Dr. Dina Salah

01/05/2026

ثاني فيديو في سلسله Gait analysis 🦿

1 like. "Gait Analysis ( Sagittal plane )"

21/04/2026

مفيش حاجة ممكن تشتت تركيزك و تضييع وقتك و تقلل ال attention span عندك زي تطبيقات السوشيال و الاسوء الريلز اللي عفنت دماغ اللي لسه طالعين ،
انت بتفتح ربع ساعة ممكن تشوف عشرين حاجة ملهمش علاقة ببعض فبتعرض مخك لكم هائل من الداتا فى وقت قصير و ياريته جاي من مصدر واحد لاء قولتلك كذا بوست مختلف و كذا ريل عكس بعض فمخك حرفيا بيتعب عشان يركز فى حاجة لثواني و بسرعة يشفت على حاجة تانية ،
فمينفعش تبقا بتعمل كدا و تيجى تسألنى انا بحس انى بذاكر و مش بحصل كويس، أو تركيزى مش زي الأول أو مش عارف اقعد على فيديو محاضرة ساعة ولا 2
و الأسوأ من كدا انك تبقى قاعد فاتح الحاجات دي و انت بتذاكر 🔪

الخلاصة لو عايز تنجز حاجة اقفل السوشيال تماما الضرر من الوقت الضايع و تشتت الانتباه و التركيز اعظم بكثير من المنفعة الضئيلة المتوقعة .

#منقول # #

19/04/2026

من اكبر المسئوليات اللي واجهتها علي مدار حياتي كدكتورة علاج طبيعي ... او بالاخص انا كدينا وانا طبيعتي شخص مسئول هي
" المريض " ...

كون انسان يسلملي جسمه اللي هو احسن حاجه خلقها الله سبحانه علي الارض ويحملني مسئوليه اني اعالجه ديه من اصعب المسئوليات اللي بتمر عليا ورغم كل ال patients اللي اتعاملت معاهم ولكن كل مره بيتجدد الشعور ودعاء
" اللهم سدد خطاي واجعلني سبب شفاءه و لا تؤاخذه بذنبي ولا تؤاخذني بذنبه "

فدائما اتحدث مع والدتي واقولها يا " ماما مش حقدر "
( مش خوف من التعامل مع المريض لا ابدااا .. بل خوفي من عدم التوفيق وانه ربنا ما يستعملنيش ويجعلني انا السبب في الشفاء وان ممكن بتقصير غصب عني ااذيه وده وارد لاي دكتور خصوصا في بداية حياته )

وجاه وقت ووالدتي بقت هي ال patient وده بالنسبالي امتحان زي كل امتحان بمر بيه مع كل مريض مر عليا

وشاء الله انه يطمني بواسطها ... feedback بتاعها بالنسبالي هو وسام احطه علي كتفي لاخر حياتي ❤️❤️
وانه قدرت احسسها باحساس انه اخيرا ثمرة تعبها معايا هي بتستلذ بيها دلوقتي وفي الاخره بإذن الله ربنا يطول في عمرها وديه كانت احد احلامي ❤️

ربنا ينفع بينا وينفعنا

19/04/2026

دكتور بيقول:-
إنت كدكتور كل ما بتذاكر أكتر وتفهم أكتر وتعرف معلومات جديدة
تلاقي الحالات الصعبة بتجيلك، مش صدفة، لكن لأنك بقيت قادر تشوفها وتفهمها.

أستحضرني قوله تعالى:-
{وَلَمَّا بَلَغَ أَشُدَّهُ وَاسْتَوَى آتَيْنَاهُ حُكْمًا وَعِلْمًا}

الفكرة مش إن الحاجة بعيدة عنك!
الفكرة إن ليها وقتها المناسب.

مش كل تأخير حرمان،
أحيانًا بيكون إعداد.

بس كمان مش لازم تبقى كامل عشان تاخد،
أحيانًا ربنا بيدّيك عشان تكتمل.

الذرية، رزق
والوظيفة، رزق
والمال، رزق
لكن كل واحد منهم بييجي في لحظة
أنت فيها أقرب ما تكون جاهز
أو في طريقك إنك تبقى جاهز.

