Fatma Hamoda لايف كوتش

Fatma Hamoda لايف كوتش Contact information, map and directions, contact form, opening hours, services, ratings, photos, videos and announcements from Fatma Hamoda لايف كوتش, Mental Health Service, Cairo.

Coach Fatma Hamoda
“Life Coach”
لايف كوتش معتمد
مدرب بالجمعيه المصريه لللايف كوتشنج
ماجيستير في التنمية البشرية
دكتوراه في الصحه النفسية والإرشاد الأسري
سفيره بالاتحاد الدولي للمدربين العرب
قائد بالمؤسسة الوطنيه للشباب

23/07/2026

🌙✨ ليلة الجمعة فرصة جميلة نملأها بالصلاة على سيدنا النبي ﷺ

قال رسول الله ﷺ:
“أكثروا من الصلاة علي يوم الجمعة وليلة الجمعة”

دقيقة من وقتك الليلة…
رددها بقلبك قبل لسانك:

اللهم صلِّ وسلم وبارك على سيدنا محمد، وعلى آله وصحبه أجمعين 🤍

اللهم صلِّ على محمد عدد ما صلى عليه المصلون، وصلِّ عليه عدد ما غفل عن الصلاة عليه الغافلون.

رددها واكتب في التعليقات:
ﷺ 🤍

#طمأنينة

أغلب اختياراتنا الغلط… مش بتبدأ من برّه، بتبدأ من جوانا. 💭في ناس كل مرة تدخل علاقة مؤذية… 💔وناس كل شغلانة تستنزفها لحد آ...
23/07/2026

أغلب اختياراتنا الغلط… مش بتبدأ من برّه، بتبدأ من جوانا. 💭

في ناس كل مرة تدخل علاقة مؤذية… 💔
وناس كل شغلانة تستنزفها لحد آخر نقطة… 📉
وناس تجري ورا كل تريند، وكل رأي، وكل شخص مؤثر… 🌪️
كأنها طول الوقت مستنية حد يقولها هي تعمل إيه.

ولو بصيت بعمق… 👀
هتكتشف إن المشكلة في أوقات كتير مش في الاختيار نفسه…
لكن في اللي بيختار.

لما الطفل يكبر وهو عمره ما حس إنه كفاية… 🧒💔
كل نجاح هيحاول يثبت بيه نفسه.
وكل علاقة هيجري وراها عشان ياخد منها الإحساس بالأمان. 🤍
وكل رفض هيعتبره دليل إنه مش مستحق.

ولما يكبر وهو متعود إن حبه مرتبط برضا الناس…
هيقول “آه” وهو نفسه يقول “لأ”. 🚫
هيقبل الإهانة خوفًا من الفقد.
وهيشتغل فوق طاقته عشان يثبت قيمته. 💼
وهيصدق أي تريند عشان يخاف يبقى مختلف.

المشكلة إننا ساعات بنفتكر إننا بنختار بحرية…
وإحنا في الحقيقة بنكرر احتياج قديم. 🔄

احتياج لطفل كان نفسه يسمع: 🫂

🤍 “إنت كفاية.”
🤍 “إنت محبوب.”
🤍 “وجودك له قيمة… حتى لو ما أبهرتش حد.”

عشان كده…
بناء الثقة بالنفس مش رفاهية. 🌱
والأمان النفسي مش كلام تنمية بشرية.

دول الأساس اللي بتتبني عليه اختياراتك…
❤️ شريك حياتك.
💼 شغلك.
🛑 حدودك.
🪞 وحتى الطريقة اللي بتشوف بيها نفسك.

يمكن أكبر تغيير في حياتك… مش إنك تلاقي الشخص الصح.

✨ يمكن أكبر تغيير… إنك تعالج الجزء اللي كان طول عمره بيختار من مكان مليان خوف، مش من مكان مليان وعي.

💬 سؤال بجد:
كم اختيار في حياتك كان نابع من رغبتك الحقيقية…
وكم اختيار كان مجرد محاولة قديمة عشان تحس إنك تستحق؟

🤗🤞
#وعي


في نوعين من الستات في الدنيا…واحدة كل يوم بتصحى شايلة هم البيت، وهم الأولاد، وهم الناس، وكلام المجتمع…وتفضل تأجل نفسها ل...
22/07/2026

في نوعين من الستات في الدنيا…

واحدة كل يوم بتصحى شايلة هم البيت، وهم الأولاد، وهم الناس، وكلام المجتمع…

وتفضل تأجل نفسها لحد ما تنام وهي حاسة إنها عايشة على الهامش، ومحدش مهتم بيها.

والتانية؟

بتقوم وهي عارفة إن الاهتمام بنفسها مش أنانية… ده اولوية، ومسؤولية.

بتحب جسمها وهي في رحلة تطويره.
بتحط حدود باحترام.
وبترفض تعيش دور الضحية، حتى لو ظروفها صعبة.

اسألي نفسك بصراحة…إنتِ مين فيهم؟

اللي مستنية الحياة والظروف تتغير عشان ترتاح؟

ولا اللي بدأت تغيّر نفسها عشان تعرف تتعامل مع الحياة بشكل أفضل؟

الاهتمام بالناس جميل…
لكن لما يكون على حساب صحتك النفسية، وكرامتك، وأحلامك… يبقى محتاج يتراجع.

من النهارده، خدي قرار:

✨ حبي نفسك واحترميها .
✨بطلي تعتذري وتحسي بالذنب كل مرة تخصصي وقت لنفسك.
✨ حطي حدود مع أي حد يقلل منك.
✨ اتعلمي تقولي لأ، وامتي تقوليها.
✨ ما تستنيش تشجيع من حد عشان تبدأي.
✨ ما تكمليش في علاقة أو مكان بيخليكِ تشكي في قيمتك.

لما تتغيري من جوا…
هتتغير طريقة اختياراتك، وردود أفعالك، والعلاقات اللي بتسمحي تدخل حياتك.

ولو حد اتضايق إنك بقيتي بتحبي نفسك وتحترميها…اسألي نفسك:

هو متضايق من تغييرك… ولا من إنه مبقاش يقدر يستغل تنازلاتك؟

❤️ حب النفس الحقيقي مش غرور…

هو إنك تعرفي قيمتك، من غير ما تقللي من قيمة حد تاني.

قوليلي في التعليقات… إيه أول حاجة هتبطلي تعمليها من النهارده؟ 👇

🤗🤞


👑

أكتر حاجة بتسرق طاقتك… مش المسؤوليات، لكن إنك تحاولي تغيّري الناس! ⚡الست العاقلة الراسية 🤍هي اللي عارفة إن أكتر شخص تقدر...
21/07/2026

أكتر حاجة بتسرق طاقتك… مش المسؤوليات، لكن إنك تحاولي تغيّري الناس! ⚡

الست العاقلة الراسية 🤍

هي اللي عارفة إن أكتر شخص تقدر تغيّره هو نفسها.

