سايكوـPsycho

07/08/2026

دلوقتي تقدر تتابعنا على التيك توك

24 Followers, 0 Following, 409 Likes - Watch awesome short videos created by psycho platform

07/08/2026

بين الخوف من البداية والتردد.. خطوة واحدة ممكّن تغيّر كتير

​في Psycho Platform، بنقدملك مساحة آمنة للتعافي والجلسات النفسية الأونلاين، على يد نخبة من المتخصصين ومعايير صارمة للخصوصية السرية

​حريصين نكون معاك في رحلتك بأعلى جودة وبمنتهى السريه والخصوصية

​تقدر تحجز جلستك الآن عبر موقعنا الإلكتروني
https://psycho-platform.odoo.com

​أو التواصل مباشرة مع فريق الدعم عبر الواتساب
https://wa.me/+201125165716

05/08/2026

هل بتلاقي صوت دماغك بيقولك "اتأكد مرة كمان"؟ 😃

اتفقنا في المقال اللي فات على إن أعراض الوسواس القهري بتكون عبارة عن افكار وسواسية او سلوكيات قهرية او الاتنين مع بعض ...

والاعراض دي ممكن تاخد اشكال كتير زي المخاوف و الاندفاعات والصور الذهنية وهكذا.

النهاردة هنتكلم بشكل تفصيلي اكتر عن باقي الاعراض زي الاجترار والمخاوف والسلوك القهري.

١) إجترار الأفكار / Ruminations 🔁

- هو ان الشخص يكون"بيفكر كتير"

بس مش مجرد مراجعة او تخطيط او حتى سؤال عادي!
لأ دي بتكون اسألة وافكار ملهاش نهاية؛

"ليه بنعيش؟"
"انا متأكد اني موجود ولا دة وهم؟"
"هو ربنا موجود ولا لأ؟"

٢) المخاوف / Phobia 💀

- مش زي فوبيا التعابين مثلاً لأ دي بتكون خوف شديد جداً له علاقة بحاجات عادية؛

يعني خوف من إني ألمس حد عشان مثلاً ايده عليها جراثيم وهمـ ـوت لو اتلوثت!

او خوف من الدم او الأماكن المقفولة او دخول مكان غريب او نزول الشارع!

٣) الأفعال القهرية / Compulsions 🙇🏻‍♂️

- هي رد فعل او سلوك معين بيقوم بيه الشخص عشان يهدّيه ويحسسه بالأمان او التسكين اللي الافكار والصور والإجترار والفوبيا غالبًا بيحركوه يعملها.

"غسل الايدين او الاستحمام والتنضيف لفترة طويلة لو شك انه اتلوث"
"اعادة الوضوء او تكرار الصلاة بسبب الوساوس الدينية"
"انه يردد حاجة معينة جوا دماغه لما تجيله افكار جنـ ـسية قهرية"
"يتأكد كتير انه قفل الباب كويس او قفل الغاز"

وممكن تكون ردود افعال تانية كتير مش باينة او حتى باين إنها عادية بهدف الأمن او النضافة او الإيمان؛
بس بتكون وراها مشاعر تقيلة صاحبها عايز يهدى فـ بيعملها حتى لو مش مقتنع بيها ولا بالفكرة.

📍مش كل تنضيف وسواس قهري؛
بس لو عندك افكار مزعجة ومعطلة حياتك، بتحسسك بخوف وقلق وبتخليك تعمل سلوكيات مش عارف تقاومها برغم عدم اقتناعك بيها، محتاج تطلب مساعدة متخصص. ❤

04/08/2026

*الوسواس القهري...مش مجرد أفكار متكررة*

لما بنسمع كلمة الوسواس القهري، أول حاجة بتيجي في بال ناس كتير هي الترتيب أو النظافة، لكن الحقيقة إن الاضطراب ده أوسع من كده بكتير، وممكن يصاحبه اضطرابات تانية، وكمان ليه صور مختلفة.

*اي هي بقى الاضطرابات المصاحبة للوسواس القهري؟!*

في حالات كتير، مريض الوسواس القهري بيعاني من اضطرابات أو أعراض تانية بجانب الوسواس، منها:

- القلق النفسي: اللي ممكن يظهر في صورة أعراض جسدية مرتبطة بالجهاز الهضمي أو القلب والدورة الدموية أو الجهاز التنفسي.

