15/08/2026
شفتوا كامل هذي القضية لي مدايرة ضجة عالمية و خاصة سوشيل ميديا؟؟
المهم حنا مجيناش نحللو هذه القضية ، بصح حبيت نهدر على موضوع مهم جدا، و هو فترة ما بعد الولادو وين المرأة قادر تصيبها إما إكتئاب او ذهان بعد الولادة، أي أعراض غريبة تلاحظوها بعد الولادة و الفحص عند طبيب ( طبيب الامراض العقلية و النفسية) يعطينا فرصة نقلل المضاعفات او ان تصبح في مرض مزمن.
راح نختصر واش ممكن يصرا للمرأة ما بعد الولادة :
🌀كآبة : baby blues , تقلق ، تغير مزاج حزن بكاء ... حتى انها تحس بالخوف على رضيعها و هنا الدعم النفسي مهم مع استشارة طبية بعد التشخيص وين الطبيب يشرحلك أكثر حسب الحالة ( غالبا هذه الحالة مؤقتة)
🌀و كاين ثاني : إكتئاب ما بعد الولادة، هنا رانا في حالة أصعب و ين تكون المرأة في حزن مستمر، إضطراب النوم، فقدان الشهية ، صعوبة انها تتعلق برضيعها ... الفحص طبي مهم
🌀و الحالة الاخيرة و الاكثر خطورة لي لازم نروحو فورا و بكل استعجال للطبيب المختص، هي حالة الذهان ، و هنا المرأة تكون عندها هلوسات ، اوهام و سلوكات غريبة و هذه حالة استعجالية تستدعي تدخل طبي مستعجل .
و كيما نعرفو الجسد يمرض حتى النفسية تتعب و العقل أيضا يمرض و يتعب ... فاتخذوا كل أمر بطريقة علمية و استشيروا و افحصوا عند أطبائكم
و أخيرا نختم بكلام نبينا صلى الله عليه وسلم (استوصوا بالنساء خيرا )
و اذا لحقت لهنا متنساش ديرولنا متابعة 🤍
أدمينة
#الجزائر #طب #توعية #ولادة #أم #صحة #رضيع #إكتئاب #توعيةصحية #إكسبلور
