS ..وهي ببساطة رعونة البنكرياس ...وبسبب التعامل العنيف معاها ده سرع بدخولها في السكر الصريح ...
هو إيه اللي بيحصل في رعونة البنكرياس؟
ببساطة الأرعن ده حد بيستفز بسرعه ...تيجي تكلمه تلاقيه قايم يضربك ...البنكرياس الارعن كذلك ..واكتر حاجه تستفزه هي السكريات البسيطة
دي حالة بتحصل كمقدمات للسكر في مريض عنده مقاومة انسولين ...المريض ياكل ..البنكرياس مش واخد باله ونايم ...فجأة يصحي يلاقي السكر عدي ال ٢٠٠ ...يقوم يتعصب وبدل ما يفرز ١٠ وحدات مثلا يفرز ٢٠ ...رعونه يعني ...فتلاقي المريض دخل في hypoglycemia بعد الأكل ...واسوأ حاجه تعملها أنك تستفز الأرعن ...يروح المريض شارب حاجه مسكره رافع السكر ٣٠٠ ...يروح شوية والبنكرياس مطلع انسولين تاني ومنزله الارض ...بتوصل أن الحالات دي ساعات تدخل العناية وتتوصل بجلوكوز ...وتلاقي الدكاترة مستغربه ده انا رفعت سكره اوي ومفيش شوية ونزل ...وطبعا ده بيخليه يتوتر ويبدأ يشك في insulinoma
شوفت حالة زي كده ...ولقيت الدكاترة مختلفين فيها ناس بتقول دي انسولينوما وندور فيها ...وناس بتقول دي أكيد بتاخد حاجه من بره ...قلت لهم دي حالة (رعونة البنكرياس ) ...ومفيش شهرين تلاته والبنت بقت مريضة سكر عادية خالص ......
اللي فوق ده سيناريو مشهور جدا ..أستاذنا ورانا حالات كتيرة زيه وبعد كده شوفت حالات زيها كتير..وبصراحه مفيش عذر لحد يبهدل المريض في ال investigation في الحالات دي اللي هي Post-prandial hypoglycemia ...ويبقي الصح لما تشوفها بدل ما تطلب انسولين و c peptide ..تروح تطلب تراكمي (وحتي لو كويس متستبعدش ..بعد شويه هيبقي prediabetic ثم سكر )..وشطارتك كلها انك تأخر حدوث السكر في المريض ده ..بأنك تنظم له أكله وتخليه ينزل في الوزن ويلعب رياضة ووجبات صغيرة متكرره ..وممنوع السكريات البسيطة ..ولو دخل في hypoglycemia تطبق قاعدة ال ١٥ بس ..لكن منرفعش السكر اوي يدوب فوق السبعين ووقف سكريات واخليه ياكل اكل low glycemic index, وو......
أما اللي غريب بقي ...إن رعونة البنكرياس دي تيجي ب fasting hypoglycemia!
هنا مقدرش ألوم حد هيدور فيها ..لكن حتي وأنت بتدور وماشي علي الالجوريزم ...متحرمش نفسك أنك تبص علي العيان كلينكال ...ودي كانت الحالة اللي نشرناها الاسبوع ده ...واللي يمكن تكون أول حالة في بابها زي ما قلنا ...واللي الناس عملوا لها كل حاجه تقريبا ...واللي لو كملت الالجوريزم كانت ممكن حتي تدخل حجات invasive...لكن الحمد لله جت المرور وأستاذنا شخصها ..
تخيل حالة hypoglycemia ويبقي من علاجها انك تديها ميتفورمين !....
الخلاصة ..
حالات ال post prandial hypoglycemia..غالبا بتطلع رعونة بنكرياس ..فخليك حكيم في التعامل معاها
اما حالات ال fasting ...فدي معاك كل الحق تدور (ومهم تسحب التحاليل وقت ال attack وتسحب معاها RBS )وو...بس متنساش ان فيه اسباب تانية كتير غير ال insulinoma .....
وان شاء الله يجي الوقت اللي الناس تستخدم فيه المصطلح ده ،وشتان بين (رعونة البنكرياس ) وبين (نقص السكر التفاعلي ).

