Dr. Rawd Eid - د/ روض عيد

03/07/2026

الكشف الطبي للرياضيين 🏅🏊🏻‍♂️🏋️‍♀️🤾🏽‍♀️⛹🏼‍♂️⚽️

مش مجرد روتين دا أمانك ❤️

🩺الكشف الطبي حاليا ٤ مستويات

وكل مستوي خاص بالمشاركه في مستوي رياضي محدد 🏀

عايز تعرف اكتر كلمنا:012 00897901

#كشف #رياضة #صحة #حياة

مش

30/06/2026

خشونة الركبة هي السبب ولا النتيجة‼️
الحقيقة إنها في أوقات كتير بتكون مجرد 'النتيجة'‼️

كتير مننا أول ما ركبته توجعه،يقول: أنا عندي خشونة🦵🏼

السؤال هنا .. هل الركبة هي اللي بدأت توجعك، ولا الركبة شالت حمل زيادة بسبب ضعف في العضلات و لا يمكن بسبب تحميل غلط في الجيم أو طريقة مشي مش مظبوطة؟👣👣

مع الوقت.. التحميل الغلط ده بيخلي سطح المفصل يتأثر، وهنا بتظهر الخشونة اللي بتسبب ألم، طقطقة،
وتيبس خصوصاً بعد القعدة الطويلة.

طب الحل إيه؟🤷🏻‍♀️

الخشونة 4 درجات، أول 3 منهم علاجهم 'تحفظي' يعني من غير جراحة:
1️⃣ تأهيل وعلاج طبيعي: لتقوية عضلات الفخذ والحوض وتصحيح طريقة حركتك
2️⃣ الحقن: سواء زيت (هيالورونيك)، بلازما (PRP)، أو خلايا جذعية.. ودي نتايجها ممتازة جداً في السن الصغير.

3️⃣ تقنية التيكار (Tecar): موجات راديو عالية التردد بتساعد جداً في الحالات المزمنة وتخفيف الألم.

💡💡نصيحة أخيرة:
المسكنات💊💊 دورها بس تقلل الألم عشان تقدر تبدأ العلاج الحقيقي، لكنها مش هي العلاج

خلي بالك ان المرحلة الرابعة، فغالباً بتحتاج تدخل جراحي لتغيير المفصل."

"ببساطة.. لو ركبتك بتوجعك، ما تستناش لما الحالة تتطور، ابدأ فوراً باستشارة متخصص يقدر يساعدك. ولو محتاج تسأل عن حالتك، سيبلي كومنت وانا معاك!"

كلمنا :012 00897901

#الخشونة #الركبة #تأهيل
#تقنية التيكار

مش

27/06/2026

تكريم رئيس الاتحاد الدولي للهوكي لدكتورة / روض عيد
عضو اللجنة الطبية للاتحاد الدولي للهوكي





مش

17/06/2026

⚡️ "وجع نازل في رجلي وحرقان مش بعرف أقف.."! | حقيقة عرق النسا

دي مش مجرد شكوى.. دي معاناة يومية لكتير من الناس اللي بتشخص نفسها فجأة بـ عرق النسا

وتفتكر إن الحل هو الراحة التامة! ❌

الراحة المطلقة ممكن تكون هي السبب في استمرار آلام أسفل الظهر لأنها بتضعف العضلات وبتزود الضغط على العصب الوركي.

🔍 اية هي أسباب عرق النسا وعلاجه؟

الضغط على العصب مش مرَض، ده عَرَض وممكن يحصل نتيجة:

• انزلاق غضروفي (الديسك).

• شد عضلي عنيف في العضلة الكمثرية (متلازمة الكمثرية).

• الجلوس الخاطئ لفترات طويلة مع ضعف عضلات البطن.

🛠️ بروتوكول العلاج بدون جراحة يعتمد على 3 خطوات:

1️⃣ الحركة المدروسة: تمارين متخصصة لتخفيف وتحريك الضغط عن العصب.

2️⃣ التأهيل الحركي: تقوية عضلات الكور (البطن) وعمل استطالة للعضلات الخلفية والمقعدة.

3️⃣ العلاج الدوائي: للسيطرة على التهاب العصب تحت الإشراف الطبي.

⚠️ افتكر دايما: مفيش خطة علاج واحدة بتنفع لكل الناس، وكل حالة ليها بروتوكول وتمارين مخصصة ليها حسب السبب.