فبدل ما تفضل مستنزفة وهي بتحاول تغيّر اللي حواليها… بتستثمر طاقتها في إنها تتشافي وتتعافي فبتتعلم، وتفهم نفسها، وتطوّر من شخصيتها. 🌱

ولما هي بتتغير…
✨ علاقتها بجوزها بتتحسن.
✨ تربيتها لأولادها بتبقى أهدى.
✨ شغلها بيتطور.
✨ وصحتها النفسية والجسدية بتبقى أحسن.

لأن الطاقة… لما تروح للمكان الصح، بتكبر. 💛

فبتبقى زي الشمس… ☀️
تنوّر اللي حواليها من غير ما تحترق.

أما اللي كل تركيزها على تغيير الناس…
بتدخل في دايرة ملهاش آخر من الجدال، والزعل، والشكوى. 😮‍💨

وكل ما تكتشف إن الناس مش هتتغير بالشكل اللي هي عايزاه…
بتحس إنها مستنزفة، وتعيش دور الضحية وبتفضل شايفة إن سبب تعبها هو كل اللي حواليها. 🔄

وده مش معناه إنك تسكتي على الغلط أو تقبلي الأذى…
لكن معناه تعرفي الفرق بين:
✔️ حاجة تقدري تغيّريها.
❌ وحاجة مش في إيدك أصلًا.

لأن أول تغيير حقيقي…
بيبدأ منك إنتِ. ❤️

وقوليلي بقى… 👇
إنتِ أغلب طاقتك بتروح في تطوير نفسك…
ولا في محاولة تغيير اللي حواليكي؟

🤗🤞

#رايقة

لو اضطريت تختار شخص واحد يكون سندك لآخر العمر… هتختار مين؟ ❤️أقولك بصراحة ومن غير تحيّز…العكاز الحقيقي في الحياةمش الفلو...
19/07/2026

لو اضطريت تختار شخص واحد يكون سندك لآخر العمر… هتختار مين؟ ❤️

أقولك بصراحة ومن غير تحيّز…

العكاز الحقيقي في الحياة
مش الفلوس، ولا العيال، ولا حتى أصحابك القريبين منك…
ولا الشغل اللي بتفضل تجري وراه
وتيجي على بيتك وزوجتك علشانه.

العكاز الحقيقي هو زوجتك وشريكة حياتك ❤️

العيال مهما كانوا بيحبوك،
هييجي وقت ينشغلوا بحياتهم…
يسافروا، يتجوزوا، يجروا ورا أحلامهم،
وساعتها تفضل مجرد ذكرى حلوة جواهم،
وآخرهم مكالمة سريعة أو زيارة أسبوعية.

لكن هي…
هي اللي كانت جنبك في أول الطريق،
وهي اللي هتفضل لآخره،
تسندك لما تتعب،
وتطبطب عليك لما الدنيا تبجي عليك. 💫

ولا أخ، ولا أخت، ولا صاحب
هيعرف يديك نفس الإحساس بالأمان والونس اللي منها.
الكل بيكمّل حياته،
بس هي بتكمّل حياتها بيك ❤️

وقال رسول الله ﷺ
خيركم خيركم لأهله وأنا خيركم لأهلي. 🌹

وافتكر دايمًا،
كل ما أكرمتها أكرمك الله،
وفتح لك أبواب رزق ما كنتش تتخيلها من حيث لا تعلم ولا تحتسب،
وأصلح ما بينكم وجعل بينكم مودة ورحمة. 🤲

علشان كده…
حافظوا على بعض،
اتغافلوا عن الزلات،
وافتكروا إن العِشرة الطيبة مش بتتقدر بتمن.

في الآخر،
مش الفلوس اللي بتسند،
ولا الجاه اللي بيطمن،
ده القلب اللي اختار يكون سكنك ويكمل معاك الطريق بمودة ورحمة ❤️

سؤال ليك…
هل شايف إن شريك الحياة هو السند الحقيقي في آخر العمر؟ وليه؟

🤗🤞

#وعي

قصص الحب في الاسلام بتعلمنا ان الحب رزق من الله سبحانه وتعالى ❤️ﻗﺼﺔ ﺣﺐ ❤️ﺫﻫﺐ ﺃﺑﻮ ﺍﻟﻌﺎﺹ ﺇﻟﻰ ﺍﻟﻨﺒﻲ صل ﺍﻟﻠﻪ ﻋﻠﻴﻪ ...
17/07/2026

قصص الحب في الاسلام بتعلمنا ان الحب رزق من الله سبحانه وتعالى


❤️ﻗﺼﺔ ﺣﺐ ❤️

ﺫﻫﺐ ﺃﺑﻮ ﺍﻟﻌﺎﺹ ﺇﻟﻰ ﺍﻟﻨﺒﻲ صل ﺍﻟﻠﻪ ﻋﻠﻴﻪ ﻭ ﺳﻠﻢ ﻗﺒﻞ ﺍﻟﺒﻌﺜﺔ،
ﻭ ﻗﺎﻝ ﻟﻪ : ﺃﺭﻳﺪ ﺃﻥ ﺃﺗﺰﻭﺝ ﺯﻳﻨﺐ ﺍﺑﻨﺘﻚ ﺍﻟﻜﺒﺮﻯ.
ﻓﻘﺎﻝ ﻟﻪ ﺍﻟﻨﺒﻲ : ﻻ‌ ﺃﻓﻌﻞ ﺣﺘﻰ ﺃﺳﺘﺄﺫﻧﻬﺎ.
ﻭ ﻳﺪﺧﻞ ﺍﻟﻨﺒﻲ صل ﺍﻟﻠﻪ ﻋﻠﻴﻪ ﻭ ﺳﻠﻢ ﻋﻠﻰ ﺯﻳﻨﺐ
ﻭ ﻳﻘﻮﻝ ﻟﻬﺎ : ﺍﺑﻦ ﺧﺎﻟﺘﻚ ﺟﺎﺀﻧﻲ ﻭ ﻗﺪ ﺫﻛﺮ ﺍﺳﻤﻚ ﻓﻬﻞ ﺗﺮﺿﻴﻨﻪ ﺯﻭﺟﺎً ﻟﻚ ؟

ﻓﺨﺮﺝ ﺍﻟﻨﺒﻲ عليه الصلاة و السلام . . . .

