Dr Shymaa Essam "فلنتعلم كيف نحياها"

  • Home
  • Egypt
  • Cairo
  • Dr Shymaa Essam "فلنتعلم كيف نحياها"

Dr Shymaa Essam "فلنتعلم كيف نحياها" Psychological and mental health
certified family and marriage counselor
certified relationship coach

ساعات إنكار الألم والضغط النفسي مش رفاهية ،،،أوقات بيكون الاختيار الوحيد،،،أوقات كثير بيكون هو وسيلة مخك عشان ينجو في وس...
11/09/2026

ساعات إنكار الألم والضغط النفسي مش رفاهية ،،،
أوقات بيكون الاختيار الوحيد،،،
أوقات كثير بيكون هو وسيلة مخك عشان ينجو في وسط معركة مشاعر وأفكار تقيله اوي عليه ،،،،
مفيش وقت للإنهيار،،،،
فيه مسئوليات مش هتستناك ،،،،
وناس مسئولين منك محتاجينك واقف علي حيلك،،،،
مفيش وقت تعبر وتتكلم وتحكي عن الوجع ،،،
بتزق جسمك عشان يتجاوز التعب ويكمل اللي وراه،،،
بتستني اليوم يخلص عشان تعرف تعيط لوحدك من غير ماحد يشوف ضعفك ،،،،
كل واحد أو واحدة انت شايفهم حياتهم ماشية ومن برا تمام ،،ممكن يكون بيمر بكده وأكثر،،،
لما تلاقي حد كده ،،، متضغطش عليه يحكي وتصمم تعرف تفاصيل إلا لو حابب يشاركك ،،أو تعرف تكون سند بجد وتقوي ،،،
بلاش تنصحه من غير مايطلب ،،،،بلاش تكون ضغط زيادة حتي لو بتحبه ،،،،
ادعيله بظهر الغيب من قلبك ،،،
طمنه ان انت جنبه في أي وقت يحتاجك ،،،
تصَدّق عشانه ،،،،
ربنا يهون عليكم وعلي كل قلب انهكته الحياة.....
واستعينوا بالله ،فهو حسبنا وسندنا ، نعم المولي ونعم النصير ...

فيه ظواهر ومعتقدات دفينة محتاجين نتخلص منها حتي تستقيم حياتنا ،،محتاجين نعرف الأصل والصح والشرع عشان كل واحد يعرف واجبا...
13/08/2026

