Dr Marwa Hassan

31/03/2026

الالتهاب السحائي نقطة نظام🚨

الالتهاب السحائي (الحمى الشوكية ) معروف انه من الامراض الخطيرة جدا اللي بنحاول نحمي أطفالنا منها ... لكن اليومين دول في حالة من الذعر بعد انتشار اخبار عن وجود حالات كتير

⁉️طيب ايه صحة الكلام ده؟
الموضوع مش محتاج ذعر ...
فيه حالات موجودة فعلاً، لكن ده المعدل الطبيعي اللي بيظهر كل سنة
المرض موجود من زمان، وظهوره بيزيد مع فترة تغيير الفصول

⁉️السؤال المهم ... بما انه مرض خطير ازاي نحمي أطفالنا؟
الحقيقة ان فعلا التطعيمات من اهم طرق الوقاية👌
لكن كمان قواعد الوقاية العامة مهمة جدا زي تهوية الأماكن كويس و تجنب الاختلاط بأي شخص مصاب أو مشتبه باصابته و غسل اليدين باستمرار

⁉️نيجي لنقطة التطعيمات عبارة عن ايه ؟
الحماية من البكتيريا المسببة لالتهاب السحائي بيشترك فيه كذا نوع من التطعيم:
1️⃣تطعيم الالتهاب السحائي بانواعه
2️⃣تطعيم المكورات الرئوية ودي معلومة مش كل الناس عارفاها
3️⃣تطعيم الانفلونزا البكتيرية Hib

⁉️تطعيم الالتهاب السحائي ده اللي بيتاخد في المدارس ؟
الحقيقة موجود منه ٣ انواع حاليا في مصر
✅اللي بيتاخد في المدراس .. وده بيدي حماية من نوعين بس وبيحتاج جرعات تنشيطية كل ٣ سنوات
✅الرباعي ((اسمه نيمنركس او ميناكترا ))
وده بيدي حماية من ٤ انواع من البكتيريا المسببة وحمايته اقوى وفترة اطول من بتاع المدراس
✅تطعيم ضد سلالة ب
اسمه بيكسرو
وده تطعيم مكمل وبقى ضروري الفترة الحالية
وسواء الطفل اخد الرباعي او اخد بتاع المدرسة .. لازم ياخد ده كمان

⁉️يعني اللي اخد بتاع المدرسة .. مياخدش الرباعي ؟
الافضل انه ياخد الرباعي كمان لان حمايته اعلى وأطول
وطبعا كده كده هيحتاج ياخد ضد سلالة B اللي هو بيكسيرو

دمتم وأطفالكم بخير🤍

01/10/2025

01/10/2025

متلازمة الفم واليد والقدم (Hand, Foot, and Mouth Disease – HFMD)

لو ابنك صاحي من النوم و لاقيتي جسمه طالع فيه حبوب حمراء صغيرة… ولسانه مليان تقرحات… وحرارته مولعة 🔥
في حاجة اسمها متلازمة اليد والفم والقدم لازم تفكري فيها 🖐️👣👄"

دي عدوى فيروسية بتنتقل بسرعة بين الأطفال خصوصًا في الحضانات والمدارس…ومنتشرة جدا الايام دي
يعني لو طفل واحد اتعّدَى، تاني يوم ممكن نص الفصل يبقى عنده نفس الأعراض!

هي عدوى فيروسية شائعة تصيب غالبًا الأطفال دون سن 5 سنوات، لكنها قد تحدث أحيانًا عند الكبار. السبب الأكثر شيوعًا هو فيروسات معوية مثل Coxsackievirus A16 و Enterovirus 71.

الأعراض:
• حمى خفيفة غالبًا.
• تقرحات مؤلمة داخل الفم (اللثة، اللسان، باطن الخدين).
• طفح جلدي على شكل بثور أو نقط حمراء على راحتي اليدين وأخمص القدمين، وأحيانًا في الركبتين أو الأرداف.
• فقدان الشهية وصعوبة الأكل بسبب الألم في الفم.
• تعب عام أو تهيج عند الأطفال.

طرق العدوى:
• ملامسة اللعاب أو إفرازات الأنف أو البراز من شخص مصاب.
• الأسطح الملوثة (الألعاب، الأدوات).
• ينتشر بسهولة في الحضانات والمدارس.

العلاج:
• لا يوجد علاج نوعي (مضاد فيروسي محدد).
• العلاج داعم للاعراض:
• خافض حرارة (مثل الباراسيتامول).
• الإكثار من السوائل لتجنب الجفاف.
• أطعمة لينة وباردة لتقليل ألم الفم.
• عادة يختفي المرض خلال 7–10 أيام.

المضاعفات (نادرة):
• جفاف شديد.
• التهاب سحايا فيروسي أو التهاب دماغي (خصوصًا مع Enterovirus 71).

الوقاية:
• غسل اليدين باستمرار.
• تنظيف وتعقيم الألعاب والأسطح.
• تجنب الاختلاط الوثيق مع المصابين حتى يزول الطفح والحمى

• تجنب الاختلاط الوثيق مع المصابين حتى يزول الطفح

لو عندك اي سؤال عن اي حاجه تخص صحة طفلك اسأليني وانا اجاوبك

24/08/2024

صباح الخير

بما ان الفتره دي بداية من شهر ٩ لازم ننبه تاني علي تطعيم الانفلونزا الموسمية واهميتة

فدي ملحوظات مهمة وإجابات لأشهر الأسئلة

المتوفر الرباعي الجديد
Influvac tetra 2024/2025

📝الجرعة لازم تتاخد كاملة في كل الأعمار

📝بيتاخد بداية من عمر ٦ شهور وينفع لكبار السن

📝لو طفل أصغر من ٩ سنوات واول مرة في حياته يتطعم ...بياخد جرعتين بفاصل شهر

📝بيتاخد حقنة عضل
الا لو في شك في اي bleeding tendency نديه S.C

📝ينفع للحوامل والام اللي بترضع .. وكده ينحمي البيبي كمان عشان الاجسام المضادة بتتنقل ليه

📝اعراضه الجانبية خلال ٧٢ ساعة
ممكن يحصل دفيان او وجع مكان الحقنة او قى او إسهال بسيط
وطبعا ده أقل وابسط كتير اوي من اعراض الانفلونزا الموسمية الشديدة

📝الأطفال اللي عندهم حساسية بيض خفيفة او متوسطة يقدروا ياخدوه
لكن الحساسية الشديدة طبعا هنبعد عنها

📝لو طفل كان عنده Guillain barre يفضل بلاش ياخده

📝مفيش اي تعارض مع ادوية او مضاد حيوي
اللي يهمنا حالة الطفل الصحية العامة

📝بنأكد دايما انه مخصص لأدوار الانفلونزا الموسمية وبيحمي من الحجز في المستشفيات والمضاعفات

20/05/2024

20/05/2024

الموجه الحاره وكيفية تجنبها

08/05/2024

أسباب رائحة الفم الكريهة في الاطفال

08/05/2024

صباحكم جميل 🌹🌹

06/05/2024

امتي اعرف ان طفلي جاهز للاكل مع الرضاعه وادخل ايه

06/05/2024

بداية ادخال الاكل للاطفال الرضع
امتي وازاي ؟

سؤال مهم اوي بتساله كل ام اول ما طفلها يبتدي يكمل الاربع شهور
انتظروني كمان شويه في ڤيديو اوضح فيه اهم النقط اللي نعرف بيها هل البيبي جاهز دلوقتي لدخول الاكل ليه مع الرضاعه ولا لسه وهندخل ايه بالظبط