The healers hub

The healers hub A group of professionals certified therapist offering workshops , group therapy, 1:1 sessions&courses

18/06/2026

عام هجري مبارك 🌿

15/06/2026

مش كل علاقة محتاجة إنك تشتغلي على الشخص اللي قدامك... أحيانًا محتاجة تشتغلي على نفسك"

كتير مننا بيدخل العلاقات وهو مشغول بفكرة: "إزاي أخليه يفهم؟" "إزاي يتغير؟"

وبنستهلك طاقة ومشاعر ومجهود في محاولة إصلاح الطرف التاني لدرجة إننا بننسى نسأل أنفسنا سؤال مهم❓️
أنا ليه مستمرة في علاقة بقبل حاجات بتوجعني وأقنع نفسي إنها هتتغير؟
الحقيقة إننا ما نقدرش نغيّر حد لكن نقدر نفهم نفسنا أكتر ونشتغل على حدودنا ونراجع اختياراتنا ونتعلم نسمع احتياجاتنا بدل ما نتجاهلها
لأن التغيير الحقيقي بيبدأ من جوّا... مش من محاولة إصلاح شخص تاني

✨ لما تركزي على نفسك هتعرفي تشوفي العلاقة بوضوح أكبر وتاخدي قرارات مبنية على الواقع

💬 هل بتلاقي نفسكِ بتبذلي مجهود أكبر في محاولة تغيير اللي قدامك ولا في فهم نفسك واحتياجاتك؟ شاركينا رأيك في التعليقات 🤍



في ناس كتير متعودة تدي الأولوية لراحة كل اللي حواليها... لدرجة إنها نسيت تسأل نفسها: "وأنا؟"بتوافق وهي مش مقتنعة، بتبرر ...
13/06/2026

في ناس كتير متعودة تدي الأولوية لراحة كل اللي حواليها... لدرجة إنها نسيت تسأل نفسها: "وأنا؟"
بتوافق وهي مش مقتنعة، بتبرر اختياراتها طول الوقت، وبتحس بالذنب أول ما تحط حد أو تقول "لا".
ومع الوقت... إرضاء الناس بيتحول من لطف إلى عبأ نفسي

الحقيقة إن الناس اللي بتسعى لإرضاء الجميع مش دايمًا بتعمل كده لأنها بتحب تساعد... أحيانًا بيكون ورا ده خوف من الرفض، أو الخلاف، أو فقدان الحب والتقدير

✨ مش مطلوب منك تبقى محبوب من الكل
✨ ومش لازم تبرر كل قرار بتاخده.
✨ واحتياجاتك مهمة بنفس قدر أهمية احتياجات الآخرين



مش كل تصرف بنعمله بيكون جزء من شخصيتنا الحقيقية... أحيانًا بيكون رد فعل قديم اتعلمناه علشان نحمي نفسنا وإحنا أطفالالمشكل...
11/06/2026

مش كل تصرف بنعمله بيكون جزء من شخصيتنا الحقيقية... أحيانًا بيكون رد فعل قديم اتعلمناه علشان نحمي نفسنا وإحنا أطفال
المشكلة إن اللي كان بيساعدنا زمان ممكن يكون بيتعبنا دلوقتي
لما نفهم أصل السلوك... نبدأ نغيره بحب ووعي بدل ما نلوم نفسنا عليه🤍

#الطفلـالداخلي
#تعافي

لما تيجي تختار... تسمع كلام قلبك ولا عقلك؟إحنا غالبًا بنتعامل مع الموضوع كأنه معركة إما مشاعر... أو عقل 🧠لكن هل فعلًا لا...
09/06/2026

لما تيجي تختار... تسمع كلام قلبك ولا عقلك؟

إحنا غالبًا بنتعامل مع الموضوع كأنه معركة إما مشاعر... أو عقل 🧠

لكن هل فعلًا لازم واحد منهم يكسب؟ 🤔

المشاعر ليها وظيفة مهمة وهي بتقولك إيه اللي بتحبه، إيه اللي بيخوفك، إيه اللي بيريحك وإيه اللي بيوجعك

لكن المشاعر مش دايمًا دليل لأنها أحيانًا بتتأثر بالخوف أو التجارب القديمة وساعات بالاحتياج اللحظي

✨️والعقل كمان مهم لانه بيساعدك تشوف الصورة كاملة وتفكر في النتائج وتفرق بين الرغبة والواقع

طيب المشكلة فين 🤔
الحقيقة المشكلة بتحصل لما نخلي واحد منهم يسوق لوحده
مشاعر بدون عقل... ممكن توصلنا لقرارات متسرعة
وعقل بدون مشاعر... يوصلنا لحياة مش شبهنا

القرار الصح غالبًا بيبدأ بسؤالين:
🤍 انا حاسس بأيه ؟ 🧠 وهل القرار دا صح ولا محتاج اعيد التفكير تاني ؟

💫المشاعر بتدينا الإشارة... والعقل يساعدك على اختيار الطريق
الاتنين مش أعداء... الاتنين محتاجين يسمعوا بعض
انتو بقي بتحكمو قلبكم ولا عقلكم ؟