10/07/2026

اسمها ايه وبنستخدمها امتا ؟! 🤔

05/07/2026

هيجيلك شاب زي الفل مبيتعالجش من اي حاجه وبيشتغل وفجأة عينه اصفرت وسخن ...هتفتح كتب ال diagnosis ايه سبب الصفرا اللي عنده ..وتدخله القسم
(Jaundice for investigations)
يا تري صفرا انسدادية ؟ولا صفرا تكسيريه ولا صفرا بسبب حاجه في الكبد ؟ ..وأنت لسه بتدور ..هتلاقي المريض حالته بتسوء وهيموت قبل ما توصل لحاجه ....
بقول لحد من حبايبي أستاذنا طلب مننا نوعي الناس عن ضربة الشمس ..قال لي هنقولهم ايه مثلا ؟ ده حاجه بسيطة ومعروفه...فقلت له المثال اللي فوق ده (اللي هو حالة حقيقية بالمناسبة ) ...والشاب ده كل اللي عمله انه بيسافر مسافات كبيرة في الحر ..بس علي ما اتشخص كان فات اوان انه يتلحق
هتقولي بس أنا فتحت الكتب ويمكن حتي ال AI ملقتش ضربة الشمس في الالجوريزم بتاع الjaundice
هقولك لأن الصفراء عشان تحصل بتحتاج ٢٤ ل ٧٢ ساعه ..ووقت ما تحصل يبقي معناها دخلنا في organ failure .فالمفروض ده بيتشخص من أول دقيقة (كلينكال ) ..
شاب زي الفل ..اشتغل في الحر ..سخن وتعب ..لازم تشخصه ....فتخيل لما يبقي المريض لما اصفر ..ده معناه أنه جاي متأخر ويا تلحقه لمتلحقهوش...وفي نفس الوقت الدكتور بيستقبله بعقلية أنه حالة لسه في بدايتها و(صفرا تحت البحث ) ..
طيب ما كده الطب صعب ؟ ومين قالك انه سهل ؟!....
لما حكيت لصديقي الحالة دي قالي تصدق ان حد قريبي معاه طفل مش فاكر ٨ او ٩ سنين ...مشيوا في الحر شوية...علي ما وصلوا الولد وقع منهم ...طلعوا بيه ع المستشفي واتلحق ...قلت له الحمد لله ..بس ده مش ضربة شمس ..ده اتلحق في درجة قبلها
زي ما استاذنا قال في الفيديو ...
اول درجه ..كل الموضوع شوية اعراض جلدية
تاني حاجه...انه يجيله تقلصات لما بيشتغل في الحر
لانه بيعرق ويفقد املاح ...ولما بيشرب بيشرب مية بس من غير ملح ...فيحصله شد عضل وكل ده بسيط
التالته ..انه يحصله اغماء ...heat syncope ...ويفوق بسرعه وده لو كان حد شغال في مكان عالي او علي مكنه او بيسوق وو...ده هيكون خطر جدا ..ده مينفعش يفقد الوعي ...حتي الناس دي لما تيجي تكتب دوا سكر او ضغط او حتي بروستاتا ..خد بالك ممكن الادوية دي لو عملت شوية دوخه في الشخص العادي لكن معاهم خطر جدا ....
الدرجه الرابعه...الاجهاد الحراري ...وده ممكن تكون درجة الولد اللي وقع واتلحق ..بس ده بداية الخطر لو متلحقش هيدخل في ضربة شمس ..او heat stroke ...
الدرجة الخامسة ..ضربة الشمس ..ودي أخطرهم ..واللي بيحصل فيها ان مركز تنظيم الحرارة في المخ نفسه بينضرب ...فتلاقي حرارته معديه ٤٠ وممكن حتي ميكونش بيعرق ...وده السبب اللي علشانه (انتشرت اسطورة ان البارسيتامول مبيشتغلش في درجات الحرارة العالية ولازم كمادات ) ...هو البارستامول بيشتغل عموما عادي لكن في الحالة دي فعلا مبيشتغلش ..ولازم يتعمل كمادات .....
كلمة stroke ...ممكن تبان غريبه ..بس أنا فاكر الحالة اللي كان شاب قوي البنية وفجأة وقع في الحر وقلبه اتوقف ..واتحجز في العناية ..وبردو فاكر ان الصفرا عنده كانت عاليه او تقول multi organ failure
وده نجا برحمة ربنا ...وكان أفضل تحسن وصله هو أنه بقي يدوب بيعرف يمشي علي رجله ..وبدأ يخدم نفسه
من بعد ما كان هو اللي شايل أسرته ...بقي كل أملنا أنه ميكونش عبء علي حد ...فهي فعلا stroke واسوأ كمان.....
وطبعا الخطر بيزيد علي الأطفال وكبار السن أكتر
أنك تسيب طفل او حد كبير في العربية في الحر ولو دقايق بسيطة ...ده ممكن يبقي فيه خطورة علي حياته ..وفيه ناس بالفعل ماتت بحاجه زي دي ...
عشان كده سمينا الحملة دي
بواسطة د محمود وفا

04/07/2026

🩸 Hemolytic Anemia Series | Episode 6
G6PD Deficiency | لماذا يسبب الفول تكسير كرات الدم الحمراء؟

30/06/2026

أشهر عيوب غشاء كرات الدم الحمراء | Hereditary Spherocytosis 🩸

28/06/2026

70-year old patient presenting with chest pain, dyspnoea and dizziness. BP 90/50. SaO2 83% RA

🚨 ECG Challenge #7... | When the ECG Speaks Before the CT! 🚨
👴 70-year-old patient presents with:
🔹 Chest pain
🔹 Dyspnoea
🔹 Dizziness
🩺 Vitals:
BP = 90/50 mmHg
SaO₂ = 83% on room air
📉 ECG attached below ⬇️
❓ما هو التشخيص الأكثر احتمالاً؟