https://www.facebook.com/460005187186262/

Merna Nagy

Home
Egypt
Cairo
Merna Nagy

صفحة تربوية متخصصه في مجال التخاطب و تعديل السلوك و التربية الايجابية و الإرشاد النفسى و الأسرى �

22/10/2026

💚✨ طفلك يستحق أفضل دعم.. وإنتِ مش لوحدك في الرحلة! ✨💚

مع أ/ ميرنا ناجي 🤍

بنقدملك خدمات متخصصة لدعم طفلك ومساعدته على التطور والتقدم، وتشمل:

🗣️ جلسات التخاطب وعلاج اضطرابات النطق والكلام
🧩 جلسات تنمية المهارات
💚 جلسات تعديل السلوك
📚 جلسات صعوبات التعلم
🌟 دعم الأطفال ذوي اضطراب فرط الحركة وتشتت الانتباه (ADHD)
👨‍👩‍👧 جلسات الإرشاد الأسري

📣 حاسّة إن طفلك محتاج دعم؟ ابدئي أول خطوة دلوقتي!

📲 احجزي موعد لطفلك الآن!
اتصلي أو ابعتي واتساب على:
📞 01550107155

📍 العنوان: عيادات نور الشفاء التخصصية، شارع الخمسين، أمام المعهد الأزهري، النزهة.

💚 كل طفل ليه قدراته الخاصة، ومع الدعم المناسب نقدر نساعده يطوّر مهاراته ويحقق أفضل تقدم ممكن.

✨ للحجز والاستفسار، تواصلي معانا وحددي موعد لطفلك!

#تخاطب

06/10/2026

هو سؤال يخوف الحقيقه

30/09/2026

_ما حد يشوفلنا الطفل اللي عمال يصوت ده!
=لا ده الأخصائي

23/09/2026

حاسة نفسى شاطرة حبتين تلاتة الفترة دى جدا 😍😍
جماعة احنا جلساتنا غير اى حد 😎😎
مش بس الفيديوهات بتتبعت ل ولى الأمر و محدش بيشوفها غيره .. دا قبل ما بيمشي من المكان بيشوفها و كمان الأهداف اللى اشتغلنا عليها بتتبعتله عشان يتابع مع ابنه ف البيت 😍😍🤍

للحجز والاستفسار كلمونا على رسائل البيدج او على الرقم ده
015 50107155

゚viralシfypシ゚viralシalシ

22/09/2026

الام هى أساس بناء العلاقة بينها و بين اولادها دايما 🤍🤍

20/09/2026

الهزار حلو.... بس لازم يكون فيه حِنكة في إدارة المواقف

اهزر واضحك بس مش في وقت الناس مشاعرها متدمرة

كل أم دلوقتي بتفكر مليون مرة قبل ما تودي ابنها جلسة وهتلاقيهم بيشترطوا إنهم يحضروا الجلسات
هو كده كده حقهم بس أحيانًا بيكون لازم الطفل يكون لوحده عشان الأم ممكن تأثر على تركيز الطفل أو تعطل سير الجلسة وكلنا عارفين ده.

و أحيانا بندخل الاهل لما الطفل يطلب مننا ده و لما بنسأله اشمعنا المرة دى .. يقولنا عشان ماما تشوف شطارتى ( و هى ف الحقيقه بتشوف تشجيعى الطفولى فى وقت الجلسة مع ابنها ) 😂😂😂

وفكرة إننا نفضل نقول إننا بنتضرب… او بنتعض او ممكن بنتأذى عشان نلحق اذى الطفل ل نفسه لانه على غير علم ان ده أذى ليه ..

( انا لحد دلوقتي بدور على علاج ل اعصاب ايدى اليمين من كتر ضرب طفل ليا بقوة لما بندى ل بعض high five 👋 لما بيكون شطور اوى .. بيضربها بضمير ويكأنه بينتقم منى ) 😂😂😂😂😂😂😂
لو حد عنده علاج للاعصاب و اشتغل معاه اكون شاكرة ليه جدا😂😂🙆🏻‍♀️

و لسه من كام اسبوع اتعضيت ف كتفى من طفل توحد عشان كان بيحاول يأذى نفسه و انا اتصرفت.. ف عضنى و كملت الجلسة عادى لحد ما خلصت و دخلت عقمت العضة لانها جابت دم 😂😂😎 و المكان كله و اهلى اتخضوا عليا لما حكيتلهم .. و ناس كتير لاموني كتير و قالولى كنتى وقفتى الجلسه او نهتيها.. بس انا دكتورى علمنى و قالى ان كل ده تغفيلات عشان تسبيه و يزهق و يمشى .. انما لو شايفه انه يجى منه كملى لو لقيتي منه انتباه بصرى دا انجاز ف الجلسة و هدف اتحقق و هتلاقى ربنا عوضك عن العض و الضرب اللى اتعرضتيله😂😂🤍

هو اه ممكن تحصل في كسر من الثانية بس برضه لازم نسأل نفسنا
هل مسافة الأمان بينك وبين الطفل كانت مناسبة؟
وإيه الإجراءات اللي ممكن تقلل احتمالية حدوث الموقف؟ وكلام كتير كلنا فاهمينه.