👆🏼فببساطة… لو الألم نازل في رجلك، ما تستناش لحد ما يزيد ويبقي مزمن..

👆🏼عالج السبب بدري لان دا هو السر!

💬 طمنوني في التعليقات: بتتعاملوا ازاي مع وجع الضهر والرجل لما بيجيلكم؟ الراحة ولا الحركة؟
مستنينكم تقولولنا:
012 00897901

13/06/2026

جزء من لقاء دكتورة/ روض عيد
في برنامج صباح الخير يامصر
#الاستشفاء #حياة #صحة #طاقة
#سعادة

09/06/2026

"رقبتك قفشت فجأة؟ حاسس بألم شديد في كتافك ومسمّع في ذراعك؟

🔺 'مثلث برمودا' للآلام! او زي ما الناس بتسميه الابهر

خليني أقولك إن "الأبهر" مش مصطلح طبي دقيق.. الوجع ده في الغالب بيكون شد عضلي قوي ناتج عن عادات يومية غلط بنعملها من غير ما نحس، زي القعدة الطويلة قدام اللاب توب أو الموبايل، أو حركة مفاجئة للرقبة.

❌ الخطأ الأكبر اللي بشوف المرضى بيقعوا فيه فوراً هو عمل مساج جامد أو "الطقـطـقة"! ده ممكن يزود الالتهاب، لأن العضلة في المرحلة دي بتكون محتقنة جداً ومش مستحملة ضغط.

🤨عشان كده دايماً بسأل اصدقائي المرضي ف العيادة سؤالين مهمين جداً:

1️⃣ بتشربوا مية كويس؟

2️⃣ بتاخدوا نفس كويس؟
لأن شرب المية والتنفس الصح هما الحياة للعضلات دي، ونقصهم بيزود الشد والعقد العضلية جداً.

💡طب نعمل ايه ؟!

1️⃣ نوقف أي حركات مفاجئة للرقبة.
2️⃣ نستخدم كمدات دافية لتحسين الدوره الدموية.
3️⃣ الاستعانة ببعض التمرينات البسيطة (بعد استشارة طبيبك).

👩🏻‍⚕️ ببساطة.. لو حاسس بالألم ده ورقبتك بتوجعك، لازم تعرف إيه سبب المشكلة الأساسي عشان نعالجه صح وما تتكررش تاني!
ابعتلنا قولنا :012 00897901

#الأبهر #فيبرومالجيا
#الفيبرو

02/06/2026

أول ما بتسمع كلمة "طب رياضي" عينك بتروح على الملعب ولاعب مصاب علطول.. صح؟ ⛳️⚽️🥇

الحقيقة إن الطب الرياضي مش بس إصابات!
الطب الرياضي "ماما الملعب "
الطب الرياضي علم شامل بيهتم بأدق التفاصيل، هدفه الأساسي:
✅ إزاي تتحرك صح.
✅ إزاي تتنفس صح.
✅ إزاي توظف قدرات جسمك بأعلى كفاءة عشان تتجنب المشكلة من الأساس.

طب ولو المشكلة حصلت؟ بيوصل للأسباب الحقيقية ويعالجها من الجذور. 👌

وعشان الصورة تكمل، في حقيقتين لازم نوضحهم:
1️⃣ هو تخصص "طب بشري" في المقام الأول: فلازم نفرق بين الطبيب البشري وأخصائي العلاج الطبيعي،
الطبيب البشري هو ال (بيشخص، ويطلب فحوصات، ويحط خطة علاج)
بيجي بعده دور أخصائي العلاج الطبيعي والتأهيل كجزء مكمل ومهم جداً للمنظومة.
2️⃣ هو تخصص مش للرياضيين بس.. ده تخصص بيهتم "بجودة حياتك": التخصص ده مهم لغير الرياضيين وللكبير وللصغير عشان يخلصك من آلام العضلات او المفاصل الناتجة عن قعدة المكتب والشغل، ويساعد علي تعديل قوام جسمك .

👀شوف الفيديو كامل ..

ومستنينك تقولنا في الكومنتات: كنت تعرف إيه عن الطب الرياضي قبل البوست ده؟ 🤔👇🎥
012 00897901

وليه الطب الرياضي هو #ﻣﺎﻣﺎ _ الملعب" 👩🏻‍⚕️

#طب _ رياضي #صحة #راحة #حياة

18/05/2026

16/05/2026

انتظرونا.........🙃😉😇