ﻭ ﺗﺰﻭﺟﺖ ﺯﻳﻨﺐ ﺃﺑﺎ ﺍﻟﻌﺎﺹ ﺑﻦ ﺍﻟﺮﺑﻴﻊ ، ﻟﻜﻲ ﺗﺒﺪﺃ ﻗﺼﺔ ﺣﺐ ﻗﻮﻳﺔ .
ﻭ ﺃﻧﺠﺒﺖ ﻣﻨﻪ 'ﻋﻠﻲ' ﻭ ' ﺃﻣﺎﻣﺔ '. ﺛﻢ ﺑﺪﺃﺕ ﻣﺸﻜﻠﺔ ﻛﺒﻴﺮﺓ ﺣﻴﺚ ﺑﻌﺚ ﺍﻟﻨﺒﻲ .
ﻭ ﺃﺻﺒﺢ ﻧﺒﻴﺎً ﺑﻴﻨﻤﺎ ﻛﺎﻥ ﺃﺑﻮ ﺍﻟﻌﺎﺹ ﻣﺴﺎﻓﺮﺍً ﻭ ﺣﻴﻦ ﻋﺎﺩ ﻭﺟﺪ ﺯﻭﺟﺘﻪ ﺃﺳﻠﻤﺖ.
ﻓﺪﺧﻞ ﻋﻠﻴﻬﺎ ﻣﻦ ﺳﻔﺮﻩ ،
ﻓﻘﺎﻟﺖ ﻟﻪ : ﻋﻨﺪﻱ ﻟﻚ ﺧﺒﺮ ﻋﻈﻴﻢ .
ﻓﻘﺎﻡ ﻭ ﺗﺮﻛﻬﺎ .
ﻓﺎﻧﺪﻫﺸﺖ ﺯﻳﻨﺐ ﻭ ﺗﺒﻌﺘﻪ ﻭ ﻫﻲ ﺗﻘﻮﻝ : ﻟﻘﺪ ﺑﻌﺚ ﺃﺑﻲ ﻧﺒﻴﺎً ﻭ ﺃﻧﺎ ﺃﺳﻠﻤﺖ .
ﻓﻘﺎﻝ : ﻫﻼ‌ ﺃﺧﺒﺮﺗﻨﻲ ﺃﻭلا ‌ً؟

ﻭ ﺗﻄﻞ ﻓﻲ الأﻓﻖ ﻣﺸﻜﻠﺔ ﺧﻄﻴﺮﺓ ﺑﻴﻨﻬﻤﺎ. ﻣﺸﻜﻠﺔ ﻋﻘﻴﺪﺓ.
ﻗﺎﻟﺖ ﻟﻪ : ﻣﺎ ﻛﻨﺖ ﻷ‌ُﻛﺬِّﺏ ﺃﺑﻲ. ﻭ ﻣﺎ ﻛﺎﻥ ﺃﺑﻲ ﻛﺬﺍﺑﺎً . ﺇﻧّﻪ ﺍﻟﺼﺎﺩﻕ الأ‌ﻣﻴﻦ. ﻭ ﻟﺴﺖ ﻭﺣﺪﻱ . ﻟﻘﺪ ﺃﺳﻠﻤﺖ ﺃﻣﻲ ﻭﺃﺳﻠﻢ ﺇﺧﻮﺗﻲ ،
ﻭ ﺃﺳﻠﻢ ﺍﺑﻦ ﻋﻤﻲ (ﻋﻠﻲ ﺑﻦ ﺃﺑﻲ ﻃﺎﻟﺐ) ، ﻭ ﺃﺳﻠﻢ ﺍﺑﻦ ﻋﻤﺘﻚ (ﻋﺜﻤﺎﻥ ﺑﻦ ﻋﻔﺎﻥ) . ﻭ ﺃﺳﻠﻢ ﺻﺪﻳﻘﻚ (ﺃﺑﻮ ﺑﻜﺮ ﺍﻟﺼﺪﻳﻖ).

ﻓﻘﺎﻝ : ﺃﻣﺎ ﺃﻧﺎ ﻻ‌ ﺃﺣﺐ ﺍﻟﻨﺎﺱ ﺃﻥ ﻳﻘﻮﻟﻮﺍ ﺧﺬّﻝ ﻗﻮﻣﻪ . ﻭﻛﻔﺮ ﺑﺂﺑﺎﺋﻪ ﺇﺭﺿﺎﺀً ﻟﺰﻭﺟﺘﻪ. ﻭ ﻣﺎ ﺃﺑﺎﻙ ﺑﻤﺘﻬﻢ .
ﺛﻢ ﻗﺎﻝ ﻟﻬﺎ : ﻓﻬﻼ‌ ﻋﺬﺭﺕ ﻭ ﻗﺪّﺭﺕ ؟
ﻓﻘﺎﻟﺖ : ﻭ ﻣﻦ ﻳﻌﺬﺭ ﺇﻥْ ﻟﻢ ﺃﻋﺬﺭ ﺃﻧﺎ ؟ ﻭ ﻟﻜﻦ ﺃﻧﺎ ﺯﻭﺟﺘﻚ ﺃﻋﻴﻨﻚ ﻋﻠﻰ ﺍﻟﺤﻖ ﺣﺘﻰ ﺗﻘﺪﺭ ﻋﻠﻴﻪ .
ﻭ ﻭﻓﺖ ﺑﻜﻠﻤﺘﻬﺎ ﻟﻪ 20 ﺳﻨﺔ.

ﻇﻞ ﺃﺑﻮ ﺍﻟﻌﺎﺹ ﻋﻠﻰ ﻛﻔﺮﻩ.