قيس ده على حياتك:
هتاخد نصيبك
لكن في وقته الصح،
وبالشكل اللي يربّيك قبل ما يرضيك.
#منقول

13/04/2026

لو حد بيحفظ قرآن او حيبدأ او متخوف ونفسه بس حاسس ان الدنيا صعبه او جرب بس بينسى يربط الايات ازاي
جبتلكم كنز لو حفضل امدح فيه من هنا لحد اخر عمري مش حيكفي ❤️

دول قنوات يوتيوب ... كل واحده المعلمه فيها بتقولنا بصمجات بفهم من اللي مخنا يحبها ويستوعبها علشان نربط الايات ببعض وما تتنسيش مش بطريقه متشدده واللي بنتقفل منها ديه لا ...... اسمعوها وحتدعولي ❤️

https://youtube.com/channel/UC92Zdq8P-fRhK-UU_zbHpOg?si=aCNAEyRzyA5p7E61
أمل ثابت

https://youtube.com/?si=KExCYIkYbqbR6IYm
أميرة يسري

https://youtube.com/?si=QBnSCn_wCfUXWc1v
هند السعيد

https://youtube.com/channel/UCrQppxYxP5L-5shJBgMqRlw?si=C0yfVrT4IwZvWIYJ
عفاف مرعي

https://youtube.com/?si=flobxuU18MH3RsP-
جهاد حافظ

https://youtube.com/?si=0qtc9gWBz8Icuem0
نهال عبدالعظيم

https://youtube.com/?si=uGCf4WA1YEIqNIui

فاضل سليمان

هذه القناة لحفظ القرآن بطريقة الحفظ الميسر تثبيت وتربيط وتدبر

03/04/2026

تسمحولي انبهكم علي حاجه في ظل موجه الكورسات المنتشره حالياا 👀 !!

حكلمكوا من وجهه نظر واحده كانت بتطوع قبل كده في تنظيم مؤتمرات وكورسات ودعايا ليهم وسيبتها لان كل واحد بيطور من نفسه ويبدأ يستقل بذاته كل اما يكبر اكتر + مع احترامي الشديد لكل مكان تتطوعت فيه ... ولكن ما حسيتش انه ده انا ولا ده مناسب ليا

ولكن نيجي للنصيحه بقا 😂
كتير جداا او شبه كلنا لما بنبقي عايزين ناخد كورس في مجال معين... اول حاجه بنعملها لو ما سألناش حد من دايرتنا المقربه .. بنروح نبعت علي جروب العلاج الطبيعي المشهوره ...

وهنا تيجي التصرف اللي عايزه انبه عليه كل زملائي ... تلاقي اغلب الكومنتات شكر كبير جدااا جدااا علي كورس لمؤسسه او دكتور معين ... ( احتماليه ٩٠% ده بيبقي دعايا واللي بيمدح ده بيبقي شغال تبع الدكتور او المؤسسه ديه )
ونصهم ممكن ما يكونوش حضروا الكورس اصلاا ... وظيفتهم فقط دعايا الا ما رحم ربي
طبعا ما انكرش ان فيه كومنتات وبتبقي كتير علي حاجات فعلا كويسه ... الي حد ماا اعتقد حنعرف نفرق بيهم

بعيدا عن ده حرام او لا ( ولكنه جانب مهم ناخد بالنا منه )
لان سمعت حد قبل كده قال ديه تبقي شهاده زور انه مدح في حاجه هو ما حضرهاش فعلياا فبيقول للقدامه حلو وحضرته وتشتغل بيه علي اساس ايه .... والله اعلم مش عايزه أكد حاجه مش متاكده منها

فنصيحتي ... عايزه تسال عن كورس معين ... شوف حد حضره فعليااا واسأله افتح جروب المؤسسه او الدكتور وشوف البوست وكلم اللي حضروا فعليااا ومش شغالين هناك حيقولك رأييه صريح وانت تقرر بعدها وطبعا لو في الدايرة اللي حواليك افضل وافضل

فما تنخدعش بالكومنتات يا صديقي 😉
وربنا يرزقنا جميعااا رزق وعلم حلال مبااارك وينفع بينا الامه 🤍

29/03/2026

Stepping more an' more into the world of biomechanics and gait analysis
Say hiiii to
"THE CERTIFIED GAIT ANALYZER " 🦿🚶‍♀️

19/03/2026

كل سنه وانتوا طيبين ينعاد علينا وعليكم الايام كلها بالف خير 🤍🤍🤍🤍
( مالناش دعوه بالخروف اللي موجود تحت ) 😂

17/03/2026

I came across this Instagram page. Although it focuses primarily on nursing knowledge, the information is highly relevant and important for all doctors to be aware of

البيدج ديه لقيتها جميله اووي هي بتتكلم اكتر عن التنريض بس بشكل احنا كمان كدكاترة basically لازم نعرفه 🤍

https://www.instagram.com/p/DUGGB01jp13/?igsh=MWFlOHdxZWV6NjVzdw==