- توهم المرض: وده بيخلي الشخص يفضل قلقان على صحته، ويروح لأطباء كتير ويعمل تحاليل وأشعات بشكل متكرر عشان يطمن.

- الاكتئاب.

- اختلال الآنية: وده إحساس إن الشخص مش حاسس بنفسه أو إن العالم حواليه بقى غريب.

- الأمراض السيكوسوماتية: وهي عبارة عن أعراض جسدية بتتأثر بالحالة النفسية.

▪️وعشان نعرف الوسواس القهري..لازم نعرف اعراضه:

*الأعراض الإكلينيكية:*

كتير من مرضى الوسواس القهري بيتأخروا في طلب العلاج، لأنهم بيحاولوا يقاوموا الأفكار والأعراض بنفسهم لفترة طويلة بتمتد لشهور وممكن توصل ل 5 سنين.

▪️وبتنقسم الأعراض الإكلينيكية للوسواس القهري إلى:

1- أفكار وسواسية.

2- أفعال قهرية.

3- أفكار وأفعال قهرية مختلفة، وده من أكثر الأشكال شيوعًا.

▪️ودلوقتي خلينا نفهم كل نوع منهم بشكل اوسع:

*أولًا: الأفكار الوسواسية*

الأفكار الوسواسية ممكن تظهر بأكتر من صورة، ومن أهمها:

1- الأفكار أو الصور (Ideas and Images)

ودي أفكار أو صور ذهنية بتقتحم عقل الشخص بشكل متكرر ومن غير إرادته، وبتكون مزعجة جدًا.

ممكن تسيطر على الشخص فكرة معينة، او نغمة موسيقية مستمرة في تقفكيره، أو تفضل تيجي له صورة ذهنية متكررة لمشهد مزعج، وكل ما يحاول يبعدها ترجع تاني.

المشكلة إن الشخص بيكون مدرك إن الأفكار دي غير منطقية، لكنها بتفرض نفسها عليه وتسبب له قلق شديد.

2- الاندفاعات (Impulses)

الاندفاعات هي إحساس قوي إن الشخص ممكن يعمل تصرف معين، رغم إنه رافضه ومش عايز ينفذه، وفي العادة بتكون الاندفاعات دي في هيئة عدوانية او انتحار.

ممكن يحس برغبة إنه يشتم بألفاظ خارجة في مكان هادئ أو أثناء مناسبة، أو يكسر حاجة قدامه بدون سبب، أو رغبة في إلقاء نفسه من مكان عالي، أو يؤذي شخص قريب منه رغم إنه بيحبه جدًا وبيخاف عليه.

ورغم شدة الإحساس ده، إلا إن المريض بيكون خايف من الاندفاعات دي وبيحاول يقاومها بكل الطرق، وده اللي بيسبب له توتر وقلق مستمر.

▪️واحنا هنا لسه مخلصناش.. تابعونا في المقال الجاي عشان نفهم مع بعض باقي الأنواع🤍

وفي النهاية✨
لو حسيت إن الأفكار دي بقت تسرق منك راحتك أو يومك، افتكر إنك مش مضطر تواجهها لوحدك. في مساعدة، وفي علاج، وفي أمل حقيقي في التحسن. 🤍

✍️
#سايكو

02/08/2026

انت عندك وسواس
انت شخص موسوس
دا اللي طول الوقت بنسمعه .. واحنا مش عارفين يعنى اى وسواس قهرى

ومن هنا نوضح أن الوسواس القهرى هو
مرض عصابى يتميز ب
1/وجود وساوس على هيئه افكار او اندفاعات او مخاوف بشكل متكرر ومستمر

2/ممكن يظهر فى شكل افكار قهرية وهى افكار حركية دورية ومستمرة

3/مريض الوسواس بيكون متيقن بتفاهه هذه الوساوس

4/محاولة المريض لمقاومة هذه الوساوس

5/احساس المريض بسيطرة هذه الوساوس عليه ولذلك ينتج عنها الشلل الاجتماعى والألم النفسي والعقلى

ومن هنا نلاحظ أن اضطراب الوسواس القهرى منتشر بنسبه 2.5%
ومن وجهه نظر الأطباء أنه إذا تم علاج الوساوس يبدأ المريض فى أعراض ذهانية شبه فصامية وإذا تم علاج الذهان يعود إلى الشكوى من الوساوس وفى بعض الحالات تنتقل بين كل هذه الأعراض ليدخل فى حاله اكتئابية

