لأن طفلك أهم - معا لحياة نفسية سليمة

08/07/2026

اضطراب القلق العام (GAD)
هل طفلك يقلق أكثر من الطبيعي؟
القلق طبيعي، لكن عندما يصبح مستمرًا ويؤثر على حياة الطفل فقد يكون علامة على اضطراب القلق العام.
قد تلاحظ:
قلقًا دائمًا بشأن الدراسة أو الأسرة أو المستقبل.
صعوبة في الاسترخاء.
آلامًا متكررة في البطن أو الصداع دون سبب عضوي.
صعوبة في النوم أو التركيز.
✨ التدخل المبكر يساعد الطفل على اكتساب مهارات التعامل مع القلق والعودة لحياته الطبيعية.
📌 التشخيص لا يعتمد على عرض واحد، ويجب أن يتم بواسطة مختص.

07/07/2026

17/03/2026

هل طفلك بيغضب بسرعة ومش بيعرف يهدّى؟ 🤯👶

الغضب عند الأطفال مش مشكلة… لكنه رسالة 💬
الطفل بيقولك: "أنا مش فاهم إحساسي" أو "مش عارف أعبّر"

✨ دورك مش تمنعي الغضب… دورك تعلّميه إزاي يتعامل معاه

جربي معاه الخطوات دي:
✔️ سمي الإحساس: "أنت زعلان؟ متضايق؟"
✔️ حضن واحتواء بدل الزعيق
✔️ علميه ياخد نفس عميق (خليها لعبة 😄)
✔️ ادي له بديل: يرسم، يعصر كرة، يبعد شوية

❌ بلاش نقوله: "متعيطش" أو "عيب"
✔️ وقوليله: "أنا فاهمة إنك زعلان… وأنا معاك"

💡 كل مرة بتساعدي طفلك يفهم مشاعره… إنتي بتبني شخص قوي وواعى بنفسه في المستقبل ❤️

10/02/2026

اهتم بنفسك اولا حتى تستطيع الاهتمام بالاخرين❤️

10/02/2026

النهاردة كنت رايحة اعمل نضارة جديدة عشان عندي مشكله في نضارتي
المهم اختارت النضارة وخلاص هدفع
الست قالتلي للاسف الي انتي اختارتيه
Sold out دلوقتي
مش هقدر اطلبه

زعلت شويه
ولقيت سليم ابني معايا
وقام قالي ؟

ماما امر المؤمن كله خير
يمكن لو كنتي طلبتيها كان حصل حاجه فيها
او انكسرت
متزعليش
هنشوف واحدة تانية

فرحة قلبي بان الي انزرع
سنين
وكنت بقوله في كل موقف
بقيت أتفكر بيه من ابني

صحيح مش أوقات كثير بيفتكر
لانه طفل ولسه بيتعلم
بس الحمدلله
بداية الغيث
قطرة

ودا الي بقوله ليكم بقالي سنين
اربطوا كل موقف في يومكم بالله
عشان قلوب ولادكم
ترتبط بحب الله
والتسليم لامره

الحمدلله 💙💙

30/12/2025

🧠 هل طفلك عنيد… ولا محتاج يفهم؟
كتير من السلوكيات اللي بنسميها عناد
بتكون في الحقيقة رسالة مش مشكلة.
🔹 الطفل لما يرفض الأوامر
🔹 أو يصرخ
🔹 أو يتشبث برأيه
غالبًا بيكون: ✔️ مش عارف يعبّر عن مشاعره
✔️ حاسس بعدم الأمان
✔️ محتاج يحس إن صوته مسموع
✨ بدل ما نقول:
"أنت عنيد!"
نجرب نقول:
"تحب تحكيلي إيه اللي مضايقك؟"
📌 تذكري: السلوك الخاطئ عرض
لكن السبب الحقيقي دايمًا أعمق.
👩‍⚕️ دعم الطفل نفسيًا من بدري
بيصنع شخص سوي وواثق في نفسه.

01/11/2025

(يومك يومك)إذا أصبحت فلا تنتظر المساء ،اليوم فحسب ستعيش ،فلا امس الذى ذهب بخيره وشره ،ولا الغد الذى لم يأت إلى الآن. اليوم الذى اظلتك شمسه ،وأدركك نهاره هو يومك فحسب ، عمرك يوم واحد، فاجعل فى خلدك العيش لهذا اليوم وكأنك ولدت فيه وتموت فيه ،حينها لا تتعثر حياتك بين هاجس الماضى وهمه وغمه، وبين توقع المستقبل وشبحه المخيف وزحفه المرعب ،لليوم فقط اصرف تركيزك واهتمامك وابداعك و كدك وجدك، فلهذا اليوم لابد أن تقدم صلاة خاشعه وتلاوة بتدبر واطلاعا بتأمل وذكرا بحضور،واتزانا فى الامور، وحسنا فى خلق ورضا بالمقسوم واهتماما بالمظهر واعتناء بالجسم ونفعا للاخرين وأولهم أهل بيتك واولادك❤️

10/10/2025

💨👶 مغص الرضع الطبيعي.. إزاي نخففه من غير أدوية؟ 👨‍⚕️❤️

في البداية لازم نعرف إن المغص في أول شهور طفلك 👶 طبيعي جدًا، لأنه جزء من تطور الجهاز الهضمي اللي لسه بيتعلم يشتغل!
وخليني أطمنك.. في طرق كتير نقدر نخفف بيها المغص من غير أدوية ❌💊

