Emad Elhakim عماد الحكيم

06/08/2026

قسم مهامك حتى لا ينقسم ظهرك فتمل من العمل 👇✅

06/08/2026

الاهداف لا تتحقق بين يوم وليلة
الاهداف تحتاج الصبر الجلد الاستمرارية والمثابرة
فلا تستسلم 💪

05/08/2026

أصعب الحكايات...مش الحكايات اللي انتهت...أصعبها... اللي انتهت في الواقع... ولسه مستمرة جوا قلبك. فيه أشخاص بيغيبوا... لكن حضورهم يفضل أقوى من وجود ناس كتير حواليك.

تلاقي نفسك بتضحك... وفجأة... ريحة، مكان، أغنية، كلمة... ترجعك سنين لورا مش لأنك ضعيف...لكن لأن القلب... ما بيعرفش يمسح بضغطة زر يمكن نفسك تقول إنك نسيته...لكن الحقيقة... يمكن أنت بطلت تحاول تنساه. لأن النسيان عمره ما كان علاج.
العلاج الحقيقي... إن الذكرى تفضل موجودة... من غير ما تفضل هي اللي ماسكة عجلة حياتك يمكن زمان كنت فاكر... إن الحب معناه إنكم تكملوا مهما حصل لكن مع الوقت... هتفهم...
إن أوقات أكبر دليل على الحب... إنك ما تظلمش نفسك باسم الحب.
فيه علاقات... كانت جميلة وهي موجودة...لكن كانت هتبقى مؤذية... لو استمرت.
وفيه ناس... إنت ما زعلتش منهم لأنهم وحشين...إنت زعلت... لأنك تمنيت منهم حاجة... ما كانوش قادرين يقدموها.ومفيش حد بيتكسر... من قلة الحب.

الناس بتتكسر... لما تفضل تستنى حب... من شخص... مش بيعرف يحب بالطريقة اللي إنت محتاجها.
ومش لازم تشيل منه ولا حتى تلومه يمكن هو عمل... اللي كان يعرف يعمله ويمكن إنت حبيت... بالطريقة اللي كنت تعرفها وقتها.
ويمكن الحقيقة... إنكم ما كنتوش أعداء كنتم مجرد شخصين...قلوبكم كانت صادقة...
لكن جروحكم... كانت أكبر من قدرتكم على اللقاء ولو سألت نفسك النهارده...لسه بتحبه؟
يمكن الإجابة تكون...أيوه...
لأن المشاعر... مش زرار بيتقفل.
لكن الوعي... هيعلمك...إن الحب وحده... مش سبب كافي... إنك تكمل حياتك مع حد.
وهيعلمك... إن الاشتياق... مش دعوة للرجوع
وإن الحنين... مش دليل... إن قرار البعد كان غلط.
وإن قلبك... ممكن يفتكر...من غير ما يرجع.
وممكن يدعي...من غير ما ينتظر.
وممكن يسامح...من غير ما يفتح نفس الباب تاني.
وأجمل سلام... مش لما اللي سابك يرجع.
أجمل سلام...لما إنت ترجع لنفسك.
لما تبطل تستنى تفسير...أو اعتذار...أو نهاية مثالية.
لما تدرك... إن بعض الناس...كان دورهم يعلموك...مش يكملوا معاك.
وإن كل وجع... لما تشوفه بوعي...
يتحول لحكمة وكل خسارة...تفتح باب...لعلاقة أنضج...وأصدق...وأرحم.
إنت مش محتاج تنساه...
إنت محتاج تفتكر نفسك.
ومش محتاج ترجعه...إنت محتاج ترجع لقلبك...لكن المرة دي...بقلب واعي...يعرف يحب...من غير ما يضيع نفسه لأن الحب الحقيقي...
مش اللي يخليك متعلق بحد.
الحب الحقيقي...هو اللي يقربك من نفسك...ويقربك من ربنا...ويقربك من السلام.

05/08/2026

05/08/2026

ترفق بنفسك 🤍

05/08/2026

بنضيع وقت طويل في التفكير والحقيقة إن الموضوع بسيط 👇

04/08/2026

التعلّق تملك، أما الحب الحقيقي فيمنح الحرية والثقة والاختيار، لذلك يبني العلاقة ولا يخنقها.

04/08/2026

يصطاد المرء من ذلات لسانه 💯✅

04/08/2026

يمكن أكبر حاجة تعبتك...إنك بقالك سنين...بتعيش بالشخصية...اللي الناس بتحبها.مش بالشخص...اللي أنت عليه.
اتعلمت من بدري...إنك لازم تكون قوي.حتى لو كنت من جواك...بتنهار.
واتعلمت...إنك لازم توافق حتى لو قلبك بيقول لأ.
واتعلمت...إنك تضحك في ايام محتاج فيها...حد يسألك : إنت عامل إيه بجد؟
ومع الوقت...بقيت تعرف ترضي الكل...إلا نفسك.
وتسمع الكل...إلا صوتك وتفهم الناس...وتنسى تفهم الإنسان...اللي بيصحى معاك كل صباح.
يمكن علشان كده...في لحظات كتير...بتحس إن في مسافة...
بينك وبين نفسك مش لأنك اتغيرت لكن لأنك...اتعودت تلبس وجوه كتير...لحد ما نسيت...
وشك الحقيقي. وأوقات...أصعب سؤال في الدنيا...مش : أنا عايز إيه؟ لكن : أنا مين... بعيد عن كل اللي الناس مستنياه مني؟

في رأيي...السلام النفسي...مش إن كل الناس ترضى عنك. السلام...
إنك تبطل تعيش...علشان ترضيهم.
وتبدأ تعيش...وأنت متصالح مع نفسك لأن الإنسان... لما يعرف نفسه...ما بيبقاش محتاج... يمثل ويبقي مزيف وينظم من حوله الا هو .
وده هو السبب...اللي خلاني أقدم رخصة وعي مش علشان أديك نسخة جديدة من نفسك لكن علشان ترجع...للنسخة...اللي ربنا خلقها...قبل ما يغطيها الخوف...
والتوقعات...والأدوار...وكلام الناس.
يمكن...أجمل رحلة في الحياة...
مش إنك تكتشف العالم.أجمل رحلة... إنك ترجع لنفسك.
إذا حسيت...إن الكلمات دي وصفت جزء منك...فيسعدني أن تكون معنا في دفعة أغسطس من رخصة وعي رحلة تبدأ من الداخل... لتنعكس على كل ما تعيشه خارجك.
للتفاصيل والانضمام إلى الجروب :
https://t.me/+3bZzDMZ85As2NDJk

04/08/2026

لا تيأس من إصلاح نفسك... فكل مرة تقاوم فيها ضعفك، أنت تولد من جديد. 🌱