💫فيه حاجات بنفضل متمسكين بيها مش لأنها لسه مناسبة لينا... لكن لأن فكرة إننا نسيبها بتخوفناعلاقة مؤذية... وعد قديم... أو ...
08/06/2026

💫فيه حاجات بنفضل متمسكين بيها مش لأنها لسه مناسبة لينا... لكن لأن فكرة إننا نسيبها بتخوفنا

علاقة مؤذية... وعد قديم... أو حتى صورة كنا متخيلين إن حياتنا لازم تمشي بيها.
فنفضل نحاول ونستنى ونبرر ونقنع نفسنا إن المرة الجاية هتكون مختلفة

مش كل حاجة خسارتها فشل... في حاجات خسارتها بداية لراحة أكبر، ووضوح أكتر ومساحة جديدة لحياة تستحقك.

✨ النضج الحقيقي مش إنك تعرف تتمسك فقط... النضج الحقيقي إنك تعرف إمتى تسيب

💬 قولولنا في التعليقات: إيه الحاجة اللي اكتشفتوا متأخر إنها كانت متنفعش تكملو فيها وكنتوا محتاجين تسيبوها؟

أو ابعتولنا ❤️ لو الرسالة دي جات في وقت محتاجينه



أخطر أنواع الأذى... هو الأذى اللي بيتخفى في شكل اهتمام." 🤍 أوقات بيظهر في صورة شخص "خايف عليك" أو "عارف مصلحتك أكتر منك"...
03/06/2026

أخطر أنواع الأذى... هو الأذى اللي بيتخفى في شكل اهتمام." 🤍
أوقات بيظهر في صورة شخص "خايف عليك" أو "عارف مصلحتك أكتر منك" 😉 أو "بيعمل كده من حبه ليك"

لكن مع الوقت تكتشف إنك بقيت تشك في مشاعرك...وتراجع قراراتك...وتحتاج موافقته على كل حاجة هو غالبًا مش بيحاول يفهم مشاعرك هو بيحاول يسيطر عليك .

واكيد هيحاول يطلع فيك انت المشكله يعني يقولك:"أنت حساس زيادة ""أنت فاهم غلط ""أنت مكبر الموضوع"

لحد ما تبدأ تفقد ثقتك في نفسك وإحساسك

أفتكروا أي علاقة تخليك تشك باستمرار في مشاعرك أو في نفسك تستحق منك وقفة ووضع حدود 🫸

✨ شاركونا فالكومنتات هل قابلتو قبل كده الشخص ده ؟



إيه اللي بيحصل لما تفضل تكمل وأنت خلاص تعبت؟إحنا اتعلمنا إن الشاطر هو اللي يفضل يكمل مهما تعب... بس محدش علمنا إن الراحة...
02/06/2026

إيه اللي بيحصل لما تفضل تكمل وأنت خلاص تعبت؟

إحنا اتعلمنا إن الشاطر هو اللي يفضل يكمل مهما تعب... بس محدش علمنا إن الراحة جزء من الطريق

بعد فترة طويلة من المجهود... طبيعي تحس إن طاقتك قلت مش لأنك ضعيف لكن لأنك إنسان

مش لازم تختفي أسبوع أوقات استراحة صغيرة بتعمل فرق كبير:
☕ فنجان قهوة بهدوء
مشوار قصير🏃
نقرأ صفحة من كتاب📖
عشر دقائق مع نفسك
نعمل اي حاجه بنحبها ومأجلينها

الراحة مش مكافأة بعد ما تخلص كل حاجة... الراحة احتياج يساعدنا نكمل

زي ما الموبايل محتاج شحن... قلبك وعقلك كمان محتاجين شحن من وقت للتاني

يمكن الحاجة اللي محتاجها دلوقتي مش مجهود أكتر

يمكن محتاج استراحة محارب

خد نفس عميق وافتكر إن الراحة مش بتعطلك عن الطريق الراحة هي
اللي بتساعدك تكمله 🤍


#استراحة

أوقات "استراحة المحارب" هي اللي بتخليك ترجع أقوى، أوضح، وأهدى.فلو أنت في فترة مليانة ضغط أو مسؤوليات أو مجهود مستمر...اس...
02/06/2026

أوقات "استراحة المحارب" هي اللي بتخليك ترجع أقوى، أوضح، وأهدى.

فلو أنت في فترة مليانة ضغط أو مسؤوليات أو مجهود مستمر...اسأل نفسك:

إيه أبسط حاجة ممكن أعملها النهارده عشان أشحن نفسي ولو 10 دقايق بس؟



قولي الرقم اللي اختارتي في الكومنتات، وإحنا هنقولك الرسالة اللي محتاجة تسمعيها النهارده ❤️
30/05/2026

قولي الرقم اللي اختارتي في الكومنتات، وإحنا هنقولك الرسالة اللي محتاجة تسمعيها النهارده ❤️


Address

Cairo

Website

Alerts

Be the first to know and let us send you an email when The healers hub posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The healers hub:

Shortcuts

Share

Category