04/10/2026
مش كل إحساس محتاج يتصلّح… أوقات محتاج يتفهم.» 🤍
لما تحسي بحزن، غضب، خوف أو إحباط…
أول رد فعل ممكن يكون:
«إزاي أبطل أحس كده؟»
فنحاول نهرب من الإحساس، نلهي نفسنا، نكتمه… أو نلوم نفسنا عليه.
لكن مشاعرك مش عدوك.
أوقات الإحساس بيكون بيحاول يقولك حاجة:
الغضب ممكن يقول إن فيه حد اتعدّى حدودك.
الحزن ممكن يقول إنك فقدتي حاجة كانت مهمة ليكي.
الخوف ممكن ينبهك إنك محتاجة أمان أو وضوح.
علشان كده بدل ما يكون أول سؤال:
«إزاي أتخلص من الإحساس ده؟»
جربي تسألي:
«الإحساس ده بيحاول يقولّي إيه؟»
مش معنى إنك فهمتي مشاعرك إنك لازم تتصرفي على أساسها فورًا…
لكن لما تعرفي تسمي إحساسك وتفهمي اللي وراه، بيبقى عندك مساحة أكبر تختاري هتتعاملِي معاه إزاي. 🌷
💜 الوعي بمشاعرك مش ضعف… هو جزء من فهمك لنفسك.
وده من الحاجات اللي بنتعلمها ونشتغل عليها عمليًا جوه DIY Relationships Membership.
وإنتِ لما إحساس صعب ييجي… بتسمعيه ولا بتحاولي تتخلصي منه بسرعة؟
#المشاعر