ومع احترامي يعني لو حصل موقف واتعرضت للأذى، مش لازم أفضل أقول «شوفوا أنا بعمل إيه وبضحي إزاي»

إحنا بنقدم خدمة مهنية وبناخد حقنا مقابل وقتنا وخبرتنا وشغلنا.

وده مش تنظير ولا ركوب للموجة عشان أعجب.

ده رأيي من زمااان.

بس خليني أسألكم: إنتوا شايفين الموضوع إزاي؟

20/09/2026

الفرق بين الطبيب النفسي والثيرابيست
📌 الطبيب النفسي اللي بيقولك برشامة مخك و الثيرابيست تخف 😂 «فرفش تخف»
😂 طب أسمع كلام مين؟ أولاً خلط كبير جداً حاصل بين دور الـ Therapist ودور الطبيب النفسي.
تعالى نفهم الفرق بينهم عشان لما تفهم دور كل واحد منهم احتياجك إيه وتعرف تطلب الخدمة المناسبة من الشخص المناسب.
📌 الطبيب النفسي Psychiatrist طبيب بشري متخصص في الطب النفسي
يعني متخرج من طب
بيقيم الحالة من الناحية الطبية والعصبية أكثر
ويقدر يشخص الاضطرابات النفسية ويصف الأدوية ويتابع العلاج الدوائي لما يكون مناسب، هو الوحيد اللي يقدر يكتب أو يمنع دواء.
⬅️ من أمثلتها: • الاكتئاب
• اضطرابات القلق الشديدة
• اضطراب الوسواس القهري
• اضطراب ثنائي القطب
• الفصام واضطرابات الذهان
• بعض اضطرابات النوم المرتبطة بحالة نفسية
• حالات تحتاج تقييماً طبياً أو علاجاً دوائياً
📌 الثيرابيست اللي بيقولك فرفش تخف 😂
مين بقى الأول اسم ثيرابيست مش اسم لتخصص واحد بعينه.
هو وصف لمن يقدم العلاج النفسي بالكلام والتدخلات العلاجية المؤهلة حسب تخصصه وترخيصه ونظام البلد ويكون متخرج من كليات آداب أو تربية علم نفس لازم يكون يكون الشهادة الأساسية خريج جامعه درس واتخصص في قسم علم النفس عشان يبقى أي حد خريج حتى تجاره ياخد كورس مجهول الهوية ويقول أنا معالج نفسي ده أكبر غلط ولازم قبل ما تبدأ تتطلع على الشهادة.
📌 وثيرابيست متخصص في العلاج المعرفي السلوكي أو العلاج الجدلي السلوكي أو مدارس علاجية أخرى. وفي حالات كتير على حسب هو متخصص في إيه.
⬅️ ومن الحالات التي قد تستفيد من العلاج النفسي: • الاكتئاب
• اضطرابات القلق
• الوسواس القهري
• نوبات الهلع
• بعض مشكلات العلاقات والتكيف
• اضطرابات مرتبطة بالصدمات
• بعض مشكلات تنظيم المشاعر
• الاضطرابات الشخصية ضمن نطاق تدريب المعالج وخبرته
📌 الطبيب النفسي والثيرابيست ممكن واكيد يشتغلوا مع بعض لأن الحالة الواحدة ممكن تحتاج متابعة طبية ودوائية وفي نفس الوقت تحتاج علاجًا نفسيًا
📌 الطبيب النفسي مش أحسن من المعالج النفسي والمعالج النفسي مش أحسن من الطبيب النفسي
الأصح إنك تعرف احتياج الحالة وتروح للشخص المؤهل للتعامل معاه.
وفي الحالات الشديدة أو اللي فيها أعراض ذهانبة أو أفكار انتحارية أو خطر على الشخص أو غيره الأولوية تكون للتقييم الطبي النفسي العاجل
.
ملاحظه (مشهد من فيلم جري الوحوش)

19/09/2026

عشان انتو حبايب قلبي 😌
ابعتولي صور اولادكم في الكومنتات وهبعتلك صورته للتلوين وقوليلي لو بيحب هوايه معينه ونفسه يطلع ايه وهعمله صوره بالي بيحبه 👀
مستنيه صور ولادكم ♥️👫
متنسوش تدخلوا على الجروب هنا عشان بنزل sheets تنمى مهارات اولادنا 🤍
https://chat.whatsapp.com/FUnYN1oHV7K9GgIkDT4Wkx?s=cl&p=a&mlu=0&ilr=4

19/09/2026

✨ البيدچ قربت تكمل سنة ✨
و كمان عيد ميلادي قرب 🥳🎂
فقلنا نحتفل معاكم بخصم مميز على جلسات الإرشاد الأسري و النفسي الاونلاين 💙

📞 للاستفسار والحجز:
01550107155

🎉 مستنيينكم تشاركونا الفرحة وتستفيدوا بالعرض 🎉

Address

Cairo

Website

facebook.com

Alerts

Be the first to know and let us send you an email when Merna Nagy posts news and promotions. Your email address will not be used for any other purpose, and you can unsubscribe at any time.