19/06/2026
╔════════════════════════════╗
👣 فحص القدم يوميًا ياخد دقيقة… لكن ممكن ينقذك من مضاعفات كبيرة
كتير من مرضى السكر بيكون عندهم ضعف في الإحساس بالقدم بسبب تأثير السكر على الأعصاب، وده ممكن يخلي جرح صغير أو مشكلة بسيطة تعدّي من غير ما المريض يحس بيها.
عشان كده، فحص القدم يوميًا عادة بسيطة لكنها مهمة جدًا، وبتساعد على اكتشاف أي مشكلة بدري قبل ما تكبر.
إزاي تفحص قدمك كل يوم؟ ✅ بص على ظهر القدم وباطنها وبين الأصابع.
✅ دور على أي جرح أو خدش أو احمرار.
✅ لاحظ وجود تورم أو تغير في لون الجلد.
✅ افحص الأظافر ولاحظ لو فيه ظفر نامي أو التهاب.
✅ لو صعب تشوف باطن القدم، استخدم مرآة أو اطلب مساعدة من أحد أفراد الأسرة.
إزاي تعرف إن فيه فطريات بين الأصابع؟ 🔸 جلد أبيض أو مبلول كأنه متعجن.
🔸 قشور أو تقشر في الجلد.
🔸 حكة أو حرقان بين الأصابع.
🔸 تشققات صغيرة أو جروح سطحية.
🔸 أحيانًا رائحة غير معتادة للقدم.
وجود الفطريات مهم مايتسابش خصوصًا عند مريض السكر، لأنها ممكن تسبب تشققات تسمح بدخول البكتيريا وحدوث التهابات.
متى تراجع الطبيب؟ ⚠️ لو ظهر جرح لا يلتئم.
⚠️ لو فيه احمرار أو سخونة بالقدم.
⚠️ لو ظهر تورم مفاجئ.
⚠️ لو لاحظت إفرازات أو رائحة غير طبيعية.
⚠️ لو ظهرت فطريات أو تشققات بين الأصابع ولم تتحسن.
📌 دقيقة واحدة يوميًا لفحص القدم قد تمنع حدوث قرحة بالقدم وتحافظ على سلامتك وحركتك وجودة حياتك.
د. جورج شمعون عبدالملاك
عيادة جراحات القدم السكري ودوالي الساقين
#سكر
╚════════════════════════════╝
