08/09/2026
💡دور العلاج الطبيعي لأصحاب الجلطات الدماغية
الجلطات بقت من أكتر الأمراض الموجودة حوالينا، وأكيد أنت سمعت عن شخص مصاب حواليك بجلطة إن مكانش حد من أسرتك لا قدر الله.
بس تعرف إيه أكتر حاجة مهمة لعلاج صاحب الجلطة بعد إن الدكتور يلحقه في الوقت المناسب⁉️
👈العلاج الطبيعي، له مفعول السحر في إن مريض الجلطة يرجع لحياته بصورة طبيعية، ودى عشان:
1️⃣هيقلل المضاعفات اللي ممكن تحصل لاقدر الله، زي التهاب الرئة، والتهاب المثانة، وأي إصابات ممكن تحصل نتيجة سقوط المريض.
2️⃣هيخلي المريض يرجع يتحرك من تاني بصورة تقريبًا شبه طبيعية.
3️⃣كمان العلاج الطبيعي هيعلمه ازاي يعتمد على نفسه في حاجات زي الأكل، والشرب، والاهتمام بنظافته الشخصية.
4️⃣هيساعد المريض يرجع لشغله و نشاطه.
5️⃣ العلاج الطبيعي مش بس بيهتم بالمريض لا، دكتوره العلاج الطبيعي كمان بيساعد أسرة المريض، وبيوجهم لأفضل طريقة للتعامل مع المريض.
✋بس خد بالك العلاج الطبيعي كمان له وقت يفضل إن المريض يبدأ فيه عشان يبقى له أحسن نتائج على المريض، وهو من 24 ل 48 ساعة بعد استقرار حالة المريض.
بس العلاج الطبيعي هينتهي إمتى، دى حاجة دكتوره العلاج الطبيعي بيحددها بناء على حالة كل شخص، وهل حصلت مشاكل بعد الجلطة لا قدر الله، فالمدة هتختلف من شخص للتاني.
