Fekra hub

26/09/2023

اللهم صلي وسلم علي سيدنا محمد
#سَكينه

25/09/2023

Back again 🌿🌿🌿

13/04/2022

09/04/2022

#أدعية #رمضان
اللهم آمين ❤️

07/04/2022

من احلي البوستس المنجزه اللي ممكن نعملها طول السنه
قولي لنا بتطبقي منها ايه 🏮🏮🌙🌙🌙

سفرة في 20 دقيقة!

اليوم في رمضان بيخلص بسرعة وكلنا بنكون محتاجين يوم تاني على يومنا علشان ننجز ويكون الأكل جاهز على آذان المغرب ومش بنلحق ! 😟
ورقه وقلم يا ست الكل، وهنقولك إزاي ترتبي نفسك وتوفري وقت ومجهود ويبقى دة أسلوب حياتك بعدين.

1-اشتري كمية فراخ تكفي معاكي لمدة تلات أسابيع مثلاً واغسليها كويس وشليها في الفرايز.
2-البانية والشيش طاووق تبليهم وشليهم في أكياس وفي الفريزر.
3-اللحمة المفرومة هاتي كمية مناسبة واقسميهم على نصين نص اعملي منه كفته وخليها جاهزة، والنص التاني عصجيه وشليه في الفريزر هتحتاجيه في أكلات كتير زي الرقاق باللحمة المفرومة واللازنيا والمسقعة ومكرونة باشميل..
4-خزني الخضار الفريش اللي مش بيبان عليه إنه متجمد زي القلقاس، الفاصوليا،البسلة بالجزر، بنجر مسلوق، حمص مسلوق، كرفس مقطع، وجزر شرايح للسلق وطبعاً صلصة الطماطم معانا أكيد
5-من الأكلات اللي مفيش غنى عنها السمبوسك والمكرونة بشاميل خليهم جاهزين عشان تسحبي منهم على طول.
العصائر أساسية معانا على الفطار فممكن تخزني الفراولة، والجوافة، والبرتقال ده آوانهم وهتلاقيهم في الأسواق.

قسمي وقتك من دلوقتي كل يوم تجهزي حاجة، زي مثلا تسبكي الطماطم النهاردة وبكرة تعصجي اللحمة هتلاقي نفسك قبل الشهر ما يبدأ هتكوني خلصتي.. وصحة وهنا على قلبك 😃

قوليلنا بدأتي تخزني حاجات لرمضان ولا لسه ؟واستنونا البوست الجاي عن تنسيقات ديكور رمضان في 30 دقيقة.

02/04/2022

كل سنه وأنتم بخير
هتعمل ايه من الخطوات دي
🌙🌙🌙🏮🏮🏮

اجهزي لرمضان في ١٠ دقايق !!

فكرتي تجهزي الأكل والزينة والعزايم بس.. يبقى هتخسري كتير عشان رمضان مش أكل ولمة وبس !

وعلشان تستقبلي رمضان صح وتفوزي بالعتق من النار، والمغفرة، و خصوصاً لو أنتي فايتك كتير في التزامك بالطاعات يبقى لازم تبدأي من دلوقتي علشان تتعودي وتكملي الـ 30 يوم للآخر.

بخطوات بسيطة هنقولك تعملي إية ومش هتاخد من وقتك غير عشر دقايق بس.

١-انوي لبداية جديدة وتغير حقيقي في رمضان تكملي بيه على طول.
٢-هنبدأ الخاتمة في شعبان علشان تكون مضمونة في رمضان وتتعودي عليها بإنك تقرأي صفحتين بعد كل صلاة.
٣-زودي من النوافل وأختاري منها الشفع والوتر أو الضحي وخليكي شاطرة وأعملي الأتنين.
٤-حاولي تصومي من دلوقتي وتعوضي الأيام اللي فاتتك بصيام الاتنين والخميس.
٥-أذكار الصباح والمساء أختاري منهم 3 أذاكار وثبتيهم وزودي عليهم كل يوم واحد.
٦-ولو مش منتظمة في الصلاة لازم تلتزمي وتكون الصلاة في وقتها مع الاستغفار والصدقة.
"خير الأعمال ادومها وإن قل“

يلا أبدأوا معانا من دلوقتي واستنوا البوست اللي جاي عن البيت وتنظيمه.

27/03/2022

فرحي أولادك بشهر رمضان بـ 6 خطوات!!

فات الكتير ومش باقي غير أيام قليلة ويهل علينا أجمل وأفضل شهر في شهور السنة.. وفرحتنا بتكمل بالأجواء اللي بنعيشها والتحضيرات واللي من المهم نشارك أولادنا بيها عشان يرتبطوا برمضان ويكون عندهم ذكريات يحكوا عنها ويطوروها لما يبكروا.

وهنا هنقولك على أفكار وأنشطة تشاركيها مع أولادك.

1-زينة رمضان ممكن تعمليها في البيت وتخلي طفلك يشاركك أو تشتريها جاهزة هتفرح اولادك أوي

2-أستخدمي مفارش خيامية للسفرة ولمخدات الكنب والكراسي هتدي موود حلو أوي للبيت.

3-حددي برامج أو كارتون عن قصص القرآن أو برنامج مفيد يتفرج عليه وبعدها ممكن تقعدوا سوا تتناقشوا فيها.

4-من المهم تاخدي طفلك معاكي المسجد لإنه جزء من روحانيات رمضان وعشان يعرف أهمية الصلاة في المسجد.

5-خُدي ولادك معاكي في شراء مستلزمات رمضان وفرحيهم.

6-واحنا فرحانين بقُرب رمضان وبنجهز نحاول نفرح اللي حوالينا سواء جيران أو قرايب أو دار مسنين أو ايتام.

هنا النزهه الجديده هتكون ارخص واشيك مكان أو البازرات أوالمكتبات كل واحد وميزانيته وكل سنة وأنتم طيبين.. ورمضان كريم 🌙