ﺛﻢ ﺟﺎﺀﺕ ﺍﻟﻬﺠﺮﺓ ، ﻓﺬﻫﺒﺖ ﺯﻳﻨﺐ ﺇﻟﻰ ﺍﻟﻨﺒﻲ ﻭ ﻗﺎﻟﺖ : ﻳﺎ ﺭﺳﻮﻝ ﺍﻟﻠﻪ . . ﺃﺗﺄﺫﻥ ﻟﻲ ﺃﻥْ ﺃﺑﻘﻰ ﻣﻊ ﺯﻭﺟﻲ .
ﻓﻘﺎﻝ ﺍﻟﻨﺒﻲ : ﺃﺑﻖ ﻣﻊ ﺯﻭﺟﻚ ﻭ ﺃﻭلا‌ﺩﻙ.
ﻭ ﻇﻠﺖ ﺑﻤﻜﺔ ﺇﻟﻰ ﺃﻥْ ﺣﺪﺛﺖ ﻏﺰﻭﺓ ﺑﺪﺭ،
ﻭ ﻗﺮّﺭ ﺃﺑﻮ ﺍﻟﻌﺎﺹ ﺃﻥ ﻳﺨﺮﺝ ﻟﻠﺤﺮﺏ ﻓﻲ ﺻﻔﻮﻑ ﺟﻴﺶ ﻗﺮﻳﺶ .
ﺯﻭﺟﻬﺎ ﻳﺤﺎﺭﺏ ﺃﺑﺎﻫﺎ. ﻭ ﻛﺎﻧﺖ ﺯﻳﻨﺐ ﺗﺨﺎﻑ ﻫﺬﻩ ﺍﻟﻠﺤﻈﺔ .
ﻓﺘﺒﻜﻲ ﻭ ﺗﻘﻮﻝ : ﺍﻟﻠﻬﻢ ﺇﻧّﻲ ﺃﺧﺸﻰ ﻣﻦ ﻳﻮﻡ ﺗﺸﺮﻕ ﺷﻤﺴﻪ ﻓﻴﻴﺘﻢ ﻭﻟﺪﻱ ﺃﻭ ﺃﻓﻘﺪ ﺃﺑﻲ .
ﻭ ﻳﺨﺮﺝ ﺃﺑﻮ ﺍﻟﻌﺎﺹ ﺑﻦ ﺍﻟﺮﺑﻴﻊ ﻭ ﻳﺸﺎﺭﻙ ﻓﻲ ﻏﺰﻭﺓ ﺑﺪﺭ ،
ﻭ ﺗﻨﺘﻬﻲ ﺍﻟﻤﻌﺮﻛﺔ ﻓﻴُﺆْﺳَﺮ ﺃﺑﻮ ﺍﻟﻌﺎﺹ ﺑﻦ ﺍﻟﺮﺑﻴﻊ ، ﻭ ﺗﺬﻫﺐ ﺃﺧﺒﺎﺭﻩ ﻟﻤﻜﺔ،
ﻓﺘﺴﺄﻝ ﺯﻳﻨﺐ: ﻭ ﻣﺎﺫﺍ ﻓﻌﻞ ﺃﺑﻲ ؟
ﻓﻘﻴﻞ ﻟﻬﺎ : ﺍﻧﺘﺼﺮ ﺍﻟﻤﺴﻠﻤﻮﻥ.
ﻓﺘﺴﺠﺪ ﺷﻜﺮﺍً ﻟﻠﻪ.
ﺛﻢ ﺳﺄﻟﺖ : ﻭ ﻣﺎﺫﺍ ﻓﻌﻞ ﺯﻭﺟﻲ ؟
ﻓﻘﺎﻟﻮﺍ : ﺃﺳﺮﻩ ﺣﻤﻮﻩ.
ﻓﻘﺎﻟﺖ : ﺃﺭﺳﻞ ﻓﻲ ﻓﺪﺍﺀ ﺯﻭﺟﻲ.

ﻭ ﻟﻢ ﻳﻜﻦ ﻟﺪﻳﻬﺎ ﺷﻴﺌﺎً ﺛﻤﻴﻨﺎً ﺗﻔﺘﺪﻱ ﺑﻪ ﺯﻭﺟﻬﺎ، ﻓﺨﻠﻌﺖ ﻋﻘﺪ ﺃﻣﻬﺎ ﺍﻟﺬﻱ ﻛﺎﻧﺖ ﺗُﺰﻳِّﻦ ﺑﻪ ﺻﺪﺭﻫﺎ،
ﻭ ﺃﺭﺳﻠﺖ ﺍﻟﻌﻘﺪ ﻣﻊ ﺷﻘﻴﻖ ﺃﺑﻲ ﺍﻟﻌﺎﺹ ﺑﻦ ﺍﻟﺮﺑﻴﻊ ﺇﻟﻰ ﺭﺳﻮﻝ ﺍﻟﻠﻪ صل ﺍﻟﻠﻪ ﻋﻠﻴﻪ ﻭ ﺳﻠﻢ.

ﻭ ﻛﺎﻥ ﺍﻟﻨﺒﻲ ﺟﺎﻟﺴﺎً ﻳﺘﻠﻘﻰ ﺍﻟﻔﺪﻳﺔ ﻭ ﻳﻄﻠﻖ ﺍلأ‌ﺳﺮﻯ، ﻭ ﺣﻴﻦ ﺭﺃﻯ ﻋﻘﺪ ﺍﻟﺴﻴﺪﺓ ﺧﺪﻳﺠﺔ ﺳﺄﻝ : ﻫﺬﺍ ﻓﺪﺍﺀ ﻣﻦ ؟
ﻗﺎﻟﻮﺍ : ﻫﺬﺍ ﻓﺪﺍﺀ ﺃﺑﻮ ﺍﻟﻌﺎﺹ ﺑﻦ ﺍﻟﺮﺑﻴﻊ.
ﻓﺒﻜﻰ ﺍﻟﻨﺒﻲ ﻭ ﻗﺎﻝ: ﻫﺬﺍ ﻋﻘﺪ ﺧﺪﻳﺠﺔ.
ﺛﻢ ﻧﻬﺾ ﻭ ﻗﺎﻝ: ﺃﻳﻬﺎ ﺍﻟﻨﺎﺱ . . ﺇﻥّ ﻫﺬﺍ ﺍﻟﺮﺟﻞ ﻣﺎ ﺫﻣﻤﻨﺎﻩ ﺻﻬﺮﺍً ﻓﻬﻼ‌ ﻓﻜﻜﺖ ﺃﺳﺮﻩ ؟
ﻭ ﻫﻼ‌ ﻗﺒﻠﺘﻢ ﺃﻥْ ﺗﺮﺩﻭﺍ ﺇﻟﻴﻬﺎ ﻋﻘﺪﻫﺎ ؟
ﻓﻘﺎﻟﻮﺍ : ﻧﻌﻢ ﻳﺎ ﺭﺳﻮﻝ ﺍﻟﻠﻪ.
ﻓﺄﻋﻄﺎﻩ ﺍﻟﻨﺒﻲ ﺍﻟﻌﻘﺪ، ﺛﻢ ﻗﺎﻝ ﻟﻪ : ﻗﻞ ﻟﺰﻳﻨﺐ ﻻ‌ ﺗﻔﺮﻃﻲ ﻓﻲ ﻋﻘﺪ ﺧﺪﻳﺠﺔ .
ﺛﻢ ﻗﺎﻝ ﻟﻪ : ﻳﺎ ﺃﺑﺎ ﺍﻟﻌﺎﺹ ﻫﻞ ﻟﻚ ﺃﻥ ﺃﺳﺎﺭﺭﻙ ؟
ﺛﻢ ﺗﻨﺤﻰ ﺑﻪ ﺟﺎﻧﺒﺎً ﻭ ﻗﺎﻝ ﻟﻪ : ﻳﺎ ﺃﺑﺎ ﺍﻟﻌﺎﺹ ﺇﻥّ ﺍﻟﻠﻪ ﺃﻣﺮﻧﻲ ﺃﻥْ ﺃُﻓﺮِّﻕَ ﺑﻴﻦ ﻣﺴﻠﻤﺔ ﻭ ﻛﺎﻓﺮ، ﻓﻬﻼ‌ ﺭﺩﺩﺕ ﺇﻟﻰ ﺍﺑﻨﺘﻲ ؟
ﻓﻘﺎﻝ : ﻧﻌﻢ.
ﻭ ﺧﺮﺟﺖ ﺯﻳﻨﺐ ﺗﺴﺘﻘﺒﻞ ﺃﺑﺎ ﺍﻟﻌﺎﺹ ﻋﻠﻰ ﺃﺑﻮﺍﺏ ﻣﻜﺔ ،
ﻓﻘﺎﻝ ﻟﻬﺎ ﺣﻴﻦ ﺭﺁﻫﺎ : ﺇﻧّﻲ ﺭﺍﺣﻞ.
ﻓﻘﺎﻟﺖ : ﺇﻟﻰ ﺃﻳﻦ؟
ﻗﺎﻝ : ﻟﺴﺖ ﺃﻧﺎ ﺍﻟﺬﻱ ﺳﻴﺮﺗﺤﻞ ، ﻭ ﻟﻜﻦ ﺃﻧﺖ ﺳﺘﺮﺣﻠﻴﻦ ﺇﻟﻰ ﺃﺑﻴﻚ .
ﻓﻘﺎﻟﺖ : ﻟﻢ ؟
ﻗﺎﻝ : ﻟﻠﺘﻔﺮﻳﻖ ﺑﻴﻨﻲ ﻭﺑﻴﻨﻚ. ﻓﺎﺭﺟﻌﻲ ﺇﻟﻰ ﺃﺑﻴﻚ.
ﻓﻘﺎﻟﺖ : ﻓﻬﻞ ﻟﻚ ﺃﻥ ﺗﺮﺍﻓﻘﻨﻲ ﻭﺗُﺴْﻠِﻢ ؟
ﻓﻘﺎﻝ : ﻻ‌.

