07/10/2026
تنضيف البشرة لوحده مش علاج لحب الشباب ❌
تنضيف البشرة بيساعد يشيل الدهون والأتربه والخلايا الميتة من على سطح الجلد، وده مهم للحفاظ على البشرة نضيفة وتقليل انسداد المسام.
لكن حب الشباب مش سببه إن البشرة «مش نضيفة» بس. هو مرتبط بعوامل زي زيادة إفراز الدهون، انسداد المسام، الالتهاب، وتأثير الهرمونات والبكتيريا المرتبطة بحب الشباب.
وعشان كده، لو عندك حبوب مستمرة، جلسات التنضيف ممكن تكون جزء من العناية بالبشرة، لكن مش بديل عن علاج حب الشباب المناسب للحالة.
وكمان الإفراط في التنضيف والتعامل بعنف مع الحبوب ممكن يهيج البشرة ويزود الالتهاب وآثار الحبوب.
يعني: نضفي بشرتك بانتظام، لكن لو عندك حب شباب فعلي، لازم تعالجي السبب
