Sara Eshiba

26/08/2026

العقاب المتكرر مش دايمًا بيعلّم الطفل الصح… أحيانًا بيخليه يخاف من الغلط من غير ما يفهم هو غلط ليه. 🤍
بدل العقاب المستمر، نقدر نستخدم بدائل زي الحدود الواضحة، الحوار، النتائج الطبيعية، وتعليم السلوك الصح.
الهدف مش إن الطفل يخاف يغلط… الهدف إنه يتعلم يتصرف صح. 🌱

25/08/2026

كل عام وأنتم بخير بمناسبة المولد النبوي الشريف 🌙✨

24/08/2026

الصحة النفسية لطفلك بتبدأ من البيت. 🤍🌱

لما يحس إنه محتوى، مسموع، وآمن، بيقدر يعبّر عن مشاعره ويكبر بثقة أكتر.

احتواءك وسماعك ليه مش تفاصيل صغيرة… دي حاجات بتفرق في شخصيته وطريقة تعامله مع نفسه ومع اللي حواليه. ❤️

ابدئي من البيت… وابني جواه الأمان اللي هيفضل معاه.

22/08/2026

مش لازم كل مرة ترفضي طلب لطفلك تكون بصوت عالي أو خناقة. 🤍

ممكن تقولي «لأ» بهدوء، وتشرحي السبب ببساطة، وتسمحي له يعبّر عن زعله من غير ما تغيّري قرارك.

لأن الطفل محتاج يتعلم إن الرفض مش معناه إن مشاعره مش مهمة… وإنه ممكن يسمع «لأ» ويتعامل معاها بطريقة صح. 🌱

التربية مش في إننا نقول لأ… لكن في إزاي بنقولها. ❤️

20/08/2026

مش كل تصرف غلط من طفلك محتاج عقاب… ومش كل مرة الكلام لوحده هيكون كفاية. 🤍

المهم إنك تفهمي هو ليه اتصرف بالشكل ده، وتساعديه يعرف الصح ويجرّبه بنفسه، ويتعلم من الموقف بطريقة تناسب سنه.

التربية مش بس إننا نقول للطفل «اعمل» و«ما تعملش»…
لكن إننا نعلّمه إزاي يتصرف صح، ونساعده يكتسب المهارة بالتدريب والممارسة. 🌱

لأن التصرف الصح مش بيتحفظ… بيتعلم ويتبني مع الوقت. ❤️

17/08/2026

سعدنا جدًا بمشاركتنا في ندوة عن الصحة والتنمية النفسية ❤️✨

كانت فرصة جميلة نتكلم عن أهمية الصحة النفسية، وتأثيرها على حياتنا وتطورنا، ونتشارك أفكار ونقاشات مفيدة مع الحضور 📚🧠

شكرًا لكل اللي شاركونا اللقاء، ولوجودكم وتفاعلكم اللي خلّى الندوة تجربة مميزة ومثرية ❤️

ونتمنى نشوفكم في لقاءات وفعاليات أكتر قريبًا ✨

16/08/2026

📘 نفسيتك مسئوليتك — سارة عشيبه

مش مجرد كتاب… دي رحلة هتخليك تقف مع نفسك، تفهم مشاعرك أكتر، وتبدأ تبص لحياتك بشكل مختلف. 🤍

وفي الفيديو، مؤلفة الكتاب سارة عشيبه بتحكيلكم عن كتابها، وعن الرسالة اللي حابة توصلها لكل حد بيقرأه. ✨

🔥 والكتاب متوفر دلوقتي بخصم 50% في معرض الكتاب بساقية الصاوي!

📅 المعرض مستمر لحد 17 أغسطس
⏰ من 12 الضهر لحد 10 بالليل
📍 ساقية الصاوي – الزمالك
شارع 26 يوليو، قدام سنترال الزمالك، من ناحية أبو الفدا.

ماتضيعوش الفرصة، والحقوا قبل ما المعرض يخلص! ❤️🔥
مستنيينكم وتشرفونا 🥰


#كتبنا

14/08/2026

12/08/2026

🔥 المفاجأة الخامسة وصلت! 🔥

لو مهتم بعلم النفس، وتطوير الذات، وفهم أعمق للنفس البشرية... متفوتش اللقاء ده!

في انتظاركم في حفل توقيع جماعي ونقاش مفتوح مع مجموعة من مؤلفينا، هنتناقش فيه عن أبرز إصدارات التنمية النفسية، ونجاوب على أسئلتكم، ونشارككم أفكارًا وتجارب هتفتح أبوابًا جديدة للنقاش.

دي فرصتك تقابل المؤلفين، وتشارك في حوار ثري وملهم، وتتعرف على أحدث إصدارات التنمية النفسية.

📚 حفل توقيع جماعي لإصدارات التنمية النفسية
📅 الخميس 13 أغسطس 2026
🕖 من الساعة 7:00 إلى 8:00 مساءً
📍 ساقية الصاوي – الزمالك، شارع 26 يوليو، أمام سنترال الزمالك (من ناحية أبو الفدا).

مستنينكم... ولسه عندنا مفاجآت أكتر خلال المعرض! ✨


#كتبنا

26/07/2026

مش كل طفل بيعرف يقول: “أنا زعلان.”
أوقات بيقولها بالعياط، أو الانسحاب، أو العصبية.
لو طفلك بيطلب اهتمام بالعياط والحزن، اسمع اللي ورا الدموع قبل ما تحكم على التصرف✨