تعالي نعرفهم مع بعض 👇

✅ ١. الوضعية الصح أثناء وبعد الرضاعة:
✔️ خدي بالك إن راس الطفل تكون مرفوعة شوية أثناء الرضاعة
✔️ بعد كل رضعة، لازم تقومي طفلك للتكريع (التجشؤ) عشان يطلع الهوا 💨

✅ ٢. التدليك (المساج) للبطن:
✔️ بإيدك الدافية، دلكي بطن طفلك بحركات دائرية خفيفة مع اتجاه عقارب الساعة
✔️ ممكن كمان تعملي تمرين العجلة برجليه (تثني وتفردي رجليه على بطنه) 🚲
ده بيساعده يخرج الغازات ويرتاح

✅ ٣. حمام دافئ:
✔️ حمام دافي للطفل بيريّح عضلات بطنه وبيهدّيه 💦
✔️ ممكن بعد الحمام تعمليله تدليك خفيف

✅ ٤. تجنبي الحاجات اللي تزود الغازات:
✔️ لو بترضعي طبيعي، حاولي تقللي من أكلات زي الكرنب، القرنبيط، والبقوليات
✔️ ولو صناعي، تأكدي من إن اللبن مناسب ومن طريقة التحضير الصح ✅

✅ ٥. توفير جو هادي:
✔️ الطفل بيحس بتوتر الأم، فحاولي تبقي هادية أثناء الرضاعة
✔️ قللي الضوضاء والإضاءة القوية حواليه وقت المغص 🙏

🎯 نصيحة د. أحمد الدالي:
✅ المغص هيقل مع الوقت.. وأغلب الأطفال بيتحسنوا بعد سن ٣-٤ شهور 🌱
✅ ومش محتاجين نلجأ للأدوية إلا في الحالات اللي يحددها الدكتور 👨‍⚕️
✅ أهم حاجة تطمني إن الطفل بيرضع كويس، وزنه بيزيد، ونشاطه طبيعي ✅

❤️ لو حابين كمان أعملكم بوست عن أشهر الأخطاء اللي بتعملها الأمهات مع مغص الرضع، اكتبوا لنا في الكومنت 👇
واحنا مستمرين في نشر التوعية الصحية عشان ولادكم دايمًا بخير على هاشتاج 🌱✨

ولمزيد من المعلومات عن صحة طفلك زوروا صفحتنا على انستجرام .ahmed.eldaly
أو على الفيسبوك Dr. Ahmed Eldaly - د/ أحمد الدالي


استشاري طب الأطفال 🌱✨

26/09/2025

متخلفيش تاني
عشان تربطي جوزك بالعيال

ممكن متخلفيش تاني
عشان قالولك هاتيهم ورا بعض وهترتاحي

متخلفيش تاني عشان حماتك عيزاكي تخلفي تاني

ممكن متخلفيش تاني عشان سلفتك حامل وانتي لا !!

💙✅خلفي تاني حبيبتي
لما تحسي انك قادرة ترضعي وتولدي وتربي تاني
لما تحسي انك عايزة تخلفي عشان عندك رغبه في الخلفة وانك تكوني ام للمرة الثانيه او الثالثه
عشان انتي قادرة وأسرتك قادرة

😥محدش بيشيل معاكي لما تجبيهم ورا بعض وتفضلي في الاخر تعيطي وتتعبي وتصرخي منهم

محدش بيشيل معاكي لما علاقتك بالطفل الاول بتبوظ بسبب انك خلفتي تاني وانتي أصلا مش قادرة على الاول
ومع الثاني كمان
لا بقي فيه وقت ولا الثاني ليه وقت

🥰الطفل الثاني او الثالث هو طفل محتاج رعايه وتربية واهتمام
خلفي تاني لما تحسي
اولا انك مستعده لانك انتي الي بتشيلي
ولما تحسي ان أسرتك مستعدة

قرار محتاج تفكير وترتيب

⬅️شاركوني في التعليقات
خلفتي الطفل الثاني امتى ؟
وتجربتك مع الطفل الثاني ايه ؟

17/08/2025

✨ 3 طرق تساعدي طفلك يهدأ وقت الغضب ✨

الغضب عند الأطفال طبيعي جدًا، لكن محتاج مننا نتعامل معاه بحكمة:

1️⃣ خدي نفس عميق معاه
اطلبي منه يقلدك في الشهيق والزفير. التنفس بيقلل التوتر بسرعة.

2️⃣ قدمي له بديل للتفريغ
زي ورقة وألوان، أو لعبة يضغط عليها، بدل ما يصرخ أو يضرب.

3️⃣ سمي له مشاعره
قولي له: "أنا فاهمة إنك زعلان/غضبان". ده بيخليه يحس إن مشاعره مسموعة ومقبولة.

💡 تذكري: الغضب مش مشكلة.. لكن المهم إزاي نعلم الطفل يعبّر عنه بطريقة صحية.

---

📩 لو حابة تعرفي طرق أكتر لمساعدة طفلك على التحكم في مشاعره أو محتاجة جلسة أونلاين لتعديل السلوك، تواصلي معايا في الخاص.