28/09/2026
هو شريكك عارف هو مهم عندك… ولا محتاج كل يوم يكتشف ده حسب مزاجك؟
بتعامله بالود لما تكون رايق؟ وبتتغير معاملتك لما تكون مضغوط أو متضايق؟
عارف هو محتاج منك إيه؟ احتواء؟ اهتمام؟ تقدير؟ مساحة؟ ولا كل مرة بتخليه يخمّن ويخبط لحد ما يعرف يوصل لك؟
في العلاقات… المشكلة مش إن مزاجك بيتغير، المشكلة لما يتغير معاه إحساس شريكك بالأمان.
الود مش حاجة نقدمها لما نكون في مزاج كويس… الود أسلوب بنختار نحافظ عليه، حتى وإحنا مش في أفضل حالاتنا.
اسأل نفسك: شريكك حاسس معاك بالأمان… ولا طول الوقت بيحاول يفهمك؟
#عبيردرويش
#مودةورحمة
