Madroos: مدروس

Madroos: مدروس مـدروس هي الجوهر لكيفية توجيه وقتك في المكان الصحيح...و بالطريقة المثالية👌🏼✨

هتبدأ دراسة في كلية صيدلة، تايه ومشتت ومش عارف هتعمل إيه؟لسه بتدرس ومتأقلمتش على نظام الكلية؟متقلقش؛ لإنك في كلية صيدلة ...
01/09/2024

هتبدأ دراسة في كلية صيدلة، تايه ومشتت ومش عارف هتعمل إيه؟

لسه بتدرس ومتأقلمتش على نظام الكلية؟

متقلقش؛ لإنك في كلية صيدلة وهي بوابة لأكتر من مجال شغل!🧑🏻‍🔬

📌وعشان ترسم طريقك فيها صح؛ هنقدملك ترينينج صيدلة هتتعرف فيه على:

- نظام الكلية والتخصصات.
- إزاي تستغل ال 6 سنين صح وتتعامل مع ضعف اللغة.
- بعد التخرج هتعمل إيه؟
- لو حابب تنزل صيدلية إزاي تختارها صح.
- الشهادات والتكليف
- مجالات الشغل بعد الكلية وسوق العمل.

وحاجات تانية كتير هتعرفها لما تشترك معانا في ترينينج الصديلة.

هتفضل تايه كتير!
سيبلنا كومنت وهنبعتلك التفاصيل🩵

"أنا في بوست مهم عجبني على فيس بوك وحفظته هدخل اقرأه دلوقتي"!تحب أكملك إيه هيحصل👀هتفضل تسكرول على الفيس لغاية ما تعدي س...
29/08/2024

"أنا في بوست مهم عجبني على فيس بوك وحفظته هدخل اقرأه دلوقتي"!

تحب أكملك إيه هيحصل👀

هتفضل تسكرول على الفيس لغاية ما تعدي ساعة أو اتنين، وهتخلص وهتسيب الفون وتقريبًا هتكون نسيت أنت كنت عايز تعمل إيه عليه.

وعشان المتاهة اللي بتحصل؛ مدروس فكرت يا ترى إيه أفضل مكان يكون عليه محتوى علمي مفيد ويساعدك في حياتك الدراسية والعملية؟

وكانت الإجابة "تليجرام"، تطبيق هادي كله محتوى علمي مفيش مجال للأسكرول فيه، مريح محدش هيعطلك لإن أغلبنا مش بيكلم حد عليه.🩵

فإيه رأيك لو عملنا قناة تليجرام تكون مُعين ليك وهينزل فيها محتوى مفيد وهيساعدك تطور من نفسك؟

#تليجرام

نسينا نقولك إن دي شنطة الـ shopping مش الجامعة يا طالب يا جامعي يا جميل انت🩵
27/08/2024

نسينا نقولك إن دي شنطة الـ shopping مش الجامعة يا طالب يا جامعي يا جميل انت🩵

عزيزي الطالب الجامعي الجديد لو مش عايز حد يقولك "أنت سنة أولى"؟ أول ما يشوفكيبقا لازم تكمل للآخر.اللي بيسأل مبيتوهش!لا ...
26/08/2024

عزيزي الطالب الجامعي الجديد لو مش عايز حد يقولك "أنت سنة أولى"؟ أول ما يشوفك
يبقا لازم تكمل للآخر.

اللي بيسأل مبيتوهش!
لا بيتوه عادي وخصوصًا في الجامعات الكبيرة، عشان كدا اسأل دفعتك واتفق مع حد منهم واعرفوا المكان كويس قبل ما تروحوا عشان متضيعوش نص المحاضرة.

لما تدخل المحاضرة اتأكد إن دول دفعتك وأنت في المكان صح؛ عشان متكتشفش في الآخر إنك قاعد مع سنة تالتة أو رابعة!

اسمها محاضرة مش حصة واللي بيشرح بيكون دكتور المادة.

السكشن هو تدريب على اللي درسته في المحاضرة بشكل عملي واللي بيشرح بيكون المعيد، بس اوعى تقوله يا معيد عشان ميعملش منك بطاطس محمرة قوله يا دكتور كدا بأعلى صوتك!

مفيش مدير كلية اسمه عميد، عمييد، محدش يقول مس ولا أستاذ ولا مستر قول دكتور.