ﻓﺄﺧﺬﺕ ﻭﻟﺪﻫﺎ ﻭ ﺍﺑﻨﺘﻬﺎ ﻭ ﺫﻫﺒﺖ ﺇﻟﻰ ﺍﻟﻤﺪﻳﻨﺔ.
ﻭ ﺑﺪﺃ ﺍﻟﺨﻄﺎﺏ ﻳﺘﻘﺪﻣﻮﻥ ﻟﺨﻄﺒﺘﻬﺎ ﻋﻠﻰ ﻣﺪﻯ 6 ﺳﻨﻮﺍﺕ، ﻭ ﻛﺎﻧﺖ ﺗﺮﻓﺾ ﻋﻠﻰ ﺃﻣﻞ ﺃﻥْ ﻳﻌﻮﺩ ﺇﻟﻴﻬﺎ ﺯﻭﺟﻬﺎ.

ﻭ ﺑﻌﺪ 6 ﺳﻨﻮﺍﺕ ﻛﺎﻥ ﺃﺑﻮ ﺍﻟﻌﺎﺹ ﻗﺪ ﺧﺮﺝ ﺑﻘﺎﻓﻠﺔ ﻣﻦ ﻣﻜﺔ ﺇﻟﻰ ﺍﻟﺸﺎﻡ،
ﻭ ﺃﺛﻨﺎﺀ ﺳﻴﺮﻩ ﻳﻠﺘﻘﻲ ﻣﺠﻤﻮﻋﺔ ﻣﻦ ﺍﻟﺼﺤﺎﺑﺔ. ﻓﺴﺄﻝ ﻋﻠﻰ ﺑﻴﺖ ﺯﻳﻨﺐ ﻭ ﻃﺮﻕ ﺑﺎﺑﻬﺎ ﻗﺒﻴﻞ ﺁﺫﺍﻥ ﺍﻟﻔﺠﺮ،
ﻓﺴﺄﻟﺘﻪ ﺣﻴﻦ ﺭﺃﺗﻪ : ﺃﺟﺌﺖ ﻣﺴﻠﻤﺎً ؟
ﻗﺎﻝ : ﺑﻞ ﺟﺌﺖ ﻫﺎﺭﺑﺎً.
ﻓﻘﺎﻟﺖ : ﻓﻬﻞ ﻟﻚ ﺇﻟﻰ ﺃﻥْ ﺗُﺴﻠﻢ؟
ﻓﻘﺎﻝ : ﻻ‌.
ﻗﺎﻟﺖ : ﻓﻼ‌ ﺗﺨﻒ . ﻣﺮﺣﺒﺎً ﺑﺎﺑﻦ ﺍﻟﺨﺎﻟﺔ. ﻣﺮﺣﺒﺎً ﺑﺄﺑﻲ ﻋﻠﻲ ﻭ ﺃﻣﺎﻣﺔ.

ﻭ ﺑﻌﺪ ﺃﻥ ﺃﻡّ ﺍﻟﻨﺒﻲ ﺍﻟﻤﺴﻠﻤﻴﻦ ﻓﻲ ﺻﻼ‌ﺓ ﺍﻟﻔﺠﺮ، ﺇﺫﺍ ﺑﺼﻮﺕ ﻳﺄﺗﻲ ﻣﻦ ﺁﺧﺮ ﺍﻟﻤﺴﺠﺪ :