فيه ظواهر ومعتقدات دفينة محتاجين نتخلص منها حتي تستقيم حياتنا ،،
محتاجين نعرف الأصل والصح والشرع عشان كل واحد يعرف واجباته وحقوقه ولا يُطالب غيره بشيء لا يستحقه أو يضع توقعات غير واقعية هي سبب نقمه طوال الوقت علي حياته وتفاصيلهاوانا بشوف انها استحقاقية غير مبررة ....
هحكيلكم علي شوية معتقدات بقابلها بتعبر عن الاستحقاقية الغير مبررة ومستنية اسمع آرائكم ...
هبدأ للأسف بالأم والأب الغير أسوياء اللي بيستغلوا مبدأ البر ،بيستغلوا فهمهم الخاطئ للدين ،ويساوموا ابنائهم ظلماً وقهراً وبإستحقاقية بمتطلبات غير واجبة شرعاً في مقابل رضاهم عنهم ....
الزوجة أو الزوج اللي بيطالب شريك حياته بشكل ونمط حياة شايف انها واجب وفرض ويستحقها وفي المقابل ،لايقوم بأي من واجباته تجاه شريكه...
بشوف زوجة تطالب زوجها برومانسية حالمة في وسط شغله ومعارك اليوم اللي بيواجها وفي وسط مشاكله وهي ف الأساس تتعامل بجمود وبلا مشاعر والقدوة بالنسبة لها رائد الفضاء اللي سأل علي حبيبته وهو فوق القمر ،،بصراحة مثال فعلا واقعي 🤪🤪
زوج بقي ساكت طول الوقت وقفيل وغلس ،منتظر من زوجته دلع واهتمام وعدم مناقشة وتستحمل تدخلاته بصدر رحب وتطبله مع انه لايفوت فرصة للتقليل منها ومقارنتها مع غيرها ومش حافظ غير حقوقه....😏
اخت لا بتسأل ف أخوها ولا توده ولا عمرها عبرت عن حبها ليه وتقديرها ليه و بتتعامل بمعتقد انها تستحق انه هو اللي يسأل ماهو الراجل ،،هو لازم يجيبلي كل اللي نفسي فيه ماما مأكدالي ،،ماهو الراجل ،،لازم اتدخل ف حياته واقول رأيي قولتلكم ماما مأكدالي اني استحق...🤬🤬🤬
الاطفال اللي بيتعاملوا مع أهاليهم باستحقاقية ،، ولا اتربوا ولا فهموا يعني ايه بر ولا احترام ولا يعرفوا واجباتهم في الحياة ،،اتعودوا بأنانية يأخدوا بس ،،وده الوجه الآخر لأول مثال...
العلاقات كلها اللي ربنا خلقها ، قائمة علي التوازن بين الحقوق والواجبات وعلي العدل المتبادل ...
نعم، للأب والأم والزوج مكانة خاصة ودرجات متقدمة في الإسلام، لكن هذا لا يلغي مبدأ التوازن.
في الإسلام، هناك فرق كبير بين "المكانة والأولوية في الطاعة" وبين "الحق في الظلم أو سلب الحقوق". فالدرجة الأعلى تعني مسؤولية أكبر ورعاية أعمق، ولا تعني أبدًا طرفًا يأخذ كل شيء وطرفًا لا يأخذ شيئًا....

قال الله تعالى: ﴿وَلَهُنَّ مِثْلُ الَّذِي عَلَيْهِنَّ بِالْمَعْرُوفِ﴾ [البقرة:228
قال تعالى: ﴿إِنَّ اللَّهَ يَأْمُرُ بِالْعَدْلِ وَالْإِحْسَانِ﴾ [النحل:90]،

ساعات الزعل اللي حضرتك عايش فيه ،مش بسبب الناس الوحشة الغدارة اللي حواليك... ولا الظلم اللي ف حياتك وقلة التقدير والخذلا...
11/08/2026

ساعات الزعل اللي حضرتك عايش فيه ،مش بسبب الناس الوحشة الغدارة اللي حواليك...
ولا الظلم اللي ف حياتك وقلة التقدير والخذلان ...
لأ حضرتك guess what ،ساعات كثير بتبقي حضرتك اللي كئيب وبتحب الحزن وبتدور علي الزعل ف كل موقف ومركز ف تفاصيل التفاصيل..Take it easy ياعزيزي ..الحياة..مش مستاهلة تحزن علي أي حاجة فيها ...
اكيد فيه مواقف وأشخاص بتزعلنا ،،لكن نحزن شوية ونقلب ...
مش لازم نعمل قصة ونفضل محبوسين ف تفاصيلها لغاية ماتخنقنا ....
حاول تعيش اليوم وانت مركز في النعم اللي ربنا مغرقنا بها ، بالمواقف الحلوة اللي بتجمعنا بالناس دي ،او ماتفكرش فيهم خالص ،مايستاهلوش تضيع وقت ومشاعر عليهم.....
وركز مع نفسك وحياتك وحاول تستمتع بأصغر التفاصيل وابعد عن كل ما يُثبت الحزن ف قلبك (صاحب بقي بيطبلك ، أغاني حزينة بتعيشك الدور أكثر ماانت عايشه ، حد شكاي بكاي طول الوقت ) ، ركز فيما ينفع آخرتك ،في عملك ،في صُحبتك ،في مسئولياتك ،قلل تفاصيل ،،قلل حكاوي ،،اشغل نفسك بحاجات مفيدة ،هترتاح ...