مع العلم أن مريض الوسواس القهرى بيكون على علم بعدم صحه افكاره لذا هو اضطراب عصابى
بعكس الاعتقاد الخاطئ عند الفرد.... لكن الفرد هنا بيكون مقتنع تماما بصدق اعتقاده وأفكاره لذا يعتبر ذهانى

وفى النهايه نقول ان الوسواس القهري مش مجرد حرص زائد أو رغبة في التنظيم، بل هو اضطراب نفسي حقيقي يفرض على صاحبه معركة يومية بين أفكار ملحة وسلوكيات قسرية.
لكن الخبر السار هو أن الوسواس ليس قدراً محتوماً، وأن هذه الدائرة المغلقة يمكن كسرها. بفضل العلاج النفسي (مثل العلاج السلوكي المعرفي ERP) والتدخلات الدوائية عند الحاجة، يستطيع الإنسان استعادة السيطرة على حياته. إذا كنت أنت أو حد من معارفك ب تعاني من هذه الأعراض، فتذكر دائماً أن طلب المساعدة من المختصين ليس علامة ضعف، بل هو الخطوة الأولى والأهم نحو التعافي والسلام الداخلي.

PSY/Naglaa Fathy

02/08/2026

ادخل اداب علم نفس..علشان تعرف تقرأ افكار الناس وتحلل شخصية اللى يقابلك🔥

كل سنة مع تنسيق الكليات علم النفس بيكون من أكتر الأقسام اللي الناس بتسأل عنها...
بس الغريب إن معظم اللي بيسألوا فاكرين إنه:
هتعرف تكشف الكداب من أول نظرة.
هتحلل شخصية أي حد في دقيقة.
وهتعرف الناس بتفكر في إيه.
والحقيقة؟ كل ده بعيد جدًا عن علم النفس الحقيقي.

🧠 هو إيه علم النفس؟
علم النفس بيحاول يفهم ليه بنفكر بالطريقة دي، وليه بنحس كده، وإيه اللي بيخلينا نتصرف بشكل معين.

يعني ببساطة... مش بيدرس "الأشخاص" قد ما بيدرس "السلوك".

مميزات علم النفس
- هيفهمك نفسك قبل ما يفهمك الناس.
- هيخليك تبص للمواقف من زوايا مختلفة.
- هتتعلم إزاي تسمع وتحلل بدل ما تحكم بسرعة.

طب وعيوبه؟ 🤔
أيوه... ليه عيوب.
ـ لو داخله عشان "تحلل الناس"... هتتصدم.
ـ محتاج قراءة كتير جدًا، ومش مجرد حفظ.
ـ محتاج صبر وتطوير مستمر حتى بعد التخرج.
ـ ومش أي خريج يبقى معالج نفسي... الطريق أطول من كده بكتير.

مين الشخص المناسب لعلم النفس؟
مش لازم تكون اجتماعي. ومش لازم تكون بتحب تنصح الناس.
لكن لازم تكون:
فضولي✔️.
بتحب تفهم قبل ما تحكم✔️.
مستعد تتعلم طول عمرك✔️.
وعندك شغف حقيقي بالإنسان✔️.

وفي الآخر...
علم النفس مش هيخليك تقرأ أفكار الناس...
لكنه ممكن يخليك تفهم نفسك لأول مرة.
وده يمكن يكون أصعب... وأجمل اكتشاف في الرحلة كلها. 🤍

ولو عندك أي سؤال عن القسم أو الدراسة أو الشغل بعد التخرج... اكتبه في الكومنتات، وهنجاوب عليه في البوست الجاي.

01/08/2026

آخر نداء لطائرة طموحك.. ساعات قليلة والدورة تبدأ
​خلاص الانطلاق قرب جداً! باقي ساعات معدودة ونبدأ أولى جلسات:
📘 الدورة التأسيسية لمهارات وفنيات العلاج المعرفي السلوكي (CBT) وإدارة الجلسات العلاجية

​لو لسه مأكدتش حجزك، دي الفرصة الأخيرة فعلياً لإلحاق المقاعد المتبقية قبل إغلاق القائمة بالكامل!

تواصل معنا فوراً لتأكيد مقعدك على الواتساب

👉 wa.me/201125165716

فرصتك الأخيرة للحجز! باقي تكة وباب التسجيل يقفل

​لسه قدامك فرصة تلحق مكانك في
📘 الدورة التأسيسية لمهارات وفنيات العلاج المعرفي السلوكي (CBT) وإدارة الجلسات العلاجية

مع د/ محمد عبد الحليم صالح

​⚠️ آخر موعد للحجز هو غداً!