ﻗﺪ ﺃﺟﺮﺕ ﺃﺑﻮ ﺍﻟﻌﺎﺹ ﺑﻦ ﺍﻟﺮﺑﻴﻊ.
ﻓﻘﺎﻝ ﺍﻟﻨﺒﻲ : ﻫﻞ ﺳﻤﻌﺘﻢ ﻣﺎ ﺳﻤﻌﺖ؟
ﻗﺎﻟﻮﺍ : ﻧﻌﻢ ﻳﺎ ﺭﺳﻮﻝ ﺍﻟﻠﻪ
ﻗﺎﻟﺖ ﺯﻳﻨﺐ : ﻳﺎ ﺭﺳﻮﻝ ﺍﻟﻠﻪ ﺇﻥّ ﺃﺑﺎ ﺍﻟﻌﺎﺹ ﺇﻥ ﺑﻌُﺪ ﻓﺎﺑﻦ ﺍﻟﺨﺎﻟﺔ ﻭﺇﻥْ ﻗﺮﺏ ﻓﺄﺑﻮ ﺍﻟﻮﻟﺪ ﻭ ﻗﺪ ﺃﺟﺮﺗﻪ ﻳﺎ ﺭﺳﻮﻝ ﺍﻟﻠﻪ.
ﻓﻮﻗﻒ ﺍﻟﻨﺒﻲ صل ﺍﻟﻠﻪ ﻋﻠﻴﻪ ﻭﺳﻠﻢ.
ﻭ ﻗﺎﻝ : ﻳﺎ ﺃﻳﻬﺎ ﺍﻟﻨﺎﺱ ﺇﻥّ ﻫﺬﺍ ﺍﻟﺮﺟﻞ ﻣﺎ ﺫﻣﻤﺘﻪ ﺻﻬﺮﺍً.
ﻭ ﺇﻥّ ﻫﺬﺍ ﺍﻟﺮﺟﻞ ﺣﺪﺛﻨﻲ ﻓﺼﺪﻗﻨﻲ ﻭ ﻭﻋﺪﻧﻲ ﻓﻮﻓّﻰ ﻟﻲ.
ﻓﺈﻥ ﻗﺒﻠﺘﻢ ﺃﻥ ﺗﺮﺩﻭﺍ ﺇﻟﻴﻪ ﻣﺎﻟﻪ ﻭﺃﻥ ﺗﺘﺮﻛﻮﻩ ﻳﻌﻮﺩ ﺇﻟﻰ ﺑﻠﺪﻩ ، ﻓﻬﺬﺍ ﺃﺣﺐ ﺇﻟﻲ . ﻭﺇﻥُ ﺃﺑﻴﺘﻢ ﻓﺎلأ‌ﻣﺮ ﺇﻟﻴﻜﻢ ﻭ ﺍﻟﺤﻖ ﻟﻜﻢ ﻭلا‌ ﺃﻟﻮﻣﻜﻢ ﻋﻠﻴﻪ.

ﻓﻘﺎﻝ ﺍﻟﻨﺎﺱ : ﺑﻞ ﻧﻌﻄﻪ ﻣﺎﻟﻪ ﻳﺎ ﺭﺳﻮﻝ ﺍﻟﻠﻪ.
ﻓﻘﺎﻝ ﺍﻟﻨﺒﻲ : ﻗﺪ ﺃﺟﺮﻧﺎ ﻣﻦ ﺃﺟﺮﺕ ﻳﺎ ﺯﻳﻨﺐ . . .

ﺛﻢ ﺫﻫﺐ ﺇﻟﻴﻬﺎ ﻋﻨﺪ ﺑﻴﺘﻬﺎ
ﻭ ﻗﺎﻝ ﻟﻬﺎ : ﻳﺎ ﺯﻳﻨﺐ ﺃﻛﺮﻣﻲ ﻣﺜﻮﺍﻩ ﻓﺈﻧّﻪ ﺍﺑﻦ ﺧﺎﻟﺘﻚ ﻭ ﺇﻧّﻪ ﺃﺑﻮ ﺍﻟﻌﻴﺎﻝ، ﻭ ﻟﻜﻦ ﻻ‌ ﻳﻘﺮﺑﻨﻚ، ﻓﺈﻧّﻪ ﻻ‌ ﻳﺤﻞ ﻟﻚ.

ﻓﻘﺎﻟﺖ : ﻧﻌﻢ ﻳﺎ ﺭﺳﻮﻝ ﺍﻟﻠﻪ.
ﻓﺪﺧﻠﺖ ﻭ ﻗﺎﻟﺖ ﻷ‌ﺑﻲ ﺍﻟﻌﺎﺹ ﺑﻦ ﺍﻟﺮﺑﻴﻊ: ﻳﺎ ﺃﺑﺎ ﺍﻟﻌﺎﺹ ﺃﻫﺎﻥ ﻋﻠﻴﻚ ﻓﺮﺍﻗﻨﺎ.
ﻫﻞ ﻟﻚ ﺇﻟﻰ ﺃﻥْ ﺗُﺴْﻠﻢ ﻭ ﺗﺒﻘﻰ ﻣﻌﻨﺎ.
ﻗﺎﻝ: ﻻ‌.
ﻭ ﺃﺧﺬ ﻣﺎﻟﻪ ﻭ ﻋﺎﺩ ﺇﻟﻰ ﻣﻜﺔ. ﻭ ﻋﻨﺪ ﻭﺻﻮﻟﻪ ﺇﻟﻰ ﻣﻜﺔ ﻭﻗﻒ
ﻭ ﻗﺎﻝ : ﺃﻳﻬﺎ ﺍﻟﻨﺎﺱ ﻫﺬﻩ ﺃﻣﻮﺍﻟﻜﻢ ﻫﻞ ﺑﻘﻰ ﻟﻜﻢ ﺷﻲﺀ؟
ﻓﻘﺎﻟﻮﺍ : ﺟﺰﺍﻙ ﺍﻟﻠﻪ ﺧﻴﺮﺍً ﻭﻓﻴﺖ ﺃﺣﺴﻦ ﺍﻟﻮﻓﺎﺀ.
ﻗﺎﻝ : ﻓﺈﻧّﻲ ﺃﺷﻬﺪ ﺃﻥ ﻻ‌ ﺇﻟﻪ ﺇلا ﺍﻟﻠﻪ ﻭﺃﻥ ﻣﺤﻤﺪﺍً ﺭﺳﻮﻝ ﺍﻟﻠﻪ.
ﺛﻢ ﺩﺧﻞ ﺍﻟﻤﺪﻳﻨﺔ ﻓﺠﺮﺍً ﻭﺗﻮﺟﻪ ﺇﻟﻰ ﺍﻟﻨﺒﻲ عليه الصلاة والسلام
ﻭ ﻗﺎﻝ: ﻳﺎ ﺭﺳﻮﻝ ﺍﻟﻠﻪ ﺃﺟﺮﺗﻨﻲ ﺑﺎلأ‌ﻣﺲ ﻭ ﺍﻟﻴﻮﻡ ﺟﺌﺖ ﺃﻗﻮﻝ ﺃﺷﻬﺪ ﺃﻥ ﻻ‌ ﺇﻟﻪ إلا‌ ﺍﻟﻠﻪ ﻭﺃﻧﻚ ﺭﺳﻮﻝ ﺍﻟﻠﻪ.
ﻭﻗﺎﻝ ﺃﺑﻮ ﺍﻟﻌﺎﺹ ﺑﻦ ﺍﻟﺮﺑﻴﻊ: ﻳﺎ ﺭﺳﻮﻝ ﺍﻟﻠﻪ ﻫﻞ ﺗﺄﺫﻥ ﻟﻲ ﺃﻥْ ﺃﺭﺍﺟﻊ ﺯﻳﻨﺐ؟
ﻓﺄﺧﺬﻩ ﺍﻟﻨﺒﻲ ﻭ ﻗﺎﻝ : ﺗﻌﺎﻝ ﻣﻌﻲ.
ﻭ ﻭﻗﻒ ﻋﻠﻰ ﺑﻴﺖ ﺯﻳﻨﺐ ﻭ ﻃﺮﻕ ﺍﻟﺒﺎﺏ ﻭ ﻗﺎﻝ :
ﻳﺎ ﺯﻳﻨﺐ ﺇﻥّ ﺍﺑﻦ ﺧﺎﻟﺘﻚ ﺟﺎﺀ ﻟﻲ ﺍﻟﻴﻮﻡ ﻳﺴﺘﺄﺫﻧﻨﻲ ﺃﻥْ ﻳﺮﺍﺟﻌﻚ ﻓﻬﻞ ﺗﻘﺒﻠﻴﻦ؟