31/07/2026

عايز تبقي up- to date اعمل layering كتيييييير
Layering لكل حاجة وانت هتبقي ف السليم
Layering برفانات فوق بعض
Layering سكين كير
Layering ٥٠ بردكت فوق بعض
ميكب اب بقي ،اي حاجة وكل حاجة
متنساش الكورسات والشهادات كثر كثر
كل ماتكتر من كل حاجة واي حاجة ، كده انت تمام ...
علي فكرة كنا زمااان بنعمل layering طرح 🤣 بس دلوقتي بنحاول نتاوي الصور ونخفيها ...

09/05/2026

True love or care🩷 بيدخل القلب ويوصل ولو بتفاصيل صغيرة
Fake love or care بينه وبين القلب ألف سد ولو تفاصيله مبهرة
ولا ليكم رأي تاني ؟؟
fans
Dr-Shymaa Essam El Din

أن تشعر بالاستحقاق في غير موضعه وبدون وجه حق ، ماهي إلا بلاهة ، بجاحة ،أنانية واستغلال ...بس العيب مش عليك... العيب علي ...
25/04/2026

أن تشعر بالاستحقاق في غير موضعه وبدون وجه حق ، ماهي إلا بلاهة ، بجاحة ،أنانية واستغلال ...
بس العيب مش عليك...
العيب علي اللي مكسوف يديك علي دماغك...
ويعيش البجح على قفا...

14/04/2026

تخيل يبقي عندك أعراض ضغط ولا قلب ولا سكر أو أي عرض مرضي وواحد يقولك صلي ركعتين وقرب من ربنا وادعي وانت هتبقي كويس ...
أو تعالي اخرجك ولا اسفرك وانت هتبقي تمام...
أو اوعي تروح لدكتور لأحسن تتفضح ويقولوا المريض اهو...
المرض النفسي أو الاضطراب أو الضغوطات النفسية أو الصدمات والأزمات محتاجة طبيب برضه أو متخصص يعالجها ويساعدك تتخطاها ،مش بتروح لوحدها ولا بالدعاء ولا بالتجاهل ولا هي وصمة عار لو لجأتلهم ...
متنظروش الأمراض أو الاعراض النفسية تتفاقم لأنها بتبقي اخطر لو اتسابت ونرجع نقول ياريت ....