​🗓 تفاصيل المواعيد:
​البداية: الأحد 2 أغسطس
​أيام المحاضرات الأحد والخميس من كل أسبوع (إجمالي 6 محاضرات)
​التوقيت من 7:00 مساءً حتى 10:00 مساءً عبر تطبيق Zoom

​ احجز مكانك الآن فوراً قبل غلق باب التسجيل غداً عبر الواتساب
👉 wa.me/201125165716

01/08/2026

ايه الفرق ❓❓

ايه الفرق بين اضطراب الهلع ونوبات الخوف
في الحقيقه الاتنين بيتم تصنيفهم علي انهم من ضمن اضطرابات القلق الا ان فيه اختلافات جوهريه بينهم

فاضطراب الهلع بيعاني فيه الشخص من نوبات مفاجئه ومتكرره من خوف شديد من غير سبب واضح وبيشعر فيه المريض بأعراض زي :

•خفقان القلب
•ضيق التنفس
•التعرق
•الدوخه
وبيكون المريض في قلق مستمر من تكرار النوبات فتؤثر علي جوده حياه المريض

اما نوبات الخوف الحاد بيكون مرتبط باضطراب الرهاب وبتظهر فيه الاعراض لما يتعرض فيه المريض لموقف معين بيخاف منه مثلا:

•اماكن مرتفعه
• اماكن مغلقه
•الحيوانات
•مواقف اجتماعية

وبيتجنب فيه المريض المواقف دي قدر الامكان

فبنلاحظ ان الفرق بين اضطراب الهلع ونوبات الخوف ان اضطراب الهلع بيكون غير مرتبط بموقف معين ولكن نوبات الخوف مرتبط بموقف معين يتجنبه المريض

فهمنا للمشاكل الي بنعاني منها واعترافنا بوجودها هو اول خطوه لحل المشاكل وبدايه طريق العلاج ♥️

By/Nada Amr ♥️

31/07/2026

فرصتك الأخيرة للحجز! باقي تكة وباب التسجيل يقفل

​لسه قدامك فرصة تلحق مكانك في
📘 الدورة التأسيسية لمهارات وفنيات العلاج المعرفي السلوكي (CBT) وإدارة الجلسات العلاجية

مع د/ محمد عبد الحليم صالح

​⚠️ آخر موعد للحجز هو غداً!

​🗓 تفاصيل المواعيد:
​البداية: الأحد 2 أغسطس
​أيام المحاضرات الأحد والخميس من كل أسبوع (إجمالي 6 محاضرات)
​التوقيت من 7:00 مساءً حتى 10:00 مساءً عبر تطبيق Zoom

​ احجز مكانك الآن فوراً قبل غلق باب التسجيل غداً عبر الواتساب
👉 wa.me/201125165716

29/07/2026

منصة Psycho – رعاية نفسية بمعايير عالية

يسعدنا الإعلان عن انضمام أ. نجلاء فتحي أبو العز عوض، أخصائية نفسية إكلينيكية، إلى فريقنا المتخصص في الرعاية النفسية
نبذة عن الأخصائية وخبراتها:

أخصائية نفسية إكلينيكية - باحثة ماجستير في علم النفس الإكلينيكي - كلية الآداب - جامعة المنصورة.
دبلوم علم النفس الإكلينيكي - جامعة المنصورة (2021).
ليسانس آداب - قسم علم النفس - جامعة المنصورة (خريجة 2020).
خبرة في دراسة وتشخيص ومتابعة حالات الاضطرابات النفسية المتعددة (القلق، الاكتئاب، الاضطرابات السلوكية، واضطرابات الطفولة والمراهقة).
خبرة في إجراء التقييم والتشخيص النفسي الإكلينيكي، وتطبيق المقاييس والاختبارات النفسية والذهنية القياسية.
تصميم وإدارة الجلسات العلاجية الفردية والجماعية، والعلاج المعرفي السلوكي (CBT).
التعامل المهني مع الأطفال وذوي الاحتياجات الخاصة، وتطبيق برامج تعديل السلوك وجلسات التخاطب ونطق التعبير.

🗓️ احجزي جلستك بسهولة عبر الموقع الرسمي
https://psycho-platform.odoo.com

📞 للاستفسارات
https://wa.me/201125165716