ﻓﺄﺣﻤﺮّ ﻭﺟﻬﻬﺎ ﻭ ﺍﺑﺘﺴﻤﺖ.

ﺧﺘﺎﻡ ﻗﺼﺔ ﺍﻟﺤﺐ🌹

ﻭ ﺑﻌﺪ ﺳﻨﺔ ﻣﻦ ﻫﺬﻩ ﺍﻟﻮﺍﻗﻌﺔ ﻣﺎﺗﺖ ﺯﻳﻨﺐ
ﻓﺒﻜﺎﻫﺎ ﺑﻜﺎﺀ ﺷﺪﻳﺪﺍً ﺣﺘﻰ ﺭﺃﻯ ﺍﻟﻨﺎﺱ ﺭﺳﻮﻝ ﺍﻟﻠﻪ ﻳﻤﺴﺢ ﻋﻠﻴﻪ ﻭ ﻳﻬﻮﻥ ﻋﻠﻴﻪ،
ﻓﻴﻘﻮﻝ ﻟﻪ : ﻭ ﺍﻟﻠﻪ ﻳﺎ ﺭﺳﻮﻝ ﺍﻟﻠﻪ ﻣﺎ ﻋﺪﺕ ﺃﻃﻴﻖ ﺍﻟﺪﻧﻴﺎ ﺑﻐﻴﺮ ﺯﻳﻨﺐ .
ﻭ ﻣﺎﺕ ﺑﻌﺪ ﺳﻨﺔ ﻣﻦ ﻣﻮﺕ ﺯﻳﻨﺐ.

ﻓﻬﻞ ﺭﺃﻳﺘﻢ ﻭﻓﺎﺀ ﻭ ﺣﺒﺎ ﻛﻬﺬﺍ ؟! 🌺

ما أروعها من قصة حب !!

الحب مش حرام لكن تعدينا للحدود الدينية والأخلاقية هو اللي حرام

اللهم ارزقنا حبك وحب من يحبك وحب كل عمل يقربنا الي حبك 🤲❤️

🌿 جمعة مباركة 🌿

اغتنموا هذا اليوم المبارك بكثرة الصلاة على النبي ﷺ وقراءة سورة الكهف

قال رسول الله ﷺ
«إنَّ مِن أفضلِ أيامِكم يومَ الجمعةِ فأكثروا عليَّ من الصلاةِ فيه»
رواه أبو داود والنسائي وصححه الألباني

وقال ﷺ
«من قرأ سورة الكهف يوم الجمعة أضاء له من النور ما بين الجمعتين»
رواه الحاكم والبيهقي وصححه عدد من أهل العلم

اللهم صل وسلم وبارك على سيدنا محمد وعلى آله وصحبه وسلم

نسأل الله أن يجعل لنا من هذا اليوم نورًا ورحمةً ومغفرةً واستجابةً للدعاء وأن يرزقنا حسن العمل وحسن الختام
جمعة مباركة عليكم وعلى من تحبون 🤍

🤗🤞
#جمعةمباركة

#الحب

#علاقات
#تنميةالذات



هقول رأيي بكل هدوء… ومن غير خناقات 😅بصوا أنا مؤمنة جدًا بالقِوامة…بس القِوامة الصح — مش التسلّط!القِوامة اللي فيها راجل ...
16/07/2026

هقول رأيي بكل هدوء… ومن غير خناقات 😅

بصوا أنا مؤمنة جدًا بالقِوامة…

بس القِوامة الصح — مش التسلّط!

القِوامة اللي فيها راجل بيقود بحكمة وبيسند، مش بيتحكم 💪

اللي بيجود من وقته وماله وعلمه، وبيخلي مراته تحس بالأمان، مش بالخنقة ❤️

بصراحة؟

أكتر حياة مريحة في رأيي…

هي اللي الراجل فيها قائد والسِت فيها متدلعة ومطمّنة، ومسنودة.

تهتم بنفسها ، و بولادها، و بإسعاد زوجها كمان ✨

أنا مش من مدرسة “أنا السترونج إندبندنت وومن” دي خالص 😅
أنا قارورة يا جماعة، زي ما وصفنا سيدنا النبي ﷺ

القارورة اللي بتعتمد علي راجل يعرف قيمتها ويتعامل معاها على قدّ رقتها 💐

إنتوا شايفين الدلع رفاهية… ولا احتياج في أي علاقة زوجية ناجحة؟ 🤍🌹

🤗🤞

#قارورة

كم مرة سمعت رجلًا يقول أنا بصرف عليها يبقى عملت اللي عليالكن هل الإنفاق في الزواج مجرد أكل وشرب وفواتير أم أنه أحد أهم م...
15/07/2026

كم مرة سمعت رجلًا يقول أنا بصرف عليها يبقى عملت اللي عليا

لكن هل الإنفاق في الزواج مجرد أكل وشرب وفواتير أم أنه أحد أهم مفاتيح الأمان النفسي والاستقرار الأسري

الإنفاق على الزوجة ليس مجرد تحويل أموال أو توفير احتياجات البيت بل هو رسالة تقول لها كل يوم

أنت في ذمتي وأمانتي ولن أتركك تحملين هم الحياة وحدك

جعل الله النفقة على الزوجة واجبًا على الزوج فقال تعالى

﴿الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ﴾

وقال سبحانه

﴿لِيُنفِقْ ذُو سَعَةٍ مِن سَعَتِهِ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّهُ﴾

وقال رسول الله ﷺ

“ولهن عليكم رزقهن وكسوتهن بالمعروف”

