25/02/2026
على الشمال : شق العجان ال episiotomy
على اليمين: ال perineal tear بدرجاته الأربعة..
طيب السؤال يا دكتور مين احسن نعمل شق عجان ولا نسيب راس الجنين تعمل قطع لوحدها؟!
هرد على حضرتك
الجرح احنا مانعرفش هيوصل لأى درجة و ممكن ياخد الmucosa و العضلات و يوصل لحد قوابض الشرج
ال sphincters المسئولة عن التحكم فى البراز
و ممكن كمان حتى بعد ما يتخيط يحصل fistula
قناة صغيرة بين الشرج و المهبل يخلى يخرج غازات و براز صغير من المهبل و ده بتتصلح بعملية..
انما شق العجان هو شق محسوب و بيتعمل بعيد عن خط الشرج و بياخد طبقة الmucosa و جزء من العضلات بحيث أنه يوسع حاجة بسيطة لرأس للجنين
ثم بيتخيط بخيط تجميلى بيدوب لوحده
و بنعمل كمادات تلج من اول يوم ولحد ٥ يوم ثم كمادات مياة دافئة من خامس ل عاشر يوم
و بتاخد مضادات تورم و حساسية و ندهن كريمات مضادات حيوية
و ده باذن الله بيخلى مافيش جرح اصلا خلال اسبوعين..
فبعد ما شرحت لحضرتك...حضرتك ليكى مطلق الحرية تختارى طول ما نبض الجنين مستقر ساعة الولادة
