Rasha Kotb Health & wellness Coach

17/09/2026

خلينى أقولك ببساطة يعني إيه “الطفل الداخلي”…

الطفل الداخلي هو الجزء جوانا اللي لسه شايل ذكريات ومشاعر واحتياجات من طفولتنا.

الحاجات اللي حصلت لنا وإحنا صغيرين و اللي ماعرفناش نفهمها أو نعبر عنها وقتها، ممكن تفضل مؤثرة فينا حتى بعد ما نكبر

فممكن تلاقي نفسك النهارده:
بتخافي جدًا من الرفض…او بتحاولي ترضي كل الناس…
او انك لازم تكوني مثالية عشان تستحقي الحب…
أو بتتألمي جدًا من النقد أو التجاهل

وساعات بيحصل موقف بسيط…
لكن المشاعر اللي بيحركها جوانا اكبر بكتير

هنا بييجي دور فهم الطفل الداخلي.
عشان نفهم
إيه اللي حصل؟
إيه اللي كنت محتاجاه وقتها؟
وإيه اللي لسه محتاجاه لحد النهارده؟

ومع الوقت، نتعلم نسمع مشاعرنا بدل ما نقمعها، ونطمن نفسنا بدل ما نهاجمها، ونحط حدود بدل ما نفضل نحاول نكسب قبول الآخرين.

إحنا مش بنقدر نرجع ونغير اللي حصل …
لكن نقدر نبدأ النهارده ندي نفسنا الأمان والاحتواء اللي كنا محتاجينه. 🤍

23/08/2026

ساعات بنفتكر إن المشكله إننا مش عارفين نبقى منضبطين كفايه

لكن الحقيقة إن السلوك مش بيطلع من فراغ.

وراه أفكار، ومشاعر، واحتياجات، وضغوط، وتجارب.

عشان كده تغيير نمط الحياة مش مجرد إنك تعرفي الصح.

أحيانًا كتير البداية الصح بتكون إنك تفهمي نفسك

ومن هنا يبدأ التغيير. 🤍

Human first. Always.

21/08/2026

02/08/2026

بقالى فتره مش ظاهره قوى على السوشيال ميديا …
وشكرا لكل اللى سالو عليا 🤍

لكن أقدر أقول إن الرحلة دي كانت واحدة من أهم أسباب الغياب والانشغال

امبارح كان حفل تخرجي من الـ CBT

الدراسة ما كانتش مجرد كورس… كانت رحلة عميقة جوا نفسي

كأني لأول مرة بشوف نفسي بوضوح… وبافهمها بعمق

ليه موقف معين بيوجعني؟ وليه شعور معين بيفضل معايا؟ وإيه السبب الحقيقي ورا أفكاري وردود أفعالي؟

حسيت كأني بفك أفكاري ومشاعري وتصرفاتي… اللي اتشكلت مع السنين، ومع الظروف والتجارب، وبدأت أبص لها من زاوية مختلفة… بوعي أكتر، ورحمة أكتر تجاه نفسي.

عدّت أيام كانت صعبة ومؤلمة جدًا… لأن مواجهة النفس مش سهلة. وأوقات الحقيقة بتوجع قبل ما تحرر.

كل واحد فينا شايل قصة محدش يعرفها كاملة… ورا كل تصرف، وكل خوف، وكل رد فعل، فيه تجربة، أو وجع، أو احتياج ما اتشافش.

القوة والمرونة النفسية مش معناها إننا ما نتألمش… لكنها إننا نعرف نكمل، ونتعافى، وننمو، من غير ما نفقد إنسانيتنا

وقبل أي حاجة… كل ده كان بتوفيق من ربنا

ربنا بيرتب لنا كل حاجة في وقتها. بيسخر لنا الأشخاص، والفرص، وحتى التحديات… لأن لكل مرحلة رسالة، ولكل خطوة حكمة، حتى لو ما فهمناهاش وقتها.

الحمد لله على كل خطوة ربنا كتبها لي.
والحمد لله على كل درس غير فيا
والحمد لله على كل الحب اللي بيرزقنى بيه. ❤️

09/07/2026

تحيا مصر 🇪🇬

21/06/2026

لسه بتكرري نفس الدايت وتوصلي لنفس النتيجة؟
بصفتي Health Coach وممارس للعلاج المعرفي السلوكي (CBT)، بشوف يومياً ناس بتلوم نفسها على قلة الإرادة، وهي في الحقيقة محتاجة "أدوات" مش مجرد "ورقة دايت".
المشكلة غالباً مش في الأكل نفسه، المشكلة في:
• علاقتك بالأكل (الأكل العاطفي والتوتر).
• عاداتك اليومية اللي بقت جزء من روتينك.
• الطريقة اللي بتشوفي بيها جسمك ونفسك.
في برنامج "تغيير نمط الحياة"، مش بنحرم نفسنا. إحنا بنبني علاقة صحية مع الأكل والجسم، وبنتعلم إزاي نتعامل مع ضغوط الحياة من غير ما نلجأ للأكل كمهرب.
إيه اللي بنشتغل عليه؟
✅ فهم احتياجات جسمك الحقيقية.
✅ أدوات عملية للتعامل مع الأكل العاطفي والقلق.
✅ تحسين جودة النوم وتنظيم يومك.
✅ دعم مستمر للاستمرارية (عشان التغيير يكمل معاك للابد).
جاهزة/جاهز تبدأ/ي رحلة تغيير حقيقية؟
البرنامج فردي ومصمم خصيصاً عشان يناسب حياتك وظروفك. بنبدأ بـ جلسة تعارف مجانية عشان نتناقش في أهدافك ونشوف إزاي أقدر أساعدك.
📩 للحجز أو الاستفسار عن تفاصيل البرنامج، ابعتلي رسالة بكلمة "بداية" في الـ DM وهبعتلك كل التفاصيل.
وعي_بالذات استمرارية

11/06/2026

أحلى حاجة في الزومبا إنها بتجمع بين الرياضة والمرح في وقت واحد!
دي شوية فوايد تخليكي تبدئي النهاردة قبل بكرة:
حرق دهون: ممكن تحرقي من ٥٠٠ لـ ١٠٠٠ سعرة حرارية في الحصة الواحدة!
صحة قلب أقوى: بتحسني دورتك الدموية وبتقوي عضلة القلب.
طاقة ونشاط: هتخرجي من التمرين حاسة إنك عندك طاقة تكملي باقي يومك.
مزاجك احسن كتير : الحركة بتفرز هرمونات السعادة، يعني هتنسي أي ضغط أو توتر.
جسم مشدود: بتدرب كل عضلات جسمك فبتساعد في التنسيق وتقوية العضلات.
ثقة أكبر: الحركة بتخليكي تحسي بجسمك وتتصالحي معاه.
صحاب جداد: الزومبا مش مجرد تمرين، دي حفلة! مكان حلو تتعرفي فيه على ناس جديدة.
أهم حاجة: مش محتاجة تكوني محترفة عشان تبدئي.. كل اللي محتاجاه إنك “تبدئي” وبس!
مواعيد الكلاس: السبت والاتنين والاربع الساعة ٧:٣٠ 🕢 مساء
📍MSC💪📚🎨🎹🎶⚽🎾🏃🏊🏈🏆🏀 gate 9

#زومبا #لياقة #نشاط

05/06/2026

ليه الدايت لوحده مش كفاية؟ 🤔
كتير بنبدأ دايت وبنحس إننا مش قادرين نكمل وبنرجع لنقطة الصفر. الحقيقة إننا بنحاول نعالج الجسم و وبننسى الصحه النفسية
أنا هنا كـ Health Coach وممارسة CBT، عشان أساعدك تربطي بين صحتك النفسية وجسمك.
هنفهم إيه اللي بيعطلك، ونبني عادات تفضل مستمره معاكى مش مجرد شويه حماس ويروح
لو جاهزة تبدأي التغيير الحقيقي، ابعتيلي رسالة (DM) 📩
#تغيير

04/06/2026

⁨ البيض من الأطعمة البسيطة والمغذية وهو اختيار ممتاز ضمن نظام غذائي متوازن

لماذا؟

✔️مصدر ممتاز للبروتين عالي الجودة.

✔️يساعد على الشبع، ويساعدك على التحكم في الجوع

✔️يحتوي على الكولين، وهو عنصر مهم للمخ والأعصاب.

✔️يحتوي على فيتامينات ومعادن مهمة مثل B12 والسيلينيوم

وبالمناسبه …
لو أنت من الناس اللى مش بتحب السلطة ممكن تجرب
الخضار المشوي، أو المحمر في الفرن، أو المشوح مع التوابل اللى بتحبها
ومع الخضار الملون والدهون الصحية زى المكسرات وزيت الزيتون تكون وجبه غنيه ومشبعه 🤍

⁩