عيادة د داليا محمد فوزي استشاري طب وجراحة العين

23/08/2026

نسأل الله أن يحفظ أبناءنا وبناتنا، وأن يكتب لهم دوام الصحة، والتوفيق، والنجاح الدائم في حياتهم العلمية والعملية..
عيادة د داليا محمد فوزي استشاري طب وجراحة العين

22/08/2026

12/08/2026

شكرا للبهجه..
الزهور دائما لها تأثير السعاده على النفس..

11/08/2026

تشهد بعض دول العالم ظاهرة كسوف الشمس غدا الاربعاء 12/8/2026..
ولن تكون مصر احدى تلك الدول اللتي تشهد هذا الكسوف ان شاء الله..
ولكن هذه النصحيه للتذكير و التحذير.. لا تجعل شغفك بالمظاهر الطبيعيه ينسيك الحذر و الحَيطه و الحفاظ على أغلى ما تملك.. عينيك…
#كسوف

05/08/2026

أعتلال الشبكية الشمسي..

هو وصف للاصابه اللي بيتسبب بيها النظر المباشر للشمس.. او النظر وقت ظاهرة كسوف الشمس..
وحاليا بنشوف حالات كتير لاطفال وشباب بسبب اللعب بأقلام الليزر!! و بالذات بعد موسم الاعياد او الإحتفالات و الأفراح او ماتشات الكوره!!
وفي اطفال بتاخد اقلام الليزر معاها للمدرسه كوسيله للعب مع زمايله و الكسبان اللي يعرف ينشن بالذااات على عنين زميله!!!

وبعد ايام.. بتبدأ الشكوى بضبابيه الرؤيه.. او زغلله في العين.. او نقطه سوده في منتصف الرؤيه! او انك متبقاش شايف الكلام اللي في نص السطر في الكتاب او الموبايل!!
وهنا نقدر نقول ان ده اعراض اعتلال الشبكيه الشمسي!!
واللي غالبا بيصيب العينين الاتنين و أحيانا مش بيظهر وقت الاصابه علطول..
وده بيخلي الطفل ممكن يكون نسي واقعة لعب الليزر! او ينكرها خوفا من العقاب!

وللاسف برضه ممكن متظهرش بالكشف العادي لشبكية العين و لا تظهر إلا بفحص الاشعة المقطعيه على مركز الابصار كما هو موضح في الصوره!!

يا ريت نحرص ان اطفالنا لا يمتلكوا اقلام لليزر.. ونحذرهم من مخاطر الاستهتار بالنظر المباشر للشمس لفتره طويله..

عيون اولادنا أمانه..
حافظوا عليها..

عيادة د داليا محمد فوزي استشاري طب وجراحة العين

04/08/2026

زي ما شعرنا بيبض لما بنكبر..
وجسمنا بيضعف..
كمان عدسة العين الطبيعيه بتكبر و بتضعف و بتفقد جزء من قدرتها على التأقلم الطبيعي اللي بيتمتع بيه صغار السن و الاطفال..

فتظهر الشكوى الشهيره..

*(مبقتش قادرة اشوف الكلام في المصحف!! )
*( مش شايف الكلام في الموبيل و لازم ابعد الموبيل علشان اشوف رسائل الواتس!)
*(مش عارفه اشوف الابره و لا أنقي الرز و لا و لا و لا ..)

اطمن و ما تتخضش..
ده شئ طبيعي جداا..
وعلاجه بسيط طالما فهمت حالتك و استشرت طبيبك..
متخليش خوفك من نضارة القراءه يفقدك لذة القراءه وانك تشوف صوره حبايبك و تقرأ اخبار اصحابك..
عيونك نعمه من ربنا..
استمتع بيها و حافظ عليها🌷

03/08/2026

المريض ممكن يكون شكوته الاساسيه وجع العين مع الصداع !

وبيكون اكبر همه وجع العين و معتقد انها هي السبب الحقيقي للصداع اللي بيعاني منه!

لكن ..
ده ممكن يكون ألم مصدره الاساسي التهاب الجيوب الانفيه المحيطه بالعين من كل اتجاه ويكون الألم ''مِسَمع'' للعين للاسف..
علشان نعرف لاازم العيان يكشف كشف دقيق عند طبيب العيون..
ونستثني كل الاسباب اللي ممكن تكون سبب لألم العين من ناحية امراض العيون.. لازم يفحص النظر و تفحص القرنيه و ضغط العين و قاع العين ايضا..

وبعد الاطمئنان على العين .. وعن طريق التاريخ المرضي و باقي الأعراض .. يتم توجيه المريض لمراجعة طبيب اخر و في اغلب الاحيان يكون طبيب الانف و الاذن و الحنجره هو محطة المريض للاطمئنان على الجيوب الانفيه..

لا تهمل عينيك..
عينيك هي حياتك..🌷

02/08/2026

الذبابه الطائره او الخيالات المتحركه او كما يقول المريض( انا بشوف حاجات بتطير قدام عنيا) ..
ده شكوى بنسمعها كتيير في العياده..
وبتزيد عادة مع كبار السن..
وهي شكوى لا يجب ان يستهان بها بالذات لو كانت حديثة و مفاجئه و بتزيد يوم عن يوم..
لازم تتوجه لطبيب العيون وتقوم بعمل فحص شامل على العين و بالذات فحص قاع العين( فحص الشبكيه)..
حافظ على عينيك..
فهي سبيلك لترى من تحب حولك..

02/08/2026

العنوان: برج 10080 شارع كارفور الرئيسي زهراء المعادي بجوار بنك أديب وكنتاكي الدور الثالث

https://maps.app.goo.gl/dB6C3X5PZVCjTiJS8?g_st=ic

01/08/2026

الرمد الربيعي من امراض العيون الشهيره .. المزمنه و المتكرره اللتي يعاني منه المرضى ذوي السن الصغير .. و هي اكثر في الاولاد عن الفتيات..
ولكنها تتحسن نسبيا وبشكل ملحوظ تتدريجيا مع نمو الطفل..
متابعة العلاج مع الطبيب مهم جداااا لتجنب استخدام قطرات قد تكون ضاره جدا عند استخدامها لفترات طويله دون اشراف طبي مثل قطرات الكوتيزون..
عيونك.. هي حياتك..
فحافظ عليها..