fans

14/04/2026

بالي مشغول من امبارح
برحلة أغلب الستات المصرية بالذات وبكمية الضغوطات اللي مطالبة تستحملها ومتنطقش ..
تعالوا معايا ف جولة كده من بدايتها ...
مطلوب منها تتجوز وتكون خام بس ف نفس الوقت مدردحة وفاهمة ف كل حاجة ومتعلمة كل تفاصيل الحياة الزوجية أصل الراجل مش فاضي يعلمها وبيتخنق بسرعة وجاي يتبسط .....بس مننساش لو كانت مدردحة زيادة ولا ثقفت نفسها هيشك فيها ومش بعيد يطلقها ...
مطلوب منها تبسط جوزها وتلبي طلباته بس عيب تطلب أي طلبات .....
مطلوب تستحمل أهله وتودهم وهم ميعبروهاش عشان خاطر جوزها...لكن هو مش ملزم يود أهلها...
مطلوب متسألهوش عن تفاصيل حياته وفلوسه ...هو اتربى علي كده ..ياإما تبقى مراته ممشياه...
مطلوب تستحمل نقده أو تريقته واتهامه ليها بالتقصير طول الوقت والمفروض تقابل ده بابتسامه وتقبل وتقول حاضر هتشقلب عشان خاطر عيونك ...يإما يفكرها انها ملعونة لو مرضيش عنها وهتدخل النار ...
مطلوب منها أكل وشرب ودلع بس ف نفس الوقت اهتمي بنفسك عشانه مش مهم انتي قادرة ولا لأ ...يرضيكي يقولي عليكي ايه زوجة فاشلة ...
مطلوب تستحمل انه بيبص لكل ست بيشوفها ،اصل كل الرجالة عينيهم زايغة وهيقولك نظرة أولي ،..ايه،مقهورة ؟؟ معلش استحملي واعملي نفسك مش شايفة...
مطلوب تغض الطرف لو بيتفرج علي إباحي..ات وقرف ويرجع يقارن ويضايقها ويشككها ف نفسها ...ايه تعبتي نفسيا ،،لا استحملي وطنشي ،،كل الرجالة نفس القصة...مش مهم حاسة بإيه..
مطلوب تعظمي وتمجدي أي حاجة بيعملها حتي لو لا تذكر ،، اصل فيه بنات برا هيقدروه ويروح منك ودورك تحافظي عليه...
مطلوب منها تستحمل نزواته وغلطاته وأزماته وزهقه وعصبيته وأسلوبه الوحش وتحافظ علي بيتها ....
مطلوب تربي الأولاد وتأكلهم وتشربهم وتودي تمارين وتذاكر لهم وتشوف اللي تعبان واللي بيدلع واللي بتمرد وتسمع فيديوهات تتعلم ...لكن هو بيتعب مش فاضي يشاركك.. انتي مش بتعملي حاجة زيادة..كل الستات كده.....بس افتكري لو حد من الولاد طلع بايظ ولا مستواه التعليمي مش ولابد هتبقي أم فاشلة وهتتلامي ...
مطلوب منها لوتعبانة متشتكيش ،الراجل مش بيستحمل ولا يطيق المرض ...
مطلوب لو زعلانة وحزينة حتي لو حد عزيز مات عندها ماتبينش ل جوزها ،،الراجل مش بيحب النكد...
مطلوب تقف جنبه وتهون عليه وتحتويه ،،،بس اكيد مش هتكوني مفترية بقي ومنتظرة انه يقدر ويشكرك ،،،، دي مش أصول..
مطلوب طبعا انها ماتعبرش عن احتياجها للعاطفة والكلام الحلو والحنية ويفكرها انها انثي ،،بصراحة كل الاوقات غير مناسبة وهتطلعي جاحدة ومش حاسة به...
مطلوب بقي متخنقيش الراجل حرام عليكي ،،هو محتاج مساحة شخصية يفك عن نفسه بعيد عن الضغوطات اللي انتي شايلاها دي ...بلاش نكد بقي ...
مطلوب بقي لو طلقك ،،انزلي اشتغلي واجري علي عيالك ،،انا هقلل المصاريف عشان اعرف اتجوز ...
وطبعا مطلوب اوعي تنهاري أو تكتأبي ولا تزعلي ولا تسكتي ولا تتغيري ...
ولسه كثير وانا مش بنكر اكيد ضغوطات الراجل والماديات وضغوطات الشغل وحواراته ولا هو شايل ايه ...وأكيد برضه فيه رجالة كثير كويسة وبتتقي الله في زوجاتهم ....
بس اي طاقة تستوعب كل ده ،اي نفسية تقدر تتغلب علي المشاعر المكبوتة دي والصفات اللي ضد طبيعتها..أي جهاز عصبي يقدر يتحمل كم الضغوطات دي ويفضل طبيعي ومكمل ....
ارحموا من ف الأرض ...

#اهربصفات لو لقيتها ف العروسة (العريس) اهررررررب1️⃣ المقارنة......انا عايزة زي بنت خالتي شبكة من الاحجار الكريمة النا...
11/04/2026


#اهرب
صفات لو لقيتها ف العروسة (العريس) اهررررررب

1️⃣ المقارنة......
انا عايزة زي بنت خالتي شبكة من الاحجار الكريمة النادرة اللي بتطلع ف جبال الألب وابن عمتي كتب لخطيبته فلوكة🛶 انا عايزة ٢ وبنت الجيران لماجت تتجوز خطيبها اشتري بوتجاز ١١ عين 👀👀 انا مش أقل منهم🥴🥴
صاحبة الصفة ديه للأسف لاتعرف الرضا والقناعة ..

