28/11/2025
في مواقف كتير بنلاقي نفسنا بنعمل تصرفات مش فاهمين أصلها.
نأجل حاجة بسيطة رغم ان عندنا وقت!
نرجع نفكر في موقف قديم ونجلد نفسنا!
نرفض المساعدة رغم اننا محتاجينها!
نقلق من رسالة قصيرة!
أو نحس بذنب لما نرتاح شوية!
ودايماً بنسأل نفسنا:
“هو أنا ليه بعمل كده؟”
“ليه دماغي مش بتمشي معايا؟”
“ليه بتعقّد الحاجات السهلة؟”
الحقيقة إن اللي بنسميه “تصرف غريب” أو “رد فعل مش مفهوم”…
غالبًا ليه سبب، وليه طريقة معينة دماغك اتعلمتها عشان تحميك حتى لو الطريقة دي ساعات بتضايقك أو تعطلك.
سلسلة “دماغك بتعمل كده ليه؟” مش معمولة عشان تشرح علم كبير ولا مصطلحات معقدة…
أبداً.
هي معمولة عشانك:
عشان نفهم ببساطة ليه بنفكر ونحس ونتصرف بالشكل ده،
وعشان كل مرة تحس إنك “مش طبيعي”..
تكتشف إن دماغك بس بتحاول تحميك، لكن محتاج طريقة أفضل.
في كل بوست هنمشي في 3 مراحل:
1. موقف واقعي مرّينا بيه كلنا.
2. ليه دماغك بتتصرف بالشكل ده؟
3. خطوات عملية تقدر تبدأ بيها فورًا.
الفكرة إنك تفهم نفسك أكتر
تحس إن اللي بيحصلك مش شيء غريب
وتتعلم تتعامل مع دماغك بدل ما تتصارع معاها.
جاهزين نبدأ سلسلة اسبوعية بتنزل كل جمعة!
استنّوا اول البوست الاسبوع الجاي.
؟