فالنفقة حق للزوجة وواجب على الزوج بحسب استطاعته وبالمعروف دون إسراف أو تقتير

ومن حسن العشرة إذا وسع الله على الرجل أن يجعل لزوجته مصروفًا خاصًا بها لا تضطر معه أن تطلب أو تبرر كل احتياج فهذا يشعرها بالكرامة والاستقلال ويزيد المودة بينهما

تؤكد الدراسات النفسية أن الشعور بالأمان من أهم الاحتياجات الإنسانية وأن غيابه يرفع مستوى القلق والتوتر داخل العلاقة

فالمرأة عندما تشعر أن زوجها سند لها وأن مستقبلها ليس مهددًا تكون أكثر هدوءًا واطمئنانًا وأكثر قدرة على العطاء والتعاون

ولذلك فالمصروف الشخصي ليس مجرد مبلغ من المال بل قد يكون رسالة احترام وثقة وتقدير إذا قُدم بمحبة وفي حدود قدرة الزوج

❤️ وقصة أثرت في كثيرًا

قرأت لزوجة تقول إنها في بداية زواجها أعطت زوجها كل ذهبها ليساعداهما على بدء حياتهما

وبعدها فوجئت به يكتب لها نصف شقة الزوجية رغم أنها كانت كل ما يملك

اعترضت لكنه أصر

ومرت السنوات وفتح الله عليه من واسع فضله حتى أعاد إليها ذهبها كاملًا

فقالت له

الآن أعد نصف الشقة إلى اسمك

فابتسم وقال

هي شقتك سواء كان اسمك عليها أم لا

ثم قالت

كنت أتجاوز كثيرًا من الخلافات العادية لأنني كنت أشعر بالأمان لم أشعر يومًا أنني سأُترك أو أنني استُغللت ماديًا وكان يخصص لي مصروفًا خاصًا لا يحاسبني عليه فزاد احترامي له وتقديري له

وكان يقول لها

أنت أوسع أرزاقي وأجملها فأنا أكرمك لعل الله يكرمني

قد لا تكون هذه القصة قاعدة عامة فالرزق بيد الله وحده لكن يبقى الكرم وحسن العشرة والإحسان بين الزوجين من أعظم أسباب المودة والبركة

وفي النهاية

النفقة ليست وسيلة للسيطرة

وليست مجرد أرقام تُدفع آخر الشهر

بل هي مسؤولية شرعية ورسالة حب وشعور بالأمان يبني أسرة مستقرة

سؤال للنقاش

في رأيك ما الذي يمنح الزوجة شعورًا أكبر بالأمان

المال وحده

أم طريقة الزوج في الإنفاق والإكرام والاحتواء

أنتظر رأيك بكل احترام

🤗🤞

#كوتشنج

💭 لو مراتك صحيت يوم وقالتلك: “أنا مخنوقة ومش طايقة نفسي” من غير ما تعرف السبب… هتكون الشخص اللي يطمنها ولا الشخص اللي يك...
14/07/2026

💭 لو مراتك صحيت يوم وقالتلك: “أنا مخنوقة ومش طايقة نفسي” من غير ما تعرف السبب… هتكون الشخص اللي يطمنها ولا الشخص اللي يكسرها أكتر؟

🤍 قبل ما تسألها “مالك؟” بعصبية أو تبدأ تدافع عن نفسك… اسأل نفسك الأول: هل هي محتاجة حل؟ ولا محتاجة تحس إنها مش لوحدها؟

لازم نعترف إن مشاكل الستات كلها تقريبا واحدة
ومشاكل الرجالة برضه فيها تشابه كبير

بس في الأول وفي الآخر
الراجل هو قائد الأمان في العلاقة 🤝

يعني لما الست اللي معاك بتديلك من أصل عشر حاجات إنت محتاجهم تمانية
ما تفضلش تحاسبها على الاتنين اللي ناقصين
قدر التمانية اللي بتعملهم 🙏
لأن اللي بيتشاف بيزيد
واللي بيتاخد كأنه واجب بيموت مع الوقت

أنا اتعلمت من الجواز إن المسؤولية مش مين يكسب النقاش
المسؤولية مين يحتوي وقت الضعف ❤️

الست ممكن تصحى يوم متجننة
ومالو
ما تتجنن

أكيد هي كمان استحملت منك أيام كنت عصبي أو مضغوط أو مش طايق نفسك

بدل ما تزود النار 🔥
اقعد جنبها
اسألها مالك
اسمعها
هون عليها 🤲

🚖 فاكره بوست قرأته من فترة علي السوشيال ميديا علي لسان صديقتها

صديقة عزيزة اتصلت بيا مرة وهي منهارة من العياط

بتحكي إنها كانت راكبة مع سواق تاكسي
وفجأة مراته اتصلت بيه وهي بتعيط لأن فلوسها اتسرقت في السوق

توقعت يزعق أو يلومها

لكن لقيته بيضحك ويقول لها

“فداكي يا ستي
في داهية الفلوس
والنبي ما تعيطي
وما تطبخيش النهارده
أنا هجيب أكل وأنا راجع”

💔 بتقولي نزلت من التاكسي أعيط
مش بسبب السواق
لكن لأن جوزي عمره ما احتواني بالطريقة دي
مع إنه أعلى منه في التعليم والمكانة

كان نفسي اكون صديقتها واقولها إن الاحتواء مالوش علاقة بالشهادات
ولا بالفلوس
ولا بالمناصب
ده فطرة وتربية وجينات ومهارة تكتسب لو حبينا😍

⭐ التقدير عامل زي النجمة الصغيرة اللي كان المدرس يحطهالنا زمان
ورقة ملهاش قيمة مادية
لكن كانت بتخلينا نحس إننا عملنا حاجة كبيرة

التقدير ممكن يبقى كلمة
أو نظرة
أو لمسة
أو حضن
أو رسالة
أو سؤال بسيط يقول
إنت تعبان في إيه
مالك🤍

🌱 صدقني
لما الإنسان يحس إن تعبه متشاف
هيتعب عشانك مرة واتنين وألف
مش لأنه مجبور
لكن لأنه عارف إن فيه حد مقدره

💬 وسؤالي ليكم

إيه أكتر موقف احتواء أو تقدير عمرك ما نسيته من شريك حياتك أو كنت تتمنى تعيشه؟

🤗🤞
#الاحتواء


Address

Cairo

Opening Hours

Monday 10am - 6pm
Tuesday 10am - 6pm
Wednesday 10am - 6pm
Thursday 10am - 6pm
Saturday 10am - 6pm
Sunday 10am - 6pm

Website

Alerts

Be the first to know and let us send you an email when Fatma Hamoda لايف كوتش posts news and promotions. Your email address will not be used for any other purpose, and you can unsubscribe at any time.

Shortcuts

Share

Category