الجامعة دي مكان عادي جدًا، البس لبس كاجول مريح بألوان هادية عشان تعرف تتحرك بسهولة لأنك هتكون في محاضرات ورا بعض.

أخيرًا، خليك على طبيعتك متحاولش تقلد حد، حافظ على مبادئك وتربية أهلك ليك، صاحب ناس كتير واعمل معارف بس يكونوا ناس على طبيعتهم زيك، واستمتع بالرحلة بكل ما فيها يا طالب يا جامعي يا جميل أنت🩵✨

نور شمعة بدل ما تستسلم للضلمة✨كلنا عارفين إن المرحلة اللي إحنا فيها دي صعبة، مليانة تغيرات وهرولة. بس خلي بالك، دي مرحلة...
10/08/2024

نور شمعة بدل ما تستسلم للضلمة✨

كلنا عارفين إن المرحلة اللي إحنا فيها دي صعبة، مليانة تغيرات وهرولة. بس خلي بالك، دي مرحلة مهمة أوي وهتشكل مستقبلك. عشان كده لازم نبقى أذكياء ونفهم الدنيا حوالينا صح.

إيه هي العقلية القوية دي اللي الكل بيتكلم عنها؟
ببساطة، هي قدرتك إنك تواجه التحديات وتتحكم في نفسك وتحقق اللي أنت عايزه. مش معنى كده إنك تبقى قوي زي الروبوت، بالعكس، العقل القوي بيعرف يتعامل مع مشاعره ويقدر يوازن بين كل حاجة في حياته.

نائل اتكلم عن إزاي نبني عقلية قوية في فيديو بعنوان " كيف تبني عقلية قوية" ✨
وقالنا شوية نصايح منها:
• حدد هدفك: لازم تعرف عايز توصل لفين بالظبط. حلمك ده هيقويك ويخليك متمسك بيه.

• ابعد عن المشتتات لأن الموبايل، الألعاب، الشات.. كل ده حلو بس مش طول الوقت. ركز في دراستك ومشاريعك.

• طور نفسك دايمًا، اقرأ كتب، اسمع بودكاست، اتعلم لغة جديدة. كل ده هيوسع مداركك وهيزود ثقتك بنفسك.

• اختار صحابك كويس لأن الصحاب بياثروا فينا أكتر ما إحنا متخيلين. اختار صحاب بيشجعوك ويعرفوا قيمتك.

• خليك صبور ومثابر عشان النجاح مش بيجي بين يوم وليلة، لازم تصبر وتشتغل بجد عشان تحقق اللي انت عايزه.

• حاول تشوف الجانب المشرق في كل حاجة. الإيجابية بتجذب الطاقة الحلوة.

• خليك صحي، جسم سليم وعقل سليم. نام كويس، اكل صح، ومارس الرياضة.

• اتعلم من أخطائك لأن الكل بيغلط، المهم إنك تتعلم منها وتتحسن.

نصيحة أخيرة:
متقارنش نفسك بحد. كل واحد فينا مختلف وليه طريقه. ركز على نفسك وتحسين نفسك.

لو عايز حاجة بجد هتوصلها!💙🎖️
ّة

عايز تبقى زي الروبوت كده وتعمل كل حاجة من غير ما تفكر كتير؟ قاعدة الخمس ثواني دي هتخليك تعمل كده بالظبط!إيه هي القاعدة د...
08/08/2024

عايز تبقى زي الروبوت كده وتعمل كل حاجة من غير ما تفكر كتير؟ قاعدة الخمس ثواني دي هتخليك تعمل كده بالظبط!

إيه هي القاعدة دي؟ بص، تخيل نفسك عايز تعمل حاجة كويسة لنفسك بس بتتأجلها، زي المذاكرة أو الرياضة مثلاً. قاعدة الخمس ثواني بتقولك: عد من 5 لـ 1 وابتدي على طول من غير ما تفكر كتير!😬

ليه القاعدة دي شغالة؟
▫️بتقطع عليك التفكير الزيادة: لما بتفكر كتير بتلاقي نفسك بتعمل أعذار وتأجل.
▫️بتزود ثقتك بنفسك: كل ما تطبقها، هتلاقي نفسك بتعمل حاجات أكتر وهتكون مبسوط بنفسك.
▫️بتخلي العادات الحلوة أسهل: مع الوقت، هتلاقي نفسك بتعمل الحاجات دي من غير ما تفكر.

