مريم عادل اخصائية تنمية مهارات و تخاطب وتكامل حسي

28/06/2025

📌 يعني إيه "أفازيا"؟

الأفازيا هي اضطراب في اللغة بيأثر على قدرة الشخص على الكلام أو الفهم أو القراءة أو الكتابة، وده بيحصل غالبًا بعد إصابة في المخ (زي الجلطة أو الحوادث أو أورام المخ).

👂 ممكن الشخص يكون سامع الكلام بس مش قادر يرد صح
🗣️ أو بيتكلم لكن كلامه مش واضح أو مش مترتب
📖 وممكن كمان يواجه صعوبة في قراءة الكلمات أو كتابتها

👶 الأفازيا مش بس عند الكبار، ممكن كمان تحصل للأطفال لو حصل ضرر في منطقة اللغة في المخ، سواء وهم لسه بيتعلموا أو بعد ما اتعلموا.

💡 أعراض ممكن تلاحظها:

صعوبة في تكوين الجملة

بيقول كلمات مش مقصودة أو مش في مكانها

بيوقف كتير وهو بيتكلم كأنه ناسي

مش فاهم التعليمات البسيطة

بيكرر نفس الكلمة أو الجملة كتير

🧠 العلاج بيكون عن طريق جلسات تخاطب منتظمة، وبيتضمن:

تنشيط مهارات اللغة (الفهم – التعبير – التسمية – تكوين الجمل)

استخدام وسائل مساعدة زي الصور والإشارات

تدريب المريض وأهله على طرق تواصل بديلة

🧩 لو ملاحظ إن طفلك (أو شخص كبير في العيلة) حصلت له صعوبة مفاجئة في الكلام أو الفهم، لازم نلحق بسرعة ونروح لطبيب أو أخصائي تخاطب.

🧡 الدعم النفسي والتشجيع المستمر مهم جدًا علشان يحصل تحسن.

09/05/2025

تابعوا المحاضره المجانيه
سوال بيجلنا كتير ازاي اكتشف ان ابني محتاج تخاطب
يوم ٦/٦

09/05/2025

فرط الحركه مش دايما شقاوة..دا نداء محتاج فهم 😊

فرط الحركة عند طفل التوحد مش مجرد طاقة زيادة.. هو رسالة محتاجة نسمعها ونفهمها.

الطفل مش بيجري ويقفز ويتنطط علشان يضايقك، هو بيحاول يهرب من إحساس داخلي مش قادر يشرحه.

ممكن يكون جسمه مش مستقر حسيًا، أو دماغه مش قادرة تهدى من كتر الإشارات اللي بتوصله في نفس اللحظة.

الضجيج بيزعجه.. اللبس بيضايقه.. المكان مش مألوف.. فيبدأ يلف حوالين نفسه أو يرمى حاجة أو يجرى.

والأصعب إن الناس حوالينا تفتكر إنه "مش مؤدب" أو "عايز تربية"، لكن الحقيقة إن اللي بيحصل جوه الطفل أكبر بكتير من أي حكم خارجي.

العلاج مش في القسوة، ولا في المنع، لكن في الفهم والتدخل الصح.

جلسات التكامل الحسي، والأنشطة المنظمة، وجدول يومي ثابت.. كل دي مفاتيح بتهدي الطفل من جوه قبل بره.

ومع الوقت.. ومع الصبر.. بتشوف بعينك التغيير، حتى لو ببطء.

افرح بكل خطوة صغيرة، وافتكر دايمًا إنك مش لوحدك.. وإن كل مجهود بتحطه هو جزء من أمان ابنك.

للتواصل واتساب ✅👇🏻
٠١٢٠٣٧٧٦٤٧٢

09/05/2025

“تعديل السلوك مش معناه إننا نغير طفلنا 180 درجة في يوم وليلة… تعديل السلوك هو إننا نبني جسر من الحب والصبر والفهم بيننا وبين أطفالنا ❤️

طفلك العنيد أو اللي صوته عالي مش محتاج عقاب قاسي، هو محتاج حد يفهمه ويساعده يعبر عن مشاعره بالطريقة الصحيحة.
لما نركز على السلوك الجيد وندعمه، ونعلّم طفلنا الخطأ بهدوء، بنخلق جيل فاهم نفسه وقدراته.

افتحي باب الحوار، كوني صديقته قبل ما تكوني المسؤولة عنه، وخلي الصبر هو مفتاحك للتغيير.
أطفالنا مرآة لينا… خليكِ الصورة اللي يحب يشوفها في نفسه كل يوم 🌟”

للتواصل ٠١٢٠٣٧٧٦٤٧٢

22/04/2025

طفلك بيمشي على أطراف صوابعه؟ 🤔

لو لاحظتِ إن ابنك بيمشي على أطراف صوابعه لفترة طويلة ومش عايز ينزل بكعب رجله

على الأرض فده ممكن يكون بسبب:

🔹 عادة مكتسبة عند الأطفال اللي لسه بيتعلموا المشي.

🔹 شد في العضلات (وخصوصًا عضلة الساق الخلفية).

🔹 حساسية زائدة في القدم بتخليه مش مرتاح يحط كعبه على الأرض.

🔹 مشكلة في التوازن أو التكامل الحسي عند بعض الأطفال.

💡 الحل؟

✅ تمارين إطالة وتقوية العضلات.

✅ تحفيز الحواس عن طريق المشي على أسطح مختلفة.

✅ استشارة أخصائي العلاج الطبيعي لو المشكلة استمرت.

لو حابة تعرفي أكتر وتطمئني على طفلك تواصلي معانا مع 👇👇

🗣️ مركز Speak للتخاطب وتنمية المهارات 🗣️ رسالتنا

مساعدة طفلك للوصول لأفضل نسخة من شخصيته عن طريق استغلال كافة قدراته العقلية

وتوظيفها وتطوير مهاراته الحسية والحركة وإرشادك للطرق النفسية السليمة للتعامل معه

22/04/2025

22/04/2025

الإرشادات لأولياء أمور المتلعثمين🤔
١-التجاهل التااام(ولا نرفزه وزعيق ولا دلع وطبطبه )🚶🏼‍♀️
٢-التواصل البصري أثناء الحديث مهم جدا 👀
٣-التفاعل ومجاراه الحاله أثناء الحديث👥
٤-الكلام في مواضيع محببه🗣️
٥-لا يوجد مفاجآت (اسئله ،تجمعات من غير معرفه سابقه)
٦-لا نقاطعه أثناء الحديث 🤷🏼‍♀️
٧-عدم الحديث مع الطفل بسرعه 🤌🏼
٨-تقبل الحاله💕

03/04/2025

ساعد طفلك اليوم ليعبر عن نفسه بثقة! تواصل معنا لحجز جلستك الآن.

📞 للحجز والاستفسار: 01203776472