2️⃣بتوقع بينك وبين مامتك او باباك ويتحاول تبعدك عن أهلك ...
أو هو 🤫اقطعي مع أهلك وقرايبك وصحابك والجيران ...
صاحبة (أو صاحب) الصفة ديه لاتحترم حدودك تجاه أهلك وداخلة ب فكرة المعركة ولازم هي تكسب وتاخدك لوحدك وحيد تستفرد بك..

3️⃣شايفة(شايف) كل الناس بتغير منها وهي أحسن من الكل..
شفت بنت عمك بتبصلي إزاي عشان انا قمر 👹ومحصلتش..
شفت أختك كانت هتموووت ازاي لما نزلت صورتي مع القرد🦍🦍.
صاحبة الصفة ديه للأسف اتربت علي الانانية وحب الظهور .وديه هتخليك تشك ف كل الناس وتبعد عنهم...

4️⃣لو معندهاش(معندوش) أي مبادئ أو قيم اتربت عليها الأصول يعني وبعيدة كل البعد عن الدين وربنا ..
مفيش حاجة اسمها عيب او حرام ...ايه يعني لو كدبت..ظروفك لاتشغلني.مش هينفع اتنازل عن رغباتي مهما حصل...هتلاقيها مش بتحترم أهلها...ألفاظها وحشة...مفيش حاجة اسمها احترام ده موضة قديمة...وده كله وأكثر هيبان ف أهلها كمان..
صاحبة الصفة ديه متتوقعش أنها هتقف معاك ف أي أزمة واكيد متوقع شكل تربيتها لأطفالكم ..

5️⃣لو لقيت مامتها (مامته)هو المتحكم ف البيت..وهي المتولية الاتفاقيات...
اهرب (اهربي)
هتلاقيك متجوزها مع مامتها ..اسراركم كلها عندها حتي ادقها....طبعا مش محتاجة أقولك ان أي قرار أو رأي هو بتاع مامتها ...اتناقش مع مامتها اوفر للوقت..كل حاجة بتبقي لايف 🎥عندها....

6️⃣لا يعترف( تعترف ) بشيء اسمه المساحة الشخصية وغيرته مرَضِيّة غير مبررة ..أو العكس يكون مش بيغيير خالص وكله عنده بييييس.. متحرر شويتين..
صاحب هذه الصفة او صاحبتها هيخنقك سواء بالقيود🔒 والسجن المرضي أو العكس براحتك علي الآخر ياقلبي ..

7️⃣بيعشق (بتعشق ) النكد والغم ..
أي موقف قادر انه يحوله إلي ظلاااام وأفكار تشاؤمية everywhere وقلب للترابيزة ،هتشك ف نفسك ...
مش محتاجة اقولك اهربيييييييي...

8️⃣البخل ثم البخل ومرة كمان البخل
هتلاقيه بيقولك انا حريص ومركز ومش بحب التفاهات والإسراف ،بس انتو لازم تعزموني علي بط ووز وخروف كل مرة اجيلكم.... وطبعاً أنا مش بجيب حاجة وانا داخل عشان احنا أهل ،،،،اصلي بوضب الشقة ،،،اصلي بحوش ،،خايف عليكم من unhealthy food 🫣😁

9️⃣أما بقي لو رغاية وبتجيب ف سيرة الناس ...
فاهرررررررب

Address

Cairo

Website

Alerts

Be the first to know and let us send you an email when Dr Shymaa Essam "فلنتعلم كيف نحياها" posts news and promotions. Your email address will not be used for any other purpose, and you can unsubscribe at any time.

Shortcuts

Share