طب ازاي أطبقها؟
1️⃣ حدد الهدف: عايز تعمل إيه؟
2️⃣ عد من 5 لـ 1: بسرعة كده!
3️⃣ ابتدي على طول: من غير ما تستنى ثانية!

مثال: عايز تذاكر بس مش قادر تركز، عد من 5 لـ 1 وافتح الكتاب على طول.

جرب القاعدة دي في كل حاجة، وهتلاقي نفسك بتحقق اللي نفسك فيه بسهولة أكبر.

يعني إيه الكلام ده كله؟ يعني بدل ما تقعد تفكر وتتأجل، ابتدي على طول! خمس ثواني بس وهتكون بدأت في حاجة جديدة لنفسك.

اعملنا Follow عشان المحتوى الجاي هيعجبك، وخصوصًا Gen Z💙.


#إتغيّر_للأفضل_مع_مدروس

06/08/2024

حياتي في الخطط: مُنظّم، ناجح، مرسيدس.
حياتي في الواقع: بيجامة، Tiktok،وبطاطس

عايز تنجِز أكتر في يومَك وحياتَك؟الكل عايز ينتج وينجز حاجات كتير في يومه، بس مش عارفين يعملوا كده إزاي. م/ أحمد أبو زيد ...
03/08/2024

عايز تنجِز أكتر في يومَك وحياتَك؟

الكل عايز ينتج وينجز حاجات كتير في يومه، بس مش عارفين يعملوا كده إزاي.
م/ أحمد أبو زيد اتكلم في فيديو بعنوان "أهم 6 قواعد الإنجاز والإنتاجية" فيه أسرار حلوة جدًا هتخليك تنجز أكتر في وقت أقل.

6 نصايح ذهبية هتغير حياتك:
▫️ قانون "80/20": متضيعش وقتك في كل حاجة، ركز على الحاجات المهمة اللي هتخليك تحقق أكتر يعني مثلاً، لو عندك 10 مهام، ركز على أهم 2 منهم وهتلاقي نفسك عملت شغل جامد.

▫️ متسحبش على الشغل لآخر لحظه: كلنا بنعمل كده، بس صدقني هتتعب أكتر. قسم شغلك لقطع صغيرة وهتلاقيه أسهل.

▫️خليك مركز: أقفل الـ notifications، ابعد عن المشتتات، وركز في شغلك، جرب تقنية الـ Pomodoro، هتعجبك أوي.

▫️ متزودش في الشغل: زي ما بيقولوا "الراحة مطلب"، لو حسيت إنك تعبت، خذ بريك صغير.

▫️ إبدأ بأصعب حاجة: لما تخلص أصعب حاجة في اليوم، هتلاقي باقي اليوم سهل.

▫️متخططش أكتر من اللازم: الحياة بتتغير، فمتزودش في التخطيط.

نصايح إضافية هتساعدك من مدروس💙:
🔹رتب وقتك واعمل جدول بسيط وهتلاقي نفسك بتنجز أكتر.
🔹دايماً ابحث عن حاجات جديدة تتعلمها بناءً على شغفك واحتياجاتك.
🔹خليك واثق في نفسك أنك تقدر تحقق أي حاجة مهما كانت.

إبذل كل جهدك وتوكل على الله في النتيجة، كما قال الله تعالى: ﴿فَإِذَا قَضَيْتَ صَلَّةً فَاذْكُرْ اسمَ اللَّهِ ذِكْرًا كَثِيرًا﴾. فادع الله أن يوفقك ويسدد خطاك.

لو شايف ان البوست ده هيفرق في حياتك، شيره مع أصحابك عشان يستفيدوا معاك💙🫵🏼

#ملخّصات_سَبتيّة


#إتغيّر_للأفضل_مع_مدروس

من مدروس لقلبك🩵كتير من الطلاب هيبدؤوا رحلة جديدة في عام دراسي جديد، ومن الطبيعي يكون في شوية لخبطة في نظامك الغذائي أو ف...
31/07/2024

من مدروس لقلبك🩵

كتير من الطلاب هيبدؤوا رحلة جديدة في عام دراسي جديد، ومن الطبيعي يكون في شوية لخبطة في نظامك الغذائي أو في إدارتك لوقتك أو إنك مش قادر توازن بين أولوياتك، كلها حاجات ممكن تأثر عليك وعلى أدائك خلال الدراسة 🤷✨

الأهم من ده إنك متخليهاش مجرد سنة وهتمر.. الوقت ده عمرك.. استثمر إنك تبني في نفسك.. مش بس إنك تجيب درجات عالية وبس.. لا عيش حياتك وخلي في موازنة.

وفي كتب كتير أكدت إن الدرجات مش المقياس الوحيد لنجاحك وإن في عوامل تانية ليها دور كبير إنها تحققلك نجاح في الحياة، وخليك مدرك إن تطويرك لذاتك وإنك تتعلم باستمرار ممكن يكون ليه أهمية أكتر من إنك تجيب درجات عالية.
وفريق مدروس بيبذل كل جهوده عشانك وعشان يوفرلك خطوات بسيطة متفصلة لمشكلتك، هتكون فترة تطور وتحسن فارقة في حياتك، كل المطلوب منك يكون عندك عزيمة إنك تسهل حياتك وتحقق ذاتك..
Madroos is with you.. for a step forward.


#إتغيّر_للأفضل_مع_مدروس

الاستمرارية أهم من الكمية!الغلطة اللي بيقع فيها أغلبنا وهي لما نكون متحمسين لشيء معين أو حاجة جديدة هنبدأها بنبدأ بكمية ...
27/07/2024

الاستمرارية أهم من الكمية!

الغلطة اللي بيقع فيها أغلبنا وهي لما نكون متحمسين لشيء معين أو حاجة جديدة هنبدأها بنبدأ بكمية كبيرة منها وللأسف مبنكملش.
ودا نتيجة عدم الوعي بأهمية "الاستمرارية" وانبهارنا بالكميات الكبيرة!

حل المشكلة دي ذكره م/ أحمد أبو زيد في فيديو بعنوان "الاستمرارية أهم من الكمية"✨
ذكر أكثر من مثال مهم يبين لينا أهمية الاستمرارية وتأثيرها، وأهمهم:

• قطرات بسيطة من لون أحمر على كوب فيه مية كل يوم بشكل مستمر قادرة تحول كل المية دي للون الأحمر💦.

تأثير أشياء بسيطة بشكل مستمر هيحقق التأثير الكبير المبهر!

• 1% كل يوم من مهارة حابب تطورها هتوصل لكم يساوي أكثر من 37 ضعف في نهاية السنة!

• Consistency Vs Intensity الاستمرارية مقابل القوة!

تبدأ تروح الجيم وتعمل تمارين مناسبة خفيفة بشكل مستمر ومع الوقت توصل للوزن اللي عاوزه ولا تبدأ بقوة وحماس وتعمل تمرينة مش مناسبة ليك تنيمك في السرير شهر؟

• Mountains wont move but rocks will!
أنت مش هتقدر تحرك جبل بس تقدر تحرك الصخور، كتاب كبير عايز تخلصه في يوم أو يومين ودا مش هتقدر تعمله؟

جرب قسمه لأجزاء، كل يوم اقرأ جزء وفي النهاية هتكون خلصت الكتاب.💥

• شكل البطيخة الكبيرة وتقطيعك ليها لأجزاء صغيرة وأكلها لغاية ما تخلص هو مثال على الاستمرارية في شيء معين بشكل بسيط لغاية ما تخلصه.

قسم بطيخة هدفك لمهام صغيرة وابدأ كل يوم استمتع بأكل كل مهمة منهم وفي الآخر هتكون وصلت لهدفك🫡

الخلاصة الاستمرارية هي قاعدة لو التزمنا بيها وطبقناها في كل جوانب حياتنا هتتغير حياتنا للأفضل، وكما قال النبيﷺ: "أحب الأعمال إلى الله أدومها وإن قلّ".🩵

احكولنا في الكومنتات تجربتكم مع الاستمرارية، وإيه الشيء اللي بدأتوه ومستمرين عليه؟


#ملخّصات_سَبتيّة

Address

Cairo

Website

Alerts

Be the first to know and let us send you an email when Madroos: مدروس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category