31/08/2026
لحظة دخول العمليات لحظة مثيرة جداً
ببقى داخل قلبى ملئ بالدعوات للعيان الى هعمله العملية ان ربنا يزيل ألمه بعد العملية
ودعوات كتير ليا ان ربنا يوفقنى واكون سبب ان المريض خلاص يتخلص من ألمه بعد العملية
عينى كلها لمعان من الاثارة والامل والالم
بحاول ازيل التوتر عن كل الى موجودين فالعمليات
بكلم المريض اثناء العملية واهزر معاه عشان ازيل عنه توتره
عينى بتتنقل ما بين الجرح مكان العملية وما بين جهاز التخدير
كل شوية اسأل التخدير: ايه الاخبار ياباشا احنا تمام؟؟
مجرد ما العملية بتخلص والعيان يفوق من التخدير بحيي كل الى حواليا
دكتور التخدير
المساعدين
التمريض
العاملات
بالاسم واحد واحد :تسلم ايدك يا فلان
اخرج ادعى ربنا ان العيان يتخلص من الامه واوجاعه بعد العملية
اكتر حاجة بتفرحنى وتنسينى التوتر دا كله اول ماشوف العيان فالمتابعة لما بيجيلى العيادة ويدعيلى او حد من اهله يدعيلى عشان اخيراً تخلص من وجعه